Bota

Turqia liron gazetarët e arrestuar në protestat për Imamoglun

Published

on

Një gjykatë turke ka liruar të enjten gazetarin e Agence France-Presse (AFP), Yasin Akgul, dhe gjashtë gazetarë të tjerë, të cilët ishin arrestuar këtë javë teksa mbulonin protestat masive që shpërthyen pas burgosjes së kryebashkiakut të Stambollit, Ekrem Imamoglu.

Imamoglu, rival i presidentit turk Recep Tayyip Erdogan, u arrestua nën akuzat për korrupsion, një veprim që ka shkaktuar protesta antiqeveritare të mëdha në Turqi. Ky arrestim ka qenë një moment kulmor i tensioneve politike në vend, duke çuar në demonstratat më të mëdha kundër qeverisë turke në më shumë se një dekadë.

Të martën, një gjykatë kishte vendosur paraburgimin për shtatë gazetarë, përfshirë Akgul, nën akuzat për pjesëmarrje në marshime të paligjshme dhe për “refuzimin për t’u shpërndarë pavarësisht paralajmërimit gjatë një demonstrate”. Ky vendim kishte shkaktuar shqetësime për lirinë e shtypit dhe shprehte përkeqësimin e klimës politike në vend.

Presidenti Erdogan ka cilësuar protestat si një “shou” dhe ka paralajmëruar për pasoja ligjore për ata që marrin pjesë. Nga ana tjetër, opozita kryesore CHP (Partia Popullore Republikane) ka bërë thirrje për vazhdimin e protestave derisa Imamoglu të lirohet nga burgu.

Rasti kundër Imamoglu, i cili është një nga politikanët më të njohur dhe të fuqishëm të opozitës dhe që kryeson disa sondazhe përpara Erdogan, është parë nga shumë si një manovër politike për të eleminuar një kërcënim të mundshëm për pushtetin e presidentit. Opozita, shumë shtete perëndimore dhe grupet ndërkombëtare të të drejtave të njeriut kanë ngritur dyshime për drejtësinë e procesit ligjor ndaj Imamoglu dhe e kanë cilësuar si një veprim politik për të mbajtur nën kontroll rivalët e mundshëm.

Megjithatë, qeveria turke ka mohuar çdo ndikim mbi gjyqësorin, duke theksuar se gjykatat janë të pavarura dhe se veprimet ligjore janë të drejta dhe të ligjshme.

Continue Reading

Bota

Bayrou niset t’ia dorëzojë dorëheqjen Macronit

Published

on

By

Kryeministri i rrëzuar i Francës, François Bayrou, raportohet është nisur drejt Pallatit Elysee për t’ia dorëzuar dorëheqjen presidentit Emmanuel Macron.

Ai dështoi të sigurojë votëbesimin në Parlament të hënën, të cilin e kishte kërkuar vetë, pasi propozimet e tij për shkurtime buxhetore ngjallën pakënaqësi të mëdha.

Qeveria e Bayrou u rrëzua me 364 vota kundër dhe 194 pro, duke shkaktuar një tjetër krizë politike në Francë. Tani, presidenti Macron detyrohet për të katërtën herë brenda një viti të emërojë një kryeministër të ri, në një situatë të rënduar nga polarizimi politik dhe mungesa e një shumice të qëndrueshme në Asamblenë Kombëtare./D.B/EO

Continue Reading

Bota

Finlanda: Koncesionet territoriale ndaj Rusisë nuk do të sjellin paqe

Published

on

By

Finlanda hodhi poshtë të martën çdo koncesion territorial ndaj Rusisë si pjesë e një marrëveshjeje diplomatike për Ukrainën dhe paralajmëroi se veprime të tilla nuk do të sjellin paqe, por përkundrazi do të inkurajojnë “agresionin” e mëtejshëm rus në rajon, shkruan Anadolu.

Ministrja finlandeze e Jashtme, Elina Valtonen, tha në një konferencë vjetore të ambasadorëve në Berlin se sulmet ajrore të fundit të Rusisë mbi Ukrainën – më të ashpra që nga fillimi i luftës – tregojnë qartë se Rusia nuk është gati për një armëpushim, e lëre më për negociata.

Nëse gjatë negociatave do të sakrifikoheshin pjesë të territorit ukrainas ose elemente të sovranitetit të saj, nuk do të zgjidhnim problemin thelbësor, por përkundrazi potencialisht do të thellonim agresionin e Rusisë”, paralajmëroi ministrja.

Presidenti rus Putin po zhvillon luftë hibride në të gjithë Evropën – duke ndikuar në zgjedhje, duke ndërprerë sistemet GPS për trafikun ajror, dhe duke vendosur një flotë të errët në rajonin e Detit Baltik. Problemi me Putin nuk mund të zgjidhet në kurriz të Ukrainës”, shtoi ajo.

Valtonen argumentoi se shtetet perëndimore duhet të ruajnë mbështetjen e fortë për Ukrainën, të kufizojnë strategjikisht ambiciet e Rusisë dhe të ngushtojnë opsionet e Moskës duke vendosur sanksione më të rrepta tregtare dhe ekonomike dhe duke aplikuar takse mbi të gjitha eksportet ruse në tregun e brendshëm të BE-së./D.B/KP

Continue Reading

Bota

Bombardimet e sotme në Gaza, vriten 11 persona, 20 rezultojnë të zhdukur

Published

on

By

Të paktën 11 persona janë vrarë dhe mbi 20 rezultojnë të zhdukur pas sulmeve ajrore izraelite në Rripin e Gazës që nga agimi i ditës së sotme.

Sipas Al Jazeera, sulmet kanë shkaktuar shkatërrime të mëdha dhe rritje të shqetësimeve për gjendjen humanitare në rajon./D.B/EO

Continue Reading

Bota

Humbin jetën të paktën 8 persona pasi Treni përplaset me autobusin në Meksikë

Published

on

Të paktën 8 persona kanë vdekur kur një tren u përplas me një autobus pasagjerësh me dy kate në Meksikë duke lënë të plagosur të paktën edhe 45 të tjerë, tha Mbrojtja Civile e Shtetit të Meksikës.

Aksidenti ndodhi në një autostradë në komunën Atlacomulco, sipas autoriteteve shtetërore, shkruan CNN.

Trafiku është i mbyllur në të dyja drejtimet për të lejuar shërbimet e emergjencës të reagojnë.

Shkaku i përplasjes nuk dihet ende./S.K/KP/CNN/

Continue Reading

Të kërkuara