

Lajmet
U zhvendosën në Ukrainë për t’u shkolluar, tani po jetojnë në një qytet të pushtuar nga forcat ruse
Shumë nga studentët folën në kushte anonimiteti për shkak të sigurisë së tyre.
Published
3 years agoon
By
Betim GashiDisa studentë afrikanë kanë mbetur të bllokuar në qytetin ukrainas të Khersonit, duke kërkuar ndihmë, teksa forcat ruse po përpiqen të konsolidojnë pushtimin e qytetit port.
Studentët i thanë CNN-it se shumicën e kohës po e kalojnë në bunkerë nëntokësorë në temperatura të ulëta, ndërsa ushtarët ruse po mundohen që të mos e lejojnë askënd të hyjë apo dalë nga Khersoni.
Shumë nga studentët folën në kushte anonimiteti për shkak të sigurisë së tyre.
“Ne po jetojmë një ankth. Nuk po jetojmë, po mbijetojmë. Shpresa e vetme… tani për tani është kur flemë, nëse mund të flemë. Shpresoj se nesër dikush do të thotë se ju do të evakuoheni”, deklaroi Christophe, student i vitit të parë nga Kameruni.
Ai shtoi: “Ne jemi studentë. Kemi ardhur për të studiuar. Nuk kemi ardhur për këtë. Dhe tani po e shihni, shumica e miqve tuaj që kanë jetuar në qytete tjera janë larguar. Nuk po përballen me këtë situatë. Mbase mund ta imagjinoni se si familjarët tanë na thërrasin çdo ditë dhe na thonë ‘Ju lutemi, na thuani se ka diçka të re’. Çfarë t’ju themi?”
23-vjeçari tha se ambasada e Kamerunit në Ukrainë nuk i ishte përgjigjur, pavarësisht se ai u kishte kërkuar ndihmë. Ai kontaktoi edhe ambasadat tjera në Evropë, dhe e vetmja ambasadë që iu përgjigj thirrjes së tij për ndihmë ishte ajo në Gjermani.
“Nuk po kërkojmë diçka tjetër. Vetëm ndihmë”, deklaroi ai.
Ambasada e Kamerunit në Gjermani i tha CNN-it përmes një emaili se po punojnë për t’i larguar studentët nga Khersoni, por momentalisht është shumë e vështirë.
Christophe dhe miqtë e tij kanë bërë thirrje publike për ndihmë në disa video të publikuara në Twitter.
Rrugët e Khersonit përshkohen me rreziqe dhe vështirësi. Shtetasi nigerian Akinyemi ka studiuar në Ukrainë. Ai tani jeton në Tyahynka, një fshat i vogël më pak se një orë larg Khersonit dhe punon si marinar.
Pavarësisht rrezikut, disa studentë janë përpjekur të largohen — pa shumë sukses.
“Ne formuam një grup dhe vumë re se pothuajse të gjithë janë ende këtu. Deri më tani, vetëm një djalë që unë e njoh ka arritur të largohet. Asnjë student tjetër nuk është larguar. Pothuajse 100% është ende këtu”, tha Akinyemi për CNN.
I sapodiplomuari jeton në Ukrainë që nga viti 2016 dhe përshkruan një jetë të tmerrshme nën praninë e forcave ushtarake ruse.
“[Rusia] lëviz pajisjet e saj ushtarake pothuajse çdo ditë. Ka shumë postblloqe të drejtuara nga ushtarë”, tha ai.
Akinyemi beson se zgjidhja për studentët e bllokuar brenda dhe rreth Khersonit është e thjeshtë: “Ne kemi nevojë për të gjitha mjetet e mundshme për të krijuar një korridor të gjelbër për rajonin e Khersonit, siç bënë me Sumy”.
Mes 8 dhe 10 marsit, të gjithë civilët në qytetin verilindor të Sumy arritën të largoheshin përmes korridoreve të evakuimit.
Studentë si Akinyemi dhe Christophe duan që zyrtarët e qeverisë ukrainase dhe afrikane të bëjnë negociata të ngjashme për largimin e sigurt të të gjithë civilëve në Kherson./UBTNews/
Aktualitet
Programi i Arkitekturës dhe Planifikimit Hapësinor në nivelin Master në UBT përgatit arkitektët e së ardhmes
Published
3 hours agoon
August 30, 2025By
Driton Iseni
UBT, përmes Fakultetit të Arkitekturës dhe Planifikimit Hapësinor, ofron një program studimor të avancuar në nivelin master, i cili ka për qëllim të përgatisë arkitektë të aftë për të identifikuar dhe analizuar problemet arkitektonike, për të hartuar e zhvilluar projekte profesionale dhe për të ofruar shërbime cilësore për komunitetin, gjithmonë duke marrë parasysh aspektet shoqërore dhe mjedisore.
Ky program shquhet për qasjen e tij interdisiplinare, duke i pajisur studentët me aftësi të komunikimit, punës ekipore dhe individuale, si dhe me mundësinë për të transferuar dhe kontekstualizuar kompetencat e tyre në fusha të ndryshme të tregut të punës.
Struktura e programit
Programi zgjat dy vjet (katër semestra) dhe përfshin një kombinim të lëndëve teorike, studio praktike dhe projekte kërkimore.
Dy semestrat e parë fokusohen në dizajnin arkitektonik të avancuar, planifikimin urban, restaurimin e trashëgimisë dhe aspektet ligjore të projektimit.
Viti i dytë përfshin lëndë mbi planifikimin hapësinor evropian, infrastrukturën, peizazhin, efiçiencën energjetike dhe metodat e hulumtimit.
Semestri i katërt përmbyllet me një projekt kërkimor dhe tezën e diplomës.
Kjo qasje siguron që studentët të kuptojnë jo vetëm teknikat e projektimit dhe aspektet inxhinierike, por edhe të vlerësojnë ndikimin social, ekonomik dhe hapësinor të mjedisit përmes planifikimit urban dhe arkitektonik.
Rezultatet e të mësuarit
Pas përfundimit me sukses të programit, studentët do të jenë të aftë të:
- Kuptojnë dhe aplikojnë teknikat e projektimit, planifikimit dhe aspektet inxhinierike të projekteve.
- Vlerësojnë dimensionet sociale, ekonomike e mjedisore të arkitekturës.
- Komunikojnë profesionalisht me audienca të ndryshme dhe ofrojnë zgjidhje konkrete për problemet e ndërtimit.
- Kontribuojnë në kërkime shkencore dhe të vlerësojnë vlerat arkitektonike e urbanistike.
Përvoja studentore dhe karriera
Përveç mësimdhënies, studentët e arkitekturës në UBT përfitojnë nga:
- Qendra e Karrierës, e cila i lidh me industrinë përmes praktikave profesionale dhe panaireve të punës.
- Certifikime dhe trajnime shtesë, të cilat rrisin konkurrueshmërinë e tyre në treg.
- Organizatat studentore, që u japin zë në vendimmarrje dhe u mundësojnë një përvojë të plotë akademike dhe sociale.
Perspektiva profesionale
Të diplomuarit e këtij programi gjejnë mundësi të shumta punësimi në:
- Firma konsulente të arkitekturës dhe inxhinierisë
- Institucione publike e private të ndërtimit dhe planifikimit
- Organizata kombëtare e ndërkombëtare të zhvillimit
- Institucione akademike dhe kërkimore
UBT thekson se ky program është ndërtuar për të përgatitur arkitektët dhe planifikuesit hapësinorë të së ardhmes, të cilët do të jenë të aftë të përballen me sfidat e zhvillimit urban dhe mjedisor, duke kontribuar njëkohësisht në zhvillimin e qëndrueshëm të vendit dhe rajonit.
Aktualitet
UBT: Programi i vetëm i Studimeve të Sigurisë në Kosovë, edhe pak vende të lira për regjistrim
Published
4 hours agoon
August 30, 2025By
Driton Iseni
UBT njofton se kanë mbetur edhe pak vende të lira për regjistrim në programin e Studimeve të Sigurisë, i vetmi i këtij profili në Kosovë. Ky program u ofron studentëve mundësinë të bëhen ekspertë në fushën e sigurisë kombëtare, publike dhe ndërkombëtare.
Diploma e këtij programi hap dyert për punësim në institucione shtetërore të sigurisë, organizata ndërkombëtare, agjenci të sigurisë private, si dhe në fusha të lidhura me menaxhimin e krizave dhe sigurinë kibernetike.
UBT thekson se programi është i ndërtuar mbi kurrikula bashkëkohore të universiteteve më prestigjioze të Evropës dhe ShBA-së, duke iu përshtatur nevojave të tregut vendor dhe rajonal. Studentët do të kenë mundësi të marrin njohuri në fusha ndërdisiplinore si ligji, psikologjia, gjeopolitika, marrëdhëniet ndërkombëtare, politika e jashtme, teknologjia e informacionit dhe metodologjia e kërkimit.
Aplikimi për regjistrim është i hapur online në linkun: APLIKO TANI ONLINE!
