Lajmet nga UBT

UBT vendos Kosovën në rrjetin e unionit ndërkombëtar të laboratorëve dhe ekspertëve RILEM

RILEM njihet si Unioni Ndërkombëtar i Laboratorëve dhe Ekspertëve në Materialet, Sistemet dhe Strukturat e Ndërtimit.

Publikuar

Falë UBT-së dhe në mënyrë specifike Fakultetit të Inxhinierisë së Ndërtimit dhe Infrastrukturës, Kosova ka arritur edhe një sukses tjetër në arenën ndërkombëtare, duke u bërë kështu anëtar i Unionit Ndërkombëtar të Laboratorëve dhe Ekspertëve në Materiale, Sisteme dhe Strukturat e Ndërtimit Botëror (RILEM).

Me iniciativën dhe punën e prodekanit të Inxhinierisë së Ndërtimit dhe Infrastrukturës në UBT, Dr. Visar Krelani, si dhe mbështetjen e rektorit të UBT-së, Prof. Dr. Edmond Hajrizi dhe të drejtorit dhe dekanit Prof. Dr. Muhamet Ahmeti, tashmë emri i Kosovës renditet në listën e shteteve anëtare dhe kontribuuese në RILEM, që do të ofrojë kontributin dhe ndihmën në zhvillimin e fushës së ndërtimit dhe në mënyrë specifike të Komitetit Teknik (Technical Committee) 287 – CCS me udhëheqës: Miguel Ângelo Dias Azenha nga Universiteti i Minhos, Portugali dhe Fragkoulis Kanavaris nga “Queen’s University”, në Britaninë e Madhe.

RILEM njihet si Unioni Ndërkombëtar i Laboratorëve dhe Ekspertëve në Materialet, Sistemet dhe Strukturat e Ndërtimit, i cili është themeluar në qershor të vitit 1947, me qëllim të promovimit të bashkëpunimit shkencor në fushën e materialeve dhe strukturave të ndërtimit. Kuptimi i ri i akronimit RILEM (Réunion Internationale des Laboratoires et Experts des Matériaux, systèmes de construction et ouvrages), ka fokusin në promovimin e bashkëpunimit në shkallë ndërkombëtare me qasje të përgjithshme në njohuri të avancuara, si: të stimulojë drejtime të reja të kërkimit dhe hulumtimit, duke promovuar përsosmërinë në ndërtim, të promovojë ndërtim të qëndrueshëm dhe të sigurt dhe performanca të përmirësuara dhe përfitim në kosto për shoqërinë.

Misioni i unionit është të avancojë njohuritë shkencore me qasje të lirë në lidhje me materialet, sistemet dhe strukturat e ndërtimit dhe të inkurajojë transferimin dhe zbatimin e kësaj njohurie në mbarë botën.

Sa i përket temës specifike që merret me betonin e armuar Komiteti Teknik 287 – CCS në të cilin janë të përfshirë anëtarë nga: Amerika, Kina, Australia, Franca, Britania e Madhe, Austria, Italia, Portugalia, si dhe UBT nga Kosova, merret me analizën e gjerësisë së plasaritjeve të hershme dhe afatgjate në strukturat e betonit të armuar.

Vazhdimësia e investimit të UBT-së dhe udhëheqjes së tij në ndërkombëtarizim po ashtu ka ndikim të lartë pasi që tashmë konsiderohet partner i besueshëm në bazë të punës së tij në fushën e Inxhinierisë në përgjithësi dhe në Inxhinierinë e Ndërtimit në veçanti.

Lajmet nga UBT

Ish-studentja e Fakultetit Media dhe Komunikim në UBT, Nesa Kryeziu ka filluar punën praktike në T7

Rrugëtimin e saj në UBT, Nesa e ka cilësuar si ndër eksperiencat më të mira, për shkak të mundësive të shumta.

Publikuar

nga

Ish-studentja e Fakultetit Media dhe Komunikim në UBT, Nesa Kryeziu pas përfundimit të nivelit bachelor është angazhuar në praktikë profesionale në televizionin T7, në pozicionin e gazetares së terrenit për përcjelljen e ngjarjeve të ndryshme që ndodhin në vend, rajon dhe botë.

Njohuritë e fituara përgjatë studimeve në Fakultetin Media dhe Komunikim, si dhe mbështetja e profesorëve universitar për avancimin e njohurive, kanë bërë që Nesa Kryeziu të përgatitet profesionalisht dhe të jetë e gatshme për të punuar në njërën nga mediat vendore.

Zgjodha UBT-në sepse është një ndër universitetet lider, me staf profesional, mundësi alternative, me komunikim interaktiv dhe mision të qartë për rininë dhe aftësimin e tyre profesional, si dhe studimet i bëjnë të veçanta komunikimi interaktiv dhe praktika paralele, qasja në informacione përmes bibliotekës së pasur, promovimi i studentëve me projekte ndërkombëtare”, ka thënë Kryeziu.

Rrugëtimin e saj në UBT, Nesa e ka cilësuar si ndër eksperiencat më të mira, për shkak të mundësive të shumta që iu janë ofruar për të marrë pjesë në vizita të ndryshme, ndër to duke qenë edhe pjesëmarrëse në festivalin “Medienfrische” në Austri.

