

Lajmet
Tri mesazhet kryesore të Palmer dhe Lajçak gjatë vizitës në Kosovë
Published
4 years agoon
By
Betim GashiVizitën në Kosovë të zëvendësndihmës sekretarit të Shtetit amerikan, Matthew Palmer dhe emisarit special të Bashkimit Evropian për dialogun Kosovë-Serbi, Miroslav Lajçak, njohësit e marrëdhënieve ndërkombëtare po e konsiderojnë si sinjal pozitiv të bashkëpunimit transatlantik për arritjen e një marrëveshje finale ndërmjet Kosovës dhe Serbisë. Ata për KosovaPress tregojnë tri mesazhet kryesore të vizitës së Palmer dhe Lajçak.
Profesori i marrëdhënieve ndërkombëtare, Afrim Hoti thotë se mesazhet e diplomatëve ndërkombëtarë janë domosdoshmëria për rinisjen e dialogun, arritja e njohjes reciproke dhe gjetja e një kompromisi ndërmjet negocimit të Kosovës dhe Serbisë.
“Parimisht janë tri mesazhe kryesore, e para është domosdoshmëria që të riniset procesi i bllokuar tash e sa kohë ndërmjet Kosovës dhe Serbisë. Mesazhi i dytë është që ky proces duhet të përmbajë në bërthamën e vet një marrëveshje sepse ajo është e domosdoshme që dy kombet të ecin përpara. Njohja e ndërsjellët që të jetë dritë jeshile dhe të hapë perspektivën për dy vendet. E treta se SHBA dhe BE nuk kanë ndonjë mrekulli në kuptimin e prezantimin të ndonjë zgjidhje, apo çfarëdo zgjidhje apo kompromisi do të jetë si rezultat i negocimit nga palët”, tha Hoti.
Ardhjen e përbashkët në Kosovë të Palmer dhe Lajçak, Violeta Haxholli nga KDI po e sheh si përçim i mesazhit të bashkëpunimit mes BE-së dhe SHBA-së para rifillimit të dialogut dhe takimit ndërmjet kryeministrit Albin Kurti dhe presidentit serb Aleksandar Vuçiq.
“Vizita e Lajçak dhe Palmer, siç treguan edhe vet ata ka ndodhur para këtij takimi, në mënyrë që edhe ata të përçojnë mesazhet e tyre ndaj palës kosovare dhe të shohin cili është qëndrimi i tyre sa i përket dialogut. Arsye pse ata erdhën së bashku tregon që SHBA mbështesin rolin e BE si lehtësues për dialogun mes Kosovës dhe Serbisë, pasi në këtë rast BE është lehtësuesja e procesit dhe SHBA mbështetëse, siç ka ndodhur nga fillimi i dialogut Kosovë-Serbi. Por me një përfshirje më aktive të BE-së në këtë fazën përfundimtare, e që qëllimi është arritja e një marrëveshje finale ligjërisht obliguese ndërmjet Kosovës dhe Serbisë”, tha Haxholli.
Përkundër deklaratave se ky vit mund të jetë pozitiv për dialogun Kosovë-Serbi dhe përgjithësi Ballkanin Perëndimor, Haxholli nga KDI thotë për KosovaPress se një gjë e tillë është e vështirë, pasi pala serbe nuk po lëviz nga pozicioni i saj.
“Deri tani kemi parë që kjo dëshirë e lehtësuesve të dialogut nuk është realizuar. Kjo për arsye se arritja e një marrëveshje ndërmjet Kosovës dhe Serbisë varet nga vullneti i Kosovës dhe Serbisë, dhe sa Kosova dhe Serbia janë të gatshme që ta arrijnë këtë marrëveshje që do të përmbyllte konfliktin ndërmjet dy vendeve. Fakti që është një marrëveshje finale flet për seriozitetin e kësaj marrëveshje, e cila është më ndryshe se tjerat. Më vështirë e arritshme. Kjo do të thotë se në fund të saj Serbia duhet ta pranojë realitetin që ka ndodhur në Kosovë, shpalljen e pavarësisë dhe në këtë rast pala serbe e ka më të vështirë të lëvizë nga pozicioni i saj se nuk heq dorë nga Kosova e kështu me radhë. Prandaj arritja e kësaj marrëveshje është mjaft e vështirë sepse flitet për një përmbyllje dhe rregullim të të marrëdhënieve ndërmjet Kosovës dhe Serbisë si dy shtetet të ndara”, tha Haxholli.
Gjatë vizitës dyditore në Kosovë, Palmer dhe Lajçak takuan krerët institucionalë në vend. Për dallim nga përfaqësuesi i BE-së për dialogun, zëvendës ndihmës sekretari i Shtetit amerikan, Matthew Palmer takoi edhe partitë opozitare. Derisa sot, në përmbyllje të qëndrimit në Kosovë mbajtën një konferencë për medie

Edhe produktet e qumështit mund të ngrihen, dhe kryesisht të mos e ndryshojnë teksturën dhe shijen. Zbuloni se cilat janë truket për ngrirje të duhur të produkteve të qumështit.
Në këtë mënyrë do ta zgjasni afatin e qumështit, djathit dhe produkteve të tjera, por disa prej tyre nuk ka kuptim të ngrihen, sepse pas shkrirjes nuk do ta kenë të njëjtën shije.
Truket që funksionojnë:
Ai reagon mjaft mirë ndaj ngrirjes. Atë mund ta “paketoni” në shishe plastike dhe ta vendosni në ngrirës.
E shkrini në frigorifer. Nëse e keni ngrirë qumështin e papërpunuar të pavluar, më së miri është ta vendosni (të shkrirë) në një tigan në shporet (në temperaturë mesatare) dhe të lihet të vlojë. (Bëni kujdes, qumështi është “mashtrues”, – ai mund të vlojë shpejt).
Mos e pini qumështin derisa të shkrihet, yndyrat dhe pjesa e lëngshme nuk shkrihen në të njëjtën kohë, po të shkrihej qumështi do mbetej vetëm një përzierje e bardhë e holluar me ujë. Vetëm lëreni të shkrihet ngadalë dhe përzieni para se ta përdorni. Ai do ta ketë të njëjtën shije sikurse kur e keni blerë.
Djathërat
Edhe djathërat mund t’i ngrini lehtë, bëni kujdes me shkrirjen. Në qoftë se përdorni djathë të fortë e doni ta përdorni në ushqimin ku duhet të shkrihet, vetëm vendoseni të ngrirë, në salca dhe supa. Atë mund ta imtësoni edhe të ngrirë mbi pica a ndonjë ushqim tjetër dhe vetëm e lini në furrë për disa minuta.
Nuk do duhej ta shkrini në frigorifer, sidomos djathërat e forta, se fillojnë të shpërbëhen, nëse e shkrini në temperaturë dhome, e vendosni në frigorifer për një orë ose dy para se ta përdorni. Ai do të jetë pothuajse i njëjtë si kur e keni blerë. Djathërat tjerë do t’i shkrini në frigorifer, si djathi i dhisë, krem djathi.
Ato mund t’i konsumoni pa ndonjë përgatitje të veçantë kur të shkrihen. Djathi i shtëpisë reagon në mënyrë të ngjashme me qumështin. Duhet ta keni parasysh që shtrihet kur ngrihet, bëni kujdes në çfarë do ta vendosni kur ta vendosni në frigorifer, opsioni më i mirë janë enët plastike.
Lëreni atë të shkrihet në frigorifer.
Gjalpi
Nuk ka asgjë më të thjeshtë. Vetëm vendoseni në ngrirës, dhe më pas nxirreni të shkrihet në frigorifer apo vetëm përdoreni një pjesë (sikurse në gjendje të shkrirë), dhe pjesën tjetër kthejeni në frigorifer. (Nëse gjalpi është në ulje çmimi, blijeni në sasi më të madhe dhe ngrijeni).
Ajka
Për këtë produkt të qumështit nuk rekomandohet ngrirja. Kur e shkrini në frigorifer mund ta hani pa ndonjë rrezik, por ajo do të jetë e shpërbërë dhe krejtësisht ndryshe. Më së miri është që ngrirjen e ajkës ta anashkaloni dhe atë ta përdorni të freskët.
Lajmet
Kurti dhe Rizvanolli vizituan banesat sociale në Hajvali në të cilat po investohet për efiçiencë të energjisë
Published
3 hours agoon
April 22, 2025By
UBTnews
Kryeministri në detyrë i Republikës së Kosovës, Albin Kurti, së bashku me ministren në detyrë të Ekonomisë, Artane Rizvanolli dhe me Drejtorin Menaxhues të Fondit të Kosovës për Efiçiencë të Energjisë, Driton Hetemi, vizituan dy ndërtesa shumë-banesore sociale në Hajvali, në të cilat po investohet për efiçiencë të energjisë.
Këto ndërtesa, që janë ndërtuar në vitin 2017, janë vendbanim për mbi 500 banorë apo 100 familje. Në njërin bllok banojnë 50 familje të veteranëve të luftës së Ushtrisë Çlirimtare të Kosovës, kurse në bllokun tjetër banojnë 50 familje të skemës së asistencës sociale. Për vite me radhë, ato kanë pasur mure të pa izoluara, dritare të dobëta dhe mungesë të ngrohjes adekuate. Me investimet që po bëhen tani, përmes masave të efiçiencës së energjisë, krahas kushteve më të shëndetshme për të gjithë banorët, ato familje do të kenë fatura më të ulëta dhe ngrohje/ftohje më efikase. Në kuadër të kësaj mase, krahas termoizolimit në objekte, secila njësi banesore po ashtu do të pajisjet me nga një klimë efiçiente.
Gjatë vizitës, kryeministri Kurti u njoftua me mbarëvajtjen e punimeve, hapësirat e përbashkëta të banorëve që jetojnë aty dhe me rezultatet e punës së deritanishme, ku sipas auditimit të fundit të energjisë kursimet në konsum të energjisë në këto dy ndërtesa janë rreth 40%. Gjatë vizitës u theksua se në disa prej ndërtesave publike, spitale e shkolla, të cilat janë izoluar në kuadër të investimeve për efiçiencë të energjisë, kursimi i energjisë ka arritur deri në 90%.
Këto rinovime po bëhen nga Fondi i Kosovёs pёr Efiçiencё tё Energjisё me mbështetje nga Qeveria e Republikës së Kosovës, përmes grantit nga Bashkimi Evropian (me 90%) dhe pjesëmarrje të Komunës së Prishtinës (me 10%). Në gjithë vendin, janë gjithsej 25 ndërtesa të tilla që janë duke u rinovuar, në të cilat banojnë mbi 750 familje.
Me masat për efiçiencë të energjisë, deri më tani kemi mbështetur mbi 3,000 familje për izolimin e shtëpive të tyre, mbi 40,000 familje kanë përfituar pajisje për ngrohje dhe panele solare për prodhim të energjisë për vetëkonsum, dhe kemi rinovuar 125 ndërtesa publike, kryesisht shkolla dhe spitale.
Lajmet
Nesër konferenca e parë pas paraqitjes së provave nga ZPS-ja në rastin e ish-krerëve të UÇK-së
Published
4 hours agoon
April 22, 2025By
UBTnews
Në Dhomat e Specializuara të Kosovës (DhSK) në Hagë, të mërkurën më 23 prill pritet të mbahet konferenca e parë për ecurinë e çështjes pasi që Zyra e Prokurorit të Specializuar (ZPS) ka përfunduar paraqitjen e provave në rastin ndaj Hashim Thaçit, Kadri Veselit, Rexhep Selimit dhe Jakup Krasniqit.
Në këtë konferencë, pritet të diskutohet për hapat procedural pas përfundimit të paraqitjes së provave nga ZPS, pasi edhe mbrojtja ka njoftuar se do të bëjë kërkesë për rrëzimin e një ose më shumë akuzave në aktakuzë, raporton “Betimi për Drejtësi“.
Ndryshe, sipas Rregullores së procedurave dhe provës, në varësi të vendimit për këto mocione, mbrojtësi i viktimave do të ketë mundësinë që t’i paraqes provat e veta, të cilën të drejtë ka paralajmëruar se do ta shfrytëzojë.
Po ashtu, edhe mbrojtja e të akuzuarve ka thënë se planifikojnë që të thërrasin dëshmitarët e tyre, por për siguri do presin vendimin lidhur me mocionet për rrëzimin e akuzave.
Ndërkohë, më 15 prill 2025, Prokuroria ka njoftuar se ka përfunduar paraqitjen e provave në këtë rast.
Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.
Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.
Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.
Lajmet
Albulena Haxhiu shkon në Institut të Mjekësisë, thotë se po renovohet për herë të parë që nga 2005
Published
4 hours agoon
April 22, 2025By
UBTnews
Ministrja në detyrë e Drejtësisë, Albulena Haxhiu, ka shpërndarë fotografi nga objekti i Institutit të Mjekësisë Ligjore, i cili është në renovim.
Ajo ka thënë se renovimi është në vlerë prej rreth 1 milion euro.
“Sot nga afër përcjellëm punimet e renovimit të objektit të Institutit të Mjekësisë Ligjore. Për herë të parë që nga viti 2005 po bëhen renovimet në objektin e Institutit të Mjekësisë Ligjore, në vlerë prej rreth 1 milion euro. Shpreh mirënjohjen time për secilin që ka kontribuar në jetësimin e këtij projekti madhor dhe aq të rëndësishëm. Renovimi po realizohet në përputhje të plotë me standardet më të larta profesionale dhe teknike, me qëllim të krijimit të kushteve moderne për punë, si dhe ofrimin e shërbimeve më cilësore në fushën e mjekësisë ligjore.”

Në UBT shënohet Dita e Tokës: Prof. Dr. Balaj flet për rëndësinë e kësaj dite

Pse nuk është e sigurt të vozisni me goma dimri gjatë verës

Rubio: Administrata Trump po riorganizon DASH-in

Zëvendëspresidenti i SHBA-ve: Trump synon ribalancimin e tregtisë globale

Kosova U16 fiton ndaj Andorrës

Hailey Bieber flet hapur për problemin e saj shëndetësor

Si të ngrini produktet e qumështit pa humbur shijen?

OKB: Gaza në prag të kolapsit pas 50 ditësh bllokadë të Izraelit

Kurti dhe Rizvanolli vizituan banesat sociale në Hajvali në të cilat po investohet për efiçiencë të energjisë
Të kërkuara
-
Bota3 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Fluturimet e dëbimit kanë filluar, thotë Shtëpia e Bardhë
-
Bota3 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT