Lajmet

Turqia ndryshon emër, kërkon të njihet zyrtarisht si ‘Türkiye’

Qeveria e Presidentit Recep Tayyip Erdogan ka kërkuar me ngulm që emri i njohur ndërkombëtarisht Turqi të ndryshohet në “Türkiye”.

Published

on

Ministri i jashtëm i Turqisë, Mevlut Cavusoglu i dërgoi të mërkurën një letër Organizatës së Kombeve të Bashkuara duke kërkuar zyrtarisht që vendi i tij të njihet me emrin “Türkiye”.

Vendimi shihet si pjesë e një nisme nga Ankaraja për të riemërtuar vendin dhe për ta shkëputur emrin aktual nga përkthimi i anglishtes që nënkupton zogun, (gjeldeti) dhe nga disa konotacione negative që lidhen me të.

Sipas agjencisë së lajmeve shtetërore turke, zëdhënësi i sekretarit të përgjithshëm të OKB-së konfirmoi marrjen e letrës më herët gjatë ditës së mërkurë.

Qeveria e Presidentit Recep Tayyip Erdogan ka kërkuar me ngulm që emri i njohur ndërkombëtarisht Turqi të ndryshohet në “Türkiye” (tur-ki-jei) siç shkruhet dhe shqiptohet në turqisht. Vendi e quajti veten “Türkiye” në 1923 pas shpalljes së pavarësisë.

Në dhjetor, Erdogan urdhëroi përdorimin e “Türkiye” për të përfaqësuar më mirë kulturën dhe vlerat turke, duke përfshirë kërkesën që “Made in Türkiye” të përdoret në vend të “Made in Turkey” në produktet e eksportuara. Ministritë turke filluan të përdorin “Türkiye” në dokumentet zyrtare.

Në fillim të këtij viti, qeveria publikoi gjithashtu një video promovuese si pjesë e përpjekjeve të saj për të ndryshuar emrin e saj në anglisht. Videoja tregon turistë nga e gjithë bota duke thënë “Hello Türkiye” në destinacione të famshme.

Drejtoria e Komunikimeve e Presidencës Turke tha se nisi fushatën “për të promovuar në mënyrë më efektive përdorimin e ‘Türkiye’ si emri kombëtar dhe ndërkombëtar i vendit në platformat ndërkombëtare”.

Nuk është e pazakontë për shtetet të ndërrojnë emrin e tyre. Në vitin 2020, Holanda hoqi dorë nga ky emër dhe tashmë njihet zyrtarisht si “The Netherlands. Përpara kësaj, Maqedonia e ndryshoi emrin në Maqedoni e Veriut për shkak të përplasjeve politike me Greqinë.

Më herët në histori, Irani quhej Persia, Siam që tashmë njihet si Tajlandë dhe Rhodesia u riemërua në vitet 1990 n Zimbabve./REL

Lajmet

Punëtorët e “Pastrimit” fillojnë grevën para Komunës së Prishtinës

Published

on

By

Punëtorët e Kompanisë Rajonale të Mbeturinave “Pastrimi” kanë nisur sot grevën duke u mbledhur para ndërtesës së Komunës së Prishtinës. Kjo për të shprehur pakënaqësinë e tyre ndaj situatës së rëndë financiare në të cilën ndodhet ndërmarrja, për shkak të mos-shlyerjes së obligimeve nga Komuna.

Sindikata njoftoi se rreth 300 punëtorë dhe të punësuar janë pjesë e grevës paqësore, me rreth 20 kamionë të parkuar në mënyrë që të mos bllokohen rrugët emergjente.

“Pastrimi” ka ndalur shërbimin e grumbullimit të mbeturinave për shkak të një borxhi prej 2.7 milionë eurosh që pretendon se Komuna nuk ka paguar.

Komuna ka mohuar ekzistencën e këtij borxhi dhe ka akuzuar ndërmarrjen për sabotazh. Ndërkohë, qyteti është mbushur me mbeturina dhe ka shqetësime për rreziqe shëndetësore. Prokuroria ka nisur hetimet për të sqaruar situatën.

Continue Reading

Lajmet

Osmani takon presidenten e Zvicrës: Po e shkruajmë bashkë kapitullin e ri

Published

on

By

Presidentja Vjosa Osmani, ka nisur vizitën shtetërore në Zvicër, me ftesë të Këshillit Federal të Zvicrës.

Në një postim në Facebook, e para e shtetit tonë ka falënderuar për mikpritjen, miqësinë dhe nderimin presidenten zvicerane Karin Keller-Sutter.

Kjo vizitë e parë shtetërore në Zvicër që po fillon në rezidencën zyrtare të Këshillit Federal të Zvicrës është dëshmi se bashkë po shkruajmë kapitullin e ri të historisë së partneritetit midis shteteve dhe popujve tanë”, ka shkruar Osmani.

Continue Reading

Lajmet

Maqedonia e Veriut pritet të nënshkruajë marrëveshje për partneritetit strategjik me Britaninë

Published

on

By

Maqedonia e Veriut pritet të bëhet vendi i parë nga Ballkani Perëndimor që nënshkruan marrëveshje për partneritetit strategjik me Britaninë e Madhe.

Marrëveshja në vlerë rreth 6 miliardë euro pritet të nënshkruhet të enjten në Londër nga një delegacion i Qeverisë maqedonase, i udhëhequr nga zëvendëskryeministri Aleksandar Nikolovski.

Megjithatë, hollësitë e këtij partneriteti dhe kushtet sipas të cilave Maqedonia e Veriut do të marrë burimet financiare nga Britani, nuk janë bërë të ditura ende.

Autoritetet maqedonase dhe Londra e mohojnë se marrëveshja përfshin pranimin e emigrantëve në Maqedoni, të cilëve nuk u është pranuar azili në Britani.

Është diçka që nuk na ka shkuar kurrë në mendje dhe askush nuk na e ka kërkuar”, u tha kryeministri Hristijan Mickoski anëtarëve të partisë së tij VMRO DPMNE në Shkup, të dielën.

Për të, marrëveshja është “historike”, sepse qasja në 6 miliardë euro kredi të favorshme, “do të sjellë një revolucion investimesh në vend, një cikël investimesh vërtet historik, që do të thotë punë, ndërtim, zhvillim”, tha Mickoski, duke përmendur ndërtimin e hekurudhave, autostradave, spitaleve dhe konvikteve studentore.

Ambasadori britanik në Shkup, Mattheë Laëson, gjithashtu mohoi spekulimet për dërgimin e emigrantëve në Maqedoni, duke theksuar se bashkëpunimi në këtë fushë do të lidhet me luftën kundër rrjeteve kriminale dhe shkëmbimin e informacionit të inteligjencës./REL/

Continue Reading

Lajmet

Presidentja Osmani nis vizitën në Zvicër, pritet nga presidentja zvicerane

Published

on

By

Presidentja e Republikës së Kosovës, Vjosa Osmani, është pritur sot nga Presidentja e Konfederatës Zvicerane, Karin Keller-Sutter, në Lohn Manor – rezidenca zyrtare e Këshillit Federal të Zvicrës.

Kjo pritje u zhvillua në kuadër të vizitës shtetërore që Presidentja Osmani po realizon këto ditë në Zvicër.

Në takim me Presidenten Osmani janë edhe kryetari i Drenasit, Ramiz Lladrovci, kryetari i Obiliqit, Xhafer Gashi dhe Qemajl Aliu, kryetari i Komunës së Shtimes.

Pas takimit bilateral, Presidentja Osmani do të pritet me nderime ushtarake në Sheshin Federal në Bernë. Më pas, të dyja presidentet do të japin deklarata për media nga Ndërtesa e Parlamentit/Këshilli Federal.

Vizita do të vazhdojë me një konferencë të përbashkët për media të dy lidereve, ku pritet të diskutohen marrëdhëniet dypalëshe, bashkëpunimi ndërkombëtar dhe roli i diasporës kosovare në Zvicër.

Gjatë qëndrimit në Zvicër, Presidentja Osmani do të zhvillojë gjithashtu një takim me mërgatën shqiptare në qytetin e Gjenevës.

Continue Reading

Të kërkuara