Lajmet nga UBT

UBT rangohet sërish në mesin e top 100 universiteteve më të mira në botë për Impakt Real

UBT është vlerësuar në kategorinë për vlerat etike për kontributin e tij me impakt real në shoqëri.

Published

on

UBT po vazhdon sukseset në arenën ndërkombëtare duke ngritur imazhin e Kosovës gjithandej botës, kësaj radhe duke u ranguar në mesin e top 100 universiteteve më të mira në botë për Impakt Real, nga platforma WURI, pas rangimit në vendin e gjashtë në botë që kjo e fundit i ka bërë UBT-së për Revolucionin e Katërt Industrial.

UBT është ranguar në disa kategori për rolin e jashtëzakonshëm inovativ në ndërmarrësi, menaxhim të krizave, vlera të etikës, aplikimin industrial, kategorinë e mobilitetit, si dhe në kategorinë e Revolucionit të Katërt Industrial.

Kemi kënaqësinë t’ju informojmë se Universiteti për Biznes dhe Teknologji – UBT është përzgjedhur si një nga universitetet më inovative në mesin e universiteteve botërore për impakt real (WURI) për vitin 2022”, thuhet në letrën e drejtorit themelues të WURI Ranking, Hwy-chang MOON, drejtuar rektorit të UBT-së, Prof. Dr. Edmond Hajrizi.

UBT në këtë rangim është renditur në vendin e gjatë në botë në kategorinë e Implementimit të Revolucionit të Katërt Industrial.

Këtë rangim UBT e ka arritur pasi ka dëshmuar rezultate konkrete pozitive në implementimin e qasjes inovative dhe platformave më inovative digjitale në aktivitetet e përditshme edukative, hulumtuese dhe zhvillimore të saj.

Në këtë kontekst, UBT ka ofruar një shembull të mirë të implementimit të digjitalizimit të plotë të sistemit të edukimit dhe hulumtimit, implementimin e koncepteve Society 5.0, University 4.0 dhe Classroom 3.0, integrimit të AVR në aktivitetet e saj të përditshme, si dhe fillimin e përdorimit të teknologjisë 5G. Të gjitha këto platforma dhe instrumente UBT i implementon në kuadër të iniciativës Small-Scale Smart Ecosystem.

Në kategorinë e Ndërmarrësisë në të cilën UBT është renditur në mesin e top 100 universiteteve në botë, UBT është vlerësuar për iniciativat dhe implementimin e praktikave të ndryshme të cilat ndihmojmë programet e studimit edhe në fushën e ndërmarrësisë.

UBT është vlerësuar në kategorinë për vlerat etike për kontributin e tij me impakt real në shoqëri, vlerësuar specifikisht për iniciativat dhe projektet konkrete me impakt të gjerë socio-ekonomik dhe infrastrukturor, të tilla si Smart City, platforma për grumbullimin dhe shpërndarjen e punëve shkencore që bëhen në Kosovë, si dhe për ofrimin e ndihmës konkrete profesionale ndaj institucioneve publike qendrore dhe lokale.

Në kategorinë e mobilitetit të studentëve, UBT është vlerësuar për punën e bërë si për studentët që vijnë në UBT, njashtu edhe për ata që shkojnë në universitetet e tjera, bazuar në objektivat e ndërkombëtarizimit brenda dhe jashtë vendit. Bazuar në praktikat institucionale, UBT vazhdimisht ka punuar në ndërkombëtarizimin e programeve dhe kurrikulave, duke përdorur mjete ose qasje digjitale të të mësuarit, duke rritur numrin e programeve të studimit në gjuhën angleze, numrin e studimeve të përbashkëta dhe diplomave të dyfishta, si dhe në të njëjtën kohë duke ngritur numrin e studentëve ndërkombëtar.

Për kategorinë e Menaxhimit të Krizave, UBT është vlerësuar në mënyrë specifike për qasjen dhe menaxhimin e krizave që vijnë si rezultat i zhvillimeve dhe rrethanave të krijuara jashtë institucionit të tilla si kriza globale dhe kriza kombëtare.

Suksesi i UBT-së në WURI 2022, vjen pas rangimit në mesin e universiteteve më të mira në botë nga Times Higher Education, kështu duke u bërë institucioni më i suksesshëm në rajon, por edhe duke e ngritur nivelin e përfaqësimit të Kosovës në arenën ndërkombëtare.

Continue Reading

Aktualitet

‘Radio është magjike, mezi presim të japim kontributin tonë’, e ardhmja e ndritur e studentëve të Media dhe Komunikim në UBT

Published

on

Programi i studimeve në Media dhe Komunikim në UBT ofrohet në dy nivele: Bachelor dhe Master.

Ky program është i strukturuar për të ofruar një kombinim të fortë të teorisë dhe praktikës, duke përgatitur studentët për karriera në sektorin mediatik dhe të komunikimit.​

Ky program është i dizajnuar për të adresuar nevojat e tregut të punës në fushën e medias dhe komunikimit, duke ofruar një përgatitje të plotë teorike dhe praktike për studentët.

Fakulteti i Media dhe Komunikimit në UBT ofron kushte moderne për zhvillimin e aftësive praktike.

Pjesë e UBT-së është portali UBT News si dhe Radio Campus që mund ta dëgjoni në frekuencën 100.7 FM e në platformën online: UBT – Radio Campus.

Skema programore e radios është zgjeruar edhe me një emision të ri, nga ish-studentja, tashmë e punësuar si staf i rregullt në UBT, Albina Zeneli e cila e moderon n’Ritëm që fillon nga ora 13:00 deri në 15:00, nga e hëna në të premte.

Pjesë e emisionit janë edhe studentët aktual të UBT-së të cilët janë të pranishëm shpesh gjatë zhvillimit të emisionit live të cilët kanë mundësi ta shohin nga afër punën praktike. 

 

                                                                                                                                                                            

Continue Reading

Lajmet nga UBT

UBT nënshkruan marrëveshje me kompaninë Ditron Dental

Published

on

By

Në kuadër të pjesëmarrjes në panairin më të madh në Evropë të stomatologjisë dhe teknologjisë dentare IDS 2025, UBT zgjeroi partneritetet e tij strategjike duke nënshkruar një marrëveshje bashkëpunimi me Ditron Dental, një prej kompanive më inovative në fushën e komponentëve për restaurime dentare me bazë implanti.

Marrëveshja u nënshkrua nga Rektori i UBT-së, Prof. Dr. Edmond Hajrizi, dhe Presidenti i kompanisë Ditron Dental, Eyal Baruch, dhe përmes kësaj, UBT do të ofrojë këtë teknologji inovative te klinikat dentare në Kosovë.

Ky bashkëpunim hap rrugën për projekte të përbashkëta kërkimore-shkencore, shkëmbim ekspertize, trajnime për studentët dhe profesorët e Fakultetit të Stomatologjisë, si dhe integrimin e teknologjive të Ditron Dental në laboratorët dhe klinikat moderne të UBT-së.

“Kjo marrëveshje me Ditron Dental është një hap konkret drejt integrimit të teknologjisë më të lartë botërore në arsimin dhe praktikën dentare në Kosovë. Synimi ynë është të fuqizojmë kapacitetet vendore, cilësitë botërore në Kosovë, që shëndeti dhe mjekësia dentare të jetë sa më e kompletuar”, deklaroi Rektori Hajrizi.

Falë kësaj marrëveshjeje, profesionistët nga Kosova do të kenë mundësi të qasen në teknologjitë më të fundit si implantet dentare të sofistikuara, sistemet digjitale të trajtimit, skanimi 3D dhe aplikimet e inteligjencës artificiale në stomatologji.

Continue Reading

Lajmet nga UBT

Rektori Hajrizi merr pjesë në Panairin më të madh botëror të Stomatologjisë IDS 2025 në Köln

Published

on

By

UBT mori pjesë në panairin më të madh në botë për fushën e stomatologjisë dhe teknologjisë dentare, IDS 2025, i cili u zhvillua në qytetin e Köln-it në Gjermani. Ky panair prestigjioz mblodhi në një vend kompanitë më të njohura globale, prodhuesit lider të pajisjeve dhe teknologjive stomatologjike, përfaqësues të universiteteve, instituteve kërkimore dhe profesionistë nga e gjithë bota.

Rektori i UBT-së, Prof. Dr. Edmond Hajrizi zhvilloi takime të rëndësishme me kompani dhe institucione ndërkombëtare, me qëllim të krijimit të bashkëpunimeve strategjike në fushën e stomatologjisë, teknologjisë mjekësore dhe inovacionit digjital.

Gjatë qëndrimit në panair, Rektori Hajrizi nënshkroi disa marrëveshje bashkëpunimi me kompani ndërkombëtare, të cilat do të kontribuojnë në rritjen e kapaciteteve kërkimore-shkencore, si dhe në avancimin e laboratorëve dhe programeve studimore të kësaj fushe.

Në fjalën e tij, Rektori Hajrizi theksoi rëndësinë e integrimit të teknologjisë në stomatologji, duke përmendur zhvillimet më të fundit në fushat si inteligjenca artificiale, skanimi 3D, printimi i materialeve biokompatibile, kamera inteligjente për diagnozë të avancuar dhe sistemet e trajtimit digjital.

“Panairi i Köln-it është një platformë globale ku shpalosen arritjet më të reja dhe më inovative në fushën e stomatologjisë dhe teknologjisë dentare. Pata mundësinë të takohem me dhjetëra kompani dhe institucione që ofrojnë produkte dhe zgjidhje të sofistikuara, shumë prej të cilave do të jenë pjesë e bashkëpunimeve me UBT-në”, deklaroi Rektori Hajrizi.

Ai gjithashtu foli për përparimin që ka bërë Kosova në këtë fushë, duke theksuar se shumë klinika në vend tashmë janë të pajisura me teknologjitë më të fundit dhe ofrojnë shërbime të cilësisë së lartë, krahas atyre që ofrohen në vendet më të zhvilluara.

“Stomatologjia në Kosovë ka pësuar një zhvillim të ndjeshëm vitet e fundit, si në aspektin e pajisjeve ashtu edhe në nivelin profesional të mjekëve. Ky përparim ka ndikuar edhe në rritjen e turizmit dentar, ku një numër gjithnjë në rritje i qytetarëve nga diaspora dhe rajoni po vijnë për të marrë trajtime në klinikat tona”, shtoi ai.

Pjesë e diskutimeve ishin edhe mundësitë për zhvillimin e industrisë vendore të prodhimit të pajisjeve dhe materialeve dentare në Kosovë, duke u bazuar në potencialin për ndërmarrësi, digjitalizim dhe aplikimin e teknologjive të avancuara si 3D printimi dhe inteligjenca artificiale.

Panairi IDS 2025 në Köln u cilësua si një ndër ngjarjet më të rëndësishme të vitit në fushën e stomatologjisë, dhe pjesëmarrja e UBT-së në këtë aktivitet përforcon pozicionin e tij si institucioni më aktiv në zhvillimin e shkencës dhe teknologjisë në Kosovë dhe më gjerë.

Ky angazhim i UBT-së është dëshmi e vizionit të tij për të sjellë praktikat më të mira ndërkombëtare në Kosovë, duke krijuar ura bashkëpunimi me liderët globalë të industrisë dhe duke përgatitur gjenerata të reja të profesionistëve të gatshëm për tregun ndërkombëtar të punës.

Continue Reading

Aktualitet

UBT organizon konferencën ‘Inovacioni dhe Mbrojtja e Pronësisë Intelektuale’

Published

on

Në vazhdën e organizimit të eventeve në UBT, ka filluar të mbahet edhe konferenca ‘Inovacioni dhe Mbrojtja e Pronësisë Intelektuale’.

Konferenca ka filluar me një fjalim hyrës nga Rektori i UBT-së, Prof. Dr. Edmond Hajrizi.

Pjesëmarrës në këtë konferencë janë edhe Zjarrta Osmani e cila është ushtruese e detyrës së Drejtorit nga Zyra për të Drejtat e Autorit, Ligjërues Avdi Krasniqi – Zv. Drejtor i Përgjithshëm si dhe Sadie Topojani që është Udhëheqëse e Sektorit të IP në Doganë dhe Ligjëruese në UBT.

Kjo ngjarje u organizua në bashkëpunim me Zyrën për të Drejtat e Autorit dhe Doganën e Kosovës, dhe synon të ofrojë një pasqyrë të rëndësishme mbi mbrojtjen ligjore të inovacioneve, dizajneve, patentave dhe të drejtave të autorit në sektorë të ndryshëm si teknologjia, inxhinieria dhe biznesi.

Agjenda ka përfshirë edhe pika të tjera si: 
  • Prezantime nga përfaqësues të lartë të institucioneve relevante,
  • Diskutim të hapur dhe mundësi për rrjetëzim profesional,
  • Përmbyllje me përmbledhje të konkluzioneve kryesore.

/UBT News/

 

Continue Reading

Të kërkuara