Sport
Trupi i Maradonës do të zhvarroset katër vite pas vdekjes!
Trupi i legjendës argjentinase Diego Armando Maradona do të zhvendoset pothuajse katër vjet pas vdekjes së tij, në një veprim që ka shkaktuar një valë emocionesh ndër fansat dhe adhuruesit e futbollit.
Sipas informacionit të publikuar, Maradona do të zhvarroset dhe do të transferohet në një memorial të ri publik në Buenos Aires. Ky vend do të shërbejë si një vend përkujtimor për të nderuar trashëgiminë e një nga futbollistëve më të mëdhenj të të gjitha kohërave.
Diego Maradona, i njohur për aftësitë e tij të jashtëzakonshme në fushën e lojës, ndërroi jetë në vitin 2020 pas një ataku në zemër, vetëm dy javë pasi kishte dalë nga spitali ku kishte kryer një operacion për një gjakderdhje në tru. Ai ishte 60 vjeç dhe është nderuar si një nga figurat më të rëndësishme të futbollit të shekullit të 20.
Pas vdekjes së tij, trupi i Maradonës u varros në varrezat Jardin Bella Vista në kryeqytetin argjentinas. Që nga viti 2021, fëmijët e tij kanë punuar për të krijuar një mauzole të dedikuar, dhe tani ky proces ka marrë një tjetër drejtim.
Sipas gazetës spanjolle Relevo, një gjykatës i Buenos Airesit ka miratuar këtë veprim më 1 tetor, duke lejuar që trupi i Maradonës të transferohet në një memorial të përhershëm në lagjen Puerto Madero të kryeqytetit. Fëmijët e tij kanë shprehur dëshirën që ky vend të shndërrohet në një “vend pushimi të përjetshëm” ku admiruesit e tij mund të vizitojnë dhe nderojnë figurën e tij.
Memoriali, i cili do të quhet Memorial del Diez ose Memorial M10, do të nderojë fanellën e tij të famshme me numrin 10, simbol i suksesit dhe arritjeve të tij në futboll. Pas vdekjes së Maradonës, mijëra fansa u grumbulluan në rrugët e Argjentinës dhe Italisë për të nderuar kujtimin e tij, duke dëshmuar se ai vazhdon të jetë një ikonë për miliona njerëz në mbarë botën./UBTNews/
Granit Xhaka po tregon përse është një nga mesfushorët më të rëndësishëm në futbollin europian. Sipas statistikave të fundit nga “Bundesliga Match Facts”, mesfushori shqiptar nga Kosova, i cili luan për Bayer Leverkusen, kryeson Bundesligën për performancën më të lartë në pasime.
Me 1966 pasime të suksesshme, Xhaka arrin një performancë pasimi prej 67.0, duke lënë pas rivalët e tij kryesorë, Angelo Stiller të Stuttgart dhe Joshua Kimmich të Bayern Munich. Ky sukses është një tjetër tregues i aftësive të jashtëzakonshme të Xhakës në fushë, dhe vjen në një sezon të shkëlqyer për Leverkusen, që po lufton për titullin në Bundesligë dhe ka shfaqur një stil loje dominues nën drejtimin e trajnerit Xabi Alonso.
Roli i Xhakës në këtë ekip është kyç, duke qenë dirigjenti i mesfushës dhe një faktor vendimtar në ndërtimin e aksioneve sulmuese të skuadrës. Performanca e tij ka qenë thelbësore për sukseset e Leverkusen këtë sezon dhe e pozicionon atë si një nga lojtarët më të shquar në Bundesliga.
Do të hapet sot xhiro e 27 e Superligës së Kosovës në futboll dhe do të zhvillohen dy ndeshjet mjaftë interesante.
Padyshim se vëmendja kryesore do të jetë në stadiumin “Liman Gegaj” në Malishevë, aty ku do të përballen Malisheva dhe Prishtina.
Ky ballafaqim sa rëndësi të madhe pasi që këto dy skuadra janë në luftë direkte për pozitën e tretë që siguron pjesëmarrjen në garat evropiane në sezonin e ardhshëm.
Aktualisht, Malisheva është e renditur në vendin e tretë me 41 pikë, kurse Prishtina e katërta me 35 sosh. Ndeshja do të zhvillohet me fillim nga ora 15:00.
Ndeshja tjetër e cila zhvillohet në të njëjtën kohë është ajo ndërmjet Feronikelit 74’ dhe Dritës. Derista Drita tashmë është një hap larg titullit kampion si liderë me 57 pikë, Feronikeli po lufton për ta shmangur largimin nga Superliga, edhe pse duke mjaftë mision i pamundur pasi ka vetëm 14 pikë në vendin e fundit.
Një ngjarje e pazakontë ka ndodhur në Kongresin e UEFA-s që po mbahet në Beograd, ku përfaqësuesi i Federatës së Futbollit të Kosovës (FFK), Agim Ademi, u fotografua me flamurin e Kosovës, duke shkaktuar një reagim të menjëhershëm nga Federata Serbe të Futbollit. Si pasojë e kësaj fotoje, federata serbe ndërmori hapa të menjëhershëm për të larguar çdo simbol që përfaqësonte shtetin e Kosovës nga kongresi i UEFA-s.
Pas ngjarjes, Federata Serbe kërkoi falje publike nga serbët, ndërsa hoqi të gjitha simbolet që kishin lidhje me shtetin e Kosovës. Ky veprim nxori në pah tensionet që ekzistojnë mes dy shteteve, duke treguar se Kosova, ndonëse është një anëtare e UEFA-s, po përfaqësohet në këtë kongres vetëm me logon e FFK-së dhe jo me simbolet shtetërore, siç ndodh me shtetet e tjera të pranishme.
Një tjetër element që ka shtuar tensionet ishte vendimi i sekretarit të FFK-së, Marcus Weidner, i cili ka pranuar të ulet në tavolinë pa flamurin e Kosovës, një akt që thekson edhe më tej kompleksitetin e situatës politike dhe sportive që ka lindur pas njohjes ndërkombëtare të Kosovës dhe ndikimeve të këtij procesi në fusha të ndryshme, përfshirë futbollin.
Ky incident thekson edhe një herë vështirësitë me të cilat përballet Kosova në arenën ndërkombëtare, sidomos në fushën e sporteve, dhe rëndësinë e dialogut dhe bashkëpunimit për tejkalimin e tensioneve mes shteteve në rajon.
Putini i detyrohet SHBA-së një përgjigje”, Britania e Franca kritikojnë Rusinë
Trump: Irani dëshiron bisedime të drejtpërdrejta me SHBA-në
Granit Xhaka, ‘Mbreti’ i pasimeve në Bundesligë
SHBA mbyll transmetimin e Radio Evropa e Lirë në Rusi
Komandanti i forcave amerikane në Evropë: Rusët humbën 4000 tanke në Ukrainë
Sekretari i përgjithshëm i NATO-s: Jemi të fokusuar për një Ballkan të qetë e të qëndrueshëm
Ndrek Shkjezi, aktori i karaktereve, bashkëthemelues i Teatrit të Shtetit
Sllovakia miraton vrasjen e 350 arinjve pas sulmit të fundit me pasoja fatale
Stephen Curry fiton duelin me LeBron James, rezultatet në NBA
-
Bota2 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months agoFluturimet e dëbimit kanë filluar, thotë Shtëpia e Bardhë
-
Bota2 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota3 months agoTrump zbulon listën e zezë të Shtëpisë së Bardhë