Sport

UEFA në mbrojtje të lojtarëve, publikon ligjin e ri

UEFA ka informuar klubet dhe kombëtaret që ta nënshkruajnë këtë peticion.

Published

4 years ago

November 30, 2021

Betim Gashi

Shtëpia më e madhe e futbollit evropian UEFA e ka publikuar sot një peticion për ta futur në fuqi ligjin e ri mbi tronditjet në kokë në nivel klubi dhe kombëtareje, vetëm për të mbrojtur më shumë lojtarët nga lëndimet serioze.

UEFA ka informuar klubet dhe kombëtaret që ta nënshkruajnë këtë peticion, në të cilin përfshihen të gjitha procedurat që duhet ndjekur në raste të lëndimeve në kokë.

Këtu përfshihet një kontrolle tre minutëshe nga stafi mjekësorë pas lëndimit në kokë, ku nga rezultati i saj do të vendoset nëse lojtarit do t’i lejohet që të vazhdojë të luajë.

Po ashtu, UEFA ka bërë të ditur se dëshiron që të ketë edhe video rishikimi të lëndimit nga stafi mjekësorë për të pasur sa më shumë informacione.

“Tronditja në kokë është një lëndim serioz i cili duhet të menaxhohet dhe të trajtohet në mënyrën më të mirë. Shëndeti dhe siguria e çdo lojtari që merr pjesë në nivel klubi dhe kombëtareje është pjesë serioze për UEFA, por gjithashtu në asociacionet e tjera përgjatë kontinentit”, shkruante në komunikatën e UEFA-s.

“Edhe pse studimet tregojnë një numër të vogël incidentesh në futboll, të gjithë duhet ta dinë si të reagojnë dhe çfarë të bëjnë në raste tronditjesh në kokë. Duke e nënshkruar këtë peticion, klubet dhe kombëtaret do të demonstrojnë përkrahjen e tyre drejt aktiviteteve mbi tronditje të kokës nga UEFA, dhe të marrin një hap para drejt mbrojtjes së lojtarëve të tyre”, shkruante më tej në UEFA.

Ky peticion përcillet nga vendimi i Bordit të Asociacioneve të Futbollit Ndërkombëtar (IFAB) për të përfshirë zëvendësimet për lëndime në kokë, vendim ky që lejon skuadrat që të bëjnë deri në dy zëvendësime më shumë, veçanërisht në rastet e lëndimeve në kokë.

Related Topics:kryesore ligj lojtaret UEFA

Up Next

Edy Reja flet pas miqësores së bamirësisë në Vatikan

Don't Miss

Presidenti i Interit mohon interesimin në Vlahovic

Sport

Zyrtare: Ferizaj përforcohet në qendër të mbrojtjes, prezantojnë Ardit Iljazin

Published

1 day ago

June 5, 2025

Albina Zeneli

Ferizaj ka filluar me përforcime për sezonin e ri në Albi Mall Superligën e Kosovës në futboll.

‘Ujqit’ janë përforcuar në qendër të mbrojtjes, ku kanë nënshkruar me qendërmbrojtësin Ardit Iljazi.

24-vjeçari i bashkohet Ferizajt pasi më parë ka luajtur edhe për Gostivarin, Shkupin, Erzenin, Teutën dhe Voska Sport.

Njoftimi i plotë nga FC Ferizaj:

Zyrtare: Ardit Iljazi bashkohet me FC Ferizajn

FC Ferizaj ka kënaqësinë të prezantojë përforcimin më të ri në repartin defensiv Ardit Iljazin, i cili do të jetë pjesë e skuadrës bardhekaltër për sezonin e ri.

Arditi luan në pozitat qendër mbrojtës dhe mbrojtës i djathtë, ndërsa gjatë karrierës së tij ka qenë pjesë e disa klubeve të njohura si Erzeni, Shkupi dhe Voska, duke grumbulluar përvojë të vlefshme në futbollin rajonal.

Ardit Iljazi: “Është kënaqësi për mua t’i bashkohem FC Ferizajt. Jam i motivuar dhe i gatshëm të jap maksimumin për klubin dhe për tifozët.”

Mirë se erdhe Ardit, dhe shumë suksese me fanellën bardhekaltër!

Sport

FSHF: Vijon procesi i shpërndarjes së biletave përmes shortit elektronik për ndeshjen Shqipëri – Serbi

Published

1 day ago

June 5, 2025

UBTnews

Federata e Futbollit njoftoi sot se vijon procesi i shpërndarjes së biletave përmes shortit elektronik për ndeshjen Shqipëri – Serbi.

FSHF thekson se, të gjithë personat që janë shpallur fitues dhe kanë fituar të drejtën për të blerë bileta duhet të veprojnë sa më shpejt, pasi linku i dërguar është i vlefshëm vetëm për 24 orë nga momenti i marrjes.

Pas këtij afati, linku bëhet i pavlefshëm dhe biletat nuk mund të blihen.

Për këtë arsye, FSHF u bën thirrje të gjithë fituesve të përfundojnë procesin e blerjes brenda afatit, duke kryer pagesën përkatëse.

Ndeshja Shqipëri – Serbi, e vlefshme për kualifikueset e Kupës së Botës 2026, do të zhvillohet të shtunën, më 7 qershor, në orën 20:45, në stadiumin “Arena Kombëtare”. /atsh

Sport

Ardian Ismajli mund t’i bashkohet Rashicës te Besiktasi?

Published

1 day ago

June 5, 2025

Albina Zeneli

Mbrojtësi i Kombëtares së Shqipërisë, Ardian Ismajli do të largohet nga Empoli pas ndeshjeve ndërkombëtare.

28-vjeçari mbetet pa kontratë në fund të këtij muaji dhe tashmë ka filluar kërkimin e një klubi të ri.

Mediat e huaja raportojnë se lojtari “kuqezi” mund të transferohet në Superligën e Turqisë.

Besiktasi ku luan Ernest Muçi dhe Milot Rashica për momentin po i prinë garës për mbrojtësin shqiptar.

Ismajli është në grumbullim te Shqipëria për dy ndeshjet e muajit qershor, ndaj Serbisë dhe Letonisë.

Sport

Zyrtare: Inzaghi firmosi me Al-Hilalin

Published

1 day ago

June 5, 2025

Albina Zeneli

Tashmë është zyrtare. Trajneri i njohur italian, Simone Inzaghi ka firmosur me skuadrën arabe Al Hilal. Trajneri i deritashëm i Interit firmosi të mërkurën mbrëma për dy vjet e gjysmë.

Të hyrat vjetore për Inzaghin do të jenë 26 milionë euro neto.

Inzaghi ka firmosur në Paris, pasi i dha fund bashkëpunimit me Interin. Ai e udhëhoqi Interin deri në finale të Ligës së Kampionëve.

Inzaghi është prej trajnerëve më të vlerësuar në futboll.