Shëndet

Uji në shishe plastike – Sa kohë duhet ta pini pas hapjes?

Ajri dhe plastika ndikojnë në cilësinë e ujit dhe e bëjnë atë të rrezikshëm për shëndetin.

Published

4 years ago

May 16, 2022

UBT news

Uji në shishe plastike është një nga alternativat e pakta të ujit të pijshëm që konsumatori mund të shfrytëzojë.

Përveç aspektit të disponibilitetit, uji në shishe plastike është më i preferuar për shkak të sigurisë që besohet se ofron kundrejt ujit të rubinetit.

Por siguria e ujit të servirur në shishe plastike është e diskutueshme, sidomos kur bëhet fjala tek jetëgjatësia e tij pas hapjes.

A ka uji një datë skadence?

Jetëgjatësia e ujit në shishe plastike është pak e paqartë, veçanërisht nëse mbetet i pahapur dhe është i prodhuar sipas rregullave strikte. Ndaj, datat e skadencës që shpesh i vërejmë nëpër shishe vendosen nga kompanitë. Këto data mund të reflektojnë më shumë shijen dhe aromën sesa aspekte të tjera të sigurisë.

Ekspertët të cilëve u referohet AgroWeb.org, sqarojnë se uji në shishe plastike mbetet i pijshëm në rast se nuk ndikohet nga plastika e shishes apo faktorët e tjerë mjedisorë.

Nga ana tjetër, jetëgjatësia e ujit ndikohet edhe nga përgatitja e tij.

Kompanitë e prodhimit të ujit përdorin metoda të ndryshme të pastrimit dhe të magazinimit të tij.

Jetëgjatësia e ujit në shishe pas hapjes

Uji në një shishe të hapur plastike është i sigurt për 2 deri në 3 orë në temperaturë ambienti dhe 3-5 ditë nëse ruhet në frigorifer.

Uji me gaz në shishe të hapur plastike zgjat deri në 3 orë nëse ruhet në temperaturë ambienti dhe deri në 3 ditë nëse ruhet i mbyllur në frigorifer.

Sipas të dhënave të AgroWeb.org, nëse është i pahapur uji zgjat një vit në temperaturë tue freskët ambienti dhe mbi një vit nëse ruhet në frigorifer.

Uji me vitamina duhet pirë deri në 4 orë pas hapjes dhe deri në 4 ditë nëse ruhet në frigorifer.

Nëse është i pahapur, uji mund të zgjasë deri në 9 muaj në temperaturë ambienti dhe mbi 9 muaj në frigorifer.

A prishet uji në shishe?

Uji në vetvete nuk prishet, por me kalimin e kohës plastika shpërbëhet në ujë.

Përbërësit kryesorë të një shisheje plastike me ujë janë shishja, ajri dhe uji. Uji nuk skadon. Nëse ai ruhet në ambiente të përshtatshme mund të zgjasë për miliarda vjet.

Ajri dhe plastika ndikojnë në cilësinë e ujit dhe e bëjnë atë të rrezikshëm për shëndetin.

A duhen ripërdorur shishet plastike?

Shishet plastike nuk mund të ripërdoren sepse janë të ndotura me baktere dhe mikroorganizma që shpërndajnë sëmundje.

Nëse uji në shishe plastike ka një shije dhe aromë të çuditshme apo është i turbullt atëherë nuk duhet ta pini./AgroWeb.org

Shëndet

Sekreti i çokollatës së zezë për një trup më të ri

Published

1 day ago

December 11, 2025

UBT News

Një studim i ri ka gjetur një lidhje mes teobrominës, një përbërësi natyral i çokollatës së zezë, dhe ngadalësimit të plakjes biologjike.

Studiuesit analizuan mbi 1,600 persona në Britani dhe Gjermani dhe vunë re se ata me nivele më të larta teobromine kishin një moshë biologjike më të ulët se mosha reale.

Mosha biologjike mat gjendjen reale të trupit duke u bazuar në qelizat, indet dhe organet, dhe lidhet me faktorë si stili i jetesës, mjedisi dhe gjenetika.

Studiuesit përdorën ndryshimet në ADN dhe gjatësinë e telomereve për këtë matje.

Ekspertët theksojnë se nevojiten më shumë studime për të kuptuar ndikimin e teobrominës dhe paralajmërojnë që sheqeri dhe yndyra në çokollatë mund të ulin përfitimet.

Shija e çokollatës mund të shijohet në sasi të vogla dhe rrallë. /A.Z/UBT News/

Shëndet

Varianti K: Mutacioni më infektues që po përhapet shpejt në botë

Published

2 days ago

December 10, 2025

UBT News

Virusi i gripit AH3N2 ka pësuar mutacion dhe transmetueshmëria e tij është më e lartë.

Varianti K i këtij virusi ka rritur numrin e të shtruarve në spitale në vende të tjera të botës.

Në Shqipëri nuk ka vend për panik, thonë ekspertët, pasi ky virus ka qarkulluar në vendin tonë edhe më parë, dhe edhe pse ka një ndryshim, mbetet brenda të njëjtës familje.

Viruset e gripit pësojnë ndryshime për variantin e ri K nuk duhet të ketë panik, dhe pse nuk është në përbërjen e vaksinës për 2025–2026.

Vaksina na mbron gjithsesi duke rritur imunitetin. Në vende të ndryshme, varianti K i AH3N2 ka rritur numrin e të shtruarve në spitale dhe të atyre që rendin për t’u vaksinuar. /A.Z/UBT News/

Shëndet

Kombinimet e rrezikshme të suplementeve! Çfarë nuk duhet marrë kurrë bashkë?

Published

2 days ago

December 10, 2025

UBT News

Përdorimi i pakontrolluar i suplementeve mund të sjellë më shumë dëm sesa përfitim, paralajmërojnë mjekët.

Ata theksojnë se suplementet duhet të merren vetëm kur vërtetohet mungesa e një vitamine apo minerali dhe nën këshillim profesional.

Kombinimet e gabuara mund të zvogëlojnë efektin e njëri-tjetrit ose të shkaktojnë mungesa të rëndësishme ushqyese.

P.sh., konsumimi i kafesë me suplemente hekuri ul ndjeshëm përthithjen. Dr. Karan Rajan shpjegon se edhe marrja e sasive të mëdha të kalciumit ndikon negativisht në përthithjen e hekurit. Po ashtu, disa kombinime të suplementeve mund të shkaktojnë komplikime.

Kombinimet që duhet shmangur:

Kalcium dhe hekur – Nuk rekomandohet të merren njëkohësisht; duhet një interval prej së paku dy orësh. Hekuri përthithet më mirë me vitaminë C, ndërsa kalciumi nuk duhet marrë me ushqime të pasura me hekur.

Zink dhe kalcium – Konkurojnë për përthithje në zorrë, ndaj duhet të merren të ndara me të paktën dy orë diferencë.

Zink dhe hekur – Dozat e larta të hekurit (mbi 25 mg) ulin përthithjen e zinkut. Zinku duhet marrë pas disa orësh.

Çaji jeshil dhe hekuri – Ulin përthithjen e hekurit. Konsumimi i tepruar i çajit jeshil mund të çojë në mungesë hekuri.

Vitamina C dhe vitamina B12 – Vitamina C në doza të larta zvogëlon përthithjen e B12. Duhet të merren të ndara me disa orë.

Zink dhe magnez – Zinku në doza të larta pengon përthithjen e magnezit, prandaj rekomandohet marrja në kohë të ndryshme të ditës.

Mjekët këshillojnë që suplementet të përdoren me kujdes dhe vetëm kur janë të nevojshme, për të shmangur probleme shëndetësore të panevojshme. /A.Z/UBT News/

Shëndet

Uleni temperaturën pa ilaçe, këshilla të thjeshta dhe efektive

Published

3 days ago

December 9, 2025

UBT News

Virozat e ndryshme shkaktojnë temperaturë të lartë trupore, e cila mund të shkaktojë lodhje dhe ndjesi jo komode.

Ekzistojnë disa mënyra për të ulur temperaturën pa përdorur ilaçe, por është e rëndësishme të mbani mend se nëse zgjat për disa ditë, duhet të konsultoheni me mjekun.

Kjo sepse trupi mund të jetë duke luftuar ndonjë infeksion më serioz.

Ja dy metoda të thjeshta dhe efektive që mund t’ju ndihmojnë:

1. Patate:

Merrni një patate dhe pritini në rrathë të hollë. Vendosini rrathët brenda çorapeve dhe vishni, duke i mbajtur derisa të ndjeni se temperatura ka rënë. Patatja ndihmon në ftohjen e trupit në mënyrë natyrale. Kujdes: mos e mbani shumë gjatë, pasi mund të ulë temperaturën në nivele të tepërta.

2. Dush me ujë të vakët:

Kur keni temperaturë, dush me ujë të vakët ndihmon në uljen e saj. Mos përdorni ujë të ftohtë, sepse kjo shkakton të dridhura dhe të përkeqësojë gjendjen tuaj. Një dush i vakët ndihmon trupin të freskohet pa stres dhe rrit komoditetin gjatë shërimit.

Përveç këtyre, është e rëndësishme të qëndroni të hidratuar, të pushoni, të hani ushqime të lehta.

Kujdesi natyral dhe pushimi janë çelësi për rikuperim më të shpejtë. /A.Z/UBT News/