UBT fton maturantët të shfrytëzojnë këtë mundësi të fundit për t’u bërë pjesë e programit që përgatit liderët e së ardhmes në fushën e sigurisë.
Lajmet
Basha mbyll seancën konstituive, asnjë deputetë serbë nuk merr votat për nënkryetar
Published
11 hours agoon
August 30, 2025By
UBTNews
Kuvendi ka dështuar ta zgjedhë nënkryetarin nga komuniteti serb. Asnjëri prej deputetëve që u votua nuk ka marrë shumicën e mjaftueshme dhe rrjedhimisht Kuvendi nuk ka nënkryetarin nga ky komunitet.
Kryetari i Kuvendit të Kosovës, Dimal Basha, ka bërë të ditur se janë ezauruar të gjitha opsionet për zgjedhjen e nënkryetarit të pestë të Kuvendit nga komuniteti serb. Ai theksoi se seanca konstituive e Kuvendit konsiderohet e përmbyllur, ndërsa për hapat e mëtejmë do të vendoset në mbledhjen e ardhshme të Kryesisë së Kuvendit, që do të mbahet të hënën në orën 13:00.
“Janë ezauruar të gjitha opsionet për të zgjedhur nënkryetarin e pestë nga pakica serbe. Kjo seancë konsiderohet e përmbyllur. Se si të veprohet tutje si Kuvend do t’i konsultoj anëtarët e Kryesisë së Kuvendit, mbledhje kjo që do të mbahet të hënën në ora 13:00,” tha Basha.
Pavarësisht disa tentativave të përsëritura në seancat e kaluara, Kuvendi nuk ka arritur të zgjedhë nënkryetarin e mbetur, çka ka vonuar përmbylljen e procesit të konstituimit të plotë të tij. Vendimi për hapat e ardhshëm do të merret pas konsultimeve të brendshme institucionale që do të zhvillohen javën që vjen.
Lajmet
Murati: Sot është dita vendimtare për konstituimin e Kuvendit të Kosovës
Published
11 hours agoon
August 30, 2025By
UBTNews
Ministri në detyrë i Financave, Hekuran Murati, ka deklaruar se dita e sotme është vendimtare për përfundimin e procesit të konstituimit të Kuvendit të Kosovës. Ai ka theksuar se kanë mbetur edhe tre kandidatë të papërfunduar, me gjashtë tentativa të mundshme për zgjedhjen e nënkryetarit të pestë të Kuvendit, që duhet të vijë nga komuniteti jo-shumicë serb.
Në një deklaratë të drejtpërdrejtë, Murati ka qenë i prerë për sa i përket qëndrimit ndaj Listës Serbe, duke përjashtuar çdo mundësi për mbështetje ndaj saj.
“Po besoj që të gjithë e kemi kuptuar që sot është dita vendimtare sa i përket seancës konstituive, do të thotë kanë mbetur edhe tre kandidatë ende ta pa ezauruar me 6 tentativa të mundshme për t’u zgjedhur nënkryetari i 5 që duhet të vijë nga radhët e komunitet jo shumicë serb. Votë për Listën Serbe ne nuk kemi sepse marr parasysh edhe të kaluarën e tyre edhe faktin që ata nuk i njohin institucionet dhe Republikën e Kosovës si dhe përfshirjen e tyre në sulmin terrorist në Banjskë dhe që rrjedhimisht ata vazhdojnë që të jenë të dirigjuar nga kryeterroristi Milan Radoiçiq, Alternativa e vetme për me dalur nga ngërçi dhe për të konstituuar Kuvendin është deputeti Nenad Rashiq”, tha ai.

Programi i Arkitekturës dhe Planifikimit Hapësinor në nivelin Master në UBT përgatit arkitektët e së ardhmes

UBT: Programi i vetëm i Studimeve të Sigurisë në Kosovë, edhe pak vende të lira për regjistrim

Basha mbyll seancën konstituive, asnjë deputetë serbë nuk merr votat për nënkryetar

Murati: Sot është dita vendimtare për konstituimin e Kuvendit të Kosovës

Balje: Procesi për nënkryetarin e pestë kërkon vendim nga Gjykata Kushtetuese

Krasniqi kritikon Kurtin për insistimin në Rashiqin si nënkryetar Kuvendi: Pse po kërkon krizë të re kushtetuese?

Lista Serbe dërgon ankesë në Gjykatën Kushtetuese për “shkelje të të drejtave të popullit serb” në Kuvend

Zemaj: VV po zvarrit konstituimin e Kuvendit për shkak të mungesës së numrave për qeveri

Qalaj: Nuk e votoj Nenad Rashiqin, nuk dua të jem pjesë e shkeljeve kushtetuese
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA