Lajmet

Udhëheqësit australianë festojnë lirinë e Julian Assange, por opozita thotë se ai nuk është ‘dëshmor’

Published

on

Julian Assange u kthye në Australi, ndërsa opozita konservatore të enjten paralajmëroi qeverinë që të mos përshëndesë themeluesin e WikiLeaks si hero.

Assange zbarkoi në Australi të mërkurën mbrëma. Ai u deklarua fajtor për shkeljen e Aktit të spiunazhit të Shteteve të Bashkuara të Amerikës. Më pas ai u lirua nga një gjykatë amerikane në ishullin e largët të Paqësorit, Saipan, pasi kishte shërbyer më shumë se pesë vjet në një burg britanik të sigurisë së lartë.

Gruaja e tij, Stella Assange, tha se është shumë herët për të treguar se çfarë do të bëjë burri i saj më pas dhe kërkoi privatësi për të.

Mbështetësit dhe mbrojtësit e fjalës së lirë të Assange e shohin atë si viktimë, sepse ai shpërfaqi keqbërjet dhe krimet e mundshme të SHBA-së, sikurse konfliktet në Afganistan dhe Irak, kur WikiLeaks publikoi mijëra dokumente të klasifikuara ushtarake dhe kabllograme diplomatike në vitin 2010.

Kryeministri australian Anthony Albanese, i cili mbështeti lirimin e Assange vite më parë para se të merrte detyrën në vitin 2022, e mirëpriti atë. Zhvilloi bisedë telefonike me të.

Megjithatë, opozita konservatore ngriti shqetësime në lidhje me portretizimin e Assange si hero pasi ai kaloi më shumë se një dekadë duke u përpjekur të shmangte ndjekjen penale dhe më pas u deklarua fajtor për një akuzë penale për komplot për të marrë dhe zbuluar dokumente të klasifikuara të mbrojtjes kombëtare.

Udhëheqësi i opozitës në Senat, Simon Birmingham, përshëndeti lirimin e Assange, por tha se themeluesi i WikiLeaks “nuk është dëshmor” për rrjedhjen masive të të dhënave.

“Ky nuk ishte një akt gazetarie. Nuk ishte sikur këto ishin dokumente të redaktuara apo kuruara. Ishte thjesht një grumbullim të dhënash, një grumbullim i të dhënave nga një rrjedhje dhe një deponim i të dhënave që erdhi me pasoja për SHBA-në në aspektin se si ata menaxhuan operacionet e tyre dhe zyrtarët e tyre për shkak të rreziqeve të sigurisë që u krijuan”, tha ai për Reuters në një intervistë./UBTNews/

Lajmet

Arrestohet i dyshuari për shpërthimin e veturës së u.d. të drejtorit të QKUK-së

Published

on

By

Prokuroria Themelore në Prishtinë njofton se është arrestuar B.K., në Podujevë, nën dyshimin për shpërthimin e veturës private të ushtruesit të detyrës së drejtorit të QKUK-së, Osman Hajdari, më 30 prill 2025.

Prokuroria Themelore në Prishtinë, në bashkëpunim dhe koordinim të plotë me Policinë e Kosovës ka arrestuar një (1) person B.K. në  Podujevë i dyshuar për kryerjen e veprave penale “Përdorimi i armës apo mjetit të rrezikshëm”  nga neni 367 par. 2 të KPRK-së, Zjarrvënia” nga neni 322 par. 2 të KPRK-së dhe “Mbajtja në pronësi, kontroll ose posedim të paautorizuar të armëve” nga neni 366 par 1 të KPRK-së, i cili ka ndodh me datë 30.04.2025 në oborrin e QKUK-së, kundër veturës  se UD Drejtorit të QKUK-së”, thuhet në njoftim.

Sipas Prokurorisë, operacioni policor në bashkëpunim të ngushtë me prokurorin e shtetit është duke vazhduar në mënyrë të intensifikuar në disa lokacione të ndryshme për mbledhjen e provave për hetimin e të gjitha rrethanave të rastit.

Shërbimi Spitalor Klinik Universitar (SHSKUK) përmes një komunikate për medie kishte se dëmtimi ka ndodhur në rrethana të panjohura, teksa parasahihej të mbahej mbledhja e Bordit Drejtues.

Sot, në parkingun e administratës së Qendrës Klinike Universitare të Kosovës (QKUK), ka ndodhur një incident që përfshin dëmtimin e veturës private të ushtruesit të detyrës së drejtorit të QKUK-së, e parkuar në parkingun e administratës. Dëmtimi ka ndodhur në rrethana ende të panjohura, në kohën kur po bëheshin përgatitjet për fillimin e mbledhjes së rregullt të Bordit Drejtues të Shërbimit Spitalor dhe Klinik Universitar të Kosovës (ShSKUK), e cila ishte paraparë të mbahej në hapësirat e administratës qendrore të ShSKUK-së”, thuhej në komunikatë./BetimipërDrejtësi/

Continue Reading

Lajmet

Osmani përkujton Betejën e Çabratit: Piedestali i qendresës dhe lavdisë

Published

on

By

Presidentja e Kosovës Vjosa Osmani, e ka përkujtuar Betejën e Çabratit, në 26 vjetorin e saj.

Osmani tha se kjo betejë është piedestal i qëndresës dhe lavdisë.

Në ballë të historisë, aty ku gjaku i lirisë u bë flamur, qëndruan vajzat dhe djemtë e Brigadës 137 “Gjakova”, të Ushtrisë Çlirimtare të Kosovës. Me zemër e besë, ata mbrojtën Gjakovën nga barbaria e regjimit gjenocidal serb. Në atë betejë të lavdishme ranë heroikisht 26 luftëtarë të UÇK-së, u vranë mizorisht afër 100 banorë dhe u rrëmbyen me dhunë mbi 300 të tjerë”, tha Osmani.

E para e shtetit theksoi se Çabrati është betim për liri, kujtesë e përhershme dhe thirrje për drejtësi.

Lavdi dëshmorëve! Nderim për të rënët! Drejtësi për të pagjeturit!”, theksoi ajo.

Continue Reading

Lajmet

Presidentja Osmani gjatë vizitës në Brunei diskutoi mundësitë për bashkëpunim në fusha të ndryshme

Published

on

By

Presidentja e Kosovës, Vjosa Osmani, gjatë vizitës në Brunei takoi Princin e Kurorës, Al-Muhtadee Billah si dhe Princeshën e Kurorës Sarah, Me këtë rast u diskutuan mundësitë për bashkëpunim në fusha të ndryshme.

Në banketin shtetëror të organizuar nga Sulltani i Bruneit, për nder të vizitës sonë, u dëshmuan vlerat e bujarisë e mikpritjes dhe respektit që e karakterizojnë këtë komb.

Përgjatë vizitës, kishim nderin që gjithashtu të takojmë Princin e Kurorës, Al-Muhtadee Billah, si dhe Princeshën e Kurorës Sarah, ku diskutuam rreth mundësive të shumta për bashkëpunim në fusha të interesit të dyanshëm.

Momente të tilla na kujtojnë fuqinë e diplomacisë dhe të respektit të ndërsjellë në ndërtimin e urave ndërmjet kulturave dhe shteteve”, u shpreh presidentja Osmani.

Continue Reading

Lajmet

Memli Krasniqi reagon për propozimin e LDK për qeveri tranzicioni në Kosovë

Published

on

By

Kryetari i Partisë Demokratike të Kosovës (PDK), Memli Krasniqi, deklaroi sot se partia që ai drejton është e përkushtuar ndaj dialogut dhe bashkëpunimit politik për të gjetur zgjidhje ndaj krizës aktuale institucionale në vend. Ai konfirmoi se është i gatshëm për takime me të gjithë liderët politikë, përfshirë edhe Albin Kurtin, duke theksuar se “PDK ka kulturë politike të dialogut dhe nuk i ikë asnjë takimi”.

Në lidhje me propozimin e kryetarit të LDK-së, Lumir Abdixhiku, për krijimin e një qeverie tranzicionale, Krasniqi tha se kjo çështje do të diskutohet në mbledhjen e Kryesisë së PDK-së që mbahet sot pasdite. Ai shtoi se është lexuar publikisht propozimi dhe do të trajtohet me seriozitet brenda strukturave të partisë.

Megjithatë, Krasniqi shprehu kundërshtimin e qartë ndaj kandidaturës së Albulena Haxhiut për kryetare të Kuvendit të Kosovës, duke theksuar se “ajo nuk është person që i bën nder këtij Kuvendi”. Ai e cilësoi kandidaturën e saj si përçarëse dhe të dëmshme, duke përkujtuar përfshirjen e saj në akte si hedhja e gazit lotsjellës në sallën e Kuvendit.

Ai kritikoi ashpër Lëvizjen Vetëvendosje, duke e akuzuar për “marrje peng të shtetit” dhe për mospranimin e faktit se nuk ka shumicën parlamentare. “Ky është abuzim me të drejtën kushtetuese dhe dhunim i verdiktit të qytetarëve”, deklaroi Krasniqi, duke i bërë thirrje VV-së që të ndryshojë kandidatin për kryeparlamentar, pasi Haxhiu nuk do të mund të zgjidhet as në përpjekjet e ardhshme.

Krasniqi gjithashtu përmendi faktin se Kosova ka hyrë në muajin e tretë pa institucione funksionale, dhe shtoi se vendi ka nevojë urgjente për konsolidimin e Kuvendit dhe formimin e një qeverie legjitime.

Ndërkohë, seanca e 12-të për konstituimin e Kuvendit dështoi sërish për shkak të mungesës së kuorumit për formimin e komisionit verifikues. Kryesuesi i seancës, Avni Dehari i VV-së, kërkoi votim të fshehtë dhe propozime nga partitë për anëtarët e komisionit, por nuk mori mbështetje nga pjesa tjetër e spektrit politik. Seanca do të vazhdojë më 9 maj.

Continue Reading

Të kërkuara