

Universi i UBT
UBT mori pjesë në punëtorinë e organizuar nga Erasmus+ për projektin VTech
Kjo punëtori është mbajtur në Ljubljanë të Sllovenisë, në Universitetin e Ljubljanës, në Fakultetin e Inxhinierisë Elektrike.
Published
3 years agoon
By
Betim GashiPërfaqësues të UBT-së morën pjesë në një punëtori të organizuar nga Erasmus+ për projektin VTech, lidhur me përshpejtimin e modernizimit të universiteteve të Ballkanit Perëndimor duke inkorporuar teknologjitë virtuale.
Në këtë punëtori, UBT u përfaqësua nga profesori i UBT-së, prof. dr. Besnik Skenderi, ku së bashku me partnerë të tjerë të këtij projekti kanë diskutuar rreth ecurisë së projektit VTech dhe detajeve të tjera që ndërlidhen me projektin.
Në këtë punëtori, universitetet pjesëmarrëse kanë diskutuar për përmbajtjen e projektit, ndërveprimet, mënyrën e qasjes në teknologjitë virtuale, softuerin dhe aspekte të tjera, teksa UBT ka dhënë ekspertizën e tij lidhur me teknologjitë virtuale, marrë parasysh faktin se UBT njihet për nga aplikimi i kësaj teknologjie në vend dhe rajon.
Kjo punëtori është mbajtur në Ljubljanë të Sllovenisë, në Universitetin e Ljubljanës, në Fakultetin e Inxhinierisë Elektrike, ku morën pjesë universitetet: University of Tartu (UT), Lodz University of Technology (LUT), European University of Tirana (UET), University for Business and Technology (UBT), University of Prishtina (UP), South East European University (SEEU), Mother Teresa University (MTU), Aleksander Moisiu University (UAMD), Polis University (U_Polis), Epoka University (EPOKA) dhe Mother Teresa University (MTU).
Lajmet nga UBT
Biznes, menaxhim, sukses me Fakultetin e MBE-së në UBT
Published
6 hours agoon
February 27, 2025By
UBT NEWS
Programi i Studimit për Menaxhment, Biznes dhe Ekonomi (MBE) në UBT ka një kuadër të fortë akademik dhe profesional për studentët, duke i pajisur ata me njohuri dhe aftësi të thella në fushat e menaxhimit, biznesit dhe ekonomisë. Programi ofron mundësi për zhvillimin e kompetencave kërkimore dhe profesionale, aftësinë për të aplikuar njohuritë e marra në mënyrë praktike dhe analitike, si dhe zbatimin e teknikave të avancuara për zgjidhjen e problemeve dhe menaxhimin e sfidave komplekse në mjedise dinamike dhe konkurruese.
Në përfundim të këtij programi, studentët do të jenë të aftë të menaxhojnë burime njerëzore, të analizojnë sjelljen organizative, të kuptojnë financat dhe rreziqet e biznesit dhe të aplikojnë njohuri për të zhvilluar strategji biznesi dhe për të përmirësuar performancën organizative. Ky program ofron mundësi për specializim në: Menaxhment, Ndërmarrësi dhe Inovacion, Marketing dhe Shitje, Kontabilitet, Auditim dhe Tatime, Financa, Banka dhe Sigurime, dhe Biznes Ndërkombëtar.
Përfundimi i këtij programi siguron mundësinë për të u bërë profesionistë në një sektor të zhvilluar dhe ndërkombëtar, duke mundësuar përgatitjen për sfidat dhe mundësitë që ofrohen nga ekonomitë globale dhe zhvillimet e shpejta teknologjike. Programi ofron një përgatitje të thelluar dhe të aplikueshme në sektorin bankar dhe financiar, marketing, prodhimtari, sektori publik, IT/Telekom dhe konsulencë.
Pse duhet të studioni këtë program?
Kompetenca të larta profesionale: Programi ofron njohuri të avancuara në menaxhimin e burimeve, financave dhe taksave, duke mundësuar zhvillimin e aftësive praktike për të udhëhequr dhe menaxhuar projekte dhe organizata.
Specializim i fokusuar në industri: Orientimet si Menaxhment dhe Ndërmarrësi, Marketing, Kontabilitet dhe Financa ofrojnë mundësi për zhvillim të karrierës së suksesshme.
Përgatitje për një treg global dhe konkurrues: Programi siguron përgatitje për sfidat e zhvillimit të biznesit në mjedise ndërkombëtare, duke përfshirë mundësi për ndërlidhje me akademikë dhe profesionistë nga industria.
Në përfundim të këtij programi, studentët do të kenë një kuptim të thelluar të të gjitha aspekteve të biznesit dhe ekonomisë, dhe do të jenë të përgatitur për të kontribuar në zhvillimin ekonomik të Kosovës dhe rajonit.
Mbështetje praktike dhe burime për studentët
UBT ofron një infrastrukturë moderne që përfshin laboratorë të pajisur me software të licencuar si Office 365, SAP S4/Hana, SPSS, Stata, AR dhe mjetet VR. Studentët gjithashtu kanë qasje në një bibliotekë të pasur me 300,000 tituj, duke përfshirë burime online të njohura, si Jstore dhe Ebsco.
Programi ofron mundësi për internship në industri, mundësi për studime ndërkombëtare nëpërmjet Erasmus+, si dhe mundësi për të marrë pjesë në trajnime profesionale si CISCO, Microsoft, AutoCAD, dhe IPMA.
Përveç kësaj, UBT ofron mundësi për start-up biznesi në Inkubatorin e Biznesit dhe ndihmë nga Qendra e Karrierës për punësim pas diplomimit.
Dekani i Fakultetit të Menaxhimit, Biznesit dhe Ekonomisë, Muhamet Gërvalla thotë: “Programi ynë është projektuar për të ofruar një edukim të thelluar dhe të orientuar nga praktika, duke përgatitur studentët për të udhëhequr ndryshimet dhe për të kontribuar në zhvillimin ekonomik të Kosovës dhe më gjerë”.
Nëse dëshironi të bëheni lider në fushën e menaxhimit, biznesit dhe ekonomisë, Fakulteti i Ekonomisë në UBT është suksesi. Këtu do të zhvilloni njohuritë dhe aftësitë që janë thelbësore për të udhëhequr dhe menaxhuar organizata në një botë gjithnjë e më globale dhe konkurruese./UBTNews/D.E.
Lajmet nga UBT
Profesorët e UBT-së publikojnë studimin shkencor mbi ndikimin e titujve të gazetave në Ballkanin Perëndimor
Published
1 day agoon
February 26, 2025By
UBT NEWS
Një ekip i profesorëve të UBT-së, ka publikuar një punim shkencor të rëndësishëm me titull “Titujt e Gazetave të Shkruara të Ballkanit Perëndimor në Funksion të Paragjykimeve, Formimit të Mendimit Publik dhe Edukimit”. Studimi është bërë nga autorët Rexhep Suma, Ferid Selimi, Islam Hasani, Besnik Skenderi, Safet Zejnullahu dhe Denis Celcima, të cilët shqyrtojnë rolin e titujve të gazetave në formimin e opinionit publik dhe nxitjen e paragjykimeve brenda kontekstit të medias së Ballkanit Perëndimor.
Ky hulumtim, i cili analizon mediat shtypi të Shqipërisë, Serbisë dhe Maqedonisë së Veriut, ka si qëllim të ofrojë një kuptim të plotë të mënyrës se si media ndikon në perceptimin publik përmes fuqisë së titujve. Studimi thekson se si këta tituj shpesh reflektojnë paragjykimet e thella në këto shoqëri dhe si ata luajnë një rol të rëndësishëm në edukimin dhe informimin e publikut.
Qëllimi kryesor i studimit është të analizojë se si titujt e mediave të shkruara kontribuojnë në paragjykim, formimin e opinionit publik dhe edukimin. Metodologjia e kërkimit përfshiu analizimin e titujve të një gazete kryesore nga secili nga këto tri shtete. Artikujt u shqyrtuan dhe titujt që konsideroheshin paragjykuese ose që kishin funksionin e formimit të opinionit publik u ndanë për analizë të mëtejshme.
Gjetjet e kërkimit hedhin dritë mbi rolin e rëndësishëm që luajnë titujt e mediave në formimin e qëndrimeve publike, veçanërisht për çështje të ndjeshme gjeopolitike, siç është lufta Rusia-Ukrainë. Nëpërmjet këtij këndvështrimi, studimi zbulon se si gazetat e Ballkanit Perëndimor e lidhin veten me narrativat ndërkombëtare të caktuara, duke ndikuar kështu në opinionin publik. Studimi gjithashtu thekson ndikimin e këtyre titujve në ruajtjen dhe përjetësimin e paragjykimeve ekzistuese në shoqëri.
Autorët rekomandojnë që organizatat mediatike të investojnë në trajnimin e gazetarëve për të siguruar një raportim të drejtë dhe objektiv. Po ashtu, redaktorët duhet të trajnohen për të zgjedhur me kujdes titujt, duke shmangur ato që mund të forcojnë paragjykimet ose të dezinformojnë publikun. Ky punim thekson rëndësinë e gazetarisë përgjegjëse për të nxitur një diskutim publik më të informuar dhe më pak të ndikuar nga paragjykimet.
Puna e profesoreve të UBT-së kontribuon në mënyrë të rëndësishme në fushën akademike duke ofruar një ekzaminim kritik të rolit të medias në Ballkanin Perëndimor./UBTNews/
Lajmet nga UBT
Profesorët e UBT-së, Hajdi Xhixha dhe Arian Kadriu kontribuojnë në librin ndërkombëtar “Modern Wars and Grey Zones”
Published
2 days agoon
February 25, 2025By
UBT NEWS
Profesorët Hajdi Xhixha dhe Arian Kadriu, nën udhëheqjen e Profesor David Last nga Royal Military College of Canada, kanë kontribuar në librin ndërkombëtar “Modern Wars and Grey Zones”, me një kapitull të titulluar “Deterrence and Alignment for Modern Wars and the Grey Zone”.
Ky kapitull ka një fokus të veçantë në sigurinë e Kosovës dhe shqyrton aspektet strategjike që lidhen me mbrojtjen dhe ruajtjen e stabilitetit në një kohë kur luftërat moderne dhe zonat gri janë bërë gjithnjë e më të dukshme në skenën ndërkombëtare.
Libri i botuar nga Routledge, Taylor & Francis Group, është një përmbledhje e ekspertizës akademike dhe ushtarake të profesoreve të ndryshëm nga Evropa dhe më gjerë. Ai trajton sfidat e kompleksitetit të luftës moderne dhe sjell një analizë të detajuar të asaj se si shtetet e vogla, si Kosova, përballen me kërcënimet që lindin nga konflikti i ftohtë, Lufta hibride dhe zona gri, ku kufijtë midis paqes dhe luftës janë shpesh të paqartë.
Kapitulli i profesorëve Xhixha dhe Kadriu analizon se si konceptet e “deterrence” dhe “alignments” mund të përdoren për të forcuar sigurinë dhe mbrojtjen e Kosovës në këtë realitet të ndërlikuar ndërkombëtar. Ata sugjerojnë se një strategji e duhur e sigurimit dhe orientimi i partnerëve ndërkombëtarë janë kyçe për përballimin e sfidave të natyrës të ndryshme, të cilat i përjeton një shtet i vogël si Kosova në një kohë kur të gjitha përpjekjet diplomatike dhe ushtarake kërkojnë një qasje më të sofistikuar dhe të koordinohet mirë.
Librin e redaktojnë disa ekspertë të njohur të fushave të sigurisë dhe politikës ndërkombëtare, duke sjellë një gamë të gjerë perspektivash që ndihmojnë për të kuptuar më thellë se si luftërat moderne zhvillohen dhe ndikojnë në një rreth të pasigurt dhe të paqartë ndërkombëtar.
Ky kontribut i profesorëve të UBT-së është një tjetër dëshmi e angazhimit të universitetit në zhvillimin e ekspertizës ndërkombëtare dhe si një qendër për kontribues të rëndësishëm në fushat e sigurisë dhe politikës ndërkombëtare./UBTNews/
Lajmet nga UBT
E ardhmja fillon me drejtësi duke zgjedhur Fakultetin Juridik në UBT
Published
2 days agoon
February 25, 2025By
UBT NEWS
Fakulteti Juridik në UBT ka një reputacion të ndërtuar mbi baza të forta akademike dhe praktike. Me një staf akademik të kualifikuar, i cili ka përvojë ndërkombëtare dhe njohuri të thella në fushën e ligjit, ky fakultet ofron arsimim që është në përputhje me kërkesat më të fundit ndërkombëtare. Në një kohë kur ligjet dhe rregullat shoqërore po evoluojnë dhe kërkesat për të drejtat e njeriut, sigurinë dhe zhvillimin ekonomik janë gjithnjë e më të theksuara, Fakulteti Juridik ofron një edukim që është gjithpërfshirës dhe inovativ.
Një nga karakteristikat dalluese të këtij fakulteti është mundësia që ofron për studentët të ndjekin studime pasuniversitare, jo vetëm në Kosovë, por edhe jashtë vendit, duke përfshirë mundësinë për të studiuar në disa prej institucioneve më prestigjioze në botë. Po ashtu, ai ofron mundësinë e integrimit të menjëhershëm në tregun e punës, për studentët që përfundojnë programin akademik. Pas përfundimit të studimeve, ata janë të aftë të punojnë në shumë sektorë, si shoqëri tregtare private, institucione të administratës publike, sistemin gjyqësor pas provimit të jurispodencës, në profesionet e lira si avokatia, noteria, dhe ndërmjetësimi, si dhe në shërbime të tjera publike dhe private.
Disa nga mundësitë më të mira që ofron Fakulteti Juridik janë ndërlidhja me Bashkimin Evropian, ku diploma e përftuar njihet dhe vlerësohet në të dy sektorët – publik dhe privat. Programi është i harmonizuar me standardet e BE-së, duke mundësuar një proces transferimi dhe njohjeje të diplomave dhe aftësive profesionale në Evropë.
Në përpjekje për të krijuar mundësi dhe për të ofruar përvoja që janë të drejtpërdrejta dhe të lidhura me jetën reale, Fakulteti Juridik në UBT ofron mundësi të shumta për studentët. Pjesëmarrësit e këtij fakulteti mund të përfitojnë nga mundësitë e studimit dhe transferimit në një nga vendet e Bashkimit Evropian përmes Erasmus Mundus dhe Erasmus+. Sistemi i mësimit online dhe oraret fleksibile sigurojnë që studentët të kenë mundësi të balancojnë studimet me angazhimet e tjera profesionale ose personale. Gjithashtu, Fakulteti siguron mundësi praktike (internship) në sistemin gjyqësor të Kosovës, një mundësi shumë e vyer për ata që dëshirojnë të fitojnë përvojë të drejtpërdrejtë dhe të thellojnë njohuritë praktike.
Ky fakultet gjithashtu mbështet studentët përmes trajnimeve të specializuara në fusha të ndryshme, si CISCO, Microsoft, AutoCAD, ECDL, dhe IPMA, që i ndihmojnë ata të përgatiten për kërkesat e një tregu të punës gjithnjë më të avancuar dhe dinamik.
Fakulteti Juridik ofron gjithashtu mundësi të jashtëzakonshme për kërkime shkencore dhe aktivitete kërkimore që kontribuojnë në zhvillimin e mëtejshëm të dijes. Në kuadër të tij, funksionojnë disa institute kërkimore si Instituti i Hulumtimit dhe Inovacionit të Rrjedhjes (IEME), Instituti i Sundimit të Ligjit dhe Gjyqtarëve, si dhe Instituti i Shkencave të Mjekësisë dhe Inovacionit, të cilat ofrojnë mundësi për hulumtime në fusha të ndryshme, nga kriminologjia deri tek politikat ndërkombëtare. Pjesëmarrësit e këtyre aktiviteteve janë të angazhuar në projekte të avancuara, duke kontribuar në zhvillimin e hulumtimeve që ndihmojnë në përmirësimin e politikave dhe praktikave ligjore.
Një aspekt tjetër shumë i rëndësishëm i Fakultetit Juridik në UBT është bashkëpunimi i tij i ngushtë me institucione të ndryshme të drejtësisë dhe agjenci ligjore të Kosovës, si Agjencia Kosovare e Forenzikës, Agjencia Shtetërore për Mbrojtjen e të Dhënave Personale, dhe Policia e Kosovës. Ky bashkëpunim ofron mundësi të shkëlqyera për studentët për t’u angazhuar në aktivitete praktike dhe për t’u përgatitur për sfidat e një profesioni të tillë të ndjeshëm dhe të rëndësishëm.
Dekani i Fakultetit Juridik, Dr. sc. Ahmet Maloku, nënvizon rëndësinë e këtij programi për zhvillimin e të rinjve dhe përkushtimin e fakultetit në krijimin e mundësive të shumta për studentët: “Fakulteti Juridik në UBT është angazhuar që të përgatisë profesionistë të kualifikuar që do të kontribuojnë në forcimin e shtetit të së drejtës dhe zhvillimin e një shoqërie të drejtë dhe të barabartë. Ne ofrojmë mundësi të jashtëzakonshme për studentët tanë, duke e bërë të mundur që ata të përgatiten për sfidat dhe mundësitë që do t’u hapen në botën e sotme të dinamikës ligjore”.
Në përfundim, Fakulteti Juridik në UBT është një mundësi e shkëlqyer për të rinjtë që duan të ndjekin një karrierë të suksesshme në fushën e ligjit dhe të drejtësisë. Me një ofertë të pasur akademike, mundësi praktike, dhe një strukturë mbështetëse që ndihmon zhvillimin personal dhe profesional, ky fakultet është një portë për të hapur mundësi të panumërta për studentët e tij. Ky është një investim i sigurt për të ardhmen, një mundësi që nuk duhet lënë pa përjetuar./UBTNews/DE.

Vazhdon numërimi i votave nga përfaqësitë diplomatike

E larguan nga puna në Televizionin Shtetëror, reagon ashpër gazetarja Elona Jaçellari

Partitë qendrore të Austrisë do të krijojnë qeverinë e re pa të djathtën ekstreme

Kurti takoi ambasadorin e Gjermanisë në Kosovë

Haxhiu: Sfidë mbetet që t’i obligojmë të burgosurit të ndjekin programet rehabilituese

Arrestohen Hekuran Nikçi e Naim Shalaku nën dyshimin për keqpërdorim të detyrës zyrtare

Komuna e Gjilanit miraton buxhetin për vitin 2025

Drita dhe Prishtina sigurojnë gjysmëfinalen e Kupës së Kosovës

Kryeministri britanik Starmer takohet me Presidentin Trump në Shtëpinë e Bardhë
Të kërkuara
-
Magazinë2 months ago
Ky mendohet se është djali 20 vjeçar i Parashqevi Simaku, Luke Nohfe
-
Bota1 month ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota1 month ago
Fluturimet e dëbimit kanë filluar, thotë Shtëpia e Bardhë
-
Bota1 month ago
Shtëpia e Bardhë: Armëpushimi në Liban do të zgjatet deri më 18 shkurt