

Lajmet nga UBT
UBT lanson kompaninë Gold Venture Investments Western Balkan, në një partneritet me GVI Global
“Bashkimi i ekosistemeve të UBT-së, ITP-sē dhe GVI Global do të krijojë mundësi shumë të mëdha për mbështjetjen e bizneseve dhe investitorëve në Kosovë, por edhe do t’i ofrojë kompanive kosovare mundësinë për t’u kyqur në financat dhe tregjet ndërkombëtare”, tha rektori Hajrizi.
Published
2 years agoon
By
Betim GashiParkut të Inovacionit dhe Trajnimeve (ITP) në Prizren, krahas shumë kompanive të tjera që tashmë janë të pozicionuara aty, nga sot UBT në një partneritet izraelito-kosovar me kompaninë GVI, ka lansuar kompaninë “Gold Ventures Investments Western Balkan”, që do të mbështesë kompanitë e reja, startups, kompani publike, private dhe sektorin e shoqërisë civile në tërë rajonin e Ballkanit Perëndimor.
Në prani të themeluesit të GVI Global, Kobi Kalderon, ambasadores së Ambasadës së Izraelit në Kosovë, Tamar Ziv, zëvendës shefit te Ambasadës Gjermane në Kosovë, Mathias Conrad, rektori i UBT-së, Prof. Dr. Edmond Hajrizi, tha se ky momentum është një arritje e madhe e UBT-së, por edhe e Kosovës, duke e cilësuar si një ekosistem të ri për ITP-në, që do të ofrojë gjenerim të vlerave të mira dhe krijimin e një baze të suksesshme të ndërmarrësisë në Kosovë.
“Bashkimi i ekosistemeve të UBT-së, ITP-sē dhe GVI Global do të krijojë mundësi shumë të mëdha për mbështjetjen e bizneseve dhe investitorëve në Kosovë, por edhe do t’i ofrojë kompanive kosovare mundësinë për t’u kyqur në financat dhe tregjet ndërkombëtare”, tha rektori Hajrizi.
Themeluesi i GVI Global, Kobi Kalderon, duke treguar për rrugëtimin e tij si ndërmarrës i suksesshëm në Izrael, theksoi nevojën për rritjen e kompanisë GVI dhe prezencën e kësaj kompanie në Ballkanin Perëndimor.
“E kam një ëndërr që t’i lidhi njerëzit nga shtetet e ndryshme, për të na ndihmuar në inovacion dhe ndërmarrësi. Kjo është diçka unike dhe një mundësi e mirë për start-up në Kosovë, që të kemi investime nga investitorë ndërkombëtar. Qëllimi është që të sjellim kompani përmes GVI, që të hyjnë në tregun e Ballkanit Perëndimor”, u shpreh Kalderon.
Ambasadorja e Izraelit në Kosovë, Tamar Ziv, potencoi se bashkëpunimi ndërmjet institucioneve të arsimit në Kosovë dhe Izrael është një mundësi që krijon hapësira të reja ndërveprimi për të rinjtë nga të dyja vendet.
“Jam shumë e kënaqur që jam këtu, sepse një kompani e Izraelit është duke e bërë një bazë këtu në ITP dhe kjo mund të jetë edhe investimi i pare Izraelit ne Kosovë. Ekonomia është një lidhje ndërmjet njerëzve, kulturave dhe shteteve, dhe si ambasadore, jam duke punuar që të gjejë marrëdhënie të mira ndërmjet Kosovës dhe Izraelit. Jemi duke punuar që të zhvillojmë marrëdhëniet në shumë drejtime. Profesor Hajrizi e di se kemi punuar me UBT-në, që të kemi bashkëpunime ndërmjet kompanive izraelite dhe UBT-së, të cilat do të na ndihmojnë që të shkojmë përpara”, tha ambasadorja Ziv.
Zëvendës shefi i Ambasadës së Gjermanisë në Kosovë, Mathias Conrad, theksoi se lansimi i GVI Western Balkan është një arritje e madhe, teksa nga aspekti politik është një storje suksesi për Kosovën në arenën ndërkombëtare.
“Është një nder që të flasë në këtë ngjarje madhore. GVI dhe ITP janë një përputhje e shkëlqyeshme. Ambasada Gjermane është duke kontribuuar në mënyrë aktive për ta ndihmuar ITP-në. Lansimi i GVI-së i ka avantazhet e veta për kompanitë lokale, duke krijuar kështu një hap të madh drejt së ardhmes. Me këtë rrjetizim të partneritetit, do ta ndihmojë ekonominë vendore, dhe do të bëhet një park më atraktiv. Nga aspekti politik, janë edhe objektivat politike që tentojnë ta bëjnë Kosovën një storje suksesi në arenën ndërkombëtare”, tha zëvendësambasadori Conrad.
Lansimi i “Gold Venture Investments Western Balkan” në ITP-Prizren, do të synoj ofrimin e shërbimeve për grupe të synuara, për kompani lokale dhe për start-up, duke kontribuuar kështu në zhvillimin e qëndrueshëm ekonomik dhe zgjerimin e tregut të Kosovës në tregjet ndërkombëtare.








