Lajmet nga UBT
UBT mori pjesë në Konferencën Ndërkombëtare për Inteligjencën Artificiale në Shqipëri
UBT mori pjesë në Konferencën Ndërkombëtare për Inteligjencën Artificiale në Shqipëri, organizuar nga Akademia e Shkencave të Shqipërisë, përmes Seksionit të Shkencave Natyrore dhe Teknike dhe Njësisë së Inteligjencës Artificiale pranë saj.
Si bashkëorganizator i kësaj konference, UBT ka kontribuar me prezantime të rëndësishme dhe projekte të avancuara në fushën e inteligjencës artificiale dhe Internet of Things (IoT), që synojnë përmirësimin e qëndrueshmërisë mjedisore.
Një nga prezantimet kyçe nga ekipi i UBT-së ishte prezantimi i Rektorit të UBT-së, Prof. Dr. Edmond Hajriz, me temën: “AI Based Actual System Developments at UBT Smart City”, ku theksoi aplikimet e avancuara të inteligjencës artificiale brenda projektit novator UBT Smart City.
Ky ekosistem i zhvilluar nga UBT synon të krijojë një mjedis të zgjuar urban që integron teknologji të reja për përmirësimin e jetës së qytetarëve, duke përdorur AI për menaxhimin inteligjent të burimeve, përmirësimin e mobilitetit dhe monitorimin e mjedisit.
Prezantimi tjetër ishte “Development of a Smart City Platform: IoT Integration and AI-Driven Predictive Analytics for Environmental Sustainability”, i realizuar nga Rektori Hajrizi në bashkëpunim me profesorët: Besnik Qehaja, Blerim Zylfiu dhe Elton Boshnjaku.
Ky studim që u prezantua nga Profesori Blerim Zylfiu, trajtoi integrimin e teknologjive IoT dhe përdorimin e inteligjencës artificiale për analizat parashikuese në përmirësimin e qëndrueshmërisë mjedisore, një komponent kyç për qytetet inteligjente të së ardhmes.
Një tjetër prezantim me ndikim të madh nga UBT ishte “IoT Enhanced Health Monitoring System Using Wearable Sensors for Chronic Disease Management”, i përgatitur nga Greta Alma, Mirlinda Reqica dhe Elita Hajrizi.
Ky projekt prezanton një sistem të avancuar për monitorimin e shëndetit të pacientëve kronikë, duke përdorur sensorë të vendosur në trup, që u mundësojnë pacientëve dhe profesionistëve të shëndetësisë një qasje më efektive për menaxhimin e sëmundjeve kronike përmes IoT dhe AI.
Në këtë kontekst, Rektori Hajrizi theksoi rolin e UBT-së në zhvillimin e zgjidhjeve teknologjike që kontribuojnë në përmirësimin e jetesës së qytetarëve dhe promovimin e qëndrueshmërisë globale, duke përdorur inteligjencën artificiale dhe platformat e zgjuara urbane.
UBT, si bashkëorganizator i konferencës, po e çon përpara rolin e Kosovës në arenën ndërkombëtare të zhvillimeve teknologjike, duke kontribuar në krijimin e një epoke të re inovacioni dhe kreativiteti në rajon dhe më gjerë.
Lajmet nga UBT
Profesori ndërkombëtar nga Paraguai, Juan Pane, zhvilloi dy ligjërata tematike me studentët e Shkencave Kompjuterike dhe Inxhinierisë në UBT
Profesori i njohur në fushën e Open Data dhe Shef i Inovacionit në Qendrën për Zhvillim të Qëndrueshëm në Paraguai, Juan Pane, vizitoi Fakultetin e Shkencave Kompjuterike dhe Inxhinierisë në UBT, ku pati mundësinë të takonte stafin akademik dhe studentët, si dhe të kontribuonte me dy ligjërata të veçanta për studentët.
Gjatë takimeve me studentët e vitit të dytë të Shkencave Kompjuterike, Profesori Pane ndau përvojat e tij mbi zhvillimin dhe aplikimet e të dhënave të hapura, duke theksuar rëndësinë e këtyre të dhënave në nxitjen e transparencës dhe inovacionit në epokën digjitale.
Ai foli për sfidat dhe përfitimet që sjell kjo fushë në sektorë të ndryshëm, duke përfshirë përmirësimin e shërbimeve publike dhe ndihmesën në vendimmarrje të bazuar në të dhëna.
