

Lajmet nga UBT
UBT mirëpret profesoreshën Erin Davis për një ligjëratë mbi “Art Therapy” për studentët e Psikologjisë dhe Arteve Digjitale
Published
8 months agoon
By
EAd SulFakulteti i Psikologjisë dhe Fakulteti i Arteve dhe Mediave Digjitale në UBT organizuan sot një ligjëratë të veçantë mbi temën “Art Therapy”. Ligjërata u realizua nga Prof.Dr. Erin Davis nga Indiana University, një eksperte e njohur në fushën e përdorimit të artit si mjet terapeutik dhe një Fulbright Specialist, ndau përvojat dhe njohuritë e saj mbi përdorimin e artit si mjet teraputik për përballimin e traumave, shprehjen e emocioneve dhe përmirësimin e mirëqenies psikologjike.
Gjatë prezantimit të saj, profesoresha Davis theksoi rëndësinë e artit si një mjet të fuqishëm në procesin teraputik. Ajo ndau përvoja dhe hulumtime nga praktikat e saj në Shtetet e Bashkuara të Amerikës, duke shpjeguar sesi përdorimi i artit mund të ndihmojë individët të shprehin emocionet, të përballen me trauma dhe stres, si dhe të arrijnë një mirëqenie psikologjike më të plotë. Ajo argumentoi se arti krijon një mundësi për të lidhur mendjen dhe trupin, dhe për të kapërcyer barriera të brendshme që pengojnë shërimin dhe rritjen personale.
Profesoresha Erin Davis gjithashtu ndau shembuj konkretë të projekteve dhe metodave terapeutike që ka zhvilluar gjatë karrierës së saj, si dhe theksoi rëndësinë e integrimit të artit në terapinë psikologjike. Ajo foli për rolin e artit në proceset e rehabilitimit dhe ndikimin e tij në përmirësimin e shëndetit mendor, veçanërisht për ata që janë përballur me trauma të thella.
Në këtë ngjarje të rëndësishme ishte e pranishme gjithashtu profesoresha Marigona Bekteshi Ferati, e cila ka qenë mikpritëse e profesoreshës Erin Davis gjatë vizitës së saj në Kosovë. Profesoresha Bekteshi Ferati theksoi rëndësinë e bashkëpunimit ndërkombëtar, duke e cilësuar si një mundësi të shkëlqyer për avancimin e fushës së artit dhe terapive, si dhe theksoi mundësitë që ky bashkëpunim ofron për studentët dhe profesionistët kosovarë. Ajo vuri theksin në faktin se këto lloj bashkëpunimesh do të kontribuojnë në zhvillimin e mëtejshëm të kësaj fushe dhe në promovimin e njohurive dhe praktikave të avancuara në nivel global.
Ky aktivitet u vlerësua si një mundësi e shkëlqyer për të promovuar lidhjen mes artit dhe psikoterapisë dhe për të inkurajuar një diskutim të gjerë për mundësitë që ofrohen për përdorimin e artit në fushat e shëndetit mendor. Ai pati gjithashtu një ndikim të rëndësishëm në zhvillimin e këtyre fushave në Kosovë dhe inkurajoi shkëmbimin e ideve mes ekspertëve ndërkombëtarë dhe atyre kosovarë.
Në përfundim, kjo ligjëratë u bë një mundësi e vyer për të ngritur ndërgjegjësimin dhe për të inkurajuar përdorimin e metodave kreative si pjesë e trajtimit dhe shërimit të individëve, duke e zhvilluar më tej kulturën e artit si mjet terapeutik në Kosovë./UBTNews/
You may like
-
Rektori i UBT-së, Prof. Dr. Edmond Hajrizi pranohet anëtar në Akademinë Evropiane të Shkencave (EurASc)
-
UBT sërish i pari në rangimin e Webometrics – Lider në arsimin e lartë privat në Kosovë
-
UBT nderon xhudisten Laura Fazliu për medaljen historike të argjendtë në Lojërat Universitare Botërore “FISU 2025”
Lajmet nga UBT
Studentja e UBT, Aja Gashi, përfaqëson Kosovën në Programin Ndërkombëtar të Verës në Austri
Published
5 hours agoon
August 4, 2025By
UBTnews
Aja Gashi, studente e vitit të parë në Fakultetin e Shkencave Politike në UBT, mori pjesë me sukses në GUSEGG International Summer School 2025 në Seggau Castle, Austri. Ky program prestigjioz dyjavor bashkoi studentë nga e gjithë bota dhe u drejtua nga profesorë të njohur ndërkombëtarë nga Austria dhe Amerika.