Lajmet nga UBT
Rektori Hajrizi diskuton për të ardhmen e arsimit dual në konferencën EU4DUAL në Spanjë
Published
8 hours agoon
April 3, 2025By
UBT NEWS
Në kuadër të angazhimeve ndërkombëtare për avancimin e arsimit dhe inovacionit, Rektori i UBT-se, Prof. Dr. Edmond Hajrizi, mori pjesë në Konferencën Vjetore të Aleancës Evropiane për Edukimin Dual, EU4DUAL, e cila u zhvillua në San Sebastian të Spanjës.
Kjo ngjarje prestigjioze mblodhi përfaqësues të institucioneve akademike dhe kërkimore nga universitetet më të njohura të Evropës, si dhe përfaqësues të industrisë, të cilët diskutuan për avancimin e arsimit dual dhe ndikimin e tij në tregun e punës dhe zhvillimin e inovacionit në shkallë globale.
Gjatë konferencës, Rektori Hajrizi mori pjesë në diskutime thelbësore për çështje si ekonomia e gjelbër, e ardhmja e punës, shëndeti, prodhimtarinë e qëndrueshme, si dhe integrimin e inteligjencës artificiale (AI) në fushat kyçe të zhvillimit të shoqërisë moderne. Ai u angazhua në takime dhe biseda të rëndësishme me përfaqësues të universiteteve dhe institucioneve të tjera për të ndarë përvojën dhe praktikat më të mira të UBT-së në lidhje me edukimin dual, inovacionin dhe bashkëpunimin e ngushtë mes akademisë dhe industrisë.
Në këtë ngjarje ndërkombëtare, Rektori Hajrizi theksoi arritjet e rëndësishme të UBT-së, duke përmendur renditjen e Universitetit të Biznesit dhe Teknologjisë në pozita të larta në fusha të ndryshme, përfshirë Teknologjinë e Inteligjencës Artificiale, ku UBT është renditur në vendin e 26 nga WURI. Po ashtu, ai theksoi përkushtimin e universitetit për qëndrueshmërinë klimatike dhe inovacionin, duke e pozicionuar UBT-në si një nga universitetet kryesore në rajon për mjedisin dhe zhvillimin e qëndrueshëm. Këto rezultate u diskutuan gjerësisht në takimet e konferencës, duke u ndarë përvojat dhe praktikat më të mira për integrimin e teknologjive të avancuara në arsimin dhe kërkimin shkencor.
UBT është e angazhuar në integrimin e modeleve moderne të edukimit dual, për të përgatitur studentët për sfidat dhe mundësitë e një bote gjithnjë e më të digjitalizuar dhe të ndryshuar. Përmes bashkëpunimeve të tilla ndërkombëtare, UBT vazhdon të kontribuoj në forcimin e lidhjeve mes akademisë dhe industrisë, duke ofruar mundësi për zhvillimin e një gjenerate të përgatitur dhe të aftë për të përballuar nevojat e tregut të punës në një periudhë të transformimit digjital dhe inovativ./UBTNews/
Lajmet nga UBT
Austria dhe UBT forcojnë bashkëpunimin për zhvillimin digjital në Kosovë
Published
9 hours agoon
April 3, 2025By
UBT NEWS
Në kuadër të DigiDay Prishtina, Parku Shkencor Inovativ i UBT-së në Lipjan ishte nikoqir i një ngjarjeje të rëndësishme, e organizuar nga Advantage Austria Kosovo, ku u mblodhën përfaqësues nga sektori akademik dhe industrisë për të diskutuar mbi digjitalizimin dhe e-government. Ky aktivitet, i cili bashkoi ekspertë nga fusha të ndryshme të teknologjisë dhe inovacionit, ishte një mundësi e shkëlqyer për krijimin e lidhjeve ndërkombëtare dhe për thellimin e bashkëpunimeve mes Kosovës dhe Austrisë në fushën e zhvillimit digjital.
Gjatë ngjarjes, përfaqësues të Advantage Austria dhe kompanive austriake, të udhëhequr nga Wilhelm Nest, Drejtor i Advantage Austria për Slloveni dhe Kosovë, shprehën mirënjohjen për mikpritjen e bërë nga UBT dhe theksuan rëndësinë e shkëmbimit të njohurive dhe përvojave në fushën e digjitalizimit dhe transformimit digjital. Nest theksoi se ky takim është një mundësi për të diskutuar zhvillimet e fundit në fushën e administratës digjitale dhe e-government, duke nxitur një ndërveprim të frytshëm mes kompanive të njohura austriake dhe ekspertëve të fushës në Kosovë.
“Ne jemi këtu për të diskutuar digjitalizimin dhe e-government, duke sjellë përvojën dhe ekspertizën e Austrisë në këto fusha, dhe po ashtu për të promovuar bashkëpunimin mes kompanive austriake dhe atyre nga Kosova. Ky është një hap i rëndësishëm për të dyja palët, pasi ne mund të shkëmbejmë njohuri dhe të krijojmë mundësi të reja për rritje”, tha Nest.
Në fjalën e tij, profesori Besnik Skenderi, njëkohësisht Drejtor i Departamentit për Edukim dhe Zhvillim Profesional në UBT, e vlerësoi rëndësinë e këtij takimi për ndihmën që mund të ofrojë për forcimin e rrjeteve të bashkëpunimit dhe zhvillimin e aktiviteteve të përbashkëta mes industrisë dhe institucioneve akademike. Ai theksoi se digjitalizimi është një proces në vazhdim, dhe është thelbësore që bizneset dhe universitetet të punojnë së bashku për të zhvilluar teknologji të reja dhe për të promovuar inovacionin.
Në këtë ngjarje, u prezantuan gjithashtu disa nga kompani austriake që janë të angazhuara në ofrimin e zgjidhjeve inovative për administratën publike, sigurinë kibernetike, dhe transformimin digjital të sektorëve të ndryshme. Christian Rupp, një nga partnerët kryesorë të ngjarjes, prezantoi disa nga aktivitetet dhe projekte të suksesshme që Austria ka realizuar në fushën e digjitalizimit, duke përfshirë zhvillimin e ID Austria, një sistem të avancuar për identifikim elektronik, dhe krijimin e smart governments.
Rupp tha: “Rëndësia e digjitalizimit është që të lejojmë qytetarët dhe bizneset të kenë qasje në shërbime publike në mënyrë efikase dhe të sigurt. Ne shpresojmë që këto modele të mund të adaptohen edhe në rajon për të përmirësuar cilësinë e shërbimeve dhe të proceseve administrative”.
Ngjarja, që gjithashtu ofroi mundësinë për shkëmbimin e përvojave ndërmjet ekspertëve të IT-së dhe sigurisë kibernetike, vuri theksin te rëndësia e bashkëpunimit të ngushtë ndërkombëtar dhe mundësive që teknologjia ofron për zhvillimin e rajonit.
Pjesëmarrësit e ngjarjes gjithashtu u angazhuan në diskutime të thella mbi ndikimin e teknologjive të reja si Inteligjenca Artificiale (AI), Machine Learning, Blockchain, dhe 5G në mënyrën sesi funksionojnë institucionet dhe bizneset, si dhe në mënyrën sesi do të zhvillohen profesione të reja për të përballuar nevojat e një bote gjithnjë e më të digjitalizuar.
Lajmet nga UBT
Fakulteti i Mekatronikës në UBT përcakton standardet e inovacionit
Published
1 day agoon
April 2, 2025By
