Lajmet
UBT mbajti simpoziumin ndërkombëtar virtual “Qytetet në ballkan – sfidat zhvillimore, proceset dhe përmbajtja e dokumenteve, në linjë me trendët dhe normat e BE-së”
Është mbajtur simpoziumi ndërkombëtar virtual “Qytetet në ballkan – sfidat zhvillimore, proceset dhe përmbajtja e dokumenteve, në linjë me trendët dhe normat e BE-së”, organizim i UBT-së në bashkëpunim me institucionet akademike dhe të shoqërisë civile nga Kosova dhe Shqipëria, mbështetur nga Asociacioni Ndërkombëtar i Planerëve Urban dhe Regjional (ISOCARP).
Ky simpozium mblodhi fizikisht dhe virtualisht ekspertë, profesionistë, akademikë e aktivistë të shoqërisë civile nga Kosova, Shqipëria, Rumania, Belgjika, Italia, Skocia e SHBA, të cilët diskutuan për proceset dhe dinamikat e planifikimit hapësinor dhe urban në rajon, me fokus Prishtinën dhe Tiranën, analizimin e këtyre proceseve dhe dinamikave në kontekst të dinamikave të planifikimit në BE, si dhe për propozimet e ekspertëve ndërkombëtarë, njohës të realitetit në rajonin tonë, për krijimin e modeleve origjinale si dhe univerzale të planifikimit për rajonin dhe shoqëritë tona.
Në fjalën hyrëse rektori i UBT-së, prof.dr. Edmond Hajrizi ka thënë se ky organizim është shumë i rëndësishëm, jo vetëm për Kosovën dhe Shqipërinë në tërësi, por për tërë qytetet e Ballkanit.
“Duke e marrë parasysh se ne jemi duke jetuar në një revolucion konvergjent, të gjitha këto transformime në të cilat po kalojmë, qytetet janë një element i rëndësishëm për t’u studiuar, ndaj duhet të parashtrohet pyetja se si do të jetë e ardhmja e qyteteve, dhe si do të organizohen që të kenë një qëndrueshmëri”, ka thënë prof.dr. Edmond Hajrizi.
Me këtë simpozium u shënua edhe themelimi i “Forumit Ballkanik të Qyteteve”, i cili synon të krijojë një platformë gjithëpërfshirëse në të cilën ekspertë, profesionistë, akademikë, institucione qendrore e lokale si dhe aktivistë të shoqërisë civile do të mund të diskutojnë dhe të kërkojnë zgjidhje për sfidat e përditshme të qyteteve, rrjedhimisht të shoqërive tona në Ballkanin Perëndimor, teksa UBT ka shprehur edhe njëherë gatishmërinë për të përkrahur në të gjitha format këtë forum.
Ky simpozium mblodhi fizikisht dhe virtualisht ekspertë, profesionistë, akademikë e aktivistë të shoqërisë civile nga Kosova, Shqipëria, Rumania, Belgjika, Italia, Skocia e SHBA, të cilët diskutuan për proceset dhe dinamikat e planifikimit hapësinor dhe urban në rajon, me fokus Prishtinën dhe Tiranën, analizimin e këtyre proceseve dhe dinamikave në kontekst të dinamikave të planifikimit në BE, si dhe për propozimet e ekspertëve ndërkombëtarë, njohës të realitetit në rajonin tonë, për krijimin e modeleve origjinale si dhe univerzale të planifikimit për rajonin dhe shoqëritë tona.
Vendi
Etno Fest: Dita e gjashtë sjell traditën e Istogut, artin e familjes Grubi dhe teatrin e Shkodrës në Kukaj
Nata e gjashtë e festivalit “Etno Fest” në fshatin Kukaj u karakterizua nga një gërshtim i traditës autoktone, muzikës klasike dhe artit skenik, duke mbledhur artistë e dashamirës të kulturës nga treva të ndryshme.
Sipari i mbrëmjes u hap me performancën e Etno Ansamblit “Vullkani i Istogut”, i cili solli në skenë këngë, valle dhe motive tradicionale të trevës së Istogut.
Programi vazhdoi me një koncert artistik të interpretuar nga Blerim Grubi, Nita Grubi dhe Arjana Kuriu Grubi, të cilët sollën një frymë me finesë muzikore për pranishmit.
Ngjarja qendrore e mbrëmjes ishte shfaqja teatrore “Pesë fytyrat e heshtjes”, me regji të Ilir Bokshit, e realizuar nga trupa e Teatrit “Migjeni” të Shkodrës. Shfaqja trajtoi tema komplekse njerëzore, me fokus te dhuna familjare dhe përjetimet e pathëna.
Aktivitetet e ditës së gjashtë u përmbyllën në orët e vona me “Etno Nejën”, ku grupi “Melodia e Vjetër” interpretoi pjesë nga repertori i traditës muzikore e shpirtërore. /E.A/
Vendi
Deputeti ukrainas kritikon deklaratën e Zelenskyt në Beograd: Gabim diplomatik, ukrainasit e mbështesin pavarësinë e Kosovës
Deputeti ukrainas Oleksiy Goncharenko, njëherësh iniciues i Projektligjit për njohjen e Kosovës në Parlamentin e Ukrainës, e ka quajtur “gabim diplomatik” deklaratën e presidentit Volodymyr Zelensky në Beograd se Ukraina nuk do ta ndryshojë qëndrimin e saj kundër njohjes së pavarësisë së Kosovës.
Përmes një postimi në rrjetin social “X”, Goncharenko publikoi deklaratën e Zelenskyt së bashku me fotografinë ku shihet heqja e sloganit “Free Ukraine” nga Hoteli Grand në Prishtinë.
“Ky është një gabim diplomatik. Ukrainasit mbështesin pavarësinë e Kosovës dhe ne besojmë se Ukraina duhet ta njohë shtetin. Unë do të vazhdoj të luftoj për pavarësinë e Kosovës dhe përfundimisht Ukraina do ta njohë atë”, ka shkruar Goncharenko. /E.A/
Etno Fest: Dita e gjashtë sjell traditën e Istogut, artin e familjes Grubi dhe teatrin e Shkodrës në Kukaj
Zjarr në fshatin Malasen të Cërrikut: Dëmtohen 250 rrënjë ullinj, ndërhyjnë zjarrfikësit
Deputeti ukrainas kritikon deklaratën e Zelenskyt në Beograd: Gabim diplomatik, ukrainasit e mbështesin pavarësinë e Kosovës
Më shumë se një milion njerëz evakuohen në Kinë pas goditjes nga tajfuni “Dolphin”
Mot me diell dhe temperatura deri në 35 gradë
Ditari: Lajmet kryesore që shënuan datën 9 gusht 1993-1998?
Dy aksidente me fatalitet dhe me dhjetëra të lënduar në rrugët e Kosovës brenda 24 orëve
Sabedini: Procesi në Hagë ka humbur besueshmërinë, pres vendim lirues për të akuzuarit
Kurti: Konstituimi i Kuvendit pa marrëveshje për presidentin na çon pashmangshëm në zgjedhje të reja
-
Sport7 days agoUellsi tërheq mbështetjen për Infantinon, kërkon ndryshim në krye të FIFA-s
-
Lajmet6 days ago“Spider-Man: Brand New Day” thyen rekorde, i afrohet miliardit në vetëm pak ditë
-
Aktualitet6 days agoBE-ja kërkon kufij më të fortë pas kalimeve të emigrantëve në Ceuta
-
Lajmet2 months agoYll Limani falënderon fansat pas dy netëve koncert në Tiranë