Lajmet

UBT-ja organizon festivalin më të madh akademik të dijes në Evropë, pjesëmarrës 15 mijë persona

Published

on

Kolegji UBT nga data 1 deri më 31 korrik do të organizojë festivalin më të madh akademik të dijes në Evropë, “Global UBT FEST 2021”.

Rektori i UBT-së, Edmond Hajrizi, në një konferencë për medie tha se në kuadër të festivalit do të jenë pjesëmarrëse 30 shkolla verore. Ai më tej ka sqaruar se pritet që të marrin pjesë 600 folës nga e gjithë bota, ku do të marrin pjesë 15 mijë persona.

Tutje, ai tha se fokusi kryesor do të jetë të zhvillimi i qëndrueshëm i bazuar në 17 qëllime kryesore sa i përket dijes.

“Jemi ndër universitet më të mira. Në shumë kompetecione kemi dalë të parë dhe jemi vlerësuar maksimalisht. Një festival që përmban aktivitete të edukimit, shkencës dhe dëshirojmë që Kosova të jetë e rëndësishme sa i përket dijes në Evropë. Festivali Global UBT Fest 2021 ka tema gjithëpërfshirëse deri në vitin 2030. Si UBT kemi krijuar rezultate të mira që mund t’i prezantojmë në aspektin global. Në kuadër të festivalit Global UBT Fest do të ketë 30 shkolla verore, forume dhe ekspozita dhe prezantime të ideve inovative. Rreth 150 fusha të ndryshme i cili festival do të zgjasë nga 1 korriku deri me 31 korrik. Presim të kemi 600 folës nga vende të ndryshme të botës dhe 15 mijë pjesëmarrës. Është festivali më i madh i dijes në Evropë. Do të kemi edhe gara në fushën e sportit, artit të teknologjisë, kulturës. Ku nxjerrim prej tyre edhe talent”, deklaroi ai.

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Lajmet

Murati: Kosova me rritjen më të shpejtë ekonomike në Evropë në vitin 2025

Published

on

By

Ministri në detyrë i Financave, Hekuran Murati, ka deklaruar se Kosova pritet të ketë rritjen ekonomike më të shpejtë në Evropë gjatë vitit 2025, sipas parashikimeve të Fondit Monetar Ndërkombëtar (FMN).

Përmes një postimi në Facebook, sipas Muratit kjo rritje është rezultat i reformave të ndërmarra gjatë katër viteve të fundit, të cilat janë vlerësuar pozitivisht nga Banka Botërore dhe FMN-ja.

Ai përmendi takimet e fundit me zëvendëspresidentin e Bankës Botërore, Akihiko Nishio, dhe me misionin e FMN-së të udhëhequr nga David Amaglobelli, gjatë të cilave Kosova është përgëzuar për performancën ekonomike dhe maturinë fiskale.

“Rezultatet e punës së mirë 4-vjeçare mund të mos shihen menjëherë, por sigurisht që herët a vonë do të vërehen”, ka shkruar Murati, duke shtuar se megjithatë ka ende shumë punë për të bërë.

Continue Reading

Lajmet

Avokati i familjes Lika: Të përmbahemi nga hamendjet, drejtësia s’duhet të ndikohet

Published

on

By

Avokati Arianit Koci, i angazhuar nga familja e rreshterit të ndjerë Muhamet Lika, i ka bërë thirrje publikut dhe mediave që të shmangin komentet e pabazuara lidhur me rastin e vrasjes së pjesëtarit të Policisë së Kosovës në Kaçanik.

Në një deklaratë publike, Koci theksoi se deri në këtë fazë të hetimeve nuk ka asnjë cilësim zyrtar që e ndërlidh rastin me terrorizmin apo ndonjë grup me motive religjioze.

“Drejtësia nuk lejohet të ngatërrohet me hamendje. As Policia e as Prokuroria nuk kanë konstatuar ndonjë lidhje me ndonjë grup terrorist”, u shpreh ai.

Avokati shtoi se nëse gjatë hetimeve dalin të dhëna të reja, opinioni publik do të njoftohet zyrtarisht. Ai e cilësoi vrasjen si një akt makabër dhe tha se autorët do të përballen me drejtësinë.

Continue Reading

Lajmet

86 aksidente trafiku dhe mbi 2 mijë gjoba në 24 orët e fundit

Published

on

By

Policia e Kosovës ka raportuar se brenda 24 orëve të fundit janë regjistruar gjithsej 86 aksidente trafiku. Nga to, një ka rezultuar me fatalitet, 25 me lëndime trupore dhe 61 me dëme materiale.

Gjatë kësaj periudhe, janë shqiptuar gjithsej 2,241 gjoba për shkelje të rregullave në komunikacion.

Po ashtu, policia ka arrestuar 26 persona, ndërsa 15 janë dërguar në mbajtje.

Continue Reading

Të kërkuara