

Lajmet
UBT në krye të listës globale për Positive Impact Rating
UBT arrin nivelin më të lartë në Positive Impact Rating Edition 2021
Published
4 years agoon
By
Betim GashiUBT u vlerësua për ndikimin shoqëror dhe arritjet e qëndrueshmërisë pas publikimit të rezultateve nga Positive Impact Rating – PIR në Forumin Global të Parimeve për Menaxhim të Përgjegjshëm të Edukimit – Principles for Responsible Management Education- UN PRME.
UBT është një nga 47 shkollat e biznesit nga 21 vende të botës që morën pjesë në vlerësimin e këtij viti dhe arriti nivelin e pestë, duke e bërë UBT-në një shkollë pioniere që përmbledhë angazhimin e saj për ndikim në shoqëri, duke qenë institucion unik brenda Positive Impact Ranking – PIR.
PIR është një vlerësim i kryer nga studentë dhe për studentët, nga ku për herë të dytë, studentët në mbarë botën vlerësuan shkollat e tyre të biznesit se si ata e përceptojnë ndikimin e tyre pozitiv në botë. Ndikimi pozitiv i shkollave të biznesit shkon përtej kontributit të tyre në biznes dhe ekonomi, duke adresuar nevojën për ndikimin e tyre pozitiv në shoqëri.
“Gjatë këtyre dy viteve të studimeve në UBT, unë kisha mundësi të zhvillojë njohuritë e mia akademike dhe të trajnohem në mënyrën më të mirë të mundshme për profesionin tim”, tha Fortesë Qerimi, studente në UBT.
Studentët vlerësuan se si UBT adreson sfidat shoqërore dhe të qëndrueshme dhe i përgatit ata të jenë udhëheqës të përgjegjshëm të biznesit. Mbledhja e të dhënave në UBT u organizua dhe u drejtua nga Këshilli Studentor i UBT-së, të cilët shpërndanë studimin PIR në të gjithë kampusin.
Këtë vit, 260 studentë iu përgjigjën sondazhit të vlerësimit të UBT-së, teksa pjesëmarrja në Positive Impact Rating – PIR dëshmon vlerën që UBT i jep zërit të studentëve.
“Të gjitha këto rankime që kemi marrë në kohët e fundit janë një vlerësim për kontributin tonë dhe ndikimin që UBT ka dhe po bënë për vendin. Prandaj edhe vlerësimi se ne jemi pionier dhe jemi unik e inovativ na ngritë motivimin për të bërë edhe më shumë. Natyrisht jemi shumë të lumtur që ne jemi listuar në pozita të larta, si dhe kemi sjellë Kosovën në këtë pozitë. Modeli modern i UBT-së, si një universitet i bazuar në një ekosistem inovativ dhe me një ndërmarrësi të qëndrueshme e me përgjegjësi sociale, ka bërë që puna e UBT-së të vlerësohet në rank botëror”, tha prof.dr Edmond Hajrizi – rektor i UBT-së.
Sondazhi i vlerësimit u parashtron studentëve 20 pyetje në shtatë dimensione përkatëse të ndikimit që qëndrojnë brenda tre fushave: aktivizmi, edukimi dhe angazhimi. Rezultati i përgjithshëm PIR i shkollës së biznesit përdoret për të pozicionuar shkollat në pesë nivele. Nivelet e ndryshme i referohen fazës së zhvillimit të shkollës së biznesit, duke e vlerësuar atë sipas një niveli të caktuar të arritjeve. Shkollat e biznesit pajisen me një ndikim të përcaktuar shoqëror dhe një mjet që ata mund ta përdorin për ndryshim.
“PIR është krijuar si një mjet për të përmirësuar dhe transformuar edukimin e biznesit. Kjo u mundëson shkollave të kuptojnë se cili është ndikimi pozitiv për shoqërinë, sipas studentëve të tyre. PIR thekson potencialin për përmirësim, madje edhe për shkollat kryesore”, tha Katrin Muff – presidente e Positive Impact Rating – PIR.
PIR u krijua nga ekspertë të interesuar të shkollës së biznesit së bashku me OJQ globale – WWF, Oxfam dhe UN Global Compact. Shoqatat ndërkombëtare të studentëve oikos, AIESEC dhe Net Impact janë gjithashtu pjesë e PIR, e cila mbështetet nga VIVA Idea dhe Fehr Advice.
Lajmet
KQZ dhe Komisioni i Venecias mbajnë punëtori për zgjedhjet parlamentare të 9 shkurtit
Published
14 hours agoon
June 26, 2025By
UBTnews
Komisioni Qendror i Zgjedhjeve në bashkëpunim me Komisionin e Venecias të Këshillit të Evropës organizoi punëtorinë për mësimet nga zgjedhjet e fundit për Kuvendin e Kosovës, të cilat u mbajtën më 9 shkurt 2025.
Gjatë kësaj punëtorie, ku morën pjesë anëtarë dhe zyrtarë të KQZ-së, përfaqësues të institucioneve të ndryshme (Avokati i Popullit, Paneli Zgjedhor për Ankesa dhe Parashtresa dhe Agjencioni për Parandalimin e Korrupsionit) u trajtuan çështje të ndryshme nga zgjedhjet e 9 shkurtit, me theks të veçantë zgjidhjen e kontesteve zgjedhore dhe monitorimin, dokumentimin dhe sanksionimin e keqpërdorimit të burimeve shtetërore.
Në hapje të punëtorisë, kryesuesi i KQZ-së, Kreshnik Radoniqi shprehu mirënjohje për Komisionin e Venecias për prezencën e tyre në vendin tonë, si një dëshmi e qartë e përkushtimit të përbashkët për të mbështetur standardet demokratike, transparencën dhe sundimin e ligjit në proceset zgjedhore në Kosovë dhe më gjerë.
Po ashtu, kryesuesi Radoniqi shpalosi ecurinë e procesit të fundit zgjedhor dhe sfidat me të cilat është përballur KQZ dhe për mësimet që të bëhen përmirësimet e nevojshme për proceset e ardhshme zgjedhore.
Ndërkaq, nga Sekretariati i Komisionit të Venecias, Michael Janssen falënderoi KQZ-në për këtë organizim të përbashkët dhe shprehu rëndësinë e trajtimit të rekomandimeve.
Punëtoria e organizuar është në përputhje me praktikën standarde të Komisionit të Venecias, i cili zakonisht ofron asistencë para ose pas zgjedhjeve gjatë të cilave merr pjesë në misione vëzhgimi të Asamblesë Parlamentare të Këshillit të Evropës (PACE). Qëllimi i takimit është të ndihmojë në analizën paszgjedhore dhe të kontribuojë në forcimin e integritetit dhe funksionalitetit të proceseve zgjedhore në Kosovë.
Në zgjedhjet e fundit për Kuvendin e Kosovës, një delegacion i Asamblesë Parlamentare të Këshillit të Europës (PACE) ka qëndruar në Kosovë me qëllim që të vlerësojë fushatën zgjedhore dhe klimën politike para zgjedhjeve parlamentare të cilat u mbajtën më 9 shkurt 2025.
Lajmet
KQZ: Fillon periudha për aplikim të partive për zgjedhjet lokale
Published
20 hours agoon
June 26, 2025By
UBTNews
Komisioni Qendror i Zgjedhjeve (KQZ) ka hapur zyrtarisht periudhën për aplikim të subjekteve politike që synojnë të marrin pjesë në zgjedhjet lokale të 12 tetorit 2025. Afati për aplikim do të zgjasë 49 ditë, deri më 13 gusht.
Zëdhënësi i KQZ-së, Valmir Elezi, ka bërë të ditur se për të lehtësuar këtë proces, aplikimi do të mund të bëhet online përmes platformës elektronike të KQZ-së.
“Duke filluar nga sot, subjektet politike mund të aplikojnë për certifikim për pjesëmarrje në zgjedhje. Gjatë kësaj periudhe, ato duhet të dorëzojnë edhe listën me emrat e kandidatëve për kryetarë të komunave dhe për kuvendet komunale”, tha Elezi.
Ai shtoi se vendimi për llojin e pjesëmarrjes dhe për komunat ku do të garojnë i mbetet në dorë secilit subjekt politik. “Subjektet politike mund të vendosin nëse duan të garojnë vetëm për kryetar komune, për kuvend komunal ose për të dyja”, deklaroi Elezi.
Lajmet
Falsifikim parash në Prishtinë, arrestohet një person
Published
20 hours agoon
June 26, 2025By
UBTNews
Njësia për Hetimin e Krimeve Ekonomike në Prishtinë ka ndaluar një person nën dyshimin për prodhim të parasë së falsifikuar. Sipas raportit 24-orësh të Policisë së Kosovës, i dyshuari është arrestuar pas një pune operative hetimore.
Me urdhër të prokurorit, është kryer bastisje në banesën e të dyshuarit, ku janë sekuestruar materiale të ndryshme që shërbenin për prodhimin e kartëmonedhave false. Në mesin e provave të konfiskuara janë: 135 fletë formati A4 me fotokopje të kartëmonedhave të ndryshme, një xham me holograme të prera, një skalper dhe vizore, katër ngjitës, shirit izolues, një printer, një telefon dhe një shumë parash në vlerë prej rreth 4,796 euro.
Pas intervistimit, me vendim të prokurorit, i dyshuari është dërguar në mbajtje.
Lajmet
Gjashtë raste dhune në familje brenda një dite, tre të dyshuar në mbajtje
Published
20 hours agoon
June 26, 2025By
UBTNews
Në raportin 24-orësh të Policisë së Kosovës janë evidentuar gjithsej gjashtë raste të dhunës në familje në qytete të ndryshme të vendit. Rastet përfshijnë dhunë fizike dhe psikike, ndërsa në disa prej tyre janë ndërmarrë masa ligjore ndaj të dyshuarve.
Në Prishtinë janë regjistruar dy raste. Në një rast, një grua ka raportuar se bashkëshorti i saj ka ushtruar dhunë psikike ndaj saj pas një mosmarrëveshjeje. Palët janë shoqëruar në stacionin policor dhe rasti është proceduar në procedurë të rregullt. Në një rast tjetër, një burrë është arrestuar pasi dyshohet se ka sulmuar fizikisht partneren me të cilën bashkëjeton. I njëjti është dërguar në mbajtje me vendim të prokurorit.
Në Ferizaj, është arrestuar një person pasi nëna e tij ka raportuar se i dyshuari, nën ndikim të alkoolit, kishte fyer dhe shtyrë atë. Pas intervistimit, i dyshuari është dërguar në mbajtje.
Në Pejë, është raportuar se një grua ka qenë viktimë e keqtrajtimit fizik nga i dashuri i saj. I dyshuari nuk është gjetur në vendbanimin e tij dhe rasti është duke u hetuar.
Në Vitomiricë, është arrestuar një person nën dyshimin se kishte ushtruar dhunë psikike ndaj babait të tij. I njëjti është dërguar në trajtim psikiatrik dhe më pas i është caktuar masa e ndalimit për 48 orë me vendim të prokurorit.
Në Mitrovicën e Jugut, është raportuar se një grua ka qenë viktimë e dhunës nga bashkëshorti i saj. Është bërë bastisje në shtëpinë e të dyshuarit, por nuk është gjetur ndonjë provë dhe nuk është raportuar për ndonjë arrestim.

Si ndikon ambienti ynë në qetësinë e mendjes dhe fuqinë e shpirtit?

“Smoke”, serial i bazuar në ngjarje të vërteta

Si ndikon qumështi i gjirit në kohët e nxehta?

KQZ dhe Komisioni i Venecias mbajnë punëtori për zgjedhjet parlamentare të 9 shkurtit

Hegseth mbron sulmet amerikane ndaj Iranit, paraqet 2 objektiva të qarta

Keni shumë mesazhe të palexuara? WhatsApp tani ka një zgjidhje

Influencuesja e famshme vdes pas një operacioni plastik në Turqi

UBT International Smart Schools tani edhe në Gjilan me dy programe në mjekësi

Tani edhe në Prizren: UBT International Smart Schools me dy drejtime të mjekësisë
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore