Lifestyle

Uji i akullit ndihmon në djegien e kalorive dhe humbjen e peshës

Noti në ujë të ftohtë ka efekte të dobishme në trup, sipas studimeve.

Published

on

Rishikimi i studimeve konfirmoi se noti në ujë të ftohtë ka efekte të dobishme në trup.

Në veçanti, ai tregoi se si zhytja në ujë të ftohtë, nëse praktikohet vazhdimisht, stimulon metabolizmin dhe ju bën të humbni peshë. Në veçanti, u zbulua se i ftohti shkakton një rritje të qarkullimit dhe në të njëjtën kohë aktivizimin e indit dhjamor për të ruajtur temperaturën ideale të trupit. Megjithatë, vetëm nëse zhytja në ujë të ftohtë zgjatet, trupi djeg yndyrën e “keq” (që ruan energjinë) dhe ju bën të humbni peshë.

Analiza zbuloi gjithashtu se ekspozimi ndaj ujit të ftohtë rrit prodhimin e adiponektinës nga indi dhjamor: një proteinë që luan një rol kyç në mbrojtjen kundër rezistencës ndaj insulinës, diabetit dhe sëmundjeve të tjera.

Zhytja e përsëritur në ujë të ftohtë gjatë muajve të dimrit rriti ndjeshëm ndjeshmërinë ndaj insulinës dhe uli përqendrimin e insulinës, si në notarët pa përvojë ashtu edhe me përvojë. Por edhe atëherë, efektet janë të përkohshme: vetëm zhytjet e përsëritura në ujë mund të ulin përqendrimin e insulinës në gjak.

Zhytja në ujë të ftohtë shkakton rritjen e presionit të gjakut për të mbajtur organet vitale të ngrohta, gjë që rezulton në qarkullim të përmirësuar. Në këtë drejtim, rishikimi siguroi prova se faktorët e rrezikut kardiovaskular në fakt u përmirësuan te notarët që iu përshtatën ujit të ftohtë. Megjithatë, studime të tjera sugjerojnë se zhytja në ujë të ftohtë mund të shkaktojë stres të rëndë kardiak.

Lifestyle

Po bëni gabim, ja sa shpesh duhen pastruar furçat e grimit

Published

on

Kur ka qenë hera e fundit që keni pastruar furçat e grimit?

Sipas një sondazhi nga Cosmetify, 37% i pastrojnë furçat vetëm një herë në gjashtë muaj, ndërsa 26% pranuan se nuk i pastronin kurrë.

Pavarësisht se e dimë se furçat mund të shkaktojnë puçrra, pak mund të thonë se i pastrojmë aq shpesh sa duhet.

Është e kuptueshme, pasi është një proces i mërzitshëm që shpesh e neglizhojmë, duhen shumë orë që furçat të thahen dhe ndaj procesi merr shumë kohë dhe bëhet i mërzitshëm.

Megjithëse pastrimi nuk është procesi më emocionues, ai është absolutisht i nevojshëm. Sebumi i lëkurës, i kombinuar me grimin dhe qelizat e vdekura të lëkurës, krijon terren të shkëlqyer mbarështimi për bakteret e siç e imagjinoni, kjo nuk është e mirë për lëkurën.

Furçat e papastra shkaktojnë skuqje, pore të bllokuara dhe acarim të lëkurës.

E njëjta vlen edhe për sfungjerët, të cilët përmbajnë edhe më shumë mikrobe se furçat.

Sa shpesh duhet të pastrojmë furçat?

Në varësi të llojit që përdorni, frekuenca e pastrimit ndryshon. Furçat për teksturat e lëngëshme, si fondatina, duhet të pastrohen të paktën dy-tre herë në javë, furçat me pluhur pastrohen vetëm një herë në javë.

Është gjithashtu e rëndësishme t’i ruani ato në një vend të freskët dhe të thatë, larg zonave me lagështirë si tualeti.

Metoda më e mirë për pastrimin e furçave të grimit

Filloni me larjen e duarve, duke përdorur sapun antibakterial e ujë të vakët. Lagni qimet e furçës, zhytni në tas me sapun, fërkojeni mirë me gishta për të hequr sa më shumë produkt. Në treg ka edhe pajisje që përshpejtojnë larjen e furçave. Një sipërfaqe plastike me “dhëmbë të vegjël” mund të reduktojë ndjeshëm kohën e pastrimit dhe mund të jetë efektive.

Continue Reading

Lifestyle

Shampo pa sulfate: Pse dhe kur duhet t’i zgjidhni ato?

Published

on

Procesi i zgjedhjes së një balsami të ri është një blerje e lehtë që e bëjmë një herë në muaj. Kur flokët yndyrosen shpejt a janë më të thatë se zakonisht, fillojmë të mendojmë me kujdes për zgjedhjet e produkteve tona.

Me kaq shumë premtime për gjithçka, nga nxitja e rritjes së flokëve tek ruajtja e ngjyrës, gjetja e shampos së duhur duket sfidë më vete, pasi nuk është e lehtë të kuptosh cilët përbërës të duhen dhe cilët duhet t’i shmangësh.

Një përbërës që zakonisht duhet shmangur pavarësisht nga lloji i flokëve janë sulfatet.

Ato janë përbërës pastrues që gjenden në shampo dhe që jo domosdoshmërisht të këqija, shkaktojnë probleme. Sulfatet; si lauril, sulfati i natriumit, janë pastrues të fortë që heqin hidratimin nga flokët, duke i lënë të thatë dhe “pajetë”.

Edhe pse sulfatet ofrojnë pastrim të thellë, mund të bëjnë më shumë dëm sesa mirë. Përdorimi i tyre shkakton njollë në flokët e lyer dhe lë skalpin e kokës të dehidratuar. Sulfatet pengojnë rritjen e shëndetshme të flokëve, pasi thatësia e tepërt ndikon negativisht në lëkurën tonë.

Megjithëse gjetja e një shampoje që nuk do t’i zhvesh flokët nga vajrat natyralë është e rëndësishme, është po aq efektive që produkti të sigurojë pastrim adekuat e të eliminojë papastërtitë dhe djersën nga skalpi.

Gjetja e ekuilibrit të duhur për këtë çështje mund të jetë e vështirë për konsumatorin mesatar. Gjëja më e rëndësishme, është kujdesi për skalpin e kokës, i cili është baza për rritjen e shëndetshme. Është thelbësore që skalpi të mbahet i pastër dhe i hidratuar në mënyrë që flokët të mbeten të shëndetshëm. Kur skalpi ynë është në gjendje të mirë, ai gjithashtu ndihmon në parandalimin e rënies së flokëve.

Continue Reading

Lifestyle

Studimi: Miqësitë që zgjasin më shumë se 7 vjet, zgjasin përjetë!

Published

on

Miqësitë që zgjasin mbi shtatë vjet shpesh ndërtohen mbi besim, përvoja të përbashkëta dhe mbështetje të palëkundur.

Këto lidhje forcohen me kalimin e kohës, duke i mbijetuar uljeve dhe ngritjeve të jetës pa pasur nevojë për ndërveprim të vazhdueshëm.

Studimet tregojnë se miqësitë afatgjata përmirësojnë mirëqenien emocionale, duke ofruar siguri dhe shoqëri në çdo fazë të jetës.

Qoftë përmes kontakteve të herëpashershme apo traditave të përjetshme, këto lidhje janë çelësi i lumturisë së qëndrueshme.

Continue Reading

Lifestyle

Studimi: Pastërtia e tepërt në shtëpi mund t’ju rrezikojë shëndetin

Published

on

Pastrimi i tepërt në shtëpi rrezikon shëndetin tuaj. Hulumtimi i ri paralajmëron për rreziqet e higjienës, sepse ekspozimi i ekuilibruar ndaj mikrobeve dhe baktereve trajnon mbrojtjen tonë për të shmangur alergjitë dhe sëmundjet autoimune.

Ekologët mikrobikë Jack Gilbert dhe Erica Hartmann kanë zbuluar një lidhje të ngushtë mes”mikrobiomës” së vendeve ku jetojmë dhe shëndetit. Në një studim matën se sa material gjenetik lëshojmë në mjedis: 31 miligramë masë mikrobike dhe 37 milionë kopje të gjenomave bakteriale në orë.

Nga kjo del se shtëpitë kanë mikrobiomën e tyre të përbërë nga baktere, arkea, viruse dhe kërpudha që vijnë nga ne dhe nga kafshët me të cilat jetojmë, kafshë shtëpiake, por edhe kacabu ose minj, nëse ka -, nga ajri, nga uji dhe nga toka.

Ndikimi i hapësirave të ndërtuara në shëndet është temë që ka tërhequr vëmendjen e studiuesve e kanë përdorur hipotezë higjienike: ekspozimi adekuat ndaj mikrobeve në mjedis stërvit sistemin imunitar të mos reagojë kundër stimujve të padëmshëm, si në alergji – ose kundër trupit tonë, si në sëmundjet autoimune.

Sipas Gilbertit, «mungesa e ekspozimit ndaj antigjeneve të ndryshëm, veçanërisht atyre mikrobikë, mund të çojë në çrregullim imunitar dhe sëmundje kronike». Për momentin, ka pak studime, por lidhja midis mikrobiomës shtëpiake dhe sëmundjeve të frymëmarrjes, funksionit të sistemit imunitar, çrregullimeve metabolike dhe madje edhe mendore duket e sigurt.

Për këtë arsye, ekspertët paralajmërojnë se është gabim i zakonshëm të mendosh se një shtëpi e shëndetshme është plotësisht pa mikrobe. /UBT News/

Continue Reading

Të kërkuara