Vizita e Profesor Pane shënon një hap të rëndësishëm për UBT-në në angazhimin për të sjellë njohuri ndërkombëtare dhe përvoja nga ekspertë globalë direkt te studentët.
Lajmet nga UBT
UBT organizoi ligjëratë tematike për sekuestrimin e pasurive kriminale me Drejtorin e AAPSK-së, Alban Sutaj
UBT mirëpriti Drejtorin e Operacioneve të Agjencisë për Administrimin e Pasurisë së Sekuestruar dhe të Konfiskuar (AAPSK) në Ministrinë e Drejtësisë, Alban Sutaj, i cili zhvilloi një ligjëratë tematike për studentët e Departamentit të Studimeve të Sigurisë.
Ligjërata u organizua nën shoqërimin e Profesorit Elton Tota, dhe trajtoi tema kyçe mbi sekuestrimin dhe konfiskimin e pasurive që rrjedhin nga aktivitetet kriminale, si një element thelbësor në luftën kundër krimit dhe forcimin e sigurisë publike.
Gjatë ligjëratës, Sutaj u ndal tek aspektet ligjore, puna e Agjencisë, dhe bashkëpunimi ndërinstitucional e ndërkombëtar për administrimin e pasurive të sekuestruara dhe të konfiskuara. Ai shpjegoi gjithashtu proceset për ruajtjen e vlerës së pasurive, dhënien me qira, shitjen dhe ridestinimin e tyre për përdorim shoqëror.
Ligjërata u prit me interes të madh nga studentët, të cilët përmes një bashkëbisedimi të hapur dhe pyetjeve të parashtruara, patën mundësinë të shprehin vlerësimet dhe pikëpamjet e tyre, duke u njohur më nga afër me punën e Agjencisë dhe rëndësinë e saj në shoqëri./UBTNews/
Lajmet nga UBT
Studentët e nivelit Master në Fakultetin e Shëndetit Publik dhe Menaxhim vizitojnë Institutin e Shëndetit Publik në Prizren
Në kuadër të lëndës “Promovimi i Shëndetit Publik”, studentët e nivelit master të Fakultetit të Shëndetit Publik dhe Menaxhim nga UBT realizuan një vizitë studimore në Institutin e Shëndetit Publik në Prizren. Kjo vizitë kishte për qëllim të afronte studentët me realitetin profesional të menaxhimit të shëndetit publik, duke i ndihmuar të kuptojnë rëndësinë e promovimit dhe mbrojtjes së shëndetit për komunitetin lokal.
Studentët u pritën nga drejtori i institutit, Prof. Dr. Fadil Kryeziu, i cili i informoi për misionin dhe përgjegjësitë e këtij institucioni në ofrimin e shërbimeve të shëndetit publik dhe menaxhimin e situatave që lidhen me përmirësimin e shëndetit të komunitetit në Prizren. Prof. Dr. Kryeziu theksoi rëndësinë e bashkëpunimit ndërinstitucional dhe angazhimit për të ofruar strategji që ndikojnë pozitivisht në jetën dhe mirëqenien e qytetarëve.
Gjatë vizitës, studentët patën mundësinë të njihen me praktikat më të mira në promovimin e shëndetit publik, duke përfshirë disa nga shërbimet dhe strategjitë konkrete që instituti implementon për parandalimin e sëmundjeve dhe edukimin shëndetësor të popullsisë. Ata vlerësuan rëndësinë e punës së Institutit të Shëndetit Publik dhe mënyrën sesi ky institucion trajton sfidat e vazhdueshme për të përmirësuar gjendjen shëndetësore të qytetarëve të Prizrenit.
Përvoja e marrë nga kjo vizitë është e vlefshme për studentët, duke i ndihmuar jo vetëm në përvetësimin e koncepteve teorike, por edhe në zhvillimin e aftësive praktike që do t’i shërbejnë në karrierën e tyre të ardhshme. Studentët ndanë përshtypjet e tyre pozitive mbi rëndësinë e këtyre aktiviteteve praktike, të cilat përforcojnë njohuritë e marra në auditorë dhe krijojnë ura bashkëpunimi mes institucioneve akademike dhe atyre të shëndetit publik.
Kjo vizitë studimore përforcon qëllimin e Fakultetit të Shëndetit Publik dhe Menaxhim në UBT për të ofruar një arsimim të thelluar dhe të gjithanshëm, i cili u mundëson studentëve të kontribuojnë në përmirësimin e shëndetit publik në Kosovë dhe më gjerë./UBTNews/D.E.
Lajmet nga UBT
Web Summit fillon në Lisbonë, UBT përfaqëson Kosovën në arenën teknologjike ndërkombëtare
UBT është tashmë pjesë e Web Summit, ngjarjes prestigjioze ndërkombëtare që këtë vit zhvillohet në Lisbonë, Portugali. Ky event madhështor, që grumbullon qindra kompani dhe startup-e nga mbarë bota, ka nisur me diskutime dhe prezantime të frymëzuara, duke u shndërruar në një platformë të domosdoshme për shkëmbimin e ideve dhe ndarjen e përvojave në teknologji, inovacion dhe sipërmarrje.
UBT merr pjesë në këtë samit ndërkombëtar për të prezantuar arritjet e saj dhe për të nxjerrë në pah potencialin e Kosovës si një qendër inovative. Universiteti do të prezantojë projekte novatore nga studentët dhe ekspertët, që përfshijnë fusha si inteligjenca artificiale, teknologjia digjitale dhe sistemet e automatizuara. Përmes pjesëmarrjes së saj, UBT synon të pozicionojë Kosovën në hartën e zhvillimeve globale dhe të krijojë mundësi të reja për bashkëpunime ndërkombëtare.
Rektori i UBT-së, Prof. Dr. Edmond Hajrizi, i cili është pjesë e delegacionit që përfaqëson universitetin, e sheh këtë ngjarje si një moment strategjik për Kosovën dhe UBT-në:
“Pjesëmarrja e UBT-së në Web Summit është një hap i rëndësishëm për të treguar aftësitë dhe kreativitetin e rinisë kosovare në fushën e teknologjisë dhe inovacionit. Ky është një moment për të ndarë përvojat tona dhe për të krijuar partneritete që do t’i japin një shtytje zhvillimit të Kosovës. Besojmë se potenciali ynë i jashtëzakonshëm mund të sjellë ndikim global, dhe se mund të kontribuojmë në sfidat e së ardhmes me zgjidhje të avancuara dhe përvoja që mund të ndryshojnë industrinë e teknologjisë.”
Ky samit është gjithashtu një mundësi për të takuar ekspertë dhe liderë të suksesshëm nga kompani si Google, Amazon, dhe Tesla, të cilët janë në Lisbonë për të ndarë vizionin e tyre për të ardhmen e teknologjisë. Me përfaqësimin e saj në Web Summit, UBT jo vetëm që tregon arritjet e veta, por gjithashtu promovon Kosovën si një vend të pasur me talente dhe ide për të kontribuar në zgjidhjet teknologjike globale./UBTNews/
UBT pjesëmarrës në Web Summit – Prezantohet ekselenca e Kosovës në fushën e teknologjisë dhe inovacionit
Profesori ndërkombëtar nga Paraguai, Juan Pane, zhvilloi dy ligjërata tematike me studentët e Shkencave Kompjuterike dhe Inxhinierisë në UBT
Del në shitje libri më i vjetër i krishterë
Kujdes nga këto shkelje, ju pengojnë të bëheni shtetas zviceran
Rrahmani mungon në stërvitjen e Kosovës
Real Madridi identifikon blerjen e parë të janarit
Elon Musk mbron marrëveshjen për emigrantët: Gjyqtarët italianë duhet të ikin
Kush është ish-ushtaraku që Trump do emërojë si këshilltar të sigurisë
Presidenti i Azerbajxhanit: Nafta dhe gazi janë dhuratë prej Zotit
-
Bota2 weeks agoTrump premton paqe në Liban nëse rikthehet në Shtëpinë e Bardhë
-
Lajmet3 months agoZgjedh Menaxhment, Biznes dhe Ekonomi në UBT – Ferizaj dhe bëhuni liderët e së ardhmes
-
Lajmet2 months agoKurti: Përdhunimi është mjeti që përdori Serbia në Kosovë në mënyrë që të lë pasoja të përhershme në familje
-
Kulturë1 month agoMarigona Ferati, profesoresha e UBT-së, zëri i artit në jurinë ndërkombëtare në festivalin e teatrove në Oman