Lajmet

U torturuan deri në vdekje – Zbulohen vrasjet masive në Mianmar

Rreth 40 burra u vranë nga ushtria.

Published

on

Ushtria e Mianmarit kreu një seri vrasjesh masive të civilëve në korrik që rezultuan në vdekjen e të paktën 40 burrave, sipas një hetimi të BBC-së.

Dëshmitarët okularë dhe të mbijetuarit thanë se ushtarët, mblodhën fshatarët përpara se t’i ndanin burrat dhe t’i vrisnin. Pamjet e videove nga incidentet tregojnë se shumica e të vrarëve fillimisht u torturuan e më pas u vendosën në varre të cekëta.

Vrasjet ndodhën në korrik, në katër incidente të veçanta në Kani Township – bastioni i opozitës në distriktin Sagaing në Mianmarin Qendror.

Ushtria është përballur me rezistencën e civilëve që kur mori kontrollin e vendit në një grusht shteti gjatë muajit shkurt, duke rrëzuar qeverinë e zgjedhur në mënyrë demokratike të udhëhequr nga Aung San Suu Kyi.

Vrasja më e madhe ndodhi në fshatin Yin, ku të paktën 14 burra u torturuan ose u rrahën për vdekje dhe trupat e tyre u hodhën në një gropë.

“Ne nuk duruam dot t’i shikonim, kështu që ulëm kokën, duke qarë”, tha një grua, vëllai, nipi dhe kunati i së cilës u vranë.

“Ne iu lutëm që të mos e bënin. Atyre nuk iu interesoi. Ata i pyetën gratë: “A janë burrat tuaj mes këtyre? Nëse janë, bëni ritet tuaja të fundit”.

“Disa ushtarë dukeshin të rinj, ndoshta 17 ose 18 vjeç, por disa ishin shumë të moshuar. Ishte edhe një grua me ta”, tha një burrë që i shpëtoi vrasjes.

Në fshatin Zee Bin Dwin, në fund të korrikut, 12 trupa të gjymtuar u gjetën të varrosur në varre masive të cekëta, duke përfshirë trupin e një fëmije dhe trupin e një personi me aftësi të kufizuara.

Trupi i një burri rreth të gjashtëdhjetave u gjet i lidhur në një pemë kumbulle aty pranë. Pamjet e kufomës së tij, treguan shenja të qarta torture. Familja e tij tha se djali dhe nipi i tij kishin ikur kur ushtria hyri në fshat, por ai kishte qëndruar, duke besuar se mosha e tij do ta mbronte nga pasojat.

Vrasjet dukej se ishin një dënim kolektiv për sulmet ndaj ushtrisë nga grupet e milicisë civile në zonë, të cilët po kërkojnë rivendosjen e demokracisë.

BBC ia dërgoi këto akuza zv. ministrit të Myanmarit për Informacionin dhe zëdhënësit ushtarak, gjeneralit Zaw Min Tun. Ai nuk e mohoi se ushtarët kishin kryer vrasjet masive.

“Kjo mund të ndodhë”, tha ai. “Kur na trajtojnë si armiq, ne kemi të drejtë të mbrohemi”.

Kombet e Bashkuara po hetojnë shkeljet e dyshuara të të drejtave të njeriut të kryera nga ushtria e Mianmarit./UBTNews/

Lajmet

KQZ hap periudhën për ndërrimin e Qendrës së Votimit për zgjedhjet lokale

Published

on

By

Komisioni Qendror i Zgjedhjeve (KQZ) ka njoftuar se më 28 qershor ka nisur periudha për ndërrimin e Qendrës së Votimit brenda komunës për Zgjedhjet Lokale, e cila do të zgjasë deri më 29 gusht 2025.

Gjatë kësaj periudhe 63-ditore, të gjithë qytetarët me të drejtë vote kanë mundësi të kontrollojnë qendrën e tyre aktuale të votimit dhe, nëse dëshirojnë, të kërkojnë ndërrimin e saj, duke zgjedhur një lokacion më të afërt me vendbanimin e tyre brenda të njëjtës komunë.

Ndërrimi i Qendrës së Votimit mund të bëhet në dy mënyra:

  • përmes platformës elektronike të KQZ-së në https://qv.kqz-ks.org

  • ose duke paraqitur kërkesën në Komisionin Komunal të Zgjedhjeve të komunës ku është i regjistruar votuesi.

Continue Reading

Lajmet

Serbët festojnë Vidovdanin mes masave të shtuara të Policisë së Kosovës

Published

on

By

Grupe serbësh janë drejtuar për në Graçanicë për të nisur festimet e atij që njihet si Vidovdan.  Festimet nisën në mëngjes në Manastirin e Graçanicës dhe po vazhdojnë në Gazimestan, ku janë paralajmëruar edhe ardhje të tjera gjatë ditës.

Për të siguruar mbarëvajtjen e aktivitetit, Policia e Kosovës ka ndërmarrë masa të rrepta sigurie. Në hyrje të Gazimestanit, po zhvillohen kontrolle për të gjithë të pranishmit, ndërkohë që njësi të shumta policore janë të vendosura në terren, bashkë me forcat e KFOR-it.

Policia ka njoftuar se masat planifikuese dhe operative janë ndërmarrë për ruajtjen e rendit publik, menaxhimin e trafikut dhe sigurinë kufitare. PK ka apeluar për një manifestim të qetë, duke kërkuar nga qytetarët të shmangin provokimet dhe të respektojnë ligjet dhe udhëzimet e organeve të sigurisë.

Në fillim të këtij muaji, Gjykata Themelore në Prishtinë anuloi vendimin e mëparshëm të komunës së Graçanicës që lejonte shfaqjen e flamurit serb për këtë rast, duke vlerësuar se një veprim i tillë ishte në kundërshtim me legjislacionin në fuqi, pasi Vidovdani nuk është festë zyrtare në Kosovë.

Vidovdani lidhet me Betejën e Kosovës të vitit 1389, ku princi serb Lazar humbi jetën. Në diskursin historik serb, kjo betejë përshkruhet si një humbje ushtarake por një fitore shpirtërore.

Gazimestani është gjithashtu një vend me ngarkesë historike dhe politike, pasi aty presidenti i atëhershëm i Serbisë, Slobodan Millosheviq, mbajti një fjalim të njohur në vitin 1989, i cili shpesh shihet si paralajmërim i konflikteve që pasuan në Ballkan.

Continue Reading

Lajmet

​PDK me kërkesë të qartë, zhbllokimi i Kuvendit sipas Kushtetueses

Published

on

By

Deputeti i Partisë Demokratike të Kosovës, Përparim Gruda tha se në takimin e sotëm të partive politike me kryeministrin në detyrë, Albin Kurti do të diskutohet dalja nga situata e krijuar në Kuvendin e Kosovës.

Gruda tha se kryetari i PDK-së, Memli Krasniqi do të shpreh qëndrimet e kësaj partie se si të zhbllokohet Kuvendi i Kosovës, bazuar në aktgjykimin e Gjykatës Kushtetuese.

Ndërkaq, se a do të arrihet ndonjë marrëveshje apo çështje të tjera siç tha Gruda, do të përgjigjet vetë Krasniqi.

Këtë deklarim Gruda e bëri pas pyetjeve të gazetarëve në konferencën e thirrur nga PDK.

Continue Reading

Lajmet

Trump flet sërish për Kosovën e Serbinë: Ishin gati për luftë të madhe, unë e ndala

Published

on

By

Presidenti Amerikan Donald Trump për të tretën herë në vetëm një javë është rikthyer të flasë për çështjen e raporteve të tensionuara midis Kosovës dhe Serbisë, teksa bën pasqyrën e konflikteve globale që ai pretendon se ka zgjidhur.

Gjatë një konference për shtyp në Shtëpinë e Bardhë, Trump sërish tha se Serbia dhe Kosova ishin gati të përplaseshin ushtarakisht, madje sipas tij në një luftë të madhe.

“Serbia dhe Kosova ishin gati të përplaseshin. Po shkonin drejt një lufte të madhe”, tha Trump.

Më tej ai zbuloi formulën e tij të suksesit, me të cilën e ndali shpërthimin e një lufte mes dy shteteve në Ballkan, shkruan A2 CNN.

Trump vazhdimisht gjatë javës së fundit, nga momenti kur vendosi armëpushimin midis Izraelit e deri tek samiti i NATO-s në Hagë, i është referuar marrëveshjes Kosovë-Serbi, të arritur në Uashington më 2020 si histori suksesi e ndërmjetësimit të tij.

“Ne e ndalëm Serbinë, e cila ishte gati të fillonte një përplasje”, deklaroi dy ditë më parë Trump.

Ai i referohet marrëveshjes së nënshkruar nga Presidenti i Serbisë, Aleksandër Vuçiq dhe kryeministri i Kosovës, Avdullah Hoti në Zyrën Ovale, më 04.09.2020 të ndërmjetësuar nga Donald Trump.

Continue Reading

Të kërkuara