Lajmet nga UBT

UBT zhvilloi një diskutim të hapur me kompani botërore rreth partneriteteve strategjike me GVI Ballkanin Perëndimor

Në këtë tryezë diskutimi morën pjesë, rektori i UBT-së, Prof. Dr. Edmond Hajrizi, themeluesi i GVI Global, Kobi Kalderon dhe shumë ndërmarrës të huaj dhe vendorë, të cilët shpalosën ide dhe propozime, por edhe treguan rreth rrugëtimit dhe përvojës së tyre në fushën e industrisë dhe biznesit.

Publikuar

Në kuadër të lansimit të kompanisë “Gold Ventures Investments Western Balkan”, një partneritet izraelito-kosovar, në Parkun të Inovacionit dhe Trajnimeve (ITP) në Prizren, u zhvillua një tryezë diskutimi rreth temës: “Partneritetet strategjike me GVI Ballkanin Perëndimor – si të ecim përpara?”.

Në këtë tryezë diskutimi morën pjesë, rektori i UBT-së, Prof. Dr. Edmond Hajrizi, themeluesi i GVI Global, Kobi Kalderon dhe shumë ndërmarrës të huaj dhe vendorë, të cilët shpalosën ide dhe propozime, por edhe treguan rreth rrugëtimit dhe përvojës së tyre në fushën e industrisë dhe biznesit.

Në këtë diskutim u vu theksi tek strategjia e partneritetit në mes UBT-së dhe GVI-së, si dhe ofertave të cilat ju mundëson ky bashkëpunim kompanive të ndryshme botërore për të ardhur në Kosovë për të investuar.

Përfaqësues të kompanive të shumta në botë të cilët bashkëpunojnë më GVI Global, që diskutuan dhe prezantuan investimet e tyre në këtë tryezë, ishin: Galit Zamler nga “Vickathon”, Annamaria Andres nga “FFG – Austrian Research Promotion Agency”, Andreas Bauer nga “Gateway Ventures”, Xiao Jean XJ Chen nga “Venture Pole”, Harsh Deodhar nga “Ah! Ventures”, Dudu Gencel nga “Vienna Business Agency”, Margarita Bel nga “Gold Ventures Investment”, Asher Ben Artzi nga “Intelligence, Police and Security Consultant”, si dhe Paul Poltner.

Lansimi i “Gold Venture Investments Western Balkan” në ITP-Prizren, do të synoj ofrimin e shërbimeve për grupe të synuara, për kompani lokale dhe për start-up, duke kontribuuar kështu në zhvillimin e qëndrueshëm ekonomik dhe zgjerimin e tregut të Kosovës në tregjet ndërkombëtare.

Lajmet nga UBT

Profesori i UBT-së, Blerton Abazi mori pjesë në konferencën “Sfidat e Sigurisë së Informacionit në Realitetin TIK”

Abazi prezantoi temën: “Krijimi i Ekosistemit Kombëtar të Sigurisë Kibernetike”, duke vënë në theks të veçantë krijimin e këtij ekosistemi përmes partneritetit publiko-privat.

Publikuar

nga

Profesori i Fakultetit Sistemet e Informacionit në UBT, Blerton Abazi me ftesë të Institucioneve të Sigurisë mori pjesë në konferencën: “Sfidat e Sigurisë së Informacionit në Realitetin TIK”, një ngjarje e organizuar nga autoritetet e sigurisë kombëtare të Republikës së Kosovës dhe Republikës së Shqipërisë.

Në këtë konferencë në kuadër të një paneli të diskutimit, profesori Blerton Abazi prezantoi temën: “Krijimi i Ekosistemit Kombëtar të Sigurisë Kibernetike”, duke vënë në theks të veçantë krijimin e këtij ekosistemi përmes partneritetit publiko-privat.

Ndër të tjera, profesori Abazi foli rreth përballjes së sektorit publik me mungesën e besimit dhe stabilitetit në mjediset e teknologjisë informative për shkak të mungesës së mesazheve efektive të sigurisë kibernetike, si dhe nevojës për kontributin e mekanizmave institucionalë drejt transformimit digjital.

Vazhdo të lexosh

Lajmet nga UBT

Dr. Arbër Shehu zhvilloi një ligjëratë tematike me studentët e UBT-së

Mes tjerash, Shehu diskutoi rreth efektivitetit të vaksinave në parandalimin e COVID-19 te njerëzit e hospitalizuar në ShBA

Publikuar

nga

Në Parkun Shkencor Inovativ të UBT-së në Lipjan, qëndroi për vizitë drejtori i Onkologjisë në “AstraZeneca”, Dr. Arbër Shehu, i cili njëherit zhvilloi një ligjëratë tematike me studentët e Fakultetit të Farmacisë, si dhe me pjesëmarrës të tjerë.

Në këtë ngjarje, Dr. Arbër Shehu ligjëroi rreth temës: “Matja e efektit të vaksinave Pfizer dhe Moderna te COVID-19 në mbrojtje ndaj hospitalizimit në ShBA në botën reale”, duke dhënë një pasqyrë të detajuar të efektivitetit të vaksinave kundër COVID-19 në Shtetet e Bashkuara të Amerikës.

Ndër të tjera, Dr. Arbër Shehu diskutoi rreth efektivitetit të vaksinave në parandalimin e sëmundjes COVID-19 te njerëzit e hospitalizuar në ShBA, rreth krahasimit të efektit të vaksinave sipas llojit të vaksinave dhe mbajtjes së shkallës së efektit të tyre te variantet e ndryshme të virusit, si dhe vlerësimit të efektit të vaksinave sipas karakteristikave të ndryshme duke përfshirë moshën, racën/etnitetin, dhe sëmundjet shoqëruese.

Vazhdo të lexosh

Lajmet nga UBT

Në UBT u zhvillua trajnimi i radhës i projektit “QUADIC”

Në këtë takim, mori pjesë rektori i UBT-së, Prof. Dr. Edmond Hajrizi, profesori Betim Gashi, si dhe përfaqësues të universiteteve dhe institucioneve pjesëmarrëse të këtij projekti.

Publikuar

nga

Në Parkun Shkencor Inovativ të UBT-së, në Lipjan, më 23 nëntor 2022 është zhvilluar trajnimi i projektit “QUADIC” në kuadër të programit Erasmus+.

Në këtë takim, mori pjesë rektori i UBT-së, Prof. Dr. Edmond Hajrizi, profesori Betim Gashi, si dhe përfaqësues të universiteteve dhe institucioneve pjesëmarrëse të këtij projekti.

Në kuadër të këtij takimi, u diskutua për platformat që janë krijuar në kuadër të këtij projekti që kryesisht kanë të bëjnë me ndërkombëtarizimin, menaxhimin e projekteve dhe mobilitetin e stafit akademik, administrativ dhe të studentëve.

Vazhdo të lexosh

Lajmet nga UBT

Në UBT promovohet libri “Psikotrauma dhe stresi post-traumatik” i Dr. Med. Skender Munishi

Në promovimin e këtij libri ishin prezent studentë, profesorë dhe pjesëmarrës të tjerë.

Publikuar

nga

Në Parkun Shkencor Inovativ të UBT-së, në Lipjan, javë më parë është bërë promovimi i librit të autorit Dr. Med. Skender Munishi, me titull: “Psikotrauma dhe stresi post-traumatik”, manual lidhur me traumën psikike, rrjedhën dhe trajtimin e saj.

Në promovimin e këtij libri ishin prezent studentë, profesorë dhe pjesëmarrës të tjerë

Libri “Psikotraume dhe stresi post-traumatik” është një përmbledhje e detajuar dhe kritike, lidhur me psikotraumën si çrregullim, simptomat, rrjedhën, klasifikimin sipas sistemeve aktuale, operacionalizues, të të dhënave epidemiologjike, modelet shpjeguese, qasjet e trajtimit, si farmakologjik ashtu edhe psikoterapeutik dhe efektivitetin e tyre.

Vazhdo të lexosh

Të kërkuara