Sport

Trepça dhe Bashkimi synojnë fitore të reja në FIBA Europe Cup

Published

on

Skuadrat kosovare të basketbollit, Trepça dhe Bashkimi, vazhdojnë garat në FIBA Europe Cup, ku të dyja mbeten në garë për kualifikim në fazën e ardhshme të kompeticionit evropian.

Kampionia e Kosovës, Trepça, ka rikthyer formën pozitive pas dy fitoreve të rëndësishme, fillimisht ndaj Splitit në Kroaci më 14 tetor dhe më pas ndaj Opavas çeke me rezultat 89:80, në palestrën “Minatori”, më 21 tetor.

Pas tri xhirove, skuadra mitrovicase renditet në pozitën e tretë të Grupit A me pesë pikë, aq sa ka edhe Patrasi grek në vendin e dytë. Ndërkohë, Trieri gjerman kryeson grupin me gjashtë pikë, pas tri fitoreve radhazi.

Ndeshjen e ardhshme, Trepça do ta zhvillojë të mërkurën nga ora 17:00 në Tbilisi, ku do të përballet me Batumin e Gjeorgjisë.

Një fitore eventuale do t’i rriste ndjeshëm gjasat e “xehetarëve” për avancim në fazën tjetër, ku kualifikohen dy skuadrat e para të grupit pas përfundimit të dhjetë xhirove.

Trepça po kalon një periudhë pozitive edhe në kampionatin vendor, ku ka regjistruar tri fitore radhazi. Përballja në Gjeorgji pritet të shënojë edhe debutimin e përforcimit të ri, JP Tokoto.

Në anën tjetër, Bashkimi i Prizrenit do të luajë para tifozëve të vet, duke pritur skuadrën franceze Elan Chalon në palestrën “Sezai Surroi”, të mërkurën nga ora 19:00.

Skuadra prizrenase ka regjistruar një fitore ndaj Valmieras së Letonisë dhe një humbje nga Kalevi estonez, ndërsa ndeshja ndaj Manchesterit është shtyrë për shkak të problemeve me viza.

Grupi F mbetet mjaft konkurrues, me Korfezin turk, Kalevin dhe Elan Chalonin që kanë nga dy fitore dhe një humbje.

Bashkimi vjen në këtë përballje pas një fitoreje të vështirë ndaj Pejës në Superligën e Kosovës dhe synon të vazhdojë me rezultate pozitive edhe në arenën ndërkombëtare.

Të dyja skuadrat kosovare do të kërkojnë rezultate pozitive në ndeshjet e radhës, me synimin për të siguruar një vend në fazën tjetër të FIBA Europe Cup.

D.L

Continue Reading

Lajmet

Sfida vendimtare në Dublin: Kosova kërkon fitoren ndaj Irlandës për plejofin e Ligës A

Published

on

By

Kombëtarja e Kosovës luan sonte nga ora 20:45 në Dublin ndeshjen vendimtare të xhiros së fundit të Grupit B3 të Ligës së Kombeve përballë Irlandës, sfidë kjo që përcakton vendin e dytë në grup dhe përfaqësuesen e fundit që do të zërë vend në vazon e dytë për shortin e kualifikimeve të Kampionatit Evropian “Euro 2028”, i cili tërhiqet në muajin dhjetor.

Për “Dardanët”, të cilët e fituan duelin e parë në Prishtinë me rezultat 1-0 më 24 shtator, mjafton edhe një barazim për të siguruar vendin e dytë në grup, çka u garanton automatikisht pjesëmarrjen në plejofin për inkuadrim në Ligën A të Ligës së Kombeve, si dhe pozicionimin në vazon e dytë të shortit evropian. Nga ana tjetër, Irlandës i duhet patjetër fitorja për të shmangur rënien në vazon e tretë. Vlen të ceket se në këtë fazë të plejofit do të paraqitet edhe Serbia, por përballjet mes saj dhe Kosovës nuk lejohen nga UEFA.

Pavarësisht se barazimi i kryen punë Kosovës, përzgjedhësi Franco Foda ka bërë të qartë në konferencën për shtyp të mbajtur të hënën se skuadra e tij nuk do të futet në fushë me llogari, por për të kërkuar fitoren.

