Lajmet nga UBT

UBT vend i zhvillimit profesional të mijëra vajzave dhe grave në sektorin e teknologjisë informative

UBT për 20 vite punë ka promovuar vazhdimisht vlerat që vajzat dhe gratë kanë në shoqëri edhe në profesione ku zakonisht numri i tyre është i vogël.

Published

on

Zhvillimi i programeve të ndryshme të studimit, me theks në ato të teknologjisë informative, ka ngjallur një interesim shumë të madh të vajzave dhe grave për të studiuar në fushat e inxhinierisë kompjuterike, sistemeve të informacionit e menaxhimit të mekatronikës.

UBT për 20 vite punë ka promovuar vazhdimisht vlerat që vajzat dhe gratë kanë në shoqëri edhe në profesione ku zakonisht numri i tyre është i vogël. Për këtë, me kalimin e viteve në UBT numri i studenteve që kanë studiuar dhe janë duke i vazhduar studimet në sektorin e ICT-së është rritur dukshëm, duke shkuar numri i përgjithshëm i tyre në mbi 2500 studente femra që kanë zgjedhur për të vazhduar rrugëtimin e tyre akademik në këtë fushë.

Në Ditën Ndërkombëtare të Vajzave në ICT, UBT ashtu siç ka vepruar edhe më herët, vazhdon të promovojë vlerat e gjinisë femërore në këtë fushë, duke ditur aftësitë dhe shkathtësitë që ato kanë në teknologjitë informative, kësisoj duke iu ofruar edhe kushte moderne infrastrukturore për zhvillimin e tyre në karrierë.

Rektori i UBT-së, prof. dr. Edmond Hajrizi, ka thënë se numri i vajzave që po zgjedhin këtë fushë është në rritje e sipër dhe se UBT vazhdon të jetë i përkushtuar në mbështetjen e tyre në këtë drejtim, duke iu ofruar mundësi për zhvillim jo vetëm për tregun vendor por edhe për atë global.

“Çfarë na motivon dhe na bën krenar në të njëjtën kohë, është fakti se numri i studenteve që zgjedhin për të studiuar në sektorin e ICT-së është në rritje të vazhdueshme. UBT është institucioni që i mbështetë vajzat të cilat zgjedhin për të studiuar në këtë sektor, me bursa studimi e me mundësi të tjera që ua lehtësojnë studimet, sepse UBT beson në shkathtësitë e tyre dhe se vizioni ynë është që ato do të jenë inovatorët e së ardhmes dhe përfaqësueset e Kosovës në arenën ndërkombëtare për teknologji dhe inovacion”, ka thënë rektori Hajrizi.

Në këtë sektor, shumë vajza dhe gra tashmë të diplomuara, e disa edhe që janë duke i vazhduar studimet, veçse janë ambientuar në tregun e punës, kanë biznese personale, udhëheqin kompani lidere, janë pjesë e stafit të UBT-së, po vazhdojnë studimet jashtë vendit duke marrë praktika të njohura ndërkombëtare, si dhe janë pjesë e institucioneve vendore e ndërkombëtare.

Fakulteti Shkenca Kompjuterike dhe Inxhinieri në UBT, është shkolla më e madhe e teknologjisë në vend, që ofron kushte moderne dhe profesionistët më të mirë që ka vendi nga kjo fushë, duke u pasuar nga Fakulteti Sistemet e Informacionit dhe Fakulteti Menaxhim i Mekatronikës, që për çdo vit pranojnë qindra studente femra në këto programe studimi.

UBT përveçse i kushton një vëmendje të veçantë Ditës Ndërkombëtare të Vajzave në ICT, përmes kampanjave promovuese, aktiviteteve të ndryshme, diskutimeve me qytetarë dhe studentë, si dhe kategori të ndryshme të shoqërisë, vazhdimisht bën thirrje që vajzat dhe gratë të angazhohen dhe të vazhdojnë karrierën e tyre profesionale në këtë sektor pa marrë parasysh sfidave që mund të hasin.

Lajmet nga UBT

Shkollat e Mjekësisë në UBT International Smart Schools me qasje praktike: Edukim që sjell rezultate të mëdha

Published

on

By

Të rinjtë që ëndërrojnë një të ardhme në fushën e mjekësisë tashmë kanë një mundësi të jashtëzakonshme për të nisur rrugëtimin e tyre profesional që në shkollën e mesme. Shkollat e Mesme të Mjekësisë në UBT International Smart Schools, përveç përgatitjes teorike cilësore, ofrojnë praktikë reale në institucione shëndetësore, duke e kthyer mësimin në përvojë jetësore.
Një prej shembujve më të mirë është bashkëpunimi me Qendrën Kryesore të Mjekësisë Familjare në Lipjan (QKMF), ku nxënësit kanë zhvilluar praktikat e tyre profesionale. Ata kanë asistuar mjekë dhe infermierë në detyra të përditshme, duke qenë pjesë aktive e stafit shëndetësor. Kjo ka qenë një eksperiencë që jo vetëm ka përforcuar njohuritë dhe aftësitë e tyre, por edhe ka rritur vetëbesimin dhe ndjenjën e përgjegjësisë.
Nga klasa në praktikë – dhe më afër profesionit të ëndrrave
Në vend që të presin për studime të larta për të prekur realitetin profesional, nxënësit e këtyre shkollave kanë mundësinë të jenë pranë pacientëve, të përdorin pajisje mjekësore dhe të mësojnë drejtpërdrejt nga profesionistët. Kjo qasje e hershme dhe intensive në praktikë i bën më të përgatitur për sfidat e së ardhmes.
Pse të regjistrohesh në Shkollat e Mesme të Mjekësisë në UBT International Smart Schools?
Mësim cilësor nga profesionistë të fushës
Praktikë profesionale në institucione shëndetësore si QKMF
Mundësi reale punësimi dhe vijimi studimesh në mjekësi, infermieri, farmacisë etj.
Zhvillim i shpejtë i aftësive praktike dhe komunikimit me pacientë
Përvojë që e dallon çdo nxënës në tregun e punës
Regjistrimet e hershme për vitin e ri shkollor janë të hapura. Nëse dëshiron të jesh pjesë e një sistemi që përgatit profesionistë të së nesërmes dhe ofron mundësi konkrete për zhvillim personal e profesional, Shkollat e Mesme të Mjekësisë janë zgjedhja e duhur për ty.
Apliko sot dhe bëhu pjesë e profesionistëve të së ardhmes!

Continue Reading

Lajmet nga UBT

5-9 Maj: UBT organizon International Staff Week për rrjetëzimin dhe inovacionin global

Published

on

By

UBT do të organizojë një ngjarje të rëndësishme ndërkombëtare, International Staff Week, nga 5 deri më 9 maj. Kjo ngjarje do të bëjë bashkë profesorë, ekspertë akademikë dhe profesionistë nga mbarë bota për të marrë pjesë në një javë të mbushur me ligjërata frymëzuese, punëtori praktike dhe mundësi për lidhje dhe rrjetëzim global.
Parku Shkencor, Inovativ dhe Teknologjik i UBT-së, në Lipjan, do të jetë kryeqendra e aktiviteteve, ku pjesëmarrësit nga fusha të ndryshme akademike do të shkëmbejnë njohuri, përvoja dhe mundësi për të krijuar bashkëpunime ndërkombëtare të reja.
Një javë mësimi dhe inovacioni
Gjatë javës, pjesëmarrësit do të kenë mundësinë të marrin pjesë në aktivitete të ndryshme që janë projektuar për të frymëzuar dhe sfiduar mendimin konvencional. Ngjarja do të përfshijë:
Ligjërata frymëzuese: Profesionistë dhe profesorë ndërkombëtarë do të mbajnë ligjërata mbi një gamë të gjerë temash, duke ofruar perspektiva të freskëta dhe njohuri të thella në fusha të ndryshme akademike dhe profesionale.
Punëtori praktike: Do të organizohen punëtori praktike ku pjesëmarrësit mund të zhvillojnë aftësi të reja, të bashkëpunojnë në projekte reale dhe të eksplorojnë ide inovative që po formësojnë të ardhmen e arsimit, biznesit dhe teknologjisë.
Mundësi për rrjetëzim global: Me pjesëmarrës nga të katër anët e botës, kjo ngjarje do të shërbejë si një platformë ideale për krijimin e lidhjeve të rëndësishme dhe zgjerimin e rrjeteve profesionale. Kjo është mundësi për të takuar dhe bashkëpunuar me liderë dhe novatorë nga fushat e ndryshme.
Bashkohuni me UBT-në për këtë javë të jashtëzakonshme të mësimit, bashkëpunimit dhe shkëmbimit kulturor. Java Ndërkombëtare në UBT premton të jetë një përvojë të paharrueshme, një mundësi jo vetëm për të zhvilluar aftësi profesionale, por edhe për të kontribuar në ndërtimin e një komuniteti global më të lidhur dhe gjithëpërfshirës.
Për më shumë informacione dhe për t’u regjistruar, vizitoni faqen kryesore të UBT-së.

Continue Reading

Lajmet nga UBT

UBT organizon panel diskutimi në Edicionin e Tretë të Konferencës për Lidership – “Sfida dhe mundësi në qeverisje”

Published

on

By

Në kuadër të edicionit të tretë të Konferencës për Lidership, e organizuar nga Qendra për Lidership në UBT, një nga momentet më të rëndësishme ishte paneli i diskutimit mbi temën “Sfida dhe mundësi në qeverisje”.

Ky panel i veçantë mblodhi ekspertë të shquar nga fusha të ndryshme, të cilët ndanë me audiencën mendimet dhe përvojat e tyre për përmirësimin e proceseve të qeverisjes dhe sfidat me të cilat përballen shtetet në zhvillim në implementimin e politikave efektive.

Paneli u moderua nga Prof. Assoc. Dr. Nexhat Kryeziu, anëtar i Bordit Mbikëqyrës të Bankës Qendrore të Republikës së Kosovës. Ai theksoi rëndësinë e një qeverisjeje të efektshme për zhvillimin e qëndrueshëm të shteteve dhe mundësitë që ofron një qeverisje e tillë për rritjen e transparencës, ndershmërisë dhe përfshirjes së qytetarëve në proceset vendimmarrëse.

Në këtë panel, morën pjesë edhe Er. Pooja Agarwal, Pro-Kancelare e Shri Ramswaroop Memorial University në Indi, Rozafa Ukimeraj, eksperte në Politika Publike, dhe Devendra Goyal, sipërmarrës në Teknologji dhe Pasuri të Paluajtshme, i diplomuar nga MIT. Secili prej tyre kontribuoi me një perspektivë të pasur dhe të thellë mbi sfidat që hasin vendet në zhvillim në krijimin dhe zbatimin e politikave efektive.

Një nga temat kryesore të diskutuara ishte se si vendet në zhvillim mund të përmirësojnë strukturat e qeverisjes për të përballuar sfidat e korrupsionit, mungesës së transparencës dhe pjesëmarrjes të kufizuar të qytetarëve. Er. Pooja Agarwal shprehu besimin e saj se liderët duhet të identifikojnë dhe ndajnë vizionin e tyre me qytetarët për të siguruar që ata të jenë pjesë e procesit të zhvillimit dhe ndryshimeve. Ajo theksoi gjithashtu rëndësinë e edukimit si një mjet kyç për të kapërcyer hendekun e zhvillimit dhe për të krijuar mundësi për brezat e ardhshëm.

Rozafa Ukimeraj, me një përvojë të gjatë në administratën publike, ndau perspektivën e saj për rëndësinë e krijimit të politikave të bazuara në prova që mund të zbatojnë një qeverisje efikase. Ajo theksoi se për të përmirësuar qeverisjen, është e domosdoshme që të bëhen reforma në administratën shtetërore dhe të krijohet një kulturë përgjegjshmërie dhe transparence.

Devendra Goyal, një sipërmarrës dhe ekspert i teknologjisë, foli për mundësitë që ofron përdorimi i teknologjisë dhe digjitalizimit në përmirësimin e shërbimeve publike dhe të struktura të qeverisjes. Ai sugjeroi që mund të zhvillohen platforma të reja për përmirësimin e transparencës dhe aksesit të qytetarëve në informacionin publik.

Panelistët ishin njëzëshëm në theksimin e rëndësisë që ka angazhimi i qytetarëve në krijimin e politikave dhe proceseve që i prekin ata direkt. Në këtë kontekst, Devendra Goyal foli për përgjegjësinë që ka çdo qytetar për të kontribuar në ndërtimin e një shoqërie të qëndrueshme dhe të drejtë. Ai theksoi se duhet të ketë një bashkëpunim të ngushtë mes qytetarëve dhe liderëve për të ndërtuar një të ardhme më të mirë për të gjithë.

Prof. Assoc. Dr. Nexhat Kryeziu, duke moderuar diskutimin, nënvizoi gjithashtu se ndërtimi i një lidershipi të qëndrueshëm dhe transparent është një proces që kërkon angazhim të përbashkët dhe një planifikim të qartë nga të gjitha nivelet e qeverisjes.

Paneli u mbyll me një mesazh optimist nga të gjithë panelistët, të cilët besuan se, megjithë sfidat që ekzistojnë, ka mundësi të mëdha për zhvillimin e qeverisjes në Kosovë dhe në vendet në zhvillim. Ata theksuan se arritjet e mundshme do të vijnë përmes angazhimit të përbashkët, përdorimit të politikave të bazuara në prova dhe inovacioneve që mund të ofrojnë teknologjitë moderne.

Në përfundim të konferencës, pjesëmarrësit që ndoqën programin morën certifikata të përfundimit, duke vërtetuar përkushtimin e tyre për forcimin e lidershipit dhe përmirësimin e proceseve të qeverisjes, si në nivel lokal, ashtu edhe në atë global.

Konferenca për Lidership, edicioni i tretë, ka qenë një sukses i jashtëzakonshëm, duke bashkuar ekspertë dhe liderë të nivelit të lartë dhe duke kontribuar në përmirësimin e qeverisjes dhe zhvillimin e lidershipit në Kosovë dhe më gjerë.

Continue Reading

Lajmet nga UBT

UBT nënshkruan marrëveshje bashkëpunimi me SRMU nga India

Published

on

By

Një moment kyç i Konferencës për Lidership në UBT, ishte ceremonia e nënshkrimit të marrëveshjes së bashkëpunimit midis UBT-së dhe Shri Ramswaroop Memorial University (SRMU) nga India.

Kjo marrëveshje ka për qëllim forcimin e bashkëpunimit ndërkombëtar në fushën e edukimit dhe trajnimit të liderëve të ardhshëm, duke ofruar mundësi për shkëmbimin e studentëve dhe akademikëve, si dhe zhvillimin e projekteve të përbashkëta për avancimin e politikave publike dhe lidershipit.

Rektori i UBT-së, Prof. Dr. Edmond Hajrizi, dhe Er. Pankaj Agarwal, Kancelar i SRMU, nënshkruan marrëveshjen në një ceremoni solemne, e cila u pasua nga një diskutim i shkurtër rreth mundësive të reja që ky bashkëpunim do të hapë për të dyja institucionet.

Ky hap i rëndësishëm thekson angazhimin e përbashkët të UBT-së dhe SRMU-së për të krijuar mundësi për studentët dhe akademikët që të angazhohen në projekte ndërkombëtare dhe të kontribuojnë në zhvillimin e politikave që ndihmojnë në përmirësimin e sistemeve arsimore dhe të qeverisjes.

Continue Reading

Të kërkuara