Lajmet

Ukraina pretendon se të paktën 440 varre u gjetën në një vend varrimi masiv në Izium

Qendra për Komunikime Strategjike tha se kufomat e varrosura atje ishin “kryesisht civilë”.

Published

3 years ago

on

Ministria e Mbrojtjes e Ukrainës po pretendon se autoritetet ukrainase kanë gjetur 440 varre në një vend varrimi masiv në Izium, qytet ky që ushtria ukrainase së fundi e ka rimarrë nga kontrolli rus.

Më herët presidenti ukrainas Volodymyr Zelensky tha se gazetarëve ukrainas dhe ndërkombëtarë do t’u lejohet të shohin se çfarë ishte zbuluar. “Ne duam që bota të dijë se çfarë po ndodh realisht dhe në çfarë ka çuar pushtimi rus”, tha Zelensky.

Qendra për Komunikime Strategjike e Ukrainës tha të enjten se disa nga varret e zbuluara në Izium ishin “të freskëta” dhe se kufomat e varrosura atje ishin “kryesisht civilë”.

Izium iu nënshtrua sulmeve intensive të artilerisë ruse në prill dhe qyteti, i cili ndodhet afër kufirit midis rajoneve Kharkiv dhe Donetsk, u bë një qendër e rëndësishme për ushtrinë ruse gjatë pesë muajve të okupimit.

Forcat ukrainase morën përsëri kontrollin e qytetit të shtunën.

Zelensky tha gjatë fjalimit të tij të enjten se Rusia duhet të mbahet përgjegjëse për vdekjet atje dhe në qytete të tjera ku ishin gjetur një numër i madh trupash.

“Bucha, Mariupol dhe tani, për fat të keq, Izium… Rusia lë vdekjen kudo. Dhe duhet të jetë përgjegjëse për të. Bota duhet ta mbajë Rusinë përgjegjëse reale për këtë luftë. Ne do të bëjmë gjithçka për këtë”, shtoi ai.

Serhii Bolvinov, kryehetuesi i policisë për rajonin e Kharkiv, tha më herët për Sky News të Britanisë se mund të ketë edhe vende të tjera varrimi masiv në zonën e Kharkiv.

Duke folur konkretisht për 440 varret, Bolvinov tha se zhvarrosjet e deritanishme treguan se viktimat vdiqën për shkaqe të ndryshme.

“Ne e dimë se disa janë vrarë (qëlluar për vdekje), disa kanë vdekur për shkak të zjarrit të artilerisë, të ashtuquajturat trauma nga shpërthimi i minave. Disa vdiqën për shkak të sulmeve ajrore. Gjithashtu kemi informacione se shumë trupa ende nuk janë identifikuar. Kështu që arsyet e vdekjes do të përcaktohen gjatë hetimeve”, citon Sky News të ketë thënë Bolvinov.

Ndërkohë, Oleh Kotenko, komisioneri i Ukrainës për personat e zhdukur, tha në një postim në Telegram se operacionet e kërkimit për eshtrat e “heronjve të rënë” po vazhdonin me kujdes në të gjithë rajonin.

“Problemi më i madh është se disa zona janë ende të minuara. Pavarësisht kësaj, ne vazhdojmë të punojmë, sepse duhet ta kthejmë çdo hero në shtëpi, në mënyrë që familjet të nderojnë sa më parë kujtimin e ushtarëve që vdiqën për Ukrainën në mënyrë dinjitoze”, tha Kotenko.

Zelensky vizitoi Izium të mërkurën dhe u tha gazetarëve se ishte “i tronditur” nga numri i “ndërtesave të shkatërruara” dhe “njerëzve të vrarë” të mbetur në vazhdën e okupimit rus./UBTNews/

Related Topics:
Continue Reading

Aktualitet

UBT ofron 30 për qind bursë për të gjithë alumnit në programet master

Published

2 hours ago

on

August 12, 2025

By

UBT ka nisur një nismë të re për të mbështetur zhvillimin profesional të alumnëve të tij. Të gjithë të diplomuarit e UBT-së, tashmë mund të përfitojnë 30 për qind bursë për çdo program master që ofrohet në institucion.

Pse kjo është një mundësi e veçantë?

  • Thellim i njohurive në fusha të ndryshme profesionale
  • Përmirësim i aftësive për tregun e punës
  • Diplomë nga një institucion me standarde të larta dhe praktika bashkëkohore mësimdhënieje

Programet master në UBT janë të njohura për:

  • Cilësinë akademike
  • Fokusin në praktikë dhe aplikime reale
  • Përputhjen me kërkesat e tregut të punës
  • Mentorim nga profesorë dhe ekspertë me përvojë ndërkombëtare

Si të përfitoni?

Alumnit e interesuar mund të kontaktojnë Zyrën e Regjistrimit në UBT. Procesi i aplikimit është i thjeshtë, transparent dhe i shpejtë.

UBT vazhdon të qëndrojë pranë alumnëve të tij, duke investuar në suksesin e tyre afatgjatë. Bursa prej 30 për qind është një mundësi konkrete për t’i ndihmuar ata të zhvillojnë karrierën dhe të bëhen liderë në fushat e tyre./UBTNews

Continue Reading

Lajmet

​Kërcënoi një person duke i kërkuar 21 mijë euro, arrestohet për organizim të lojërave të fati

Published

3 hours ago

on

August 12, 2025

By

Drejtoria për Hetimin e Krimeve Ekonomike dhe Korrupsionit (DHKEK), përmes Njësisë Rajonale në Prizren, ka arrestuar një person nën dyshimin për përfshirje në veprat penale ‘organizimi i skemave piramidale dhe bixhozit të paligjshëm’ dhe ‘detyrimi’.

Rasti ka nisur më 11 gusht, pasi një ankues nga një fshat i Suharekës ka raportuar se po kërcënohet dhe detyrohet nga i dyshuari, gjithashtu nga një fshat i Suharekës.

Ankuesi ka deklaruar se para tri vitesh ka luajtur lojëra bixhozi në shumën rreth 9,000 euro, ndërsa tani i dyshuari i kërkon rreth 21,000 euro, duke ushtruar presion dhe kanosje të vazhdueshme për kthimin e borxhit.

Hetuesit dyshojnë se i dyshuari ka menaxhuar lojërat e fatit përmes adresave elektronike që operonin nga Zvicra dhe Kosova. Në kuadër të hetimeve, Policia ka sekuestruar një telefon për ekzaminim të mëtejshëm.

I dyshuari, identifikuar me inicialet A.L., lindur në vitin 1990 dhe shtetas kosovar, është intervistuar në prezencë të mbrojtësit dhe ndaj tij është iniciuar rasti penale me dyshimin për veprat ‘organizimi i skemave piramidale dhe bixhozit të paligjshëm’ dhe ‘detyrimi’.

Me aktvendim të prokurorit, i dyshuari është ndaluar për 48 orë.

Continue Reading

Lajmet

OSBE mirëpret rregulloren e re për ankesat zgjedhore: E forcon transparencën, buron nga rekomandimet e misionit të BE-së

Published

3 hours ago

on

August 12, 2025

By

Misioni i OSBE-së në Kosovë, përmes një postimi në rrjetet sociale, ka bërë të ditur se ka mirëpritur miratimin e rregullores së re për procedurat e paraqitjes dhe vendimmarrjes mbi ankesat nga Paneli Zgjedhor për Ankesa dhe Parashtresa (PZAP).

Nga OSBE është deklaruar se kur të zbatohet plotësisht rregullorja në fjalë, e njëjta do të forcojë transparencën dhe efektivitetin e të gjithë procesit zgjedhor.

‘‘Ky zhvillim buron nga rekomandimet e Misionit të Vëzhgimit të Zgjedhjeve të Bashkimit Evropian dhe ofron qartësi dhe koherencë të rëndësishme për aktorët kyç zgjedhorë’’, thuhet mes tjerash në postim.

Postimi:

Misioni i OSBE-së në Kosovë mirëpret miratimin e rregullores së re për procedurat e paraqitjes dhe vendimmarrjes mbi ankesat nga Paneli Zgjedhor për Ankesa dhe Parashtresa (PZAP).

Kjo rregullore e re, kur të zbatohet plotësisht, do të forcojë transparencën dhe efektivitetin e të gjithë procesit zgjedhor.

Ky zhvillim buron nga rekomandimet e Misionit të Vëzhgimit të Zgjedhjeve të Bashkimit Evropian dhe ofron qartësi dhe koherencë të rëndësishme për aktorët kyç zgjedhorë, përfshirë Komisionin Qendror të Zgjedhjeve, partitë politike, Komisionin e Pavarur për Media, Këshillin e Mediave të Shkruara dhe të tjerë.

Continue Reading

Lajmet

OEK do të vazhdojë betejën ligjore pas vendimit të Dhomës së Shkallës së Dytë të Gjykatës Komerciale

Published

4 hours ago

on

August 12, 2025

By

Oda Ekonomike e Kosovës ka pranuar me shqetësim që Dhoma e Shkallës së Dytë e Gjykatës Komerciale ka ndryshuar masën e sigurisë për shtyrjen e ekzekutimit të vendimit nr. 275/24, të datës 05.04.2024, dhe njoftimit të datës 12.03.2025 të nxjerrë nga ZRrE.

OEK, duke qenë institucion publik, nuk e komenton vendimin e Dhomës së Shkallës së Dytë të Gjykatës Komerciale, por njofton se do të vazhdojë betejën ligjore nëpërmjet mjeteve të tjera ligjore në dispozicion, brenda afateve të përcaktuara, dhe për këtë do të njoftojë me kohë të gjithë anëtarët e Odës Ekonomike të Kosovës.

Përkundër këtij vendimi, OEK kërkon nga Zyra e Rregullatorit për Energji që të mos marrë veprime të tjera që do t’i dëmtonin bizneset, të cilat tashmë janë dëmtuar nga vendimet e ZRrE-së që kanë shkuar në dëm të ekonomisë së vendit dhe kanë ndikuar në shtrenjtimin e jetesës së qytetarëve të Republikës së Kosovës.

Në ditët në vijim, ne do të konsultohemi me bizneset dhe do të shqyrtojmë hapat e tjerë që do të ndërmerren. Për këtë, do të njoftoheni me kohë.

Continue Reading

Të kërkuara