Lajmet
Ukraina fton nënat ruse të marrin djemtë e tyre të kapur në fushëbetejë
“Ne kërkojmë që trupat e pushtuesve të largohen nga territori ukrainas dhe të shkojnë në Rusi”.
Ministria e Mbrojtjes e Ukrainës u ka kërkuar nënave të ushtarëve rusë që të shkojnë në kryeqytetin Kiev për të mbledhur djemtë e tyre, përcjell UBT News.
Ministria nisi një përpjekje për të turpëruar dhe vënë në siklet Rusinë për mënyrën se si po pushton, duke u ofruar nënave ruse mundësinë të vijnë dhe t’i marrin djemtë e tyre për t’i çuar në shtëpi.
Ata thanë, “Është marrë një vendim për t’ua dorëzuar ushtarët e kapur rusë nënave të tyre nëse vijnë për t’i marrë në Ukrainë, në Kiev”.
Ka pasur raporte të ukrainasve, ku këta të fundit u ofrojnë ushqim dhe çaj ushtarëve rusë që janë kapur ose dorëzuar, si dhe një video që qarkullon që lë të kuptohet se dikush lejohet të telefonojë me video nënën e tij për ta njoftuar se ai ishte gjallë dhe se po kujdeseshin për të.
Zëvendëskryeministrja e Ukrainës, Iryna Vereshchuk i ka kërkuar gjithashtu Kryqit të Kuq Ndërkombëtar që t’u japë ndihmë për të kthyer trupat e pajetë të ushtarëve rusë në atdheun e tyre.
Javën e kaluar ajo tha, “Ka mijëra trupa të pushtuesve. Kjo është një nevojë humanitare. Ne kërkojmë që trupat e pushtuesve të largohen nga territori ukrainas dhe të shkojnë në Rusi”.
“Ne kërkojmë që trupat e pushtuesve të largohen nga territori ukrainas dhe të shkojnë në Rusi”.
“Ne u bëjmë thirrje rusëve përsëri që të bëjnë këtë, që të ketë më pak trupa [të pa jetë] të djemve tuaj, të njerëzve tuaj, përndryshe do të ketë mijëra prej tyre”.
Ajo përfundoi,“E them sërish, fitorja do të jetë e jona”, transmeton UBT News.
Në një deklaratë tjetër të lëshuar nga ushtria ukrainase, pretendohej se një grup ushtarësh rusë që ishin kapur kishin mësuar se po dërgoheshin në Ukrainë vetëm një ditë para fillimit të pushtimit dhe menduan se po shkonin atje vetëm për të mbledhur informacion përpara se të dërgoheshin në shtëpi.
Credit: REUTERS
Një citim që i është atribuar komandantit të togës, Konstantin Buyniçev thoshte, “Askush nuk mendonte se ne do të vrisnim. Ne nuk do të luftonim – ne po mblidhnim informacion”.
Sot është dita e tetë që nga hyrja e Rusisë në Ukrainë, dhe deri më tani ata janë ndeshur me rezistencë të ashpër nga ukrainasit, si dhe me sanksione të rënda nga komuniteti ndërkombëtar.
Një raund i dytë i bisedimeve diplomatike do të zhvillohet pasi negociatat e para të hënën ishin të pasuksesshme./UBTNews/
Deputetja e Lëvizjes Vetëvendosje, Donika Gërvalla, ka reaguar pas dështimit të radhës për konstituimin e Kuvendit të Kosovës, duke e cilësuar situatën si përsëritje të një bllokade të pakuptimtë.
Gjatë deklaratës së saj, Gërvalla u bëri thirrje partive opozitare që të heqin dorë nga ajo që e quajti “strategji destruktive” dhe të marrin pjesë në procesin e votimit.
“Ishit dëshmitarë të një përsëritjeje të pakuptimtë të një bllokade, e cila tashmë e ka humbur kuptimin e vet. Bllokada do të thotë mosvotim dhe pamundëson konstituimin e Kuvendit”, tha Gërvalla.
Ajo theksoi se Kuvendi duhet të konstituohet për të përmbushur pritjet e qytetarëve dhe për të garantuar funksionimin demokratik të institucioneve.
“Ne kemi nevojë për unitet për shtet, jo për pushtet. Ky unitet shprehet përmes funksionimit të Kuvendit, jo përmes bllokadës”, përfundoi ajo.
Kandidatja e Lëvizjes Vetëvendosje për kryetare të Kuvendit, Albulena Haxhiu, ka reaguar pas dështimit të seancës konstituive të mbajtur më 29 qershor. Ajo tha se përgjegjësia për konstituimin e Kuvendit i takon të gjithë spektrit politik dhe jo vetëm VV-së.
“Ka pasur gjashtë përpjekje për votim të hapur, por asnjë nuk ka rezultuar me sukses. Nuk i përket vetëm VV-së të kontribuojë në këtë proces. Ne kemi marrë përsipër të japim kontributin tonë, por nuk është përgjegjësi vetëm e jona”, u shpreh Haxhiu.
Ajo theksoi se Vetëvendosje, si subjekti i parë në zgjedhje, gëzon të drejtën kushtetuese për të propozuar kryeparlamentarin dhe se kjo e drejtë nuk mund të vihet në pikëpyetje.
“Të drejtën për të propozuar e ka VV-ja. Askush nuk mund të ndërhyjë në këtë të drejtë, pasi është e garantuar me Kushtetutë dhe nuk varet nga preferencat individuale”, tha Haxhiu.
Deputeti i Lidhjes Demokratike të Kosovës (LDK), Besian Mustafa, ka paralajmëruar se vazhdimi i bllokadës institucionale mund të rezultojë me zgjedhje të parakohshme. Ai tha se situata aktuale nuk i shërben vendit dhe theksoi nevojën për një zgjidhje politike gjithëpërfshirëse.
“Bllokada 48-orëshe do ta çojë vendin në zgjedhje të parakohshme të reja”, deklaroi Mustafa, pas dështimit të 29-të për konstituimin e Kuvendit të Kosovës.
Sipas tij, përsëritja e zgjedhjeve nuk është në interes të Kosovës. “Përsëritja e zgjedhjeve është gjëja e fundit që i duhet Kosovës”, shtoi ai.
Miley Cyrusit i lejohet t’i performojë këngët e “Hannah Montana”
Rashicën e duan në Gjermani
”Vanity Fair”: Në Berat, ku ëndrra për pushime ideale shndërrohet në realitet
Testi i ri i gjakut zbulon me 95% saktësi shenjat e hershme të Alzheimerit
Jessie J shpërthen mes betejës me kancerin: Po përballem me ditën më të vështirë të jetës sime
A e mbron kafeja mëlçinë nga prekja e sëmundjeve?
Aktori Tom Cruise hyn në librin e Guinness
Google nis testimin e funksionit “Search Live” me AI në aplikacionin e tyre
Ishte në mision vullnetar – vdes në Sumy tenori ukrainas, Vladislav Gorai
-
Lajmet nga UBT1 month agoProfesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months agoStudentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT5 days agoUBT – Institucioni privat me më së shumti programe të akredituara nga Agjencia e Akreditimit të Kosovës
-
Kulturë2 months agoShkëlqeu me rolin e tij në ‘Kontesha Arduini’, intervistë me Mirsad Ferati