UBT NEWS
Fakulteti i Mekatronikës në UBT është një qendër e fuqishme inovacioni dhe zhvillimi, e cila ndihmon studentët të përgatiten për të udhëhequr ndryshimet teknologjike dhe industrinë e të ardhmes. Ky fakultet ofron një program studimi që ndërthur teknologjinë më të avancuar me njohuri të thella teorike dhe praktike, duke krijuar profesionistë të aftë për të sfiduar dhe transformuar botën e teknologjisë.
Përmes një qasjeje gjithëpërfshirëse, që mbulon aspekte teknike, menaxheriale, ekonomike dhe etike, Fakulteti i Mekatronikës në UBT i mundëson studentëve të zhvillojnë aftësi për të adresuar sfidat komplekse dhe për të qenë liderë të inovacionit në një treg global që ndryshon çdo ditë. Kjo përgatitje e thelluar i bën ata të gatshëm për të kontribuar në transformimin e industrive, nga automatizimi deri te zhvillimi i produkteve të reja dhe zgjidhjeve teknologjike.
Krijimi i inxhinierëve të aftë për të zgjidhur sfida komplekse
Ky program është i orientuar në zhvillimin e profesionistëve të rinj dhe inovativ, të cilët janë të aftë të aplikojnë një qasje kreative dhe imagjinative në zgjidhjen e problemeve inxhinierike. Me një theks të veçantë në fushat e automatizimit dhe integrimit të sistemeve mekatronike, studentët janë të aftë të zhvillojnë zgjidhje të avancuara për sfidat që paraqiten në industrinë moderne. Programi siguron një balancim të shkëlqyer ndërmjet teorisë dhe praktikës, duke krijuar mundësi për zhvillimin e aftësive të avancuara analitike dhe teknike.
Kurrikulumi i këtij programi është i strukturuar për të ofruar një bazë të fortë akademike, e cila përfshin lëndë të avancuara si matematika, mekanika, termodinamika dhe shkencat inxhinierike, dhe i integron ato me teknologjinë e informacionit dhe menaxhimin e biznesit. Ky integrim mundëson që studentët të zhvillojnë aftësitë e nevojshme për të udhëhequr projekte komplekse, duke bashkëpunuar në grupe multidisiplinare dhe duke implementuar zgjidhje inxhinierike që kërkojnë njohuri të gjerë.
Specializimi dhe zhvillimi i aftësive për menaxhimin e proceseve inxhinierike
Një nga aspektet më të rëndësishme të programit është mundësia që ofrohet për studentët të specializohen në menaxhimin e proceseve inxhinierike. Ata zhvillojnë aftësitë e nevojshme për të përballuar kërkesat e industrisë, duke u përqendruar në zgjidhjen e problemeve teknike dhe organizative. Ky aspekt është i domosdoshëm për t’u siguruar që inxhinierët e diplomuar jo vetëm që janë të aftë për të projektuar dhe zhvilluar sisteme, por gjithashtu të jenë udhëheqës dhe menaxherë të suksesshëm të projekteve në nivele të larta.
Laboratorët dhe mundësitë praktike
Një nga karakteristikat më tërheqëse të këtij programi është mundësia për zhvillimin e aftësive praktike, përmes përdorimit të laboratorëve të avancuar dhe sistemeve të sofistikuara. Ky program ofron mundësi të shumta për studentët që të punojnë me sisteme modulare dhe fleksibile të prodhimit, të zhvillojnë aftësi në pneumatikë dhe elektropneumatikë, dhe të shfrytëzojnë mundësitë që ofrojnë robotika dhe automatizimi industrial. Në këta laboratorë, studentët mund të zhvillojnë dhe testojnë zgjidhje teknologjike që mund të ndikojnë drejtpërdrejt në industrinë e mekatronikës.
Përvoja praktike dhe bashkëpunimi me industrinë
UBT ka krijuar një rrjet të gjerë bashkëpunimesh me sektorin e industrisë, duke siguruar mundësi për praktikë dhe punësim pas diplomimit. Programi i studimit ofron mundësi për studentët që të zhvillojnë aftësitë dhe njohuritë e nevojshme për të përballuar sfidat reale të industrisë dhe për të kontribuar në zhvillimin e projekteve që kërkojnë teknologji të avancuar. Përmes praktikës dhe mentorimit të vazhdueshëm, studentët përgatiten të jenë liderë të ardhshëm në fushën e mekatronikës dhe automatizimit.
Përgatitja për karrierë të suksesshme në Mekatronikë
Programi ofron një mundësi të shkëlqyer për ata që duan të zhvillojnë karrierën e tyre në një fushë që është në rritje të vazhdueshme. Studentët do të fitojnë njohuri të thella në fusha kyçe të inxhinierisë, përfshirë përdorimin e teknologjisë së informacionit për simulimin dhe projektimin e sistemeve mekatronike, menaxhimin e projekteve, dhe integrimin e sistemeve mekanike dhe elektronike. Me një kurrikulum të pasur dhe mundësi të shumta për përvojë praktike, ky program do t’i përgatisë ata për të udhëhequr zhvillimin e teknologjive inovative dhe të aplikojnë njohuritë e fituara në projekte komplekse të industrisë.
Programi i Mekatronikës në UBT është një mundësi e shkëlqyer për ata që kërkojnë të zhvillojnë një karrierë në një fushë teknologjike të avancuar. Me një qasje të thellë dhe të balancuar, që lidh teorinë me praktikën, dhe me mbështetje të fortë nga industria, ky program përgatit studentët të udhëhoqen dhe të kontribuojnë në zhvillimin e teknologjisë globale të mekatronikës. Ky është një hap i rëndësishëm për ata që duan të lënë një ndikim të thellë në botën e inovacionit dhe automatizimit.
“Si një komb që synon avancimin në çdo fushë, ne në Fakultetin tonë jemi të përkushtuar të formojmë inxhinierë dhe profesionistë që do të udhëheqin transformimin e Kosovës përmes inovacionit dhe teknologjisë. Të ardhmen e zhvillimit ekonomik dhe industrial të vendit e shohim në duar të rinjve të arsimuar, të cilët, përmes dijes dhe kreativitetit, do të krijojnë një Kosovë më të fuqishme dhe konkurruese në botën globale”.
– Prof. Ass. Dr. Xhemajl Mehmeti, Dekan i Fakultetit të Mekatronikës, UBT
Lajmet nga UBT
Aleanca EU4DUAL mbledh liderët e arsimit dhe industrisë në Francë, Rektori Hajrizi pjesëmarrës si anëtar i Bordit
Published
1 day agoon
April 2, 2025By
UBT NEWS
Rektori i UBT-së, Prof. Dr. Edmond Hajrizi, në cilësinë e anëtarit të Bordit Këshillëdhënës Industrial, mori pjesë në takimin vjetor të Aleancës më të madhe të Universiteteve Evropiane për Edukimin Dual, EU4DUAL, i cili u zhvillua në Institutin e Teknologjisë ESTIA në Francë. Ky takim, që mblodhi përfaqësues nga institucione akademike, sektori industrial dhe ai i inovacionit, kishte si qëllim kryesor avancimin dhe përmirësimin e arsimit dual në nivel evropian.

Në cilësinë e anëtarit të Bordit Këshillëdhënës Industrial të EU4DUAL, Rektori Hajrizi ka prezantuar modelin e edukimit dual të UBT-së, duke theksuar karakteristikat e veçanta dhe arritjet e kësaj institucioni të njohur. Në fjalën e tij, Rektori Hajrizi ka vënë në dukje rëndësinë e një bashkëpunimi të ngushtë dhe të qëndrueshëm mes universiteteve dhe industrisë, si dhe rolin e UBT-së në përgatitjen e studentëve për tregun e punës dhe përmbushjen e kërkesave të një tregu gjithnjë e më të zhvilluar dhe të ndryshueshëm.
Gjatë prezantimit të tij, Rektori ka shpjeguar me detaje se si UBT implementon strategji të fokusuara për krijimin e mundësive për studentët e saj, duke i pajisur ata me aftësi dhe kompetenca të nevojshme për një karrierë të suksesshme në sektorët kyç të industrisë dhe teknologjisë. Ky model edukativ, sipas tij, jo vetëm që ofron mundësi për studentët të integrohen në tregun e punës gjatë periudhës së studimeve, por gjithashtu siguron një lidhje të drejtpërdrejtë dhe të qëndrueshme midis teorisë dhe praktikës profesionale.
Takimet e partnerëve të Aleancës EU4DUAL, të cilat vazhduan për disa ditë, kanë ofruar një mundësi të shkëlqyer për shkëmbimin e eksperiencave dhe për diskutimin e mundësive dhe sfidave që paraqiten në fushën e arsimit dual. Këto diskutime kanë qenë të fokusuara në përshtatjen e edukimit dual me kërkesat e ndryshueshme të tregut global të punës, duke u mundësuar institucioneve akademike dhe kompanive të krijojnë partneritete të frytshme dhe të qëndrueshme.
Gjatë qëndrimit të tij në Francë, Rektori Hajrizi ka zhvilluar një seri takimesh dhe vizitash me përfaqësues të universiteteve pjesëmarrëse në këtë ngjarje, duke promovuar modelin e edukimit dual të UBT-së dhe duke diskutuar mundësi bashkëpunimi për avancimin e këtij lloj edukimi. Këto diskutime janë përqendruar në krijimin e mundësive të reja për zhvillimin e kompetencave dhe aftësive të studentëve, për t’u përgatitur ata më mirë për sfidat e tregut të punës në nivel global.
Takimi i cili u shqua për shkëmbimin e ideve inovative dhe përkushtimin për përmirësimin e arsimit dual, ka treguar angazhimin e institucioneve evropiane për të siguruar një edukim cilësor dhe të përshtatur me kërkesat e një ekonomie gjithnjë e më të lidhur dhe të globalizuar./UBTNews/


Scholz: Nuk mund ta imagjinojë Netanyahun të arrestohet në Gjermani

Çmimi i naftës bie pas tarifave të Trump

Policia gjobit shoferin që drejtoi veturën në anën e kundërt në autostradë

Zëdhënësit e Speciales: Gjykata e Hagës mban përgjegjës individët, jo grupet etnike, organizatat apo komunitetet

Rubio: SHBA do të vijojë të qëndrojë në NATO, e rëndësishme forcimi i aleancës

Pse nuk duhet t’i mbyllni perdet gjatë ditës?

Kurti pret në takim ambasadorin suedez, flasin për aktualitetin politik në vend

Po bëni gabim, ja sa shpesh duhen pastruar furçat e grimit

Billie Eilish tregon se cilët janë artistët e saj të preferuar
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë