Sport

Tuchel: Jemi të lumtur me rikthimin e Lukakut, është përforcim i madh për ne

Published

on

Romelu Lukaku është në karantinë pas transferimit nga Interi, por trajneri Thomas Tuchel ka siguruar se ai bëri gjithçka për të kërcyer dhe për të marrë shansin e një rikthimi te Chelsea.

Sulmuesi përfundoi transferimin e tij për 115 milionë euro mbrëmë (e enjte), por për shkak të kufizimeve të Covid-19 në udhëtime, ai nuk do të jetë në gjendje të bëjë debutimin e tij këtë fundjavë kundër Crystal Palace.

Gjatë konferencës për shtyp sot, Tuchel po diskutonte pse reprezentuesi belg u kthye në Stamford Bridge pasi fitoi Scudetton në Inter.

“Ne jemi shumë të lumtur që kemi Romelu përsëri në klubin tonë. Ai është një shtesë e madhe për skuadrën. Me shpejtësinë dhe fuqinë e tij, ne mendojmë se ai do të tregojë se është një shtesë e shkëlqyeshme”, ka thënë fillimisht Tuchel.

“Ai ishte shumë i uritur dhe bëri gjithçka për të kërcyer dhe për të shfrytëzuar këtë shans. Ai ishte një lojtar i madh për Interin. Ishte dëshira e tij për të përfunduar historinë e tij në Chelsea”.

28-vjeçari ri-zbuloi formën e tij, besimin, formën dhe prekjen në Inter, sezonin e kaluar duke gjetur rrjetën 30 herë dhe shtuar 10 asistime në 44 paraqitje midis Serie A, Ligës së Kampionëve dhe Kupës së Italisë.

“Ne nuk duam të jemi vetëm një ekip mbrojtës, vetëm një ekip posedimi, vetëm një ekip që luan topa të gjatë. Romelu na jep mundësi për të luajtur mënyra të ndryshme”, përfundoi trajneri i Bluve.

Edhe pse Chelsea fitoi Ligën e Kampionëve, dhe tani edhe Superkupën Evropiane, ata e bënë atë pa një qendërsulmues tipik.

Sport

Deco zbulon arsyen pse Messi nuk u rikthye tek Barcelona pas largimit nga PSG-ja

Published

on

Drejtori sportiv i Barcelonës, Deco, ka shpjeguar pse ishte mirë për të gjithë fakti që Lionel Messi nuk u rikthye tek blaugranasit në vitin 2023. 

Pas largimit të Messit nga Paris Saint-Germaini, argjentinasi ishte lidhur me një rikthim tek Barcelona në verë 2023.

Të dyja palët ishin të etur për një ribashkim, pasi ndanë rrugët në mënyrë emocionale në vitin 2021, por Deco ka thënë se ishte më e mira që Messi nuk u rikthye, pasi presioni tek blaugranasit do të kishte qenë i tepërt.

“Ai mund të ketë dashur të shkojë tek Miami. Pas Parisit, gjëja më e rëndësishme për të ishte ta gjente veten sërish dhe të ishte i lumtur”.  “Ndoshta kjo nuk do të kishte ndodhur tek Barcelona, sepse presioni do të kishte qenë i tepërt”. 

“Mendoj se ishte mirë për të gjithë. Barcelona vazhdoi në rrugëtimin e saj, duke u munduar ta rindërtojë vetveten dhe Messi vazhdoi rrugëtimin e tij, duke shënuar gola dhe duke qenë i lumtur”, ka thënë Deco.

Messi u transferua tek Inter Miami më vonë gjatë atij viti dhe lëvizja doli të ishte e qëlluar.

Ylli argjentinas që u lidh me një rikthim tek Barcelona sërish këtë vit, tani po përgatitet për Kupën e Botës për Klube.

Inter Miami do të ballafaqohet me Al Ahly, Porto dhe Palmeiras në fazën e grupeve të këtij kompeticioni.

Continue Reading

Sport

Sylvinho pritet të bëjë ndryshime në formacion tek Shqipëria sonte

Published

on

Kombëtarja luan sonte në Letoni, në 20:45, sfidën e radhës të eliminatoreve të Kupës së Botës dhe objektivi i vetëm është fitorja.

Nëse dëshirojmë të arrijmë vendin e dytë në grup dhe të shkojmë në “play-off”, nuk mund të ketë hap fals.

Trajneri Sylvinho pritet të bëjë ndryshime në formacion, pas shpenzimit të madh të energjive në duelin ndaj Serbisë, dhe për shkak të pezullimit të kapitenit Berat Gjimshiti. Në portë mbetet Strakosha, ndërsa në qendër të mbrojtjes mund të jetë dyshja Ismajli-Kumbulla, që nuk ishin në fushë ndaj serbëve.

Natyrisht, alternativë është Adrian Bajrami i Benficas, që herën e fundit mbeti në tribunë.

Në krah nuk ka dyshime për Mitajn, tekniku brazilian duhet të mendohet nëse Hysaj do ketë sërish forca, apo më mirë të luajë Balliu. Shehu dhe Asllani mbijetojnë, po ashtu si Broja, ndërsa ka dyshime nëse do të luhet me Hoxhën e Laçin siç ndodhi të shtunën, apo me Muçin e Bajramin.

Në sulm është dilema e fundit, me Manajn jo pak të lodhur, por që duket se pëlqehet nga Silvinjo për shkak të lëvizshmërisë së tij në fushë. Alternativë është padyshim Mirlind Daku që pati pak minuta të shtunën,.

Shqipëria ka 4 pikë në grupin tonë eliminator pas 3 ndeshjeve, me humbje në Angli, fitore në Tiranë kundër Andorrës dhe barazim po në kryeqytet ndaj Serbisë.

 

Continue Reading

Sport

Rashicën e duan në Gjermani

Published

on

Milot Rashica mund të rikthehet në futbollin gjerman. Ylli kosovar kishte luajtur në Bundesligë në të kaluarën, ndërsa më pas pati eksperienca në Angli dhe në Turqi.

Gazetari turk, Safak Malatya raporton se klubet elitare gjermane ia kanë vënë syrin yllit të Besiktasit, interesimin më serioz për përfaqësuesin kosovar e ka shfaqur Borussia Monchengladbachu.

Futbollisti anësor mund të rikthehet kështu në Bundesligë pas katër vjetësh.

Ai ishte transferuar nga Werder Bremeni në Norwich Ciy në vitin 2011, para se ta provonte Superligën turke, fillimisht si huazim në Galatasaray e më pas tek ekipi tjetër nga Stambolli, Besiktas, pjesë e së cilit është edhe sot.

28 vjeçari i ka zhvilluar 41 ndeshje në këtë sezon në të gjitha garat, ndërsa i ka realizuar 5 gola dhe i ka bërë 12 asistime me Bardhezinjtë. Vlera e tij në treg sipas faqes së specializuar për vlerësimin e lojtarëve Transfermarkt, është 7,5 milionë euro.

Sulmuesi i krahut ka kontratë me Besiktasin deri në vitin 2027, por palët mund të ndahen në këtë verë nëse në adresë të vushtrriasit arrin një ofertë e kënaqshme.

Continue Reading

Lajmet

Kosova synon një tjetër fitore, përballë Komoreve në “Fadil Vokrri”

Published

on

By

Pas një paraqitjeje mbresëlënëse ndaj Armenisë, Kombëtarja e Kosovës rikthehet sot në fushë për testin e dytë miqësor të muajit qershor.

Dardanët do të përballen me përfaqësuesen e Komoreve në stadiumin “Fadil Vokrri” në Prishtinë, me fillim nga ora 19:00.

Pas fitores bindëse 5-2 ndaj Armenisë tri ditë më parë, ekipi i drejtuar nga trajneri Franco Foda synon të konfirmojë formën e mirë dhe të vazhdojë me rezultatet pozitive në prag të ndeshjeve zyrtare që e presin në muajt në vijim.

Përballja e sotme pritet t’i shërbejë trajnerit austriak për të testuar kombinime të reja dhe për të forcuar më tej identitetin e lojës së ekipit.

Continue Reading

Të kërkuara