Lajmet nga UBT

UBT sot filloi vitin e ri akademik 2020/2021

Published

6 years ago

on

Sipas Kalendarit Akademik, sot, më 1 tetor 2020, qindra studentë të rinj dhe studentë aktual kanë filluar rrugëtimin akademik në UBT, të cilët të ardhmen e tyre profesionale ia besuan institucionit lider për cilësi në arsimin e lartë.

Në këtë vit akademik, duke pasur parasysh që shëndeti i studentëve është prioritet i UBT-së, institucioni do të zhvillojë mësimin e kombinuar, në mënyrë fizike dhe online.

Në urimin e tij, presidenti i UBT-së, prof.dr Edmond Hajrzi ka potencuar që do të punohet pareshtur për përgatitjen e kuadrove të reja profesionale, të cilët do të ndihmojnë dhe ndikojnë në përparimin e Kosovës në të gjitha fushat, por edhe ta përfaqësojnë denjësisht shtetin tonë kudo që ka nevojë.

“Ne jemi përkushtuar që të ofrojmë të gjitha mundësitë dhe të ndjeni të barabartë me studentët ndërkombëtarë. Ofruam programe të shumta studimi, rreth 200 specializime, qindra bursa studimi në UBT, mundësuam që mësimi të zhvillohet edhe me teknologjinë e fjalës së fundit, përmes Realitetit Virtual dhe të Shtuar, ndërtuam mbi 100 laboratorë fizik të pajisur me mjetet më bashkëkohore në nivel botëror, krijuam mbi 20 mijë mësime virtuale. Duke ju falënderuar për besimin tuaj në institucionin tonë, me plot bindje ju them që ju jeni orientuar për vlera të mirëfillta akademike dhe të jetës. Ne do të përkujdesemi së bashku me mbi 1 mijë profesionistë që janë staf akademik për ngritjen profesionale, siç deri sot kanë bërë prindërit tuaj, andaj edhe jemi të vendosur që bashkë të mos ndalemi derisa ju të jeni gjenerata që do ta ndërtoni dhe zhvilloni Kosovën”, theksoi presidenti i UBT-së, prof.dr Edmond Hajrizi.

Kjo javë do të jetë informuese dhe orientuese për studentët e rinj, teksa studentët aktual do të zhvillojnë procesin mësimor në përputhje me planin dhe programin e studimeve.

UBT edhe në këtë vit të ri akademik, do të vazhdojë të mbështesë studentët me metodat më të sofistikuara teknologjike në të gjitha fushat e studimit. Institucioni, sikurse edhe viteve tjera, do të përkujdeset me të gjitha kapacitetet që ka, që studentët të përfitojnë kompetenca të larta dhe të shndërrohen në profesionistët që ka nevojë jo vetëm Kosova, por edhe rajoni dhe bota.

Viti paraprak akademik, ishte një vit jo i zakonshëm për shkak të pandemisë covid-19, por UBT e përmbylli suksesshëm duke aplikuar platformat teknologjike për mësim në distancë, duke përfshirë edhe atë Virtual Reality.

Related Topics:
Continue Reading

Lajmet

UBT hap konkursin për pranimin e studentëve të rinj për vitin akademik 2026/27

Published

2 hours ago

on

June 12, 2026

By

UBT ka hapur zyrtarisht konkursin për pranimin dhe regjistrimin e studentëve të rinj për vitin akademik 2026/27, duke ofruar mundësi studimi në mbi 50 programe akademike në nivelet Bachelor dhe Master dhe mbi 150 fusha të specializimit.

Si institucioni më i vlerësuar në botë, UBT vazhdon të ofrojë programe bashkëkohore studimi të harmonizuara me kërkesat e tregut vendor dhe ndërkombëtar të punës, duke integruar teknologjitë më të avancuara dhe Inteligjencën Artificiale në procesin mësimor.

Të drejtën e aplikimit në studimet Bachelor e kanë të gjithë kandidatët që kanë përfunduar arsimin e mesëm të lartë, ndërsa për studimet Master kërkohet përfundimi i nivelit Bachelor.

Programet e studimit në UBT, në nivelin Bachelor i gjeni në këtë link:

PROGRAMET BACHELOR

Për regjistrimin në studimet Master kërkohet që kandidati të ketë përfunduar studimet Bachelor.

Programet e studimit në UBT, në nivelin Master i gjeni në këtë link:

PROGRAMET MASTER

Qendrat e regjistrimit të UBT-së në Kosovë:

  • Prishtinë;
  • Lipjan;
  • Prizren;
  • Pejë;
  • Ferizaj;
  • Gjilan.

