Sport

Tronditi Botën, reagon Eriksen: Dua të kuptoj se çfarë ndodhi

Eriksen: Dua të kuptoj se çfarë ndodhi, do të rikthehem në stërvitje.

Published

5 years ago

June 14, 2021

Betim Gashi

Pasditen e së shtunës bota e sportit, por jo vetëm, mbeti e shokuar pasi mesfushori i Danimarkës humbi ndjenjat në fushën e lojës në ndeshjen me Finlandën në Euro 2020.

Por për fatin e mirë të tij duket se gjithçka ka kaluar dhe ai është përmirësuar ndjeshëm, fal edhe reagimit të duhur dhe në kohë të mjekëve dhe shokëve të ekipit.

Me anë të agjentit të tij, Martin Shots, Eriksen ka reaguar në një intervistë për “La Gazzetta dello Sport”. “Ai ndihej i lumtur sepse pa përreth shumë njerëz që treguan dashuri ndaj tij. Atij i kanë ardhur shumë mesazhe nga e gjithë bota, jo vetëm nga shokët e skuadrës, por edhe nga tifozët”, tha Shots.

Më tej, ai zbulon edhe bisedën që Eriksen pati me shokët e tij të ekipit nga spitali. “Si jeni? E ndjej që jeni më keq se unë. Unë nuk dorëzohem, jam gati për tu stërvitur”.

Një ditë më parë, mjeku që i dha ndihmën e parë reagoi duke konfirmuar se lojtari pësoi një arrest kardiak.

“Eriksen është mirë dhe të gjitha kontrollet e kryera deri tani duken mirë. Por ende nuk ka një shpjegim për atë që ndodhi dhe kjo është një nga arsyet që ai është ende në spital. Ai ishte praktikisht i vdekur. Pësoi arrest kardiak dhe gjithçka më pas ndodhi shumë shpejt. Unë nuk jam një kardiolog dhe nuk mund të hyjë në detaje, duhet të flasim ekspertët e kësaj fushe”, tha mjeku.

Sport

KV Ulpiana triumfon ndaj KV Forcës

Published

4 hours ago

October 14, 2026

UBTNews

KV Ulpiana ka shënuar fitore ndaj KV Forcës në kuadër të Superligës A në volejboll, duke e mbyllur përballjen me rezultat 3:0 në sete.

Volejbollistët e Ulpianës treguan paraqitje të mirë që nga fillimi i takimit, duke fituar setin e parë me rezultat 25:17.

Ulpiana vazhdoi me ritëm pozitiv edhe në pjesën tjetër të ndeshjes, ndërsa seti i tretë rezultoi më i luftuar, duke u mbyllur me rezultat të ngushtë 25:23.

Me këtë triumf, Ulpiana regjistron një fitore të rëndësishme në Superligën A.

D.L

Sport

KV Ulpiana e nis fuqishëm ndeshjen ndaj KV Forcës, fiton setin e parë

Published

5 hours ago

October 14, 2026

UBTNews

KV Ulpiana ka nisur me rezultat pozitiv përballjen ndaj KV Forcës, në kuadër të Superligës A në volejboll.

Volejbollistët e Ulpianës kanë treguar lojë të mirë në setin e parë, duke e mbyllur atë me rezultat 25:17.

Ndeshja është duke vazhduar, ndërsa Ulpiana synon të ruajë epërsinë dhe të sigurojë fitoren.

D.L

Sport

Baton Zabërgja në formacionin më të mirë të javës në Ukrainë

Published

9 hours ago

October 14, 2026

UBTNews

Futbollisti i Përfaqësueses së Kosovës, Baton Zabërgja, është përfshirë në formacionin më të mirë të javës së tetë në Premier Leaguen e Ukrainës.

Përzgjedhja është bërë të mërkurën nga faqja zyrtare e kampionatit ukrainas, pas paraqitjeve të futbollistëve në ndeshjet e fundit.

25-vjeçari nga Vushtrria ishte ndër lojtarët më të dalluar në fitoren 2-1 të Kharkivit ndaj Odesas në udhëtim, duke kontribuar me një gol.

Sulmuesi kosovar po kalon një formë të shkëlqyer këtë edicion, duke u shndërruar në një nga lojtarët më produktivë të skuadrës së tij.

Në nëntë paraqitje në të gjitha garat, Zabërgja ka realizuar shtatë gola dhe ka kontribuar me katër asistime, duke konfirmuar formën e tij të mirë në futbollin ukrainas.

D.L

Sport

Albian Hajdari pëson një tjetër lëndim, jashtë fushës për disa javë

Published

10 hours ago

October 14, 2026

UBTNews

Mbrojtësi i Përfaqësueses së Kosovës, Albian Hajdari, ka pësuar një tjetër lëndim, duke u detyruar të qëndrojë jashtë fushës për disa javë.

Lajmin e ka konfirmuar klubi gjerman Hoffenheim, i cili ka bërë të ditur se futbollisti kosovar është lënduar gjatë stërvitjes së fundit, në pjesën e poshtme të shputës së këmbës.

Përmes një njoftimi zyrtar, Hoffenheimi ka konfirmuar mungesën e Hajdarit në javët e ardhshme, duke i uruar shërim të shpejtë dhe rikthim të suksesshëm në fushë.

Ky është lëndimi i dytë brenda një periudhe të shkurtër për mbrojtësin kosovar, i cili kishte pasur probleme fizike edhe gjatë grumbullimit me Përfaqësuesen e Kosovës muajin e kaluar.

Ende nuk është bërë e ditur data e saktë e rikthimit të tij në fushë.

D.L