Korça Innovation & Technology Hub e menaxhuar nga UBT, është shndërruar në një histori suksesi në fushën e teknologjisë dhe inovacionit në qytetin e Korçës e më gjerë.
Interesimi i madh i të rinjve për programet “Social Media Managment”, “Web Programming” e “Paketa Adobe” është kurorëzuar këtë të shtunë me diplomimin e fazës së dytë të studentëve, pjesa më e madhe e të cilëve janë punësuar pas trajnimeve të ndjekura e njohurive të fituara.
Në ceremoninë solemne ka marrë pjesë edhe Rektori i UBT-së, prof.dr. Edmond Hajrizi dhe Kryetar i Bashkisë së Korçës, Sotiraq Filo, të cilët e kanë vlerësuar lartë performancën e Korça Innovation & Technology Hub në gjashtë muajt e parë të funksionimit, gjatë së cilëve janë diplomuar 90 të rinj prej të cilëve 32 janë punësuar menjëherë ndërsa 58 të tjerët janë duke punuar si freelancers.
Rektori i UBT-së, Edmond Hajrizi, ka përgëzuar të diplomuarit që krahas aftësive profesionale tashmë edhe janë punësuar.
“Teknologjia dhe inovacioni sot janë shtylla kryesore e zhvillimit modern e prosperues. E ju që sot po aftësoheni profesionalisht e me kompetenca të plota në këto fusha do të jeni padyshim krahu i fortë i zhvillimit të Korçës në hap me trendet e kohës”, ka thënë me këtë rast, Rektori Hajrizi.
Në fazën e dytë janë diplomuar 46 studentë të cilët janë përgëzuar nga Kryetari i Bashkisë së Korçës, Sotiraq Filo.
“Krenar për 46 studentët e parë që diplomohen në Social Media Managment dhe programet e tjera që ‘Korca Inovation and Technology Hub’ ofron”, ka thënë Filo.
“Me bashkëpunimin e një prej institucioneve më të njohura në teknologji “UBT” Prishtinë, falë një programi ambicioz do të ofrojmë trajnime dhe mundësi për punësimin e të rinjve në Korçë”, ka shtuar ai.
Korça Innovation & Technology Hub, është një projekt i jashtëzakonshëm inovativ e teknologjik, i cili bën bashkë të kaluarën, përmes bibliotekës me fondin prej mbi 200,000 librash të ndryshëm dhe të ardhmen me mbi 90 projekte inovative e teknologjike të UBT-së.
E konceptuar si një dritare e re frymëzuese për teknologji, inovacion, informacion e sipërmarrje, që u ofrohet të rinjve dhe të rejave të qytetit të Korçës, Korça Innovation & Technology Hub, tashmë ka dhënë frytet e para duke aftësuar profesionalisht të rinjtë për t’iu qasur me sukses tregut të punës.
Po ashtu në Korça Innovation & Technology Hub, është mbajtur sesion informues për trajnimin më të fundit që do të fillojë së shpejti – Java Full Stack.
Rezultati i suksesitRektori Hajrizi dhe Kryetar Filo duke ndarë diplomatTë diplomuaritRektori i UBT-së, Prof.Dr. Edmond HajriziRektori Hajrizi dhe Kryetar Filo duke ndarë diplomatRektori Hajrizi dhe Kryetar Filo duke ndarë diplomatRektori Hajrizi dhe Kryetar Filo duke ndarë diplomatKryetari i Korçës, Sotiraq FiloProfesori Blerim ZylfiuProfesori Lavdim Menxhiqi
Në Departamentin Special ka nisur shqyrtimi gjyqësor në rastin e 400 kilogramëve kokainë të ardhur nga Brazili, ku të akuzuar janë pronari i kompanisë “MC FOOD”, Izet Sheqiri, dhe katër të tjerë: Faton Vrajolli, Kadri Sheqiri, Kadri Brahimi, Fehmi Bytyqi.
Gjatë ditës së sotme ishte paraparë që mbrojtjen e tij i akuzuari Kadri Sheqiri, por për shkak të gjendjes shëndetësore të tij ai kërkoi qe të jap mbrojtjen e tij ndonjë datë tjetër.
Ndërsa, tani mbrojtjen e tij po e jep Kadri Brahimi.
Javën e kaluar mbrojtjen e tij e ma dhënë i akuzuar, Izet Shaqiri i cili është pronar i kompanisë “MC FOOD”.
Kujtojmë që për këtë rast ishte i akuzuar edhe Hysni Sheqiri i cili pas arritjes së marrëveshjes për pranim fajësie me Prokurorinë është dënuar me 7 muaj burgim efektiv për pengim të procedurës penela. Ndërsa, i akuzuari tjetër ishte edhe Naim Morina i cili pas arritjes së marrëveshjes për pranim fajësisë është dënuar me 6 muaj burgim efektive për pengim të procedurës penale./KP
Presidentja e Republikës së Kosovës, Vjosa Osmani, u ka dërguar ftesë për takim kryetarëve të partive politike parlamentare, me qëllim diskutimin e çështjes së formimit të Qeverisë së re.
Takimi, pritet të mbahet nesër dhe do të shërbejë për konsultime pas zhvillimeve të fundit në skenën politike në vend.
Më tutje dhe këshilltari për media i presidentes Vjosa Osmani e ka konfirmuar se liderët e partive politike janë ftuar në takim nga ora 12:00.
Oda Ekonomike e Kosovës (OEK) nuk ka shkuar në takimin e thirrur nga Ministria e Financave, Punës dhe Transfereve për çështjen e rritjes së pagës minimale, takim i planifikuar për të enjten, më 30 tetor, nga ora 10:00.
Në komunikatën për media thuhet se dialogu me komunitetin e biznesit nuk mund të zëvendësohet me takime formale, duke theksuar edhe se gjatë kësaj periudhe bizneset janë përballur me një sërë vendimesh.
“OEK thekson se në katër vitet e fundit nuk ka pasur asnjë dialog të mirëfilltë e gjithëpërfshirës ndërmjet Qeverisë dhe komunitetit të biznesit, ndonëse një proces i tillë është thelbësor për adresimin e sfidave ekonomike dhe zhvillimin e qëndrueshëm të vendit. Gjatë kësaj periudhe, bizneset janë përballur me një sërë vendimesh të njëanshme, të cilat kanë ndikuar drejtpërdrejt në funksionimin e tregut dhe klimën e investimeve”, thuhet në komunikatën për media nga OEK.
Kryetari i OEK-ut, Lulzim Rafuna, ka theksuar se proceset që prekin bizneset, siç është edhe çështja e pagës minimale, kërkojnë qasje serioze, analiza të mirëfillta dhe konsultim të gjerë me sektorin privat.
“Oda Ekonomike e Kosovës është pjesë e Këshillit Ekonomiko-Social me dy anëtarë dhe gjithmonë ka qenë e gatshme për dialog të hapur e konstruktiv. Megjithatë, një qeverisje legjitime dhe e votuar në Kuvendin e Republikës së Kosovës duhet të tregojë përgjegjësi institucionale, duke dëgjuar dhe përfshirë partnerët ekonomikë në proceset e vendimmarrjes”, ka deklaruar Rafuna.
OEK rithekson se nuk e sheh të arsyeshme të bëhet pjesë e asnjë fushate politike, por do të vazhdojë të angazhohet për takime të nivelit të lartë, me qëllim fuqizimin e bizneseve, stabilitetin ekonomik dhe zhvillimin e vendit./EO
Komuna e Prishtinës ka publikuar të dhënat e reja lidhur me oraret e qarkullimit të linjave rajonale që tashmë janë në funksion, në kuadër të projektit TRIP – Transporti i Ri i Prishtinës.
Sipas njoftimit, ky sistem i ri i transportit publik synon të ofrojë shërbime më të rregullta, lidhje më të lehta ndërmjet zonave dhe qasje të përmirësuar për të gjithë banorët e kryeqytetit.
” Të dashur qytetarë,Në kuadër të projektit TRIP – Transporti i Ri i Prishtinës, ju njoftojmë për oraret e qarkullimit të linjave rajonale që janë tashmë në funksion.
Ky sistem synon të ofrojë shërbim më të rregullt, lidhje më të lehta dhe qasje të përmirësuar për të gjithë banorët e Prishtinës.
Në grafikat e mëposhtme mund të gjeni oraret, stacionet dhe drejtimet e secilës linjë që operon në kuadër të transportit të ri të Kryeqytetit”, thuhet në njoftim./EO