Mobilitetet/bursat ndërkombëtare:

  • Erasmus+;
  • CEEPUS;
  • PoSIG, etj.

Gjuha e studimeve:

  • Gjuhë shqipe;
  • Gjuhë angleze;
  • Mundësia e studimit në gjuhë të tjera.

Për sukses të garantuar, UBT ofron për studentët:

  • Orientim dhe praktika profesionale, kurse, vizita studimore dhe certifikime;
  • Sistem online dhe qasje në kompjuterë;
  • Licenca falas për softuerë;
  • Praktikë në kompani vendore dhe ndërkombëtare;
  • Librari me mbi 200 mijë tituj dhe qasje në libraritë elektronike botërore;
  • Praktikë dhe eksperimente në laboratorë bashkëkohorë;
  • Trajnime: CISCO, Microsoft, AutoCad, IPMA, etj;
  • Certifikime për kontabilistë në bashkëpunim me SCAAK.
  • Integrim të Inteligjencës Artificiale – VR/AR.

Studentët të cilët aplikojnë në studime themelore, i bashkëngjisin aplikacionit:

  • Certifikatën e maturës shtetërore – origjinale ose kopje të noterizuar (Për shtetasit jashtë Kosovës nuk nevojitet);
  • Diplomën e shkollës së mesme – origjinale ose kopje të noterizuar;
  • Dëftesat e shkollës së mesme – origjinale ose kopje të noterizuar;
  • Ekstrakti i lindjes.

Për më shumë informacione rreth programeve të studimit dhe mundësive që ofron UBT, ju lutemi që të ndiqni linkun: ubt-uni.net, na ndiqni edhe në rrjetet tona sociale: Facebook, Instagram, Twitter, LinkedIndhe TikTok.

APLIKO TANI ONLINE dhe studio në institucionin nr. 1 në botë.

Continue Reading

lajme

Edmond Hajrizi: Liria e Kosovës, testament i sakrificës dhe unitetit

Published

6 hours ago

on

June 12, 2026

By

Në 27-vjetorin e Ditës së Çlirimit të Kosovës, Presidenti i UBT-së, Prof. Dr. Edmond Hajrizi, ka vlerësuar rëndësinë historike të 12 Qershorit, duke e cilësuar këtë datë si një moment kyç në rrugëtimin e Kosovës drejt lirisë, paqes dhe ndërtimit të shtetit demokratik.
Sipas tij, kjo ditë përfaqëson kujtesën kolektive të sakrificës së popullit shqiptar për liri dhe njëkohësisht shërben si frymëzim për brezat e rinj që të kontribuojnë në zhvillimin dhe avancimin e vendit.
“12 Qershori mbetet një nga datat më të rëndësishme në historinë e Kosovës. Është dita kur kujtojmë me nderim të gjithë ata që sakrifikuan për lirinë tonë dhe reflektojmë mbi përgjegjësinë që kemi për ta ndërtuar një të ardhme më të mirë për vendin”, theksoi Hajrizi.
Ai shprehu mirënjohje për kontributin dhe mbështetjen e aleatëve ndërkombëtarë, veçanërisht të Shteteve të Bashkuara të Amerikës, NATO-s dhe vendeve evropiane, të cilat luajtën rol të rëndësishëm në ditët më vendimtare për Kosovën.
Në këtë përvjetor, UBT rikujton rëndësinë e ruajtjes së vlerave të lirisë, demokracisë dhe arsimit, duke theksuar se investimi në dije, inovacion dhe zhvillim profesional mbetet rruga më e sigurt për përparimin e vendit.
Dita e Çlirimit të Kosovës shënohet çdo vit më 12 qershor, në kujtim të hyrjes së forcave të NATO-s në Kosovë në vitin 1999, një ngjarje që shënoi fundin e luftës dhe fillimin e një kapitulli të ri për qytetarët e vendit.

Continue Reading

Lajmet

Profesorët e UBT-së publikojnë studim mbi përdorimin e antibiotikëve gjatë pandemisë në revistën prestigjioze “Pharmacoepidemiology”

Published

7 hours ago

on

June 12, 2026

By

Profesorët dhe kërkuesit shkencorë nga UBT kanë shënuar një tjetër arritje të rëndësishme në fushën e kërkimit ndërkombëtar me publikimin e punimit të tyre më të ri shkencor në revistën prestigjioze “Pharmacoepidemiology”, e cila është e indeksuar në platformat më të larta akademike botërore, Scopus dhe Web of Science.

Punimi me titull “Determinants and Temporal Trends of Inappropriate Azithromycin Use in Hospitalized Adults with COVID-19: A Retrospective Pharmacoepidemiologic Cohort Study” vjen si rezultat i bashkëpunimit të një ekipi të dalluar profesorësh ku autorë janë Fitim Alidema nga Fakulteti i Farmacisë në UBT, Arieta Hasani Alidema nga Fakulteti i Infermierisë në UBT, Miranda Sejdiu Abazi nga Fakulteti i Stomatologjisë në UBT, si dhe bashkëpunëtorët Saranda Sejdiu Sadiku dhe Arben Abazi.

Ky studim i rëndësishëm trajton në mënyrë të detajuar modelet e përdorimit të azitromicinës tek pacientët e rritur të hospitalizuar gjatë pandemisë COVID-19, duke u fokusuar në identifikimin e faktorëve dhe prirjeve kohore që kanë ndikuar në përshkrimin e këtij antibiotiku. Përmes një analize të hollësishme retrospektive, autorët kanë vlerësuar përputhshmërinë e praktikave klinike me parimet e përdorimit racional të barnave antimikrobike në kushtet e një urgjence shëndetësore globale.

Gjetjet e këtij hulumtimi sjellin një kontribut të çmuar në forcimin e praktikave të “Antimicrobial Stewardship” (menaxhimit të antibiotikëve) dhe në promovimin e përdorimit të arsyeshëm të tyre nëpër spitale. Në një kohë kur rezistenca antimikrobike konsiderohet si një nga sfidat më të mëdha dhe më kërcënuese për shëndetin publik në nivel global, ky studim ofron të dhëna të rëndësishme për komunitetin mjekësor për të shmangur përdorimet e pambështetura nga udhëzuesit klinikë.

Ky publikim, dëshmon edhe një herë përkushtimin e lartë të UBT-së dhe stafit akademik për të prodhuar kërkim shkencor të aplikuar me ndikim të drejtpërdrejtë në shkencat mjekësore, duke e rreshtuar institucionin krahas universiteteve më të njohura ndërkombëtare. /E.A/

Continue Reading

Vendi

Studentët dhe stafi i UBT-së prezantojnë krijimtarinë e tyre në “Medienfrische 2026” në Tirol të Austrisë

Published

1 day ago

on

June 11, 2026

By

Në kuadër të shënimit të 25-vjetorit të UBT-së dhe aktiviteteve të organizuara gjatë Ditëve të Artit dhe Dizajnit, studentët e programit Art dhe Media Digjitale (AMD), së bashku me stafin akademik të Fakultetit të Artit dhe Dizajnit, kanë mbërritur në Tirol të Austrisë për të marrë pjesë në festivalin ndërkombëtar “Medienfrische 2026”.

Në këtë festival, studentët do të prezantojnë punimet dhe projektet e tyre artistike përmes ekspozitave dhe prezantimeve kreative, duke përfaqësuar UBT-në në një platformë që bashkon artin bashkëkohor, mediat digjitale dhe shkëmbimin kulturor ndërkombëtar.

Pjesë e delegacionit të UBT-së janë edhe profesorët Uran Krasniqi dhe Besfort Salihu, të cilët po i mbështesin dhe mentorojnë studentët gjatë pjesëmarrjes së tyre në këtë ngjarje të rëndësishme artistike dhe kulturore.

“Medienfrische” konsiderohet një nga festivalet e njohura ndërkombëtare që promovon dialogun ndërmjet artit, medias, performancës dhe praktikave kreative bashkëkohore, duke krijuar mundësi për bashkëpunim dhe prezantim të artistëve të rinj nga vende të ndryshme të Evropës.

Pjesëmarrja e studentëve dhe stafit të UBT-së në këtë festival paraqet një mundësi të rëndësishme për promovimin e krijimtarisë artistike, shkëmbimin e përvojave profesionale dhe prezantimin e talenteve të reja në një mjedis ndërkombëtar.

Përmes aktiviteteve të tilla, UBT vazhdon të forcojë angazhimin e saj për ndërkombëtarizimin e arsimit, zhvillimin e praktikës profesionale dhe krijimin e mundësive të reja për studentët në skenën evropiane të artit dhe dizajnit.

Continue Reading

Të kërkuara