Lajmet

Trump ‘kërcënon’ me tarifa gjithëpërfshirëse Kinën, Meksikën dhe Kanadanë

Published

1 year ago

on

Presidenti i sapozgjedhur, Donald Trump, ka kërcënuar të vendosë tarifa të reja gjithëpërfshirëse ndaj Kinës, Meksikës dhe Kanadasë që nga dita e tij e parë në zyrë. Trump deklaroi se do të aplikonte një tarifë prej 25% për të gjitha produktet që importohen nga Meksika dhe Kanada, ndërsa për mallrat kineze do të kishte një tarifë shtesë prej 10%. Ai e lidh këtë veprim me luftën ndaj imigracionit të paligjshëm dhe trafikimit të drogës, duke theksuar se tarifat do të qëndronin në fuqi derisa të reduktoheshin nivellet e krimit dhe të trafikut të drogës në SHBA.

Në një postim në rrjetin social “Truth Social”, Trump njoftoi se këto tarifa do të ishin pjesë e një morie veprimesh të tij të para si president, duke përfshirë përpjekjet për të luftuar imigrimin ilegal dhe sjelljen e drogave si Fentanyl. Ai gjithashtu fajësoi Kinën për krizën e drogës në SHBA, duke thënë se tarifat ndaj Kinës do të rriteshin më tej nëse shteti nuk ndalonte dërgesat masive të drogave në SHBA. Në këtë kuadër, Trump bëri thirrje që Kanada dhe Meksika të adresojnë fluksin e emigrantëve dhe problemet që ai lidh me krimin dhe drogat që kalojnë përmes këtyre vendeve.

Ambasada kineze reagoi duke theksuar se një luftë tregtare midis SHBA-së dhe Kinës do të sillte pasoja negative për të dyja palët. Nga ana tjetër, disa ekspertë të ekonomisë dhe analistë tregtarë kanë shprehur dyshime mbi efektivitetin e tarifave të larta, duke theksuar mundësinë e rritjes së çmimeve për konsumatorët amerikanë dhe ndikimin negativ për bizneset. Trump ka përdorur tarifat më herët si mjet negocimi dhe është e paqartë nëse ai do të vijojë me kërcënimet, megjithatë kjo mund të sjellë një zhvillim të ri në politikën tregtare amerikane./Euronews/

Related Topics:
Continue Reading

Lajmet

Nuk ka ndryshim: Çmimi i naftës mbetet i njëjtë.

Published

30 minutes ago

on

April 30, 2026

By

Çmimet e derivateve në Kosovë nuk kanë pësuar lëvizje gjatë 24 orëve të fundit. Sipas tavanit të përcaktuar nga Ministria e Industrisë, Ndërmarrësisë dhe Tregtisë (MINT), vlerat maksimale të shitjes për sot janë: Nafta: 1.68 euro për litër; Benzina: 1.47 euro për litër; Gazi: 0.85 euro për litër

Shtrenjtimi i theksuar i naftës erdhi si pasojë e tensioneve gjeopolitike që nisën më 28 shkurt, pas shpërthimit të konfliktit mes SHBA-së, Izraelit dhe Iranit.

Situata u rëndua veçanërisht me mbylljen e Ngushticës së Hormuzit nga ana e Iranit, një pikë strategjike përmes së cilës qarkullon rreth 20% e furnizimit botëror me naftë.

Continue Reading

Lajmet

Raste të dhunës dhe lëndimeve në disa qytete

Published

34 minutes ago

on

April 30, 2026

By

Sipas raportit të fundit të policisë, gjatë 29 prillit  janë regjistruar disa raste të dhunës fizike dhe lëndimeve trupore në disa qytete të Kosovës, ku disa persona janë arrestuar dhe janë marrë masa nga prokuroria.

Në Prishtinë, në rrugën “Garibaldi”,  janë arrestuar tre të dyshuar meshkuj kosovarë, të cilët pas një mosmarrëveshjeje dyshohet se janë përleshur fizikisht mes vete. Si pasojë, dy prej tyre kanë pësuar lëndime trupore dhe kanë pranuar tretman mjekësor. Me vendim të prokurorit, pas intervistimit, njëri i dyshuar është dërguar në mbajtje, ndërsa dy të tjerët janë liruar në procedurë të rregullt.

Në një rast tjetër në Prishtinë, në rrugën “Agim Hajrizi”, një femër kosovare është sulmuar fizikisht nga një mashkull kosovar pas një mosmarrëveshjeje. I dyshuari, pas intervistimit, me vendim të prokurorit është dërguar në mbajtje.

Ndërkohë, në Prizren, në rrugën “Edit Durham” , janë arrestuar dy meshkuj kosovarë të dyshuar se kanë sulmuar dhe therur me thikë një viktimë mashkull kosovar. Viktima është dërguar për trajtim mjekësor, ndërsa të dyshuarit, pas intervistimit, me vendim të prokurorit janë dërguar në mbajtje.

Continue Reading

Lajmet

Sulm me thikë në Mitrovicë, e dyshuara dërgohet në spitalin psikiatrik

Published

53 minutes ago

on

April 30, 2026

By

Një grua është arrestuar pasditen e së mërkurës në jug të Mitrovicës, pasi dyshohet se ka therë me thikë një burrë.

Viktima është dërguar menjëherë për mjekim, ndërsa e dyshuara, me vendim të prokurorit, është dërguar për trajtim në Klinikën e Psikiatrisë.

Policia po e heton rastin si “lëndim i rëndë trupor”.

Continue Reading

Lajmet

Filharmonia e Kosovës sjell në Prishtinë Kuartetin Harkor të Filharmonisë së Krakovës

Published

1 hour ago

on

April 30, 2026

By

Një mbrëmje e veçantë që vjen në bashkëpunim me Konsullatën e Kosovës në Varshavë, Filharmonia e Kosovës sjell në Prishtinë Kuartetin Harkor të Filharmonisë së Krakovës – një ansambël që mishëron traditën e shkëlqyer polake të muzikës së dhomës dhe finesën e interpretimit evropian.
Më 5 maj 2026, në Hollin e Bibliotekës Kombëtare “Pjetër Bogdani”, katër muzikantë të shquar të Filharmonisë së Krakovës – Joanna Konarzewska, Zuzanna Frankiewicz, Jan Czyżewski dhe Martyna Sołtys do të interpretojnë dy kryevepra të muzikës polake për kuartet harkor: Kuartetin Harkor Nr. 3 të Grażyna Bacewicz dhe Kuartetin Harkor Nr. 2, Op. 42 të Władysław Żeleński.
Në këtë program takohen energjia moderne dhe forca ekspresive e Bacewicz me lirizmin romantik dhe finesën kompozicionale të Żeleński-t, duke krijuar një udhëtim artistik përmes identitetit muzikor polak. Për publikun e Prishtinës, kjo mbrëmje është një mundësi e rrallë për të përjetuar nga afër interpretimin e një ansambli që përfaqëson një prej institucioneve më të rëndësishme muzikore të Evropës Qendrore.
Ky koncert është më shumë se një paraqitje artistike  është një takim kulturash, një dialog përmes tingullit dhe një dëshmi e fuqisë së muzikës për të ndërtuar ura ndërmjet vendeve.

Continue Reading

Të kërkuara