Lajmet nga UBT

U mbajt festivali i teknologjisë dhe Inovacionit në Korçë

Ky festival i dijes dhe shkathtësive në fushën e teknologjisë dhe inovacionit u zhvilluar në “Korça Innovation and Technology Hub”.

Publikuar

Korça ICT Festival 2021, eventi më i madh i teknologjisë dhe inovacionit në Shqipëri, bëri bashkë të shtunën në bibliotekën “Thimi Mitko” ekspertët më të njohur të fushës së inovacionit dhe teknologjisë.

Ky festival i dijes dhe shkathtësive në fushën e teknologjisë dhe inovacionit u zhvillua në “Korça Innovation and Technology Hub”, qendrën më të madhe të kësaj fushe në Shqipëri, që menaxhohet nga UBT.

Presidenti i UBT-së, prof.dr. Edmond Hajrizi, tha se “Korça Innovation and Technology Hub”, ka arritur sukseshëm të jetë pikë referente në fushën e teknologjisë në Shqipëri.

“Korça ka potencial dhe duhet të jetë një inspirim i mirë për fushën e teknologjisë dhe inovacionit. Andaj ky festival i teknologjisë është një dëshmi për këtë potencial, i cili përveç që do të aftësojë të rinjtë në fushën e teknologjisë dhe inovacionit, gjithashtu do t’u krijojë atyre mundësi që të punojnë për tregun global pa e braktisur Korçën. Ky Hub është i të gjithëve dhe ne duam që të punojmë me të gjithë që të arrijmë rezultate dhe vlera të përbashkëta”, tha rektori Hajrizi.

“Korça do të jetë një pikë referimi, një destinacion i rëndësishëm kur flitet për teknologjinë, inovacionin dhe për çdo gjë që lidhet me një small scale ecosystem”, u shpreh tutje rektori Hajrizi.

Ministri i Mbrojtjes i Republikës së Shqipërisë, Niko Peleshi, tha se përmes “Korça Innovation and Technology Hub” ky qytet e ka gjetur ‘çelësin magjik’.

“Kemi gjetur një çelës magjik. Ky çelës magjik është inovacioni”, tha ministri Peleshi.

Në anën tjetër, kryetari i Bashkisë së Korçës, Sotiraq Filo, tha se përmes këtij festivali, Korça u kthye në qendrën e botës digjitale në Shqipëri.

“Një e shtunë HITECH në Korçë, bëri bashkë emrat më të spikatur në fushën e teknologjisë dhe inovacionit në Shqipëri dhe në botë, në një event fantastik si Korça ICT Festival”, tha Kryetari Filo.

“Programi i bashkisë për ta kthyer Korçën në qendrën e inovacionit, teknologjisë dhe komunikimit, ka si synim që përveç trajnimeve, të rinjve të qytetit t’iu ofrojë edhe mundësi punësimi në tregun global”, u shpreh tutje kryetari Filo.

Në kuadër të aktiviteteve të shumta që kjo konferencë organizoi, ishte edhe paneli i diskutimit me temën, “Rëndësia e Korçës si një qendër e TIK-ut në jug të Shqipërisë”, me ekspertët Florensa Haxhi, Charalampos Papadopoulos, Kushtrim Shala dhe Shqipe Berisha.

Në anën tjetër, njohësit në fushën e inovacionit dhe teknologjisë, profesori i UBT-së, prof.dr. Besnik Qehaja bashkë me ekspertët Belma Lushi, Enea Mançellari, Adlind Haxhjiaj, Xheni Maloku dhe Arbi Bamllari dhe nën drejtimin e profesorit të UBT-së, dr. Besnik Skenderi, diskutuan mbi rëndësinë që ka aftësimi në fushën e ICT-së në epokën e digjitalizimit.

Ndërkaq, rëndësia e ICT dhe si ndikon në biznes dhe komunitet, ishte një tjetër diskutim përmbajtësor në këtë festival. Stavri Pici, Ervin Konstandini, Ervis Smakaj, Gjergji Guri, Dritan Mezini dhe Diana Xhumari folën mbi rëndësinë e ICT dhe si ajo e bën një biznes më efikas, efektiv dhe më të shpejtë për t’u përgjigjur nevojave të klientëve duke ndihmuar aktivitetet e biznesit si dhe duke përfshirë projektimin, prodhimin, kërkimin, zhvillimin dhe shpërndarjen e produkteve.

Bota e startup-eve ishte një prej paneleve me rëndësi të UBT-Korça ICT Festival, ku eksperti nga Izraeli, Tal Catran theksoi rëndësinë e jashtëzakonshme për mbështetjen dhe zhvillimin e startup-eve, si domosdoshmëri e zhvillimit lokal të Korçës.

Kurse, Cyber Security me panelistë Hergis Jica, Edlira Martiri dhe Ganiela Egro e nën moderimin e profesorit të UBT-së, prof.dr. Blerton Abazi, kishte fokus të veçantë rëndësinë që ka sot siguria kibernetike. Po ashtu, rëndësi ju kushtua edhe se sa i vlefshëm është sigurimi i qëndrueshmërisë financiare në suksesin e një biznesi.

Një panel tjetër ishte dhe ai “Tech Time” që në fokus kishte përdorimin e teknologjisë si imperative të kohës sot.

Ndërkaq, në kuadër të punëtorive të organizuara, “Start-up Marketing” nën moderimin e Rrita Rekës nga UBT u prezantuan idetë për bizneset fillestare (start-ups), ku ekipi më i mirë do të marrë trajnim falas për kurset e marketingut në mediat sociale dhe financim të idesë së biznesit.

Në anën tjetër, “Gaming Arena”, kuize lojërash, përkatësisht realizimi i një loje ishte një prej punëtorive më interesante ku fituesit do të financohen për të realizuar idenë e tij.

Punëtoria tjetër, “Virtual Reality”, zgjoi interesim të madh në këtë festival, duke i kushtuar rëndësi, Realitetit Virtual (VR) si një përvojë e simuluar që mund të jetë e ngjashme ose krejtësisht e ndryshme nga bota reale. Në kuadër të kësaj punëtorie, përmes pajisjeve të siguruar nga UBT, pjesëmarrësit ishin në gjendje të përjetojnë botën artificiale dhe të bëhen pjesë e saj.

Gjithashtu, në festivalin e Korçës u mbajt edhe punëtoria me pjesëmarrje të profesionistëve të fushave të ndryshme, siç ishte edhe “Agrichallenge” ku rëndësi ju kushtua agrikulturës dhe teknologjisë në këtë fushë.

Korça ICT Festival 2021, u përmbyllë me sukses përmes storieve të suksesit të studentëve dhe të rinjve të qytetit të Korçës, të cilët dëshmuan për rëndësinë dhe mbështetjen që një qendër e tillë e inovacionit dhe teknologjisë ka në zhvillimin profesional dhe personal tek të rinjtë dhe zhvillimin e ideve të tyre për biznes dhe teknologji.

Kulturë, Lifestyle

Promovohet libri: “200 Këngë nga Opusi Muzikor i Kantautorit Ilir Shaqiri”, nga profesori i UBT-së, Korab Shaqiri

Hajrizi ka thënë se përmes kësaj vepre, autori i librit ka dhënë një kontribut të çmuar në aspektin akademik dhe profesional.

Publikuar

nga

Muzikologjia dhe etnomuzikologjia tashmë kanë një vepër të re, pas promovimit të librit: “200 Këngë nga Opusi Muzikor i Kantautorit Ilir Shaqiri”, nga autori dhe profesori i UBT-së, Prof. Ass. Dr. Korab Shaqiri.

Në këtë promovim, pjesëmarrës të së cilit ishin figura publike, kompozitorë dhe autorë, profesorë, studentë, si dhe pjesëmarrës të tjerë, u prezantua libri i cili me vete sjell tekstet dhe kreativitetin e kompozitorëve dhe autorëve që punuan së bashku me Ilir Shaqirin, një kolos të këngës së mirëfilltë shqipe.

Rektori i UBT-së, prof.dr. Edmond Hajrizi ka thënë se përmes kësaj vepre, autori i librit, Korab Shaqiri, ka dhënë një kontribut të çmuar në aspektin akademik dhe profesional, duke iu ndihmuar shumë studiuesve të muzikës për të ardhmen.

“Është kënaqësi që sot promovojmë një libër të profesorit tonë, Korab Shaqiri, një libër i cili përmbledh një veprimtari të gjerë të të nderuarit Ilir Shaqiri. Është kënaqësi se ne këtë promovim po e bëjmë në qendrën tonë të dijes, qendër kjo me konceptin e menaxhimit të dijes, pra me idenë që të përmblidhen veprat, të përpunohen, të kurohen, të menaxhohen dhe të ruhen me vite të tëra, sepse mendoj se ka shumë vlera, kontribute, por që shpesh nuk i kemi të dukshme”, ka thënë rektori Hajrizi.

Redaktori letrar i librit “200 Këngë nga Opusi Muzikor i Kantautorit Ilir Shaqiri”, Arben Veselaj, ka vlerësuar lartë këtë libër, duke thënë se autori i këtij libri me përmbledhjen e 200 këngëve brenda një opusi ka ofruar një antologji të veçantë të poezisë.

“Kur e kam lexuar për herë të parë materialin e përzgjedhur nga Korab Shaqiri me 200 tekste të këngëve të Ilir Shaqirit vetëm atëherë e kam kuptuar se sa e thellë dhe sa e gjerë është krijimtaria e artistit tonë. I përmbushur çdo herë me anën muzikore të artit të tij, më duhet ta pranoj se jo shumë shpesh kisha vrarë mendjen se duhet bërë një analizë tekstuale të kësaj krijimtarie”, ka thënë Veselaj.

Profesoresha në Fakultetin e Muzikës Moderne, Prodhim Digjital dhe Menaxhment në UBT, Kristina Përkola, ka vlerësuar lartë librin e autorit Korab Shaqiri, duke thënë se një libër i tillë i ka munguar muzikologjisë.

“Muzikologjisë dhe etnomuzikologjisë tonë si drejtime relativisht të reja tek ne i kanë munguar dhe vazhdojnë ti mungojnë botimet, monografitë, apo edhe përmbledhjet e veprave muzikore të klasifikuara, qoftë sipas zhanreve, formave, përmbajtjes apo autorëve. Prandaj dalja në dritë e librit ‘200 Këngë nga Opusi Muzikor i Kantautorit Ilir Shaqiri’, paraqet disa momente të rëndësishme për muzikologjinë shqiptare, veçanërisht atë të Kosovës”, ka thënë profesoresha Përkola.

Përgjegjësi për botime i Institutit për Trashëgimi Shpirtërore dhe Kulturore të Shqiptarëve në Shkup, Sevdail Demiri, para të pranishmëve tha se kjo vepër është një thesar i çmuar i trashëgimisë shqiptare, të përmbledhura në librin me tekst dhe nota muzikore që janë vet historia e shqiptarit ndër shekuj.

“Padyshim kjo vepër përbën një nga thesaret më të çmuara të trashëgimisë tonë kulturore-artistike në rrafsh kombëtar e cila sublimohet në veprimtarinë e bujshme prej disa dekadave të mjeshtrit të madh të këngës shqipe, Ilir Shaqiri”, ka thënë përgjegjësi për botime i Institutit për Trashëgimi Shpirtërore dhe Kulturore të Shqiptarëve në Shkup, Sevdail Demiri.

E nën emocion, autori i librit, njëherit profesori i UBT-së, Prof. Ass. Dr. Korab Shaqiri, ka thënë se ky libër do t’iu shërbejë muzikantëve jo vetëm vendorë por edhe ndërkombëtarë, për të njohur këtë lloj krijimtarie letrare e muzikore që është krijuar në një kohë shumë të rëndësishme për vendin tonë.

“Duke punuar në këtë libër, kujtesa më kthente në vitet e mia të fëmijërisë, kur babai im më merrte në prehër, pranë një pianoje të vjetër në banesën tonë të ngushtë në Prishtinë. Idetë dhe motivet e atyre këngëve së pari tingëllonin aty, për t’u shpërndarë më vonë gjithandej audiencës ku jetojnë shqiptarët. Dhe s’kisha si ta imagjinoja, nuk mund ta dija unë, se pas shumë vitesh ato krijime do të bëheshin subjekt i admirueshëm studimi për mua. Ky ritual domethënës, do të praktikohej shpesh në banesën tonë, deri atëherë kur këmbët e mia të vogla u zgjatën për të arritur pedalet e pianos”, ka thënë autori i librit “200 Këngë nga Opusi Muzikor i Kantautorit Ilir Shaqiri”, Korab Shaqiri.

Kantautori Ilir Shaqiri, ka thënë se ndihet i nderuar me rastin e promovimit të këtij libri, dhe se me këtë libër përpos këngëve po vihen në pah edhe ata që i kanë krijuar ato, duke përfshirë autorët e poezisë, muzikës, e orkestracionit.

“Të gjitha këngët në këtë libër kanë autorët e tyre, të poezisë, të muzikës, të orkestracionit, si dhe vitin se kur janë realizuar ato. Brenda gjithë këtyre viteve, që nga viti 1983 deri në ditët e sotme, duke u evidentuar të gjithë këto, autorët dhe viti se kur janë realizuar këto këngë, përmes tekstit dhe melodisë ne do të arrijmë të njohim atë periudhë jo të lehtë për vendin tonë, por që sot na jepet mundësia që shumë gjëra të asaj kohe dhe asaj periudhe t’i kemi t’i trajtojmë dhe t’i përurojmë sot, siç po përurojmë në universitetin tuaj”, ka thënë kantautori, Ilir Shaqiri.

Me këtë libër, autori Korab Shaqiri, përmbajtjen e këngëve të kantautorit Ilir Shaqiri, në një tregim të gjatë me vëmendje rreth ideve dhe idealeve të këngëve të realizuara asokohe, në një krijimtari unike me gjuhë universale muzikore.

Vazhdo të lexosh

Lajmet nga UBT

Bëhuni ekspertë të marketingut duke ndjekur trajnimin për Digital Marketing

Në këtë trajnim përfshihen një gamë e gjerë e aktiviteteve dhe formave të marketingut.

Publikuar

nga

UBT ofron trajnimin për Digital Marketing për të gjithë ata kandidatë të cilët janë të interesuar që të shndërrohen në ekspertë të marketingut digjital, duke u bërë kështu cak dhe synim potencial i tregut vendor dhe ndërkombëtar të punës.

Në këtë trajnim përfshihen një gamë e gjerë e aktiviteteve dhe formave të marketingut të cilat pjesëmarrësit do t’i përvetësojnë nga profesionistët më të mirë të marketingut digjital që ka UBT.

Motorët e kërkimit, faqet e internetit, mediat sociale, email-at, aplikacionet mobile, si dhe kanale të tjera digjitale, që ndërlidhin në mënyrë unike marketingun digjital dhe zhvillimin teknologjik në gjithë botën, janë disa prej elementeve kyçe të këtij trajnimi, të cilat do t’i mundësojnë studentëve dhe pjesëmarrësve të tjerë që të aftësohen në këtë fushë.

Vazhdo të lexosh

Lajmet nga UBT

Rektori Hajrizi takoi shefin e UNHCR, Erol Arduç

Rektori Hajrizi e njoftoi Arduç për angazhimin e UBT-së në krijimin e një shoqërie të dijes, me profesionistët më të mirë nga secila fushë.

Publikuar

nga

Rektori i UBT-së, Prof.Dr.Edmond Hajrizi, priti në takim, në ambientet e Kampusit Inovativ të UBT-së, Shefin e Misionit të UNHCR në Kosovë, Erol Arduç.

Gjatë këtij takimi Rektori Hajrizi e njoftoi kreun e këtij misioni për angazhimin e përhershëm të UBT-së për krijimin e një shoqërie të dijes, përmes krijimit të  profesionistëve më të mirë nga secila fushë dhe ekspertëve më të përgatitur, për t’u dalë ballë sfidave të së ardhmes.

Rektori Hajrizi dhe shefi i UNHCR biseduan, gjithashtu, për bashkëpunimin e mirë në mes të UBT-së dhe organizatave që veprojnë nën ombrellën e Zyrës së Koordinatores së Kombeve të Bashkuara për Zhvillim në Kosovës në sfera të ndryshme, e të cilat ndërlidhen me përmbushjen e objektivave për zhvillim të qëndrueshëm, sipas agjendës globale 2030, për një botë më të mirë, për të gjithë.

Vazhdo të lexosh

Lajmet nga UBT

Ndjekni kursin e gjuhës gjermane, mësoni nga profesionistët më të mirë që ka UBT

UBT ofron kursin e gjuhës gjermane për të gjithë të interesuarit, nga niveli fillestar A1 deri tek ai më i avancuar C2.

Publikuar

nga

Gjuha gjermane është një prej gjuhëve që kohëve të fundit është bërë një faktor ndikues dhe i domosdoshëm për zhvillimin tuaj në karrierë në arenën ndërkombëtare, duke pasur kështu një rëndësi të veçantë në formimin profesional e akademik në rrugëtimin që ju keni zgjedhur për të ardhmen tuaj.

UBT në kuadër të ofrimit të kurseve të gjuhëve të huaja, ofron kursin e gjuhës gjermane për të gjithë të interesuarit, nga niveli fillestar A1 deri tek ai më i avancuar C2.

Metodat më të reja të mësimdhënies, kushtet moderne infrastrukturore dhe profesionistët më të mirë gjuhësor që e bëjnë mësimin gjithnjë e më atraktiv, karakterizojnë kursin e gjuhës gjermane, i cili iu ofron një kurs intensiv me mundësi të përfitimit të certifikatës e cila është e njohur ndërkombëtarisht.

Apliko tani: Kursi i gjuhës gjermane

Vazhdo të lexosh

Të kërkuara