Lajmet

Uji me kanellë – Rëndësia për rënien në peshë dhe tretjen e mirë!

Published

on

Shija dhe aroma e kanellës është një kënaqësi e paharrueshme!

Kanella është një nga erëzat më popullore jo vetëm në gatim por edhe në mjekësinë popullore. Ajo është e pasur me shumë antioksidantë dhe substanca efikase kundër mikrobeve.

Një nga mënyrat më të mira për të përfituar nga vlerat e kanellës është ta zhysni atë në ujë dhe ta pini këtë lëng rregullisht.

Përgatiteni në formën e çajit, duke zierë 1 filxhan çaji me ujë dhe më pas shtoni një lugë çaji kanellë pluhur dhe pak mjaltë sipas preferencës për ta ëmbëlsuar. Lëreni të pushojë 15 minuta dhe më pas konsumojeni.

Shumë ekspertë të shëndetit, të cilëve u referohet AgroWeb.org rekomandojnë pirjen e lëngut të kanellës kundër një sërë sëmundjesh.

Më poshtë do të gjeni përfitimet që mund të merrni duke pirë lëngun e kanellës.

Kanella forcon sistemin imunitar

Kjo pije e mrekullueshme është e pasur me antioksidantë  që forcojnë sistemin imunitar.

Lëngu përmban shumë substance të fuqishme kundër virozave, baktereve dhe mykut.

Pirja e tij pakëson gjasat e shfaqjes së problemeve respiratoreve, sëmundjeve të zemrës e të tjerë.

Kanella Kundër mbipeshës

Sipas rekomandimeve shkencore, lëngu i kanellës ju ndihmon procesin e tretjes dhe gjithashtu ndihmon që të jeni të ngopur për më shumë kohë dhe të mos e teproni me ushqimin.

Një gjë e tillë, ju vjen në ndihmë në përpjekjet tuaja për të rënë në peshë.

Kundër inflamacionit

Njerëzit që vuajnë nga artriti duhet të pijnë lëng kanelle kundër dhimbjeve.

Kanella është një erëz e mirë kundër inflamacionit dhe dhimbjeve që shkakton ai.

Kjo erëz përmirëson qarkullimin e gjakut tek organizmi.

Sëmundja e Parkinsonit

Një studim i publikuar tek Revista Neuroimmune Pharmacology, të cilit i referohet AgroWeb.org ka arritur në përfundimin se kanella mund të ketë aftësinë të ngadalësojë progresin e sëmundjes së Parkinsonit.

Shënim:

Diabetikët duhet të konsultohen me mjekun përpara se të konsumojnë këtë kurë, për shkak të ëmbëlsisë së saj që mund të rrisë nivelet e sheqerit në gjak./AgroWeb.org

Continue Reading

Lajmet

Konjufca bënë homazhe në Lybeniq: Na mundon shumë fakti që edhe pas 26 vitesh nuk ka drejtësi

Published

on

By

Kryetari i Kuvendit të Republikës së Kosovës, Glauk Konjufca, në nderim të viktimave të masakrave të Lybeniqit, në të cilat forcat serbe vranë e masakruan mbi 80 civilë shqiptarë, sot bëri homazhe në kompleksin e varrezave në këtë fshat. 

Pas homazheve kryetari Konjufca tha se këto janë pjesë e shumë masakrave që kanë ndodhur gjatë viteve 1998-1999 në Kosovë, të cilat e shprehin qëllimin gjenocidal të Serbisë për shfarosjen e popullit tonë, largimin e tij dhe spastrimin e Kosovës nga shqiptarët.

Kreu i Kuvendit rikujtoi se sikurse në shumë masakra të tjera të kryera anekënd Kosovës nga aparati shtetëror serb, as këtu Serbia nuk kurseu fëmijët, gratë e pleqtë, vetëm ngase ishin shqiptarë.

Na mundon shumë fakti që edhe 26 vjet pas kësaj masakre, shtoi kryetari Konjufca, nuk kishte asnjë proces të rëndësishëm ndërkombëtar të gjyqësisë e të drejtësisë, i cili u nevojitet familjeve dhe gjithë popullit tonë, sepse, siç tha kryetari i Kuvendit, pa drejtësi këto janë gjithmonë plagë të hapura në trupin e popullit tonë.

“Ne nuk do të lodhemi asnjëherë duke bërë thirrje për drejtësi nga ana e bashkësisë ndërkombëtare, por edhe për drejtësinë vendore, sepse tash janë të mundshme të gjitha kushtet për hetime më profesionale dhe gjykime në mungesë, për të gjithë kriminelët serbë, për të gjithë ata mijëra ushtarë, oficerë të ushtrisë, policisë e paramilitarë, të cilët kanë marrë pjesë në këtë fushatë gjenocidale kundër popullit të Kosovës në vitet 1998-1999”, theksoi kryetari Konjufca.

Continue Reading

Bota

Putin fillon thirrjen më të madhe ushtarake ruse në vite, thirren 160mijë rekrutë

Published

on

Presidenti Vladimir Putin ka urdhëruar rekrutimin e 160,000 burrave të moshës 18-30 vjeç për shërbimin ushtarak njëvjeçar, duke shënuar një nga rekrutimet më të mëdha në Rusi që nga viti 2011. Ky hap vjen në një moment kur Rusia po përpiqet të zgjojë dhe të forcojë forcat e saj të armatosura, duke e bërë këtë një pjesë të rëndësishme të strategjisë së saj ushtarake. Rekrutimi i këtij numri të madh të rinjve pason përpjekjet e Putinit për të rritur numrin e përgjithshëm të ushtrisë ruse në 2.39 milionë dhe ushtarët aktivë në 1.5 milionë brenda tre viteve të ardhshme.

Zëvendës administratori i ushtrisë ruse, Vladimir Tsimlyansky, ka siguruar se rekrutët e rinj nuk do të dërgohen në frontin e Ukrainës, megjithatë, disa raporte të mëparshme kanë treguar se një numër i caktuar rekrutësh janë përfshirë në luftime. Ky rekrutimi masiv ndodh në një kohë kur SHBA dhe ndërkombëtarët po bëjnë përpjekje për një armëpushim në luftën ruso-ukrainase, por dhuna vazhdon, me sulme të vazhdueshme nga ana ruse, përfshirë një sulm në një objekt energjie në Kherson, që la 45,000 banorë pa energji elektrike.

Për më tepër, Rusia ka zgjeruar kufirin e moshës për rekrutimin, duke e çuar atë nga 27 në 30 vjeç dhe duke përdorur platformën shtetërore Gosuslugi për të njoftuar rekrutët. Në një përpjekje për të fuqizuar ushtrinë, Rusia ka rekrutuar gjithashtu luftëtarë me kontratë dhe raportohet për mercenarë nga Koreja e Veriut. Kjo lëvizje e Rusisë ka ngjallur shqetësime për sigurinë e rajonit, duke pasuar rritjen e pranisë ushtarake të NATO-s dhe anëtarësimin e Finlandës dhe Suedisë në Aleancën e Atlantikut të Veriut.

Continue Reading

Lajmet

Osmani cakton 15 prillin si datë për seancën konstituive të Kuvendit

Published

on

By

Presidentja e Republikës së Kosovës, Vjosa Osmani, pas certifikimit të rezultatit përfundimtar të zgjedhjeve për Kuvendin e Republikës së Kosovës, të mbajtura më 9 shkurt 2025 dhe në përputhje me autorizimet kushtetuese dhe afatet ligjore, ka thirrur mbledhjen e parë të Legjislaturës së nëntë të Kuvendit të Kosovës për datën 15 prill 2025.

Gjatë kësaj seance zgjidhet kryetari dhe nënkryetarët e Kuvendit, dhe deputetët e rinj bëjnë betimin.

Continue Reading

Bota

Ministri i Jashtëm turk Hakan Fidan viziton Parisin për bisedime me homologun francez

Published

on

Ministri i Jashtëm i Turqisë, Hakan Fidan, do të vizitojë Parisin më 2 prill 2025, ku do të zhvillojë një takim me homologun e tij francez, Joan-Noel Barrot. Bisedimet e dy diplomatëve pritet të fokusohen në marrëdhëniet dypalëshe mes Turqisë dhe Francës, si dhe në disa çështje të rëndësishme globale dhe rajonale.

Temat që do të diskutohen përfshijnë sigurinë e Evropës, zhvillimet në Ukrainë, situatën në Gaza dhe Siri, si dhe rolin e Turqisë në forcimin e sigurisë evropiane. Sidoqoftë, një çështje kyçe do të jetë gjithashtu integrimi i Turqisë në Bashkimin Evropian, dhe diskutimet mbi heqjen e barrierave që pengojnë Ankaranë në procesin e anëtarësimit në BE.

Ky takim është i rëndësishëm për forcimin e lidhjeve mes dy shteteve dhe për adresimin e çështjeve të sigurisë dhe diplomacisë në një periudhë të tensionuar ndërkombëtarisht./UBTNews/

Continue Reading

Të kërkuara