UBT ka ofruar mbështetjen në promovimin e ideve dhe plasimin e tyre përmes praktikës brenda dhe jashtë shtetit, punëtorive të ndryshme duke krijuar eksperienca të reja. Kemi pasur mundësi që të jemi pjesëmarrës në vizita të ndryshme studimore me karakter promovues dhe bashkëpunues. Kam qenë pjesëmarrëse në festivalin “Medienfrische” në Austri, ku më është mundësuar dokumentimi i punëve të artistëve të ndryshëm ndërkombëtarë përmes njohurive që kemi marrë në UBT”, është shprehur ajo.

Shumica e studentëve të Fakultetit Media dhe Komunikim në UBT, rreth 98% e tyre, tashmë janë të punësuar në mediat vendore dhe ndërkombëtare, ku raportojnë dhe përcjellin ngjarje, si dhe hulumtojnë dhe verifikojnë lajme për raste specifike.

Vazhdo të lexosh

Lajmet nga UBT

Nesër, UBT do të mbajë mbledhje komemorative në nderim të veprës së profesorit dhe politologut, Dr. Belul Beqaj

Mbledhja komemorative mbahet në qendrën e UBT-së, në Prishtinë, duke filluar nga ora 12:00.

Publikuar

nga

Nën përkujdesjen e rektorit të UBT-së, Prof. Dr. Edmond Hajrizi, të hënën, më 26.09.2022, UBT do të mbajë mbledhje komemorative me rastin e ndarjes nga jeta të profesorit dhe politologut, Dr. Belul Beqaj.

Mbledhja komemorative mbahet në qendrën e UBT-së, në Prishtinë, duke filluar nga ora 12:00, për të nderuar jetën dhe veprën e shquar të profesorit Dr. Belul Beqaj.

Ju ftojmë të merrni pjesë për të bërë nderimet e fundit profesorit të UBT-së, Dr. Belul Beqaj, i cili kishte një veprimtari të gjerë në fushën e shkencave politike, sociologjisë politike e komunikimit politik.

Vazhdo të lexosh

Lajmet nga UBT

Ndahet nga jeta profesori i UBT-së, Dr. Belul Beqaj, rektori Hajrizi ngushëllon familjen Beqaj

Beqaj ishte autor i dhjetëra punimeve publicistike -shkencore.

Publikuar

nga

Është ndarë nga jeta profesori i UBT-së, Dr. Belul Beqaj, një prej profesionistëve dhe politologëve më të mirë që ka njohur vendi dhe rajoni.

Rektori i UBT-së, Prof. Dr. Edmond Hajrizi, i ka dërguar një telegram ngushëllimi familjes Beqaj, në të cilin ka vlerësuar lartë figurën e shquar të profesorit Beqaj.

Me dhimbje dhe pikëllim të thellë morëm lajmin për ndarjen nga jeta të profesorit Dr. Belul Beqaj. Një profesionist i jashtëzakonshëm dhe mbi të gjitha një njeri i mirë sot u nda nga jeta, dhe patjetër që për ne, stafin, studentët dhe gjithë Kosovën do të jetë një humbje e madhe. Profesori Beqaj ishte profesional në punë, i drejtë dhe i sinqertë në mendime e veprime, dhe kjo e ka bërë atë të veçantë nga gjithë të tjerët”, ka thënë rektori Hajrizi.

Dr. Belul Beqaj lindi në Prizren më 1957, ku i kreu shkollën fillore dhe gjimnazin. Ka diplomuar, magjistruar në Fakultetin e Shkencave Politike në Universitetin e Beogradit, përkatësisht në Fakultetin Juridik të Universitetit të Prishtinës, ndërsa ka doktoruar në fakultetin e Shkencave Politike të Universitetit publik të Maqedonisë. Ishte autor i dhjetëra punimeve publicistike -shkencore, si dhe pjesëmarrës në konferenca të shumta brenda dhe jashtë Kosovës.

Vazhdo të lexosh

Lajmet nga UBT

NJOFTIM: Provimi pranues i afatit të tretë në Fakultetin e Farmacisë në UBT, mbahet më datë 29 shtator

Provimi pranues do të mbahet në ora 10:00.

Publikuar

nga

Ka mbetur edhe pak kohë për t’u bërë pjesë e Fakultetit Farmaci në UBT, njërit prej institucioneve lider të arsimit të lartë në Kosovë, i cili posedon laboratorët më inovativ dhe më të sofistikuar të kohës moderne.

Afati i fundit për aplikim është data 28 shtator 2022, ndërkaq provimi pranues i afatit të tretë mbahet më 29 shtator 2022 në qendrën e UBT-së në Prishtinë, duke filluar nga ora 10:00.

Dokumentet e nevojshme për aplikim:

  • Diploma e shkollës së mesme;
  • Dëftesat e klasës 10, 11, 12, (13 aty ku aplikohet);
  • Certifikata e pikëve të testit të maturës shtetërore;
  • Certifikata/ekstrakti i lindjes, dhe
  • Kopja e letërnjoftimit.

Fakulteti i Farmacisë në UBT është programi që ofron ndërlidhjen e njohurive teorike dhe praktike të kësaj fushe me infrastrukturë dhe metodat më moderne të mësimdhënies, si dhe kurrikula e programit mësimor është e hartuar në atë mënyrë që të sigurojë zhvillimin e lëndëve themelore të degës së farmacisë.

Vazhdo të lexosh

Të kërkuara