Gjatë programit, Aja u angazhua në analiza të thella mbi rolin e emocioneve si nostalgjia dhe ndjenjat kolektive në identitetet politike, retorikën populiste dhe aktivizmin shoqëror. Përveç seminarit kryesor, ajo ndoqi ligjërata dhe punëtori mbi shkrimin akademik dhe zhvillimin e aftësive krijuese, duke përforcuar njohuritë dhe aftësitë e saj në kërkim dhe prezantim shkencor.
Përvoja e punës me ekspertë dhe studentë nga kultura të ndryshme e ka pasuruar Aja-n me perspektiva të reja dhe ka forcuar aftësinë e saj kritike dhe akademike.
UBT është krenar për arritjet e studentëve të saj dhe vazhdon t’i mbështesë ata në rrugëtimin drejt suksesit akademik dhe profesional!
Aktualitet
Rektori i UBT-së, Prof. Dr. Edmond Hajrizi pranohet anëtar në Akademinë Evropiane të Shkencave (EurASc)
Published
3 days agoon
August 1, 2025By
Driton Iseni
Themeluesi dhe Presidenti i UBT-së, Rektori, Prof. Dr. Edmond Hajrizi, është pranuar si anëtar në Akademinë Evropiane të Shkencave (European Academy of Sciences – EurASc).
European Academy of Sciences (EurASc) është një nga akademitë më prestigjioze në Evropë, që bashkon shkencëtarë dhe studiues të shquar nga e gjithë bota, me qëllim promovimin e ekselencës shkencore dhe teknologjike për të adresuar sfidat më të mëdha globale. Anëtarët e saj janë emra të njohur që kanë dhënë kontribute të mëdha në fushat përkatëse, përfshirë shumë fitues të çmimeve ndërkombëtare dhe nobelistë.
Ky është një vlerësim i rëndësishëm ndërkombëtar që njeh kontributin e jashtëzakonshëm të Prof. Hajrizit në fushën e arsimit të lartë, kërkimit shkencor, inovacionit dhe politikëbërjes në nivel rajonal dhe evropian.
“Pjesëmarrja ime si anëtar në Akademinë Evropiane të Shkencave është një vlerësim personal, por mbi të gjitha është një njohje për punën dhe përkushtimin afatgjatë të UBT-së në ndërtimin e një ekosistemi akademik dhe shkencor në përputhje me standardet evropiane. Ky është një hap i rëndësishëm drejt fuqizimit të rolit të Kosovës në hartën ndërkombëtare të dijes dhe inovacionit”, tha Rektori Hajrizi.
Akademia Evropiane e Shkencave (EurASc), në publikimin e saj në rrjetet sociale, ka vlerësuar lart kontributin e Prof. Dr. Edmond Hajrizi për përvojën e tij mbi dydekadëshe në ndërthurjen e akademisë me ekosistemet e inovacionit dhe zhvillimit ekonomik.
Nën udhëheqjen e tij strategjike dhe vizionare, UBT është konsoliduar si një nga institucionet më të avancuara të arsimit të lartë në Evropën Juglindore, duke u shndërruar në një qendër të rëndësishme për zhvillimin e inovacionit, teknologjisë dhe sipërmarrjes.
Si pjesë e angazhimeve të tij profesionale, Prof. Hajrizi ka udhëhequr me sukses dhjetëra projekte të financuara nga Bashkimi Evropian, si dhe ka kontribuar si këshilltar për institucione prestigjioze ndërkombëtare, duke promovuar transformimin digjital, prodhimin inteligjent dhe arsimin e orientuar drejt së ardhmes.
Ky pranim përfaqëson jo vetëm një sukses personal për Rektorin Hajrizi, por një arritje të rëndësishme për UBT-në dhe Kosovën në tërësi. Ai dëshmon se përkushtimi ndaj inovacionit, cilësisë akademike dhe vizionit global mund të sjellë njohje ndërkombëtare dhe ta vendosë Kosovën në hartën e qendrave të rëndësishme të dijes dhe teknologjisë.
Lajmet nga UBT
UBT International Smart Schools do të pranojë edhe 300 nxënës të rinj në Gjimnazin TIK – Nxitoni për regjistrim
Published
3 days agoon
August 1, 2025By
UBTnews
UBT International Smart Schools konfirmon pozicionin si lider në arsimin e mesëm inovativ në Kosovë dhe rajon, duke hapur 200 vende të reja në Prishtinë dhe 100 sosh në Prizren për regjistrimet e vitit të ri shkollor në Gjimnazin TIK.
Ky zgjerim i kapaciteteve vjen si rezultat i kërkesës së lartë nga prindërit dhe nxënësit që kërkojnë një shkollim të nivelit global, i bazuar në teknologjitë më të avancuara dhe metodologji moderne mësimdhënieje.
Gjimnazi TIK i UBT-së është i njohur për ambientin e tij, ku inovacioni teknologjik ndërlidhet me mësimin praktik dhe zhvillimin e aftësive të së ardhmes.
Nxënësit që regjistrohen në këtë program përfitojnë nga:
Mësimdhënie me pajisje digjitale dhe teknologji të gjeneratës së fundit
Mësues me eksperiencë dhe përgatitje adekuate për edukimin modern
Kurikula që integron njohuri akademike me zhvillimin e kompetencave praktike dhe kreative
Mundësi për pjesëmarrje në projekte dhe gara rajonale dhe ndërkombëtare
Ambient mësimor që stimulon inovacionin, kreativitetin dhe bashkëpunimin
UBT International Smart Schools – Gjimnazi TIK është zgjedhja ideale për të rinjtë që dëshirojnë një edukim që i përgatit për sfidat globale dhe për një të ardhme profesionale të suksesshme.
Prindërit dhe nxënësit që janë të interesuar të regjistrohen inkurajohen të veprojnë shpejt, pasi vendet janë të kufizuara dhe kërkesa vazhdon të rritet./UBTNews
Lajmet nga UBT
UBT sërish i pari në rangimin e Webometrics – Lider në arsimin e lartë privat në Kosovë
Published
4 days agoon
July 31, 2025By
UBTnews
Në edicionin e korrikut të rangimit ndërkombëtar Webometrics, UBT ka konfirmuar edhe një herë pozitën e tij si institucioni më i mirë privat i arsimit të lartë në Kosovë, duke dëshmuar vazhdimësinë e përkushtimit ndaj cilësisë akademike dhe kërkimit shkencor.
Ky sukses i radhës nuk është vetëm një tregues i pozicionimit të lartë në nivel ndërkombëtar, por edhe një dëshmi konkrete e progresit të vazhdueshëm të institucionit në fushat kyçe të arsimit modern dhe inovacionit.
Rritja e vazhdueshme e numrit të citimeve në publikimet shkencore të stafit të UBT-së është një tregues i qartë i qasjes së qëndrueshme dhe serioze ndaj shkencës, si dhe impaktit të saj shoqëror. Kjo rritje pasqyron jo vetëm përkushtimin individual të stafit akademik, por edhe mbështetjen institucionale, përfshirë infrastrukturën moderne për hulumtim dhe politikat e brendshme që inkurajojnë botimet cilësore.
Rangimi Webometrics, i cili publikohet çdo gjashtë muaj nga Cybermetrics Lab – pjesë e Këshillit Kombëtar të Kërkimeve Shkencore të Spanjës – analizon mijëra universitete dhe institucione të arsimit të lartë në të gjithë botën. Vlerësimi bazohet në disa indikatorë, si transparenca akademike, përmbajtja online dhe ndikimi i punimeve shkencore.
Përveç suksesit në këtë rangim, UBT ndër vite është vlerësuar lartë edhe në fusha të tilla si teknologjia, inovacioni, inteligjenca artificiale gjenerative, ndërmarrësia dhe cilësia e arsimit. Vlerësimet e vazhdueshme nga organizata ndërkombëtare e pozicionojnë UBT-në si një institucion udhëheqës që kontribuon në zhvillimin akademik dhe shoqëror të Kosovës, duke e përfaqësuar atë me dinjitet në skenën globale.

Zbulohet skuadra e re e Son Heung-min

Greva e punëtorëve të sigurimit në QKUK drejt fundit: Nënshkrimi i kontratës për tender pritet nesër

“Dardanët” lëshojnë një njoftim të rëndësishëm

Mbyllen hetimet për Ilir Metën, avokati: Mali i akuzave ra poshtë

Raporti informues për zgjedhje lokale 2025, KQZ: U refuzuan 569 aplikime për regjistrim për votim me postë

Në zgjedhjet parlamentare 2025 numri më i ulët i votave të pavlefshme 2.83 për qind

Shtatë vatra zjarri aktive në Shqipëri

Dialogu Kosovë-Serbi nën hije: BE tregon se kur do të ketë takim të radhës

Bashkimi Europian pezullon tarifat ndaj SHBA
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit