Lajmet

​Ukraina kryen sulmin më të thellë me dron në territorin rus, 12 të plagosur

Sulmet, në të cilat u plagosën 12 persona, janë më të thellat në territorin rus që nga fillimi i luftës.

Publikuar

Ukraina ka marrë përgjegjësinë për një sulm me dron në rajonin Tatarstan të Rusisë – më shumë se 1,300 km (807 milje) nga kufiri Ukrainë-Rusi.

Sulmet, në të cilat u plagosën 12 persona, janë më të thellat në territorin rus që nga fillimi i luftës.

Autoritetet lokale thanë se sulmet goditën qytetin Yelabuga, ku mendohet se prodhohen dronët, dhe një rafineri nafte në Nizhnekamsk aty pranë.

Sulmet ndodhën rreth orës 05:45 sipas orës lokale (02:45 GMT).

Yelabuga ndodhet në “zonën e veçantë ekonomike” Alabuga – një zonë me një sistem të veçantë ligjor që synon tërheqjen e investimeve të huaja. Dronët iranianë Shahed – të cilët përdoren shpesh nga Rusia për të sulmuar Ukrainën – mendohet se janë montuar në Yelabuga.

Sipas raportimeve të mediave, të paktën 12 persona – të gjithë studentë – u plagosën në Yelabuga.

Udhëheqësi rajonal i Tatarstanit, Rustam Minnikhanov tha se dronët nuk shkaktuan “asnjë dëm serioz” në infrastrukturën e asnjërës nga vendet dhe se operacionet e prodhimit ishin të paprekura.

Megjithatë, inteligjenca ushtarake e Ukrainës tha se sulmi në Yelabuga “shkaktoi shkatërrim të konsiderueshëm të objekteve të prodhimit”.

Menjëherë pas sulmeve, një video qarkulloi në internet që pretendonte se tregonte një avion të lehtë – që mendohet se ishte modifikuar për të fluturuar pa pilot – duke zbritur në një ndërtesë në Yelabuga përpara se të shpërthejë, duke dërguar një top zjarri në ajër.

Të martën në mëngjes, dronët u vunë re gjithashtu në rajonin Lipetsk në jug të Moskës dhe u lëshua një alarm për sulm ajror, thanë autoritetet lokale.

Prej disa muajsh, Kievi ka intensifikuar sulmet me dronë në territorin rus.

Ukraina ka paralajmëruar vazhdimisht se ushtria e saj po përballet me mungesa të mëdha municioni, por ka vendosur si objektiv prodhimin e një milion drone brenda vendit këtë vit.

Në fillim të këtij viti, Ukraina thuhet se ishte në gjendje të godiste një terminal të madh të eksportit të gazit pranë qytetit të Shën Petersburgut, 1,250 km (775 milje) nga kufiri Ukrainë-Rusi./BBC/

Lajmet

Ukraina pranon raketa me rreze veprimi prej 300 kilometrash nga ShBA-ja

Zëdhënësi i DASH-it njoftoi se këto raketa u dërguan me vendimin e presidentit amerikan, Joe Biden.

Publikuar

nga

Departamenti amerikan i Shtetit (DASH) konfirmoi vonë se Shtetet e Bashkuara i kanë dërguar Ukrainës raketa me rreze të gjata veprimi, të njohura si ATACMS.

Zëdhënësi i DASH-it njoftoi se këto raketa u dërguan me vendimin e presidentit amerikan, Joe Biden.

ATACMS, mund të godasin cakun në largësi të mëdha – deri në 300 kilometra larg – krahasuar me raketat me rreze veprimi prej 165 kilometrash që SHBA-ja ia dha Ukrainës në tetor.

Këshilltari për siguri kombëtare i Shtëpisë së Bardhë, Jake Sullivan theksoi më tutje se Ukraina është zotuar se do t’i përdorë këto armë vetëm brenda Ukrainës, dhe jo në Rusi.

Ndërkohë, presidenti amerikan Biden e nënshkroi dje pakon me ndihmë ushtarake për Ukrainën, pasi ajo u miratua nga Kongresi amerikan pas shumë vonesave.

Sipas zyrtarëve amerikanë, pjesa e parë e ndihmës për Ukrainën – që ka vlerë të përgjithshme prej 61 miliardë dollarësh.

Aty përfshihen armë të mbrojtjes ajrore, municione për artileri, autoblinda dhe armë të tjera që do t’iu dërgohen forcave ukrainase, të cilat po përballen me pushtimin që Rusia nisi në shkurt të vitit 2022.

Vazhdo të lexosh

Lajmet

Polonia është e gatshme të kthejë në Kiev ukrainasit që të shërbejnë në ushtri

Kështu bëri të ditur ministri polak i Mbrojtjes, Wladyslaw Kosiniak-Kamysz.

Publikuar

nga

Polonia e gatshme të ndihmojë Kievin, duke kthyer në Ukrainë burrat ukrainas që të plotësojnë kriterin e moshës për shërbim ushtarak, që të ndihmojnë shtetin e tyre në luftën kundër Rusisë, bëri të ditur minsitri polak i Mbrojtjes, Wladyslaw Kosiniak-Kamysz.

Ndërsa qeveria ukrainase njoftoi më 24 prill për rregullat e reja, ku sipas tël cilave pasaporta për burrat që plotësojnë moshën për shërbimin ushtarak mund të lëshohen vetëm brenda vendit e jo në misionet e huaja diplomatike.

Burrat nga mosha 18 deri 59 vjeç që jetojnë jashtë vendit nuk do të mund tl rinovojnë pasaportat të cilave u ka skaduar tashmë afati për marrjen e pasaportave të reja.

Polonia edhe më herët ka sugjeruar se do të ndihmonte shtetin ukrainas, në mënyrë që ata persona që janë subjekt i shërbimit ushtarak të kthehen në shtetin e tyre dhe të kryejnë obligimin, tha Kosiniak-Kamysz.

Gjithashtu Polonia ju ka ofruar status të mbrojtjes së përkohshme 950.000 ukrainase.

Polonia renditet nga Evropa e dyta, si shteti që ka strehuar më së shumti ukrainas, pas Gjermanisë./UBTNews/

Vazhdo të lexosh

Lajmet

Sot pritet të mbahet takimi i ri në Bruksel për çështjen e dinarit serb në Kosovë

Ky do të jetë takimi i pestë me rradhë mes mes kryenegociatorëve të dy vendeve për çështjen e dinarit serb.

Publikuar

nga

Kryenegociatorët e Kosovës dhe të Serbisë do të mbajnë një takim të ri sot në dialogun për normalizimin e marrëdhenëieve, për të vazhduar përpjekjet për gjetjen e një zgjidhjeje sa i përketë valutës dinar nga Serbia në Kosovë.

Ky do të jetë takimi i pestë me rradhë mes kryenegociatorëve të dy vendeve për çështjen e dinarit serb, përdorimi i të cilit u ndalua në Kosovë në shkurt.

Me rregulloren e re të BQK-s, euroja është caktuar si valuta e vetme në Kosovë për kryerjen e pagesave me para të gatshme që nga 1 shkurti i këtij viti.

Bashkësia ndërkombëtare i ka kërkuar Kosovës ta pezullojë rregulloren, në mënyrë që t’u jepet kohë qytetarëve që të përshtaten me praktikën e re.

Nga ana tjetër Qeveria e Kosovës ka këmbëngulur, është një vendim të pavarur të BQK-së e jo për vendim politik./REL/

Vazhdo të lexosh

Lajmet

Kush fitoi e kush humbi në zgjedhjet në Maqedoninë Veriore?

Siljanovska-Davkova dhe Pendarovski shkojnë në balotazh.

Publikuar

nga

Zgjedhjet Presidenciale në Maqedoninë Veriore do të vazhdojnë në raundin e dytë. Në zgjedhjet që u mbajtën të mërkurën, kandidati shqiptar nga Fronti Evropian, Bujar Osmani, doli i treti, ndërsa kandidati tjetër shqiptar nga koalicioni VLEN u rendit në vendin e katër. Balotazhi do të mbahet mes Siljanovska Davkova dhe Stevo Pendarovski.

Gordana Siljanovska Davkova e mbështetur nga VMRO-DPMNE, dhe Stevo Pendarovski i mbështetur nga LSDM, do të shkojnë në balotazh në zgjedhjet presidenciale në Maqedoninë Veriore.

Siljanovska Davkova, sipas rezultateve fillestare jozyrtare të Komisionit shtetëror zgjedhor nga votat e numëruara, ka fituar 349.746 vota – 40,23 përqind, përderisa Pendarovski 173,612 vota përkatësisht 19,97 përqind.

Në këto zgjedhjet, shqipatër garuan me dy kandidatë, Bujar Osmani nga Fronit Evropian dhe Arben Taravari nga koalicion VLEN.

Osmani nga BDI mori 116.319 vota (13,38), më pas Arben Taravari me 81.671 (13,38).

Ndërsa, Maksim Dimitrievski nga ZNAM me 76.894 (8,85), Biljana Vankovska me 39.660 (4,56) e mbështetur nga E Majta, dhe me më së paku vota është Stevço Jakimovski nga GROM me 7.898 vota.

Çka thanë Osmani e Taravari?

Bujar Osmani pak orë pasi dolën rezultate e para, shpalli fitoren e Frontit Evropian.

Osmani tha se që kanë shënuar fitore pothuajse në çdo komunë, teksa e pati një porosi për kundërshtarin të tij Arben Taravarit nga VLEN.

“Arben pavarësisht goditjeve të ulëta patëm një fushatë të ndershme dhe fer që me dinjitet sot të pranohet humbja dhe poashtu dhe fitorja. Vullneti i popullit është ai që përcakton karierat tona. Duhet të pranojmë këtë vullnet por edhe mesazhin që e dërguan sot shqiptarët dhe gjitha komunitetet tjera.” – ka thënë Osmani.

Nga ana tjetër, Arben Taravari, kandidat i koalicionit VLEN, ka thënë se ‘ata janë fitues të votës shqiptare’.

Kështu tha Taravari në një deklaratë për gazetarë:

“Jemi fitues të votës shqiptare. VLEN është përfaqësues i vetëm në qeverinë e ardhshme. BDI e ka humbur legjitimitetin te shqiptarët prandaj në zgjedhjet e 8 majit ne do të fitojmë. Do ta përmbysim rezultatin që sot BDI e mori me metoda kriminale. Ne treguam që jemi opsion demokratik që respektojmë vlerat evropiane. Me angazhimin e madh për ndryshim do ta kthejmë situatën. BDI arriti ta shkatërrojë mundësinë që presidenti të zgjidhej me zgjedhje të drejtpëdrejta. BDI do të shkruhet me shkronja të zeza në historinë e re politike, si një parti që punon për interesa të saj.” – ka thënë ai.

Këto zgjedhje patën vëmendje të madhe edhe në Kosovë, për shkak se Qeveria e Kosovës bashkë me kryeministrin, Albin Kurti, dolën hapur në përkrahje të kandidatit, Arben Taravari.

Ndaj Kurtit pati shumë kritika për përçarjen e shqiptarëve atje dhe humbjen e një mundësi që presidenti të jetë shqiptar.

Vazhdo të lexosh

Të kërkuara