Teknologji

UBT iu mundëson studentëve certifikim nga kompania amerikane Microsoft

Rektori i UBT-së, prof.dr. Edmond Hajrizi, ka thënë se kjo është një mundësi shumë e mirë për studentët dhe nxënësit.

Published

4 years ago

on

UBT ka thelluar bashkëpunimin me kompaninë amerikane multinacionale – Microsoft, duke arritur kështu që për secilin studentë dhe nxënës të UBT-së, të sigurohen nga dy licenca për certifikim nga Microsoft.

Rektori i UBT-së, prof.dr. Edmond Hajrizi, ka thënë se kjo është një mundësi shumë e mirë për studentët dhe nxënësit për t’u certifikuar në programet që ofron një kompani gjigante si Microsoft.

“Ne vazhdimisht jemi duke punuar që studentëve t’u hapim dritare të reja për t’iu lehtësuar zhvillimin e tyre në karrierë. Tani përmes UBT-së, studentët dhe nxënësit do të kenë mundësi që të certifikohen nga Microsoft, dhe kjo padyshim që për ta është një mundësi për të depërtuar aty ku ata dëshirojnë që të zhvillohen”, ka thënë rektori Hajrizi.

Drejtori i Qendrës për Produkte dhe Shërbime Profesionale në UBT, prof.dr. Besnik Skenderi, ka thënë se kjo çfarë është duke zhvilluar UBT është një ndërlidhje mes industrisë dhe akademisë.

“Ky është edhe një sukses i radhës pasi që ne kemi pasur gjithmonë vizion dhe kemi tentuar që t’i lidhim praktikat më të mira, industrinë dhe akademinë. Ky është vetëm një prej hapave të cilin e bëjmë dhe jemi duke punuar edhe në projekte të tjera”, ka thënë drejtori i Qendrës për Produkte dhe Shërbime Profesionale në UBT, prof.dr. Besnik Skenderi.

Certifikatat e Microsoft bazohen në analizën e industrisë së punëve dhe roleve specifike, dhe përditësohen vazhdimisht për të pasqyruar teknologjitë më të fundit. Certifikatat fillojnë me aftësi themelore dhe kalojnë në aftësitë teknike më të thella të nevojshme për të kryer rolet e industrisë.

Lista e trajnimeve dhe certifikimeve të cilat janë në dispozicion për studentët e UBT-së:

  • Content for Exam AZ-900: Microsoft Azure Fundamentals
  • Content for Exam DP-900: Microsoft Azure Data Fundamentals
  • Content for Exam Al-900: Microsoft Azure Al Fundamentals
  • Content for Exam SC-900: Microsoft Security, Compliance and Identity Fundamentals
  • Content for Exam PL-900: Microsoft Power Platform Fundamentals
  • Content for Exam MB-910: Microsoft Dynamics 365 Fundamentals (CRM)
  • Content for Exam MB-920: Microsoft Dynamics 365 Fundamentals (ERP)
  • Content for Exam MS-900: Microsoft 365 Fundamentals

Related Topics:
Continue Reading

Teknologji

Roblox vendos masa të reja për mbrojtjen e fëmijëve online

Published

19 hours ago

on

November 19, 2025

By

Roblox do t’i ndalojë fëmijët të bisedojnë me të rritur të panjohur, si pjesë e masave të reja të sigurisë.

Platforma po vendos verifikim të detyrueshëm të moshës për përdoruesit që duan të përdorin opsionet e bisedës, duke nisur në dhjetor në Australi, Zelandë të Re dhe Holandë, e nga janari në gjithë botën.

Roblox është kritikuar për ekspozimin e fëmijëve ndaj përmbajtjeve të papërshtatshme dhe kontaktit me të rritur, dhe aktualisht përballet me disa padi në SHBA. Aktivistët paralajmërojnë se rreziqet mund të vazhdojnë, pavarësisht masave.

Platforma ka rreth 80 milionë përdorues aktivë në ditë, nga të cilët 40% janë nën 13 vjeç. Verifikimi i ri i moshës, i bazuar në fytyrë, do të bëhet i detyrueshëm për qasjen në biseda, duke klasifikuar përdoruesit në grupe të ndryshme moshe.

Lojtarët do të mund të komunikojnë vetëm me persona brenda së njëjtës kategori, përveç kontakteve të besuara.

Nën-13 vjeçarët do të kenë ende të kufizuara mesazhet private, përveç nëse prindërit japin leje. Masat e reja vijnë mes shqetësimeve të vazhdueshme për sigurinë e fëmijëve në platformë. /A.Z/UBT News/

Continue Reading

Teknologji

“Cloudflare” pranon gabimin pas rënies masive të faqeve në internet

Published

21 hours ago

on

November 19, 2025

By

Shumë faqe interneti të njohura, përfshirë “X” dhe “ChatGPT”, u përballën me rënie të martën për shkak të një problemi që preku kompaninë e njohur të infrastrukturës së internetit, “Cloudflare”, raporton “BBC”.

Mijëra përdorues raportuan vështirësi me uebfaqe dhe shërbime të ndryshme në platformën e monitorimit “Downdetector”, me raportimet që nisën rreth orës 12:00.

Sipas “Cloudflare”, ndërprerja e madhe u shkaktua nga një file konfigurimi i krijuar për menaxhimin e trafikut të kërcënimeve, i cili nuk funksionoi siç ishte parashikuar dhe “shkaktoi një bllokim” në softuerin që përpunon trafikun për shërbimet më të gjera të kompanisë.

“Ne kërkojmë falje ndaj klientëve tanë dhe internetit në tërësi që i zhgënjyem sot. Duke marrë parasysh rëndësinë e shërbimeve të ‘Cloudflare’, çdo ndërprerje është e papranueshme”, deklaroi kompania.

Megjithëse problemi është zgjidhur, “Cloudflare” njoftoi se disa shërbime mund të vazhdojnë të shfaqin gabime ndërsa rikthehen online.

Një gamë e gjerë aplikacionesh dhe faqesh u ndikuan nga ndërprerja, përfshirë edhe portalin KOHA.net.

“Cloudflare” është ndër ofruesit më të mëdhenj të sigurisë në internet, duke ofruar shërbime si verifikimi i trafikut për të dalluar përdoruesit realë nga robotët. Kompania thotë se rreth 20% e faqeve të internetit në botë përdorin shërbimet e saj. /A.Z/UBT News/

Continue Reading

Teknologji

Partneritet i ri! Ford sjell makinat e përdorura të certifikuara në Amazon

Published

2 days ago

on

November 18, 2025

By

Dy vjet më parë, Hyundai njoftoi se do të shiste makina të reja përmes Amazon, me listat e para që u shfaqën në faqen e tyre në dhjetor të kaluar.

Ford po ndjek të njëjtin model. Kompania njoftoi se do t’i lejojë tregtarët të shesin automjetet e çertifikuara të përdorura përmes Amazon.

Tregtarët do të ruajnë kontrollin mbi çmimet dhe shërbimet, por klientët do të mund të shfletojnë, financojnë dhe blejnë automjetet online, duke caktuar marrjen e tyre në tregtarin përkatës. Blerësit do kenë mundësi të shikojnë makinat e disponueshme nga tregtarët pjesëmarrës të Ford brenda një rrezeje prej 75 miljesh. Listat përfshijnë çmimet, historikun e automjetit, specifikimet e plota dhe raportet e gjendjes.

Çdo automjet i CPO i nënshtrohet një inspektimi dhe mund të marrë një nga tre certifikimet: Gold, EV ose Blue.

Gold: Makina gjashtë vjeç ose më e re me më pak se 80,000 milje. Inspektim prej 172 pikash dhe garanci e kufizuar Ford Blue Advantage 12 muaj/12,000 milje.

EV: Inspektim prej 127 pikash, me kushtet e moshës/kilometrazhit të ngjashme me certifikatën Gold dhe garanci të përputhshme.

Blue: Përfshin automjete Ford e marka tjera deri 10 vjeç me më pak se 150,000 milje. Inspektim prej 139 pikash dhe garanci e kufizuar 90 ditë/4,000 milje për motorin, transmisionin, baterinë dhe sistemin elektrik.

Të gjitha automjetet përfshijnë ndihmë rrugore dhe një garanci 14-ditore/1,000 miljesh për kthim parash.

Tregtarët e Ford në Los Angeles, Seattle dhe Dallas janë të parët që ofrojnë CPO në Amazon, me tregje të tjera që do t’i ndjekin së shpejti.

Ata gjithashtu mund të ofrojnë opsione shtesë, si planet e zgjatura të shërbimit.

Një kontroll i shpejtë i inventarit brenda një rrezeje 75 miljesh nga Los Angeles tregon një gamë të gjerë automjetesh, përfshirë Jeep Cherokee 2018, Chevrolet Suburban 2023, Hyundai Elantra 2025 e modele Ford si Mustang Bullitt 2019 për pak më pak se 40,000 dollarë.

Shikoni inventarin këtu, duke ndryshuar vendndodhjen sipas nevojës. /A.Z/UBT News/

 

Continue Reading

Teknologji

Porsche SE përballet me rënie të fitimeve

Published

2 days ago

on

November 18, 2025

By

Një krizë tek prodhuesi i automjeteve luksoze Porsche AG ka ndikuar në fitimet e aksionarit të saj kryesor, Porsche SE, gjatë nëntë muajve të parë të vitit, raportoi Reuters.

Porsche SE, e kontrolluar nga familjet Porsche dhe Piech, zotëron 12.5% të aksioneve të Porsche AG dhe është gjithashtu investitori kryesor i Grupit Volkswagen, me një pjesë prej 31.9% të aksioneve.

Nga janari deri në shtator, Porsche SE regjistroi fitime prej 1.6 miliardë euro, duke shënuar një rënie prej 36% krahasuar me të njëjtën periudhë të vitit të kaluar.

Sipas raporteve, kjo ulje u ndikua ndjeshëm nga vështirësitë e Volkswagen dhe Porsche AG, të cilat po përballen me kosto miliardëshe këtë vit, pasi lansimi i një automjeti elektrik u shty.

Shefi i financave i Porsche SE, Johannes Lattwein, tha se kompania ka punuar për të përmirësuar strukturën financiare. /A.Z/UBT News/

Continue Reading

Të kërkuara