Lajmet

Turqia ndryshon zyrtarisht emrin

Fushata për të riemërtuar si Türkiye filloi në dhjetor.

Published

on

Turqia është rimerëruar ‘Türkiye’, duke ndryshuar emrin edhe në Kombet e Bashkuara.

Vendi tani quhet “Türkiye” në sallat e Kombeve të Bashkuara, të cilët ranë dakord të njohin ndryshimin të mërkurën pas një kërkese nga qeveria e Turqisë. Fushata për të riemërtuar si Türkiye filloi në dhjetor.

“Procesi që filluam nën udhëheqjen e presidentit tonë Recep Tayyip Erdogan për të rritur vlerën e markës së vendit tonë duhet të finalizohet”, shkroi Cavusoglu në Twitter të martën.

Në letrën drejtuar Sekretarit të Përgjithshëm të OKB-së, António Guterres, Cavusoglu shkroi: “Dëshiroj t’ju informoj se, në përputhje me Qarkoren Presidenciale … të datës 2 dhjetor 2021, mbi përdorimin e fjalës “Türkiye” në gjuhët e huaja dhe strategjia pasuese e markës, Qeveria e Republikës së Turqisë, tani e tutje do të fillojë të përdorë ‘Türkiye’ për të zëvendësuar fjalët si ‘Turkey’, ‘Turkei’ dhe ‘Turquie’ që janë përdorur në të kaluarën për t’iu referuar “Republikës së Turqisë”.

Zëdhënësi i OKB-së, Stephane Dujarric i tha CNN të enjten se OKB-ja e pranoi ndryshimin dhe ai hyri në fuqi sapo morën kërkesën dhe u siguruan që dokumenti të ishte legjitim, gjë që ishte të mërkurën.

“Vendet janë të lira të zgjedhin mënyrën që duan të emërtohen. Kjo nuk ndodh çdo ditë, por nuk është e pazakontë që vendet të ndryshojnë emrat e tyre”, tha Dujarric.

Drejtori i Komunikimit i Turqisë, Fahrettin Altun postoi një video promovuese në Twitter të mërkurën me mbishkrimin: #HelloTürkiye./UBTNews/

Lajmet

Arrestohen tre persona në Prizren dhe Obiliq për shpërndarje të materialeve me përmbajtje të abuzimit seksual të fëmijëve

Published

on

By

Policia e Kosovës ka arrestuar tre persona në Prizren dhe Obiliq, të dyshuar për shkarkim dhe shpërndarje të materialeve me përmbajtje të shfrytëzimit dhe keqpërdorimit seksual të fëmijëve përmes rrjeteve sociale dhe platformave online.

Gjatë operacionit policor janë kontrolluar tri lokacione të ndryshme, ku janë sekuestruar katër telefona celularë, katër kompjuterë dhe një tablet, të cilat dyshohet se janë përdorur për kryerjen e veprës penale.

Prizren, Obiliq  08.10.2025 – 06:30. Janë arrestuar tre të dyshuar meshkuj kosovarë, për shkak të dyshimit se pemës rrjeteve sociale dhe platformave online kanë shkarkuar dhe shpërndarë materiale me përmbajtje të shfrytëzimit dhe keqpërdorimit seksual të fëmijëve. Janë kontrolluar tri lokacione të personave të dyshuar dhe si prova materiale janë sekuestruar katër telefona celular, katër kompjuterë dhe një tablet. Me vendim të prokurorit të dyshuari pas intervistimit janë dërguar në mbajtje.” thuhet në njoftim nga Policia e Kosovës./D.B/UBTNews

Continue Reading

Lajmet

Ndërhyrja e Serbisë në zgjedhjet në Kosovë, Dugolli: Policia dhe AKI në nivel të detyrës

Published

on

Ish-deputeti i Lëvizjes Vetëvendosje, Enver Dugolli, ka deklaruar se Serbia po ndërhyn në mënyrë të drejtpërdrejtë dhe hibride në zgjedhjet në veri të vendit, duke ushtruar frikë dhe shantazh ndaj qytetarëve serbë për t’i detyruar të votojnë për Listën Serbe.

Dugolli ka thënë se kjo parti vazhdon të funksionojë si satelit i Beogradit dhe i Vuçiqit, duke minuar demokracinë dhe duke dëmtuar procesin zgjedhor në Kosovë.

“Fatkeqësisht jemi dëshmitarë që Lista Serbe është një satelit i Beogradit dhe Vuçiqit, dhe sa herë që organizohen zgjedhje qoftë të nivelit lokal e ato qendrore, Serbia ndërhyn. Janë raportimet që kanë bërë organizata të ndryshme vëzhguese edhe gjatë viteve të kaluara, por tani shihet një vërull dhe intensitet edhe më i madh i Serbisë që ndërhyn në zgjedhje, pengon qytetarët, frikëson qytetarët që të votojnë për një parti, për një satelit të tyre, gjë që minon demokracinë dhe e bën këtë proces të zgjedhjeve lokale të lëndueshëm, sidomos në ato pjesë tek komuniteti serb, për shkak se demokracia ka kuptim kur marrin pjesë të gjithë në proces zgjedhor pa frikë, pa intimidime, shantazhe dhe pa presione,” tha Dugolli.

Ai ka theksuar se çështja e sigurisë është prioritet për institucionet e vendit, ndërsa ndërhyrjet e Serbisë i ka cilësuar si forma hibride që kërkojnë vëmendje të veçantë.

“Natyisht që çështja e sigurisë është top prioritet për institucionet tona dhe Republikën tonë, dhe ne jemi aty ku duhet — pra Policia e Kosovës, Agjencia Kosovare e Inteligjencës dhe institucionet tjera të sigurisë janë në nivel të detyrës. Mirëpo këto forma të ndërhyrjes janë hibride dhe është më problem për shkak se ne shohim situatën në tërësi të sigurisë dhe mundohemi e garantojmë që siguria do të jetë në nivel. Por këto presione që janë të ndryshme, që zhvillohen me metoda hibride nga Serbia, janë paksa më problematike në kuptimin e ndërhyrjes së shtetit, sepse ne nuk mundemi të shkojmë shtëpi për shtëpi, të ndalim çdo qytetar dhe ta pyesim a ka ndonjë presion nga ndonjë subjekt apo politikan. Është më e komplikuar, prandaj tani për tani jemi të fokusuar që situata e sigurisë të jetë në nivel dhe të krijojmë një ambient të qetë dhe të sigurt për të gjithë qytetarët. Inkurajojmë të gjithë qytetarët që i nënshtrohen presioneve të tilla të raportojnë dhe të jenë bashkëpunues me organet tona të sigurisë të shtetit tonë, për shkak se Republika e Kosovës është republikë edhe e shqiptarëve, edhe e serbëve, edhe e të gjithë qytetarëve që jetojnë në këtë hapësirë,” tha ai.

Në fund, Dugolli ka theksuar se qytetarët duhet të votojnë të lirë dhe pa presione, ndërsa ka paralajmëruar se kushdo që fiton poste publike duhet t’i respektojë ligjet dhe Kushtetutën e Kosovës./S.K/EO/

 

Continue Reading

Lajmet

Presidentja Osmani përshëndet marrëveshjen mes Izraelit dhe Hamasit

Published

on

Presidentja e Republikës së Kosovës, Vjosa Osmani, ka përshëndetur arritjen e paqes mes Izraelit dhe Hamasit.

Osmani tha se Presidenti Donald Trump dhe administrata e tij kanë treguar lidership dhe angazhim të vërtetë për të sjellë paqe të qëndrueshme për dyja vendet.

“Presidenti Donald Trump dhe administrata e tij kanë treguar lidership dhe angazhim të vërtetë për të sjellë paqe të qëndrueshme për izraelitët dhe palestinezët njësoj, dhe përkushtim të palodhur për t’i dhënë fund vuajtjeve që kanë duruar breza të tërë njerëzish të pafajshëm” u shpreh Osmani.

Postimi i plotë:

“TË BEKUAR JANË PAQËBËRËSIT”

Një moment përcaktues për paqen. Paqe që është urgjente. Paqe që është vonuar shumë. Presidenti Donald Trump dhe Administrata e tij kanë treguar lidership dhe angazhim të vërtetë për të sjellë paqe të qëndrueshme për izraelitët dhe palestinezët njësoj, dhe përkushtim të palodhur për t’i dhënë fund vuajtjeve që kanë duruar breza të tërë njerëzish të pafajshëm. Mirënjohja jonë shkon gjithashtu për ndërmjetësuesit nga Katari, Egjipti dhe Turqia për angazhimin e tyre të vazhdueshëm për paqen dhe për rolin e tyre vendimtar në bërjen e mundur të këtij përparimi./S.K/EO/

Continue Reading

Lajmet

Arrestohet një person në Prizren, dyshohet se sulmoi fizikisht një shtetase gjermane

Published

on

Një person është arrestuar në Prizren nën dyshimin se ka sulmuar fizikisht një shtetase gjermane pas një mosmarrëveshje të momentit.

Ngjarja ka ndodhur dje në rrugën “Rrust Kabashi”, teksa viktima ka pranuar trajtimin mjekësor në Emergjencën e Spitalit të Prizrenit, teksa më pas është transferuar në QKUK.

I dyshuari është arrestuar dhe është dërguar në mbajtje me vendim të prokurorit.

Rr. Rrust Kabashi Prizren 08.10.2025 – 04:00. I dyshuari mashkull kosovar, pas një mosmarrëveshjeje të çastit ka sulmuar fizikisht viktimën femër shtetase e Gjermanisë. Viktima ka pranuar trajtim mjekësor në Emergjencën e Spitalin e Prizrenit e më pas është transferuar në QKUK për trajtim të mëtejmë. I dyshuari është arrestuar dhe me vendim të prokurorit është dërguar në mbajtje“, thuhet në raportin e Policisë së Kosovës/S.K/KP/PK/.

Continue Reading

Të kërkuara