Kulturë

U mbajt edicioni i 21-të i ceremonisë “BET Awards”

Published

on

Edicioni i 21-të i ceremonisë shpërblyese, “BET”, u mbajt të dielën mbrëma me temën “Viti i grave afrikano-amerikane”.

Aktorja e shumëshpërblyer, Taraji P. Henson, e prezantoi ceremoninë e cila u mbajt në teatrin “Microsoft” në Los Angeles, dhe ku për herë të parë prej fillimit të pandemisë, publiku e ndoqi ngjarjen drejtpërdrejt nga salla.

“Nderimi i grave afrikano-amerikane nuk është vetëm një trend apo në modë, por është një gjendje shpirtërore e përhershme. Ka më shumë se mjaftueshëm vend për të gjithë ne, që të lulëzojmë në këtë industri, sepse askush nuk mund të jetë sikur unë dhe askush nuk mund të je sikur ti”, tha aktorja Henson në hapjen e ceremonisë.

Rep artistja dhe aktorja e vlerësuar, Queen Latifah, gjatë mbrëmjes e pranoi shpërblimin special për arritje jetësore, i cili e nderon suksesin e saj të jashtëzakonshëm përgjatë karrierës disa dekadëshe në industrinë e filmin, televizionit dhe muzikës.

Rep artistet Lil Kim, Rapsody, MC Lyte dhe Monie Love, e nderuan atë me një performancë të hiteve të saj, “Ladies First” dhe “U.N.I.T.Y.”, kurse Queen Latifah më pas e mbajti një fjalim duke shprehur mirënjohjen e saj.

“Dua t’i falënderojë organizatorët e ‘BET Awards’ që e kanë krijuar një platformë e cila ia mundëson komunitetit tonë të bukur që të shkëlqejnë dhe të lulëzojë në industrinë e showbizit. Kur muzika jonë nuk mund të transmetohej në radiot tjera dhe videoklipet tona nuk shfaqeshin në televizionet tjera, ne e kishim kanalin ‘BET’ i cili na lejonte të jemi plotësisht vetvetja”, deklaroi ndër të tjera Queen Latifah.

Reperaj Megan Thee Stallion e cila së bashku me reperin DaBaby, kryesonin me më së shumti nominime në këtë ceremoni, i rrëmbeu gjithsej katër trofe në kategoritë: “Artistja më e mirë Hip Hop”, “Bashkëpunimi më i mirë”, për hitin “WAP” në bashkëpunim me rep artisten Cardi B, “Çmimin e publikut” i cili shkoi për këngën “Savage (Remix)” të cilën e interpretoi bashkë me yllin e muzikës, Beyoncé dhe “Videoklipi më i mirë i vitit”, çmim ky i cili shkon për hitin “WAP”.

Ndër fituesit e tjerë të mbrëmjes ishin: Cardi B, Jazmine Sullivan e cila u nderua në kategorinë “Albumi më i mirë”, për albumin e saj “Heaux Tales”, H.E.R. u shpall “Artistja më e mirë R&B dhe pop, Chris Brown e fitoi çmimin “Artisti më i mirë R&B dhe Pop”, me çmimin “Grupi më i mirë” u nderuan Bruno Mars, Anderson .Paak dhe Silk Sonic, “Hip Hop artisti më i mirë” u shpall Lil Baby dhe Giveon u nderua me çmimin “Artisti më i mirë i ri”.

Në kategorinë për film triumfoi “Judas and the Black Messiah”, i cili u shpall “Filmi më i mirë i vitit”, Andra Day u nderua në kategorinë “Aktorja më e mirë” dhe ylli i ndjerë i kinematografisë, Chadwick Boseman, e pranoi edhe një shpërblim postmortum me t’u shpallur “Aktori më i mirë i vitit”.

Kurse sportistët e nderuar gjatë mbrëmjes me çmim “BET Award”, ishin: tenistja Naomi Osaka e cila u shpall “Sportistja më e mirë e vitit”, dhe ylli i basketbollit, Lebron James, i cili u nderua me çmimin “Sportisti i vitit”.

Legjenda e muzikës rep, DMX, i cili vdiq nga sulmi në zemër në fillim të këtij vitit, u nderua në ceremoninë e së dielës me një performancë speciale të yjeve, Busta Rhymes, Method Man, Swizz Beatz dhe Michael K. Williams.

Cardi B, Andra Day, dyshja “City Girls”, DJ Khaled, Jazmine Sullivan, Lil Nas X, Kirk Franklin dhe “Migos”, ishin ndër yjet e shumtë të cilët performuar në ceremoninë e përvitshme, e cila ka për qëllim t’i nderojë arritjet e personave të komunitetit afrikano-amerikan. /Koha.net 

Magazinë

Arnold Schwarzenegger: Më thoshin se ëndrrat e mia ishin të pamundura

Published

on

Arnold Schwarzenegger ka rrëfyer se përballja me paragjykimet dhe skepticizmin ishte e përditshme në fillimet e tij në Hollywood. Aktori 77-vjeçar, i cili nisi karrierën në SHBA si bodybuilder në vitet ’70, kishte sfida të shumta në industrinë e filmit.

“Kur erdha në Amerikë, Clint Eastwood dhe Charles Bronson ishin aktorët më të paguar, fitonin nga një milion dollarë për film. Mendova: ‘Duhet të bëhem pjesë e kësaj.’ Dhe, më vonë, arrita të fitoja 30 milionë dollarë për film. I zura”, ka kujtuar ai në  bisedë me djalin, Patrick Schwarzenegger, për serinë “Actors on Actors” të Variety, ka raportuar FemaleFirst.

“Të gjithë më thoshin: ‘Arnold, kjo nuk do ndodhë kurrë. Emri yt, Schnitzel apo çfarëdo qoftë, askush s’do ta mbajë mend. Je i madh për të qenë aktor’. Në vitet ’70, yjet e mëdhenj ishin Dustin Hoffman, Al Pacino, Woody Allen, që peshonin nga 60 kg, me thoshin ‘je 115 kg, dukesh si përbindësh’”, ka thënë aktori.

Por pavarësisht refuzimeve, Schwarzenegger nuk u dorëzua.

“E kisha të qartë vizionin tim. Doja të ngjitesha në majë. Kjo ishte gjithçka që më interesonte. Dhe arritja atje, ngadalë”, ka thënë ai.

Ai tha se momenti që ndryshoi gjithçka ishte roli në “Terminator”, pasi më herët kishte luajtur vetëm në filma si “Conan”, ku muskujt ishin në plan të parë.

“‘Terminator’ ishte një hap i madh përpara, sepse nuk kishte të bënte me muskujt. Ishte lëkura e zezë dhe roli i një makine. Ky ishte momenti që përmbushi ëndrrën time të fëmijërisë”, ka thënë tutje ai.

77-vjeçari ka treguar se nuk ka pasur kurrë një plan B në jetë.

“Urrej Planin B. Njerëzit performojnë më mirë kur nuk kanë Plan B. Unë nuk kam pasur kurrë një plan tjetër”, ka thënë ai.

Në një video në Instagram, ai e ka përmbledhur filozofinë e jetës së tij.

“E bëra një zotim të plotë: do të bëhem kampion i bodybuldingut, do të shkoj në Amerikë, do të hyj në industrinë e filmit dhe do të bëhem aktor kryesor. Çfarëdo që të kërkonte, do ta bëja. Do të punoja pa u ndalur, derisa ta arrija”, pati shkruar ai.

Continue Reading

Magazinë

Iggy Pop largohet nga skena e koncertin në Londër i futur në arkivol

Published

on

Iggy Pop u largua nga skena në arkivol gjatë një koncerti, duke habitur publikun me lëvizjen e tij dhe duke riafirmuar titullin e tij si një nga artistët më të çuditshëm në skenën e rokut.

Artisti e mbylli performancën e tij më 28 maj në Alexandra Palace në Londër në një mënyrë që askush nuk e priste.

Siç është kapur në video, papritmas, pak para fundit, në skenë u shfaq një arkivol i madh i zi.

Publiku mbeti pa fjalë kur pa 78-vjeçarin pa bluzë, të shtrirë brenda arkivolit, i cili u rrokullis, duke i dhënë fund kështu koncertit të tij.

Artisti postoi një video të daljes së tij të veçantë nga skena në llogarinë e tij personale në Instagram.

Ai madje qëndroi pranë arkivolit dhe u kërkoi miqve në internet të komentonin mbi zgjedhjen e tij specifike.

Siç shkroi në mbishkrim: “Londër. Ne e dimë si filloi dhe si mbaroi. Do të na pëlqente të shihnim mbishkrime imagjinative dhe të zgjuara për këtë! ».

Continue Reading

Magazinë

Pasi hoqi mbiemrin e babait, vajza e Joliet dhe Pittit ndryshon dhe emrin

Published

on

Continue Reading

Lifestyle

Microsoft me njoftim të ri për përdoruesit në Evropë

Published

on

Microsoft ka njoftuar se do të ndalojë së sugjeruari përdoruesve të Windows në Evropë që të kalojnë në shfletuesin Edge, si pjesë e përputhshmërisë me Aktin e Tregjeve Digjitale të Bashkimit Evropian.

Këto ndryshime do të zbatohen për përdoruesit në Zonën Ekonomike Evropiane, që përfshin BE-në, Islandën, Lihtenshtajnin dhe Norvegjinë.

Përdoruesit kanë mundësinë të çinstalojnë Microsoft Edge dhe Microsoft Store, dhe të shmangin njoftimet që i nxisin të vendosin Edge si shfletuesin e parazgjedhur, përveç nëse ata vetë zgjedhin ta hapin atë.

Kur përdoruesit zgjedhin shfletues si Chrome, Firefox ose Brave si të parazgjedhur, do të vendoset automatikisht në shiritin e detyrave (taskbar), përveç nëse përdoruesi vendos ndryshe. Ky shfletues i ri do të lidhet me më shumë lloje skedarësh dhe lidhjesh, duke përfshirë “read”, ftp dhe .svg, përveç https dhe .html.

Microsoft ka bërë të ditur se edhe pas çinstalimit të aplikacionit Store nga Start dhe Settings, aplikacionet e instaluara dhe të shpërndara nga kjo platformë do të vazhdojnë të marrin përditësime, dhe Store mund të riinstalohet në çdo kohë.

Ndryshime të tjera përfshijnë mundësinë për aplikacione të palëve të treta që të shtojnë rezultatet e kërkimit në Windows Search pas instalimit, si dhe opsionin për të ndryshuar ofruesin e kërkimit sipas preferencave të përdoruesit.

Këto përditësime do të fillojnë të shpërndahen në fillim të qershorit dhe pritet të jenë të disponueshme në Windows 10 dhe Windows 11 në korrik.

Continue Reading

Të kërkuara