Lajmet nga UBT

UBT lanson kompaninë Gold Venture Investments Western Balkan, në një partneritet me GVI Global

“Bashkimi i ekosistemeve të UBT-së, ITP-sē dhe GVI Global do të krijojë mundësi shumë të mëdha për mbështjetjen e bizneseve dhe investitorëve në Kosovë, por edhe do t’i ofrojë kompanive kosovare mundësinë për t’u kyqur në financat dhe tregjet ndërkombëtare”, tha rektori Hajrizi.

Published

on

Parkut të Inovacionit dhe Trajnimeve (ITP) në Prizren, krahas shumë kompanive të tjera që tashmë janë të pozicionuara aty, nga sot UBT në një partneritet izraelito-kosovar me kompaninë GVI, ka lansuar kompaninë “Gold Ventures Investments Western Balkan”, që do të mbështesë kompanitë e reja, startups, kompani publike, private dhe sektorin e shoqërisë civile në tërë rajonin e Ballkanit Perëndimor.

Në prani të themeluesit të GVI Global, Kobi Kalderon, ambasadores së Ambasadës së Izraelit në Kosovë, Tamar Ziv, zëvendës shefit te Ambasadës Gjermane në Kosovë, Mathias Conrad, rektori i UBT-së, Prof. Dr. Edmond Hajrizi, tha se ky momentum është një arritje e madhe e UBT-së, por edhe e Kosovës, duke e cilësuar si një ekosistem të ri për ITP-në, që do të ofrojë gjenerim të vlerave të mira dhe krijimin e një baze të suksesshme të ndërmarrësisë në Kosovë.

“Bashkimi i ekosistemeve të UBT-së, ITP-sē dhe GVI Global do të krijojë mundësi shumë të mëdha për mbështjetjen e bizneseve dhe investitorëve në Kosovë, por edhe do t’i ofrojë kompanive kosovare mundësinë për t’u kyqur në financat dhe tregjet ndërkombëtare”, tha rektori Hajrizi.

Themeluesi i GVI Global, Kobi Kalderon, duke treguar për rrugëtimin e tij si ndërmarrës i suksesshëm në Izrael, theksoi nevojën për rritjen e kompanisë GVI dhe prezencën e kësaj kompanie në Ballkanin Perëndimor.

“E kam një ëndërr që t’i lidhi njerëzit nga shtetet e ndryshme, për të na ndihmuar në inovacion dhe ndërmarrësi. Kjo është diçka unike dhe një mundësi e mirë për start-up në Kosovë, që të kemi investime nga investitorë ndërkombëtar. Qëllimi është që të sjellim kompani përmes GVI, që të hyjnë në tregun e Ballkanit Perëndimor”, u shpreh Kalderon.

Ambasadorja e Izraelit në Kosovë, Tamar Ziv, potencoi se bashkëpunimi ndërmjet institucioneve të arsimit në Kosovë dhe Izrael është një mundësi që krijon hapësira të reja ndërveprimi për të rinjtë nga të dyja vendet.

“Jam shumë e kënaqur që jam këtu, sepse një kompani e Izraelit është duke e bërë një bazë këtu në ITP dhe kjo mund të jetë edhe investimi i pare Izraelit ne Kosovë. Ekonomia është një lidhje ndërmjet njerëzve, kulturave dhe shteteve, dhe si ambasadore, jam duke punuar që të gjejë marrëdhënie të mira ndërmjet Kosovës dhe Izraelit. Jemi duke punuar që të zhvillojmë marrëdhëniet në shumë drejtime. Profesor Hajrizi e di se kemi punuar me UBT-në, që të kemi bashkëpunime ndërmjet kompanive izraelite dhe UBT-së, të cilat do të na ndihmojnë që të shkojmë përpara”, tha ambasadorja Ziv.

Zëvendës shefi i Ambasadës së Gjermanisë në Kosovë, Mathias Conrad, theksoi se lansimi i GVI Western Balkan është një arritje e madhe, teksa nga aspekti politik është një storje suksesi për Kosovën në arenën ndërkombëtare.


“Është një nder që të flasë në këtë ngjarje madhore. GVI dhe ITP janë një përputhje e shkëlqyeshme. Ambasada Gjermane është duke kontribuuar në mënyrë aktive për ta ndihmuar ITP-në. Lansimi i GVI-së i ka avantazhet e veta për kompanitë lokale, duke krijuar kështu një hap të madh drejt së ardhmes. Me këtë rrjetizim të partneritetit, do ta ndihmojë ekonominë vendore, dhe do të bëhet një park më atraktiv. Nga aspekti politik, janë edhe objektivat politike që tentojnë ta bëjnë Kosovën një storje suksesi në arenën ndërkombëtare”, tha zëvendësambasadori Conrad.

Lansimi i “Gold Venture Investments Western Balkan” në ITP-Prizren, do të synoj ofrimin e shërbimeve për grupe të synuara, për kompani lokale dhe për start-up, duke kontribuuar kështu në zhvillimin e qëndrueshëm ekonomik dhe zgjerimin e tregut të Kosovës në tregjet ndërkombëtare.

Aktualitet

UBT ofron bursa 20 për qind për punonjësit e institucioneve kyçe në programet Master

Published

on

UBT ka prezantuar një iniciativë të re që synon të fuqizojë dhe mbështesë punonjësit e institucioneve kyçe të vendit, përmes ofrimit të bursave 20 për qind për programet Master në disa fusha me rëndësi të veçantë.

Kjo nismë vjen si pjesë e përkushtimit të UBT-së për të krijuar ura mes arsimit cilësor dhe tregut të punës, duke i ndihmuar profesionistët që të avancojnë njohuritë e tyre dhe të kontribuojnë më fuqishëm në fushat ku shërbejnë.

Në kuadër të kësaj nisme, punonjësit e institucioneve të ndryshme do të mund të përfitojnë nga bursa 20 për qind në tarifat e regjistrimit për programet Master si më poshtë:

  • E Drejta Komerciale – 20% bursë për të gjithë punonjësit/zyrtarët që punojnë në institucionet e drejtësisë.
  • Shkenca Politike – 20% bursë për anëtarët e Akademisë së Policisë, FSK-së dhe të gjithë shërbyesit civilë.
  • Studime të Sigurisë – 20% bursë për anëtarët e Akademisë së Policisë, FSK-së dhe të gjithë shërbyesit civilë.
  • Shëndet dhe Aktivitet Fizik – 20% bursë për të gjithë punonjësit shëndetësorë dhe sportistët.
  • Menaxhment, Biznes dhe Ekonomi – 20% bursë për të gjithë punonjësit/zyrtarët që punojnë në institucionet bankare private dhe publike.
  • Shkencat dhe Teknologjia e Ushqimit – 20% bursë për të gjithë teknologët, nutricionistët dhe infermierët.

Arsimi i lidhur ngushtë me praktikën

UBT ka ndërtuar një traditë ku studimet nuk kufizohen vetëm në teori, por kombinohen me praktikë, kërkim shkencor dhe projekte konkrete. Studentët e programeve Master marrin pjesë në praktika profesionale, shkëmbime ndërkombëtare, vizita studimore, si dhe ndjekin ligjërata nga ekspertë vendorë e ndërkombëtarë.

Në këtë mënyrë, bursat nuk janë vetëm një ulje e kostos së studimeve, por një investim i drejtpërdrejtë në karrierën dhe të ardhmen profesionale të secilit kandidat.

UBT – lider në rangimet botërore

Sukseset ndërkombëtare të UBT-së janë të shumta: në rangimin prestigjioz World University Rankings for Innovation (WURI 2025), UBT është renditur përkrah universiteteve si Harvard, MIT, Stanford e Oxford, duke u pozicionuar lart në kategori të rëndësishme si ESG Trend, Funding for Sustainability dhe University Brand and Reputation. Po ashtu, vetëm pesë institucione në botë janë përzgjedhur si finalistë të Triple E Awards – Universiteti i Angazhuar i Vitit, dhe UBT është një prej tyre, duke dëshmuar ndikimin e tij global në inovacion dhe zhvillim shoqëror.

UBT prej vitesh është ranguar në mënyrë të vazhdueshme në rangime prestigjioze ndërkombëtare, duke dëshmuar cilësinë dhe inovacionin e tij. Institucioni është pozicionuar lart në GreenMetric World University Ranking për qëndrueshmëri mjedisore, në WURI – World University Rankings for Innovation për inovacion dhe revolucionin e katërt industrial, si dhe në SCImago Institutions Rankings për kërkimin shkencor dhe impaktin shoqëror. Po ashtu, në Webometrics, UBT është konfirmuar si institucioni më i mirë privat i arsimit të lartë në Kosovë dhe në mbarë trojet shqiptare.

UBT i inkurajon të gjithë profesionistët që i përkasin kategorive të përmendura të mos e humbin këtë mundësi. Regjistrimet janë tashmë të hapura dhe vendet e limituara, andaj nxitoni dhe siguroni vendin tuaj.

Për më shumë informacion, kandidatët mund të vizitojnë faqen zyrtare të UBT-së: APLIKO TANI ONLINE!

Continue Reading

Aktualitet

Një hap drejt karrierës ndërkombëtare: Zgjidh Masterin në të Drejtën Komerciale në UBT

Published

on

Në epokën e globalizimit dhe digjitalizimit të tregjeve, ligji i biznesit është bërë një prej fushave më të rëndësishme dhe më të kërkuara në botën profesionale. Duke e njohur këtë nevojë, UBT ofron Programin Master (LLM) në të Drejtën Komerciale (Tregtare), i cili është dizajnuar për juristë, profesionistë dhe të diplomuar në drejtësi që synojnë të specializohen në sektorin e biznesit dhe tregtisë ndërkombëtare.

Ky program nuk është vetëm një rrugëtim akademik, por edhe një mundësi drejt karrierës ndërkombëtare, duke u ofruar studentëve njohuri të avancuara, përvojë praktike dhe një qasje kritike ndaj sfidave të së drejtës tregtare.

Çfarë përfiton një student i këtij programi?

  • Njohuri të avancuara mbi kontratat tregtare – nga hartimi deri te ekzekutimi i tyre, duke përfshirë rastet e shkeljes dhe arbitrazhit.
  • Të drejtën e shoqërive tregtare – themelimi, qeverisja, menaxhimi dhe shpërbërja e kompanive, sipas standardeve kombëtare dhe ndërkombëtare.
  • Ekspertizë në të drejtën e konsumatorit dhe konkurrencës – ku studentët aftësohen të analizojnë dhe krahasojnë kuadrot ligjore të Kosovës me ato të BE-së dhe tregjeve globale.
  • Pronësia intelektuale dhe inovacioni – trajnim i veçantë mbi menaxhimin e patentave, markave tregtare, të drejtave të autorit dhe sekreteve tregtare, thelbësore për bizneset moderne.
  • Simulime të proceseve gjyqësore – studentët marrin pjesë në skenarë praktikë, duke menaxhuar ekipe, hartuar kontrata reale dhe përgatitur mbrojtje ligjore.
  • Aftësi kërkimore dhe akademike – programi ofron mjete të avancuara për hulumtim shkencor, duke i përgatitur studentët për publikime dhe studime të thelluara.

Pse Master në të Drejtën Komerciale në UBT?

UBT është i vetmi institucion në Kosovë që kombinon teorinë e avancuar akademike me praktikën ligjore ndërkombëtare, përmes:

  • Punëtorive me juristë dhe ekspertë të shquar vendas e të huaj.
  • Pjesëmarrjes në raste reale të tregut global.
  • Integrimit të studentëve në rrjetin profesional të UBT-së, i cili përfshin partneritete me kompani, institucione publike dhe organizata ndërkombëtare.

Objektivat kryesore të programit:

  • Formimi i një baze solide mbi të drejtën tregtare kombëtare dhe ndërkombëtare.
  • Zhvillimi i aftësive për të adresuar çështje komplekse të qeverisjes korporative dhe përgjegjësisë sociale të bizneseve.
  • Nxitja e mendimit kritik dhe kreativ në menaxhimin e të drejtave të pronësisë intelektuale.
  • Përgatitja e profesionistëve për një treg pune që kërkon ekspertë të gatshëm të ofrojnë zgjidhje për sfidat ligjore të epokës moderne.

Misioni i programit

Misioni i Masterit në të Drejtën Komerciale është të edukojë juristë me standarde të larta etike dhe profesionale, të pajisur me njohuri që tejkalojnë kufijtë e zakonshëm të teorisë dhe që lidhen drejtpërdrejt me praktikën. Në këtë mënyrë, UBT synon të kontribuojë në forcimin e sundimit të ligjit, stabilitetit ekonomik dhe zhvillimit të qëndrueshëm në Kosovë dhe rajon.

Ky program është një mundësi e artë për të gjithë ata që duan të bëhen pjesë e një fushe ku ligji dhe biznesi takohen, krijojnë inovacion dhe udhëheqin zhvillimin global.

APLIKO TANI ONLINE!

Continue Reading

Aktualitet

Ekspertizë e avancuar dhe praktikë reale: Masteri në E Drejta Penale (LLM) në UBT

Published

on

UBT ofron programin Master në të Drejtën Penale (LLM), një ndër programet më prestigjioze dhe të specializuara në vend, i cili ofron formim të avancuar profesional dhe akademik për juristë, prokurorë, avokatë, gjyqtarë dhe ekspertë të zbatimit të ligjit.

Ky program është ndërtuar për të përgatitur gjeneratën e ardhshme të profesionistëve të drejtësisë penale, duke kombinuar njohuritë teorike me praktikat bashkëkohore të hetimit dhe gjykimit penal.

Përmes tij, studentët fitojnë kompetenca të thelluara mbi të drejtën penale, procedurën penale, kriminologjinë, politikat kriminale dhe fushat ndërlidhëse si viktimologjia, penologjia dhe shkencat forenzike.

Një program i standardeve evropiane

Kurrikula e Masterit është ndërtuar sipas parimeve të Procesit të Bolonjës, duke u fokusuar në të nxënit aktiv dhe punësueshmërinë e të diplomuarve. Ajo përfshin edhe përputhjen me kornizat ligjore evropiane dhe ndërkombëtare, duke u dhënë studentëve njohuri mbi të drejtën penale krahasuese, të drejtën penale ndërkombëtare, si dhe mbi konventat e Bashkimit Evropian dhe të institucioneve ndërkombëtare.

Programi është zhvilluar duke u bazuar në praktikat më të mira të disa prej shkollave juridike më prestigjioze evropiane, si Universidad Carlos III de Madrid, Shkolla Juridike e Birminghamit dhe ajo e Kentit, duke ofruar një përmbajtje të avancuar dhe në harmoni me nevojat e kohës.

Objektivat dhe misioni

Misioni i programit është që të formojë profesionistë me standarde të larta etike dhe profesionale, të cilët jo vetëm do të kontribuojnë në sistemin e drejtësisë, por edhe në forcimin e sundimit të ligjit dhe sigurinë publike në vend dhe rajon.

Çfarë fitojnë studentët?

Me përfundimin e studimeve, studentët e Masterit në të Drejtën Penale në UBT do të jenë të aftë:

  • Të kuptojnë dhe analizojnë në mënyrë kritike doktrinën dhe praktikat e së drejtës penale në nivel kombëtar e ndërkombëtar;
  • Të hartojnë kallëzime penale, aktakuza dhe aktgjykime, duke simuluar procese gjyqësore reale;
  • Të zhvillojnë hulumtime shkencore dhe të ofrojnë zgjidhje për sfidat e reja ligjore;
  • Të menaxhojnë raste komplekse që lidhen me krimin e organizuar, krimin ekonomik dhe fenomenet kriminale bashkëkohore;
  • Të ndërthurin njohuritë ligjore me ato të shkencave ndihmëse si kriminologjia, viktimologjia dhe forenzika.

Një hap drejt karrierës së sigurt

Falë kombinimit të studimeve akademike, praktikës profesionale dhe angazhimit kërkimor, ky master i hap rrugën punësimit në institucione kyçe të drejtësisë: gjykata, prokurori, polici gjyqësore, zyra të avokatisë dhe organizata ndërkombëtare që merren me sundimin e ligjit.

UBT ofron një mjedis akademik modern, me staf vendor dhe ndërkombëtar, laboratorë të avancuar ligjorë dhe qasje të drejtpërdrejtë në praktika konkrete.

APLIKO TANI ONLINE!

Continue Reading

Aktualitet

Profesori i UBT-së fiton grant prestigjioz kërkimor në Universitetin Çarls të Pragës

Published

on

Nga qindra aplikime të profesorëve universitarë nga Kosova dhe rajoni i Ballkanit Perëndimor, Prof. Dr. Avni H. Alidemaj, pedagog dhe studiues në UBT, ka fituar një grant të rëndësishëm në kuadër të Fondit të Vishegradit për Ballkanin Perëndimor. Ky program prestigjioz u dedikohet anëtarëve të stafit akademik për të zhvilluar hulumtime shkencore dhe për të kontribuar në mësimdhënie në universitete elitare evropiane.

Nga Kosova, vetëm katër kandidatë kanë fituar këtë grant, ndërsa Prof. Alidemaj do të angazhohet gjatë muajit tetor në Universitetin Çarls të Pragës, ku do të realizojë projekte kërkimore në fushën e të drejtave të njeriut dhe do të mbajë ligjërata për studentët e Fakultetit Juridik.

Universiteti Çarls është një nga institucionet më prestigjioze të arsimit të lartë në Evropë dhe ndër më të vjetrit në botë. I themeluar në vitin 1348, ky universitet ka mbi 677 vite traditë akademike dhe sot renditet në mesin e 300 universiteteve më të mira botërore.

Ky sukses përbën një arritje të rëndësishme jo vetëm për Prof. Alidemajn dhe UBT-në, por edhe për akademinë kosovare në përgjithësi. UBT vazhdon të jetë një urë e fuqishme e shkëmbimeve akademike dhe kërkimore ndërkombëtare, duke sjellë njohuri të reja, përvoja të vlefshme dhe standarde bashkëkohore për studentët dhe shoqërinë kosovare në tërësi.

Continue Reading

Të kërkuara