Lajmet nga UBT

UBT bëri hapjen solemne të Qendrës për Lidership

Në fjalën e tij, Rektori i UBT-së, Prof. Dr. Edmond Hajrizi, vlerësoi hapjen e Qendrës për Lidership si një hap të rëndësishëm drejt arsimit të lartë modern dhe inovativ në vend.

Published

on

Në një ceremoni solemne, në Parkun Shkencor Inovativ të UBT-së në Lipjan, u bë hapja e Qendrës për Lidership, një inovacion i rëndësishëm në fushën e arsimit të lartë me synim për ndërtimin e kapaciteteve të lidershipit në sektore të ndryshëm në Kosovë, rajon dhe më gjerë duke ju ofruar individëve dhe organizatave mekanizma për të zhvilluar strategji veprimi.

Në fjalën e tij, Rektori i UBT-së, Prof. Dr. Edmond Hajrizi, vlerësoi hapjen e Qendrës për Lidership si një hap të rëndësishëm drejt arsimit të lartë modern dhe inovativ në vend. Ai theksoi se kjo qendër do të ofrojë mundësi të jashtëzakonshme për studentët dhe të rinjtë për të zhvilluar aftësitë e tyre dhe për të ndikuar pozitivisht në përparimin e shoqërisë.

“Kjo Qendër është me fokus për lidership, është në vij të plotë me vizionin e UBT-së që lidhet me lidershipin dhe inovacionin. Do të shërbejë shumë mirë si një hap për mundësi të reja. Do të krijojmë një do te promovojmë një benefit shume te mire për Kosovën. Dëshirojmë që përmes partneriteteve të tanishme dhe të ardhshme me industri të fuqishme botërore të ofrojmë perspektiva të reja, si dhe t’i përfshijmë ato për të krijuar politika të mira dhe për të shtyrë procese përpara”, u shpreh rektori Hajrizi.

Përfaqësuesi i Zyrës së Presidencës, Vehbi Miftari, përcolli përshëndetjet dhe mirënjohjen e Presidentes së Kosovës, Vjosa Osmani – Sadriu, për hapjen e Qendrës për Lidership në UBT. Ai u shpreh se Kosova ka nevojë për liderë të rinj të aftë që të marrin përgjegjësi për vendin në një mënyrë pozitive dhe të kontribuojnë në zhvillimin e qëndrueshëm social, ekonomik dhe politik.

“Po hapni edhe një dritare të re me synimet tuaja si institucion i cili ka një peshë të madhe për zhvillimin e arsimit në Kosovë. Është një qendër e mundësive të shumta për zhvillim. Ne e shohim UBT-në si një faktor të rëndësishëm që vazhdon të jap kontribut në zhvillimin dhe përparimin e arsimit dhe edukimit në Kosovë. Hapja e një Qendre të tillë krijon mundësi për zhvillim të qëndrueshëm, duke e ditur se UBT ka një infrastrukturë të modernizuar, por edhe përshkak që është pjesë e rëndësishme e rrjetit të universiteteve ndërkombëtare”, tha Miftari.

Profesori Faton Limani, një pedagog i apasionuar në aplikimin e kornizës të lidershipit adaptiv dhe soft-skills të ndryshme në të gjithë sektorët, foli në lidhje me vizionin dhe synimin e kësaj qendre. Ai theksoi se liderët nuk lindin, por mësohen dhe kjo qendër do të përqendrohet në përgatitjen e liderëve të rinj, duke u fokusuar në zhvillimin e aftësive të tilla si komunikimi, menaxhimi i kohës, ekipi dhe inovacioni.

“Kjo ngjarje shënon një moment të rëndësishëm për zhvillimin e kapaciteteteve të lidershipit në Kosovë, rajon dhe më gjerë. Individët dhe organizatat operojnë në një mjedis që ndryshon në një mënyrë konstante. Ata përballen me sfida të ndryshme, si në nivelin lokal, regjional dhe global. Për t’u përballur me këto sfida nevojitet më shumë se kurrë aftësi lidershipi. Përmes kësaj qendre do të kemi mundësi të bashkërendojmë kornizat, modelet dhe përvojat, për t’ju ofruar ndihmë individëve dhe organizatave, për t’u përballur me sfida komplekse”, potencoi Limani.

Me hapjen e Qendrës për Lidership në UBT, Kosova bën një hap të rëndësishëm drejt të ardhmes së edukimit të lartë dhe zhvillimit të liderëve të ardhshëm. Ky projekt shënon një investim të rëndësishëm në formimin e brezave të rinj, që do të kenë potencialin për të ndikuar pozitivisht në rrugën e ardhshme të vendit. Përmes krijimit të një mjedisi stimulues dhe inovativ, Qendra për Lidership në UBT do të bëjë ndryshimin që është i domosdoshëm për të krijuar një shoqëri më të zhvilluar dhe të qëndrueshme.

Lajmet nga UBT

UBT International Smart Schools tani edhe në Prizren: Promovohen drejtimet për mjekësi në ditën e Testit të Arritshmërisë

Published

on

By

Në një nga ditët më të rëndësishme për semimaturantët në mbarë vendin, ditën e  Testit të Arritshmërisë, stafi i UBT International Smart Schools ka qenë i pranishëm në qytetin e Prizrenit së bashku me nxënësit për të promovuar ofertën arsimore.
UBT ka ndarë materiale informuese, duke ofruar detaje mbi mundësitë që ofron kjo shkollë për të gjithë të rinjtë që dëshirojnë të ndjekin një karrierë në fushën e mjekësisë.
Me një infrastrukturë moderne dhe metodologji të avancuar të mësimdhënies, UBT International Smart Schools ofron dy drejtime në Shkollën e Mesme të Mjekësisë:
Bashkëpunëtor Profesional i Infermierisë
Teknik i Laboratorit Mjekësor
Këto drejtime janë të dizajnuara për të përgatitur të rinjtë për një karrierë të sigurtë në shëndetësi, me fokus për praktikë të drejtpërdrejtë në institucionet shëndetësore dhe zhvillimin profesional  të garantuar. Përmes bashkëpunimit me profesionistë të fushës dhe praktikave në ambiente reale, të rinjtë do të jenë të përgatitur për tregun e punës dhe sfidat e sektorit të shëndetësisë.
Për të qenë pjesë e gjeneratës së re të profesionistëve që kujdesen për shëndetin, regjistrohu tani! Vendet janë të limituara.

Continue Reading

Lajmet nga UBT

UBT International Smart Schools tani edhe në Gjilan me dy programe në mjekësi

Published

on

By

UBT International Smart Schools sjellë në Gjilan dy drejtime në Shkollën e Mesme të Mjekësisë: Bashkëpunëtor Profesional i Infermierisë dhe Teknik i Laboratorit Mjekësor. Kjo është mundësia ideale për nxënësit që duan të ndjekin një profesion të sigurt në fushën e shëndetësisë.

Me pajisje moderne dhe mësim me metoda bashkëkohore, shkolla ofron përgatitje të plotë praktike dhe teorike për profesionistët e ardhshëm të mjekësisë.

Programe të ofruara:
Bashkëpunëtor Profesional i Infermierisë
Teknik i Laboratorit Mjekësor

Nxënësit do të kenë mundësi të praktikojnë në institucione shëndetësore dhe të mësojnë nga profesionistë me përvojë, duke u përgatitur për sfidat e tregut të punës në sektorin e shëndetësisë.

Mos e humb shansin të bëhesh pjesë e kësaj rrugë të sigurt profesionale. Regjistrohu tani — vendet janë të kufizuara!

REGJISTROHU ONLINE

Continue Reading

Lajmet nga UBT

Tani edhe në Prizren: UBT International Smart Schools me dy drejtime të mjekësisë

Published

on

By

UBT International Smart Schools zgjeron ofertën arsimore dhe edukative me dy drejtime në Shkollën e Mesme të Mjekësisë: Bashkëpunëtor Profesional i Infermierisë dhe Teknik i Laboratorit Mjekësor, duke i ofruar nxënësve të Prizrenit mundësinë për të ndjekur një karrierë të sigurtë në fushën e mjekësisë.

Me një infrastrukturë moderne dhe metodologji të avancuar të mësimdhënies, shkolla sjell mundësi të shumta për të rinjtë që duan të specializohen në profesionet mjekësore.

Nxënësit tani mund të zgjedhin mes dy programeve kryesore:Bashkëpunëtor Profesional i Infermierisë
Teknik i Laboratorit Mjekësor

Këto drejtime janë të fokusuar në inovacion, praktikë të drejtpërdrejtë në institucione shëndetësore dhe zhvillimin profesional të garantuar. Përmes bashkëpunimit me profesionistë të fushës dhe praktikave në ambiente reale, të rinjtë do të jenë të përgatitur për tregun e punës dhe sfidat e sektorit të shëndetësisë.

Për të qenë pjesë e gjeneratës së re të profesionistëve që kujdesen për shëndetin, regjistrohu tani! Vendet janë të limituara.

REGJISTROHU ONLINE

Continue Reading

Lajmet nga UBT

UBT forcon bashkëpunimin ndërkombëtar me një nga universitetet më prestigjioze në Greqi – University of Thessaly

Published

on

By

Në kuadër të angazhimeve të vazhdueshme për të ndërtuar ura bashkëpunimi me institucione të rëndësishme akademike në Evropë, UBT ka nënshkruar një marrëveshje me University of Thessaly në Greqi, një universitet me reputacion të lartë ndërkombëtar në fushën e kërkimit dhe inovacionit.

Kjo marrëveshje vendos bazat për një partneritet të thellë akademik dhe shkencor, duke përfshirë: shkëmbimin e studentëve, mobilitetin e stafit akademik, zhvillimin e përbashkët të projekteve kërkimore, mentorimin e përbashkët të disertacioneve doktorale, si dhe organizimin e praktikave profesionale dhe trajnimeve për studentët afër përfundimit të studimeve.

Një nga pikat më të rëndësishme të këtij bashkëpunimi është mundësia për zhvillimin e programeve të përbashkëta ndërkombëtare të studimit, duke i ofruar studentëve një avantazh të qartë në skenën globale të arsimit dhe punësimit.

Me këtë marrëveshje, UBT thellon angazhimin e tij për ndërkombëtarizimin e arsimit të lartë dhe afirmon pozicionin e tij si një aktor aktiv në rrjetet evropiane të bashkëpunimit akademik dhe shkencor.

Continue Reading

Të kërkuara