UBT, i përfaqësuar nga Rektori Prof. Dr. Edmond Hajrizi, dhe Programi i Kombeve të Bashkuara për Zhvillim (UNDP) kanë nënshkruar një kontratë për realizimin e projektit “Dizajnimi dhe zbatimi i një programi mentorimi dhe trajnimi për Startups që operojnë në industrinë kreative”.

Ky projekt ka për qëllim mbështetjen e startup-eve që veprojnë në sektorët inovativë dhe kreativë, duke ofruar një platformë të dedikuar mentorimi dhe trajnimi. Në këtë kuadër, 9 profesorë nga UBT do të përfshihen në ekipin profesional që do të ofrojë mbështetje dhe këshillim strategjik për kompanitë e përzgjedhura nga UNDP.

Fushat kryesore të përfshira në këtë program janë:

Media dhe audiovizualet – për prodhimin dhe zhvillimin e përmbajtjes vizuale dhe mediatike.

Shërbimet kreative – përfshirë dizajnin e brendshëm, dizajnin grafik, dizajnin e modës, arkitekturën, reklamimin, dizajnin e lojërave dhe dizajnin industrial.

Teknologjitë inovative – Realiteti i Shtuar (AR), Realiteti Virtual (VR), Inteligjenca Artificiale (AI) dhe Blockchain (BC), të cilat po sjellin ndryshime në industrinë kreative.

Nga ana e UBT-së, udhëheqës i ekipit është caktuar Dr. Besnik Skenderi, i cili do të koordinojë procesin e mentorimit dhe trajnimit nga ana e UBT-së për të siguruar përputhjen e programit me objektivat e përcaktuara.

Ky projekt pritet të ketë një ndikim të rëndësishëm në zhvillimin e ideve të reja dhe avancimin e produkteve dhe shërbimeve të kompanive që operojnë në industrinë kreative, duke ndihmuar në krijimin e mundësive të reja për inovacion dhe rritje në këtë sektor.

UBT edhe këtë vit ka hyrë në listën finale dhe është nominuar për çmimin kryesor nga Triple E Award në dy kategori, në kategorinë institucionale për çmimin “Young Entrepreneurial University of the Year”, si dhe në kategorinë individuale për çmimin Entrepreneurship Educator of the Year.

Për të votuar UBT-në, në kategorinë institucionale, ju lusim të votoni në këtë link: Triple E Award – Vote – https://europe-africa2024.triple-e-awards.com/finalist/id/858?fbclid=IwY2xjawFVLr5leHRuA2FlbQIxMAABHVc8cE-HeX4ImTzOAfCPvvjTybDEvhRc58UwjLG0J78AZB5rwFnA6Zse1A_aem_pCJ6ExgNQFhPpMjJX_BaAw, duke dhënë fillimisht e-mail adresën tuaj. Ju rikujtojmë se verifikimi i votës përmes e-mailit tuaj është i domosdoshem, në mënyrë që të përfundohet procesi i votimit.

Për të votuar për nomimin e UBT-së në kategorinë individuale, në të cilën Rektori Prof. Dr. Edmond Hajrizi është nominuar me projektin e quajtur “Empowering Innovators by Transforming Theory into Action: Navigating Innovation and Sustainability”, ju lusim të votoni në këtë link: https://europe-africa2024.triple-e-awards.com/finalist/id/942, duke dhënë fillimisht e-mail adresën tuaj. Ju rikujtojmë se verifikimi i votës përmes e-mailit tuaj është i domosdoshem, në mënyrë që të përfundohet procesi i votimit.

Për të dhënë votën tuaj edhe në platformat sociale, ju lusim të ndiqni procedurat e më poshtme:

Për Facebook, mund të bëni një postim me këtë përmbajtje:

https://europe-africa2024.triple-e-awards.com/finalist/id/942

@https://lnkd.in/d6vwxdB7

#ACEEU_Awards

#2024Entry942

Për Platformën X (ish Twitter) mund të bëni një postim/tweet me këtë përmbajtje:

#ACEEU_Awards #2024Entry942

Për Platformën LinkedIn mund të bëni një postim me këtë përmbajtje: 

https://lnkd.in/dfSj3-ZX

@https://lnkd.in/d6vwxdB7

#ACEEU_Awards

#2024Entry942

Ju rikujtojmë se votimi juaj dhe miqve tuaj është shumë i rëndësishëm në këtë fazë të nominimit final.

Në një atmosferë festive dhe plot emocion, Rektori i UBT-së, Prof. Dr. Edmond Hajrizi, mbajti një fjalim frymëzues gjatë ceremonisë së diplomimit të gjeneratës së 21-të të studentëve të këtij institucioni lider në arsimin e lartë në Kosovë dhe rajon. Duke iu drejtuar studentëve, prindërve, familjarëve dhe miqve të pranishëm, ai përgëzoi të gjithë për këtë arritje të madhe.

“Sot, ndërsa qëndroj përpara jush, më lejoni të filloj duke ju përgëzuar nga thellësia e zemrës për këtë arritje të madhe. Dita e sotme shënon një moment kthese në jetën tuaj, një moment që përmbledh vite të tëra përkushtimi, punë të palodhshme dhe përballje me sfida të shumta. Çdo hap që keni ndërmarrë deri në këtë pikë ka qenë një gur themel në ndërtimin e një të ardhme që ju pret”, u shpreh Rektori Hajrizi.

Rektori vuri theksin te rëndësia e dijes dhe vlerave që studentët kanë përvetësuar gjatë viteve të studimit në UBT. “Sot nuk festojmë vetëm për përfundimin e një kapitulli, por edhe për fillimin e një rrugëtimi të ri. Me njohuritë dhe aftësitë që keni fituar, ju jeni të përgatitur për të përballuar çdo sfidë që e ardhmja mund t’ju sjellë”.

Duke iu drejtuar studentëve si ambasadorë të UBT-së, Rektori Hajrizi theksoi përgjegjësinë e tyre për të përfaqësuar vlerat dhe standardet e institucionit, kudo që të shkojnë. “Ju keni fuqinë për të bërë një ndikim pozitiv në botë. Një mendje e arsimuar dhe një zemër plot pasion janë dy armët më të fuqishme që do t’ju udhëheqin në këtë rrugëtim të ri”.

Fjalimi i tij kulmoi me një mesazh të veçantë për komunitetin e studentëve: “Mos harroni të qëndroni të lidhur me njëri-tjetrin dhe me UBT-në. Ky komunitet është një burim me vlerë të jashtëzakonshme, dhe dera jonë do të jetë gjithmonë e hapur për ju”.

Në përfundim, Rektori Hajrizi shprehu krenarinë dhe besimin e tij në potencialin e studentëve: “Ne besojmë në aftësitë tuaja dhe në zemrën tuaj. Ju jeni ata që do të formësoni të ardhmen e shoqërisë sonë. Urime dhe suksese të mëdha në këtë kapitull të ri të jetës tuaj!”

Ceremonia përmbyllëse, e mbushur me entuziazëm dhe emocione, u përjetësua me hedhjen tradicionale të kapelave, duke shënuar kështu fillimin e një faze të re në jetën profesionale të të diplomuarve.

United Hospital është një spital i ndërtuar dhe organizuar për të përmbushur standardet më të larta të Bashkimit Evropian, duke garantuar shërbime mjekësore të klasit të parë në çdo aspekt të kujdesit të ofruar. Ky institucion shëndetësor shtrihet në një hapësirë prej 6000 m² dhe është i ndarë në pesë nivele të organizuara me kujdes, ku secili përmban departamente dhe zyra për të siguruar një ambient të sigurt për stafin dhe një komoditet të jashtëzakonshëm për pacientët dhe familjarët e tyre.

Ndërtesa e spitalit është e pajisur me teknologjinë e fundit në sistemet e ngrohjes, ftohjes, furnizimit me gaz dhe energji elektrike, si dhe në sistemet e mbrojtjes kundër zjarrit. Këto veçori e bëjnë atë një nga objektet më të sigurta dhe më të avancuara në rajon.

Departamentet dhe shërbimet në United Hospital

United Hospital ofron një gamë të gjerë shërbimesh mjekësore me cilësi të lartë, të gjitha të pajisura me aparatura moderne dhe teknologji të avancuar. Disa nga departamentet kryesore përfshijnë:

Departamenti i Emergjencës: Aktiv dhe në shërbim 24 orë në ditë, ky departament është i pajisur për të trajtuar çdo lloj urgjence mjekësore me profesionalizëm dhe efikasitet;

Departamenti i Radiologjisë: Ofron diagnostikim të avancuar përmes teknologjive më të fundit të imazherisë;

Departamenti i Anesteziologjisë dhe Terapisë Intenzive: Siguron kujdes intensiv dhe mbikëqyrje të vazhdueshme për pacientët që kanë nevojë për trajtim të specializuar;

Departamenti i Kirurgjisë Kardiake dhe Torakale: Kryen operacione të avancuara kardiake dhe torakale për të rritur dhe fëmijë;

Departamenti i Kardiologjisë Invazive: Specializohet në procedura minimisht invazive për trajtimin e sëmundjeve të zemrës;

Departamenti i Neurologjisë dhe Neurokirurgjisë: Ofron diagnostikim dhe trajtim për çrregullimet neurologjike dhe neurokirurgjike;

Departamenti i Kirurgjisë së Përgjithshme: Kryen një gamë të gjerë operacionesh kirurgjikale;

Departamenti i Ortopedisë dhe Traumatologjisë: Trajton dëmtimet dhe çrregullimet e sistemit muskulor dhe skeletor;

Departamenti i Mjekësisë Interne: Ofron kujdes të përgjithshëm për të rriturit me sëmundje të brendshme;

Departamenti i Pediatrisë: Siguron kujdes të specializuar për fëmijët;

Departamenti i Obstetrikës dhe Gjinekologjisë: Kujdeset për shëndetin e grave dhe shtatzënat;

Departamenti i Fizioterapisë: Ofron trajtime për rikuperim fizik;

Laboratori: I pajisur me teknologji të avancuar për analiza të sakta dhe të shpejta.

Infrastruktura dhe teknologjia e avancuar

United Hospital përmban salla të operacionit të pajisura me teknologji moderne, një sallë të kardiologjisë invazive, dhe një njësi të terapisë intenzive me 20 shtretër. Departamenti i Emergjencës ka kapacitet për 10 shtretër, ndërsa spitali në tërësi ofron 70 shtretër në repart. Pajisjet e avancuara sigurojnë mundësinë për kryerjen e të gjitha procedurave kirurgjikale dhe invazive, duke përfshirë ato mini-invazive, të cilat janë të ngjashme me ato të qendrave më të mira në Evropë dhe Amerikë.

Stafi i specializuar dhe ekspertiza ndërkombëtare

Një nga asetet më të mëdha të United Hospital është stafi i trajnuar dhe specializuar në vendet e Bashkimit Evropian, Britanisë së Madhe dhe Shteteve të Bashkuara të Amerikës. Këta profesionistë të shëndetit sjellin eksperiencë dhe ekspertizë të nivelit të lartë, duke garantuar shërbim të pakrahasueshëm për pacientët. Ata janë të përkushtuar për të diagnostikuar dhe trajtuar çdo patologji të pranishme, duke ofruar kujdes të personalizuar dhe të specializuar.

Standarde evropiane për shëndetin tuaj

United Hospital përfaqëson një standard të ri të kujdesit shëndetësor në rajon, duke ofruar infrastrukturë moderne, teknologji të avancuar dhe staf të specializuar. Për çdo nevojë shëndetësore, ky spital është zgjidhja ideale për kujdesin dhe trajtimin tuaj mjekësor.