Lajmet

Uglanin: Anarkinë 24-vjeçare në veri duhet ta ndalojmë përgjithmonë

“Njëzet e katër vjet komuna në veri të Mitrovicës ka punuar si zyrë administrative, nuk ka qenë funksionale dhe as në shërbim të qytetarëve”,

Published

2 years ago

January 30, 2024

Betim Gashi

“Ne duhet ta ndalojmë anarkinë njëherë e përgjithmonë, sepse kjo anarki ka mbretëruar 24 vjet në pjesën veriore. Njëzet e katër vjet komuna në veri të Mitrovicës ka punuar si zyrë administrative, nuk ka qenë funksionale dhe as në shërbim të qytetarëve”, kështu ka bërë të ditur Nexhat Uglanin, kryesues i Kuvendit Komunal të Mitrovicës Veriore.

Ai theksoi se ka pakënaqësi te qytetarët serbë të cilët po tentojnë t’i ndryshojnë gjërat përmes peticioneve, mirëpo potencoi shqyrtimin e këtyre çështjeve vetëm duke respektuar ligjet e Republikës së Kosovës. Sipas tij, raportet në mes të legjislativit dhe ekzekutivit brenda kësaj Komune në lidhje me çështje të ndryshme janë përplot mosmarrëveshje, por siç u shpreh, kjo është mënyrë demokratike e të funksionuarit.

Duke folur për peticionin e qytetarëve rreth shkarkimit të kryetarit të Komunës, Uglanin tha se të premten e kaluar i ka dorëzuar nënshkrimet e qytetarëve në KQZ dhe kjo e fundit ka afat prej 30 ditësh për verifikim. Ai u shpreh se nëse gjithçka konfirmohet se është në rregull me peticionin, zgjedhje në veri patjetër se do të ketë, por nuk ka precizuar afatin kohor kur mund të zhvillohen ato.

“Sigurisht që ne presim edhe peticione tjera, por ne punojmë sipas ligjit mbi qeverisjen lokale. Ka pakënaqësi (tek qytetarët serbë), por ne duhet anarkinë ta ndalojmë njhëherë e përgjithmonë, sepse kjo anarki ka mbretëruar 24 vjet në pjesën veriore dhe ne duhet ta funksionalizojmë Komunën njëjtë sikurse Komunat tjera. 24 vjet Komuna ka punuar si zyrë administrative dhe s’ka qenë funksionale dhe as në shërbim të qytetarëve. Ka pasur mosmarrëveshje (mes legjislativit dhe ekzekutivit brenda Komunës) dhe sigurisht që ende ka, kjo është mënyra demokratike dhe është normale, ndonëse tani janë marëdhëniet pak më të mira, sepse vendimet që i kemi marrë janë aprovuar nga ekzekutivi, sepse ligjërisht çdo vendim që vie nga legjislativi duhet të aprovohet edhe nga ekzekutivi, dhe këtu pak ka pasur probleme, sigurisht do të ketë edhe në të ardhmen, kjo është mënyrë demokratike e të vepruarit dhe ne do t’i përmbahemi demokracisë. Duhet të kemi raporte sa më të mira me kryetarin sepse nuk po duam që të jemi pjesë e bllokimit të proceseve, zhvillimit dhe funksionalizimit të pjesës veriore si komunë”, tha ai.

Uglanin gjithashtu shtoi se subjektet politike kanë filluar përgatitjet për zgjedhje, por se kur do të mbahen ato, varet nga qeveria e Kosovës.

“Ne obligimin tonë sipas udhëzimit administrativ e kemi kry, tani është hapi tjetër kur KQZ-ja do t’i verifikojë nënshkrimet dhe afati është një muaj. Procesi do të shkojë më tutje, siç e dini, ligj për referendum nuk ka. Edhe kjo është problem, sepse sipas planit të Ahtisarit nuk është parashikuar referendumi, por kjo varet tash nga Kuvendi nëse e miraton referendumin në mënyrë që të arrijë te kryetarja e Republikës së Kosovës, e cila duhet ta nënshkruajë dhe ta shpallë referendumin sipas ligjit, që nënkupton 45 ditë afat kohor, ku pastaj duhet edhe mbikqyrje e procesit nga KQZ-ja për referendum. Zgjedhje sigurisht do të ketë, përgatitjet nga subjektet politike në terren veç kanë filluar, por kur do të mbahen do të varet nga qeveria e Kosovës”, ka thënë Uglanin.

Related Topics:komuna e Mitrovices Nexhat Uglanin kryesues i Kuvendit Komunal te Mitrovices Veriore

Up Next

Ndalimi i dinarit, Haradinaj: Vendimi është në përputhje me standardet e BE-së

Don't Miss

OKB: Urdhërat izraelite të evakuimit prekën pjesën më të madhe të Rripit të Gazës

Lajmet

KQZ nuk certifikon kandidatët e Listës Serbe

Published

2 hours ago

December 10, 2025

UBTnews

Komisioni Qendror i Zgjedhjeve (KQZ) ka certifikuar sot kandidatët për deputetë të subjekteve politike që marrin pjesë në zgjedhjet e parakohshme parlamentare të 28 dhjetorit, me përjashtim të Listës Serbe, e cila nuk mori miratimin e komisionit.

Kundër certifikimit të kandidatëve të Listës Serbe votuan anëtarët e KQZ-së nga Lëvizja Vetëvendosje, Sami Kurteshi dhe Alban Krasniqi. Sipas tyre, kjo parti është e përkrahur nga Beogradi zyrtar dhe nuk duhet të certifikohet për pjesëmarrje në zgjedhje.

Pas votimit, rezultati ishte tre vota për, dy kundër dhe gjashtë abstenime. Me këtë balancë votash, kryesuesi i KQZ-së njoftoi se certifikimi i listës së kandidatëve të Listës Serbe refuzohet.

Lista Serbe kishte dorëzuar gjithsej 33 kandidatë për zgjedhjet e parakohshme për Kuvendin e Kosovës, që do të mbahen më 28 dhjetor.

Lajmet

Specialja liron me kusht Isni Kilajn

Published

3 hours ago

December 10, 2025

UBT News

Dhomat e Specializuara dhe Zyra e Prokurorit tё Specializuar tё Kosovёs kanë njoftuar se është liruar me kusht Isni Kilaj.

Njoftimi thekson se Kilaj mbetet i akuzuar në gjykimin aktual dhe për lirimin e tij janë caktuar disa kushte që synojnë të zvogëlojnë rrezikun e ndikimit të tij ndaj dëshmitarëve në ҫështjen gjyqësore kundër të tij dhe po ashtu përcaktohet se në rast se Kilaj do të shkelë cilindo prej kushteve të lirimit të tij, do të lëshohet një fletarrestim për arrestimin e tij të menjëhershëm.

Në vendimin e tij të 3 dhjetorit, 2025, Gjykatësi konstatoi se rrethanat kishin ndryshuar që prej rishikimit të paraburgimit të Kilajt në tetor 2025 dhe se mbajtja e tij në paraburgim nuk ishte më as e arsyeshme, as proporcionale.

Megjithëse Gjykatësi konstatoi se ekzistonte njëfarë rreziku që në qoftë se lirohet, Kilaj mund të pengojë ecurinë e procesit ose të kryejë vepra penale të tjera, ai arriti në përfundimin se në rrethanat konkrete e drejta themelore e Kilajt për liri peshon më shumë se këto rreziqe tjera gjyqësore në Dhomat e Specializuara, bëhet e ditur në njoftim.

Në njoftim thuhet po ashtu se ndër faktorë të tjerë, Gjykatësi mori parasysh se koha që Kilaj ka kaluar në paraburgim në këtë moment tejkalon dënimin minimal sipas ligjit me të cilin ai do të përballej në qoftë se do të shpallej fajtor për veprat penale për të cilat është akuzuar.

Kilaj mbetet i akuzuar në gjykimin aktual dhe për lirimin e tij janë caktuar disa kushte që synojnë të zvogëlojnë rrezikun e ndikimit të tij ndaj dëshmitarëve në ҫështjen gjyqësore kundër të tij ose në ҫështje të Në vendim përcaktohet se në qoftë se z. Kilaj do të shkelë cilindo prej kushteve të lirimit të tij, do të lëshohet një fletarrestim për arrestimin e tij të menjëhershëm./S.K/EO/

Lajmet

Vdes në moshën 74-vjeçare boksieri Nazif Gashi

Published

3 hours ago

December 10, 2025

UBT News

Presidentja Vjosa Osmani ka ngushëlluar familjen e boksierit, Nazif Gashi i cili ndërroi jetë në moshën 74-vjeçare.

Ajo ka thënë se kujtimi për Gashin do të mbetet i paharruar dhe inspirues për brezat që vijnë.

“Me pikëllim të thellë morëm lajmin për ndarjen nga jeta të Nazif Gashit, njërit prej emrave më të shquar në historinë e sportit të Kosovës dhe pjesëtar i gjeneratës së artë të boksit prishtinas.Si boksier i klubit “Prishtina”, u bë simbol i guximit, disiplinës dhe përkushtimit. Fitoret dhe paraqitjet e tij na bënë krenar dhe e shndërruan Prishtinën në njërin prej klubeve më të suksesshme të kohës. Ju shpreh ngushëllime të sinqerta familjes, të afërmve, Federatës së Boksit të Kosovës dhe gjithë komunitetit sportiv”, thuhet në telegramin e ngushëllimit të presidentes.

Gashi ishte pjesë e gjeneratës së artë të Prishtinës që për shumë vite, dominoi në shtetin e dikurshëm federativ.

Për vdekjen e Gashit kanë njoftuar familjarë të tij./S.K/EO/