“Presim të jetë ndeshje ndryshe nga ajo që ishte në Prishtinë. Jemi të vetëdijshëm që Irlanda është kombëtare shumë e fortë dhe këtë e ka treguar në ndeshjet e kaluara, sidomos kundër Austrisë në shtëpi ku morën avantazhin prej 2-0. Megjithatë, ne jemi këtu për të marrë rezultat pozitiv dhe do të tentojmë të marrim fitore”, deklaroi Foda.

Tekniku gjerman e refuzoi idenë se ndeshja do të jetë e lehtë, duke shtuar se qasja ofensive që pritet nga irlandezët mund t’i krijojë hapësira Kosovës. “Nuk mund të futesh në ndeshje për të kërkuar barazimin, në fushë duhet të futesh për të fituar. Presim që Irlanda të luajë lojë më ofensive dhe kjo do të nënkuptonte që ne do të kemi më shumë hapësira, të cilat shpresoj t’i shfrytëzojmë nëpërmjet kundërsulmeve”, përfundoi Foda. /E.A/

Continue Reading

Lajmet

Gjermania shkëlqen ndaj Holandës, Brajan Gruda protagonist me gol dhe dy asistime

Published

on

By

Kombëtarja e Gjermanisë e ka mbyllur fazën e grupeve në vendin e parë, pasi shënoi një fitore bindëse me rezultat 5-0 ndaj Holandës, në një përballje ku spikati futbollisti shqiptar Brajan Gruda, me një gol të shënuar dhe dy asistime.

Gjermanët e dominuan takimin dhe zhbllokuan rezultatin në minutën e 41-të përmes Derry Scherhant, i cili shënoi pas asistimit të Joshua Kimmich. Në pjesën e dytë, “Pancerat” thelluan ndjeshëm epërsinë, duke nisur me golin e Florian Wirtz në minutën e 60-të për 2-0.

Pesë minuta më vonë, Nico Schlotterbeck realizoi golin e tretë pas një asistimi nga goditja e lirë të Brajan Grudës. Mesfushori ofensiv ishte protagonist edhe në minutën e 71-të, duke asistuar sërish për Florian Wirtz që shënoi golin e katërt. Paraqitjen e tij fantastike Gruda e vulosi në minutën e 77-të, kur realizoi golin e pestë dhe përfundimtar pas një topi të kthyer brenda zonës.

Në takimin tjetër të këtij grupi, Greqia mposhti Serbinë me rezultat minimal 1-0, falë golit të Georgios Masouras në minutën e 69-të, pas asistimit të Vangelis Pavlidis.

Pas mbylljes së ndeshjeve, Gjermania, Holanda dhe Greqia e përfundojnë grupin me nga 11 pikë secila, por falë golaverazhit superior, Gjermania renditet në krye të tabelës, ndërsa Serbia mbetet e fundit me zero pikë. /E.A/

Continue Reading

Sport

Talentet e diasporës zgjedhin fanellën e kosovës

Published

on

By

Përfaqësuesja U17 e Kosovës po vazhdon rrugëtimin në kualifikimet për Kampionatin Evropian U17, me ndeshjet që po zhvillohen në Kroaci.

Një prej elementeve më pozitive të kësaj gjenerate është numri i madh i talenteve shqiptare nga diaspora, të cilët po i përgjigjen ftesës së Kosovës nga vende të ndryshme evropiane, si Zvicra, Gjermania dhe shtete të tjera.

Në mesin e tyre është edhe Erdon Zeqiri, i lindur në vitin 2010, i cili është pjesë e klubit gjerman HFC Halle (Hallescher FC) dhe aktivizohet në futbollin gjerman.

Zeqiri përfaqëson një tjetër shembull të talenteve të reja shqiptare që po zgjedhin ta përfaqësojnë Kosovën në arenën ndërkombëtare.

Prania e futbollistëve të rinj nga diaspora dëshmon se Kosova ka një potencial të madh për të ardhmen, ndërsa ftesat e përfaqësueses po shërbejnë si një mundësi që këta talentë të zhvillohen dhe të kontribuojnë me fanellën dardane.

Talenti i ri është një nga pasuritë më të mëdha të futbollit kosovar, ndërsa diaspora vazhdon të jetë një burim i rëndësishëm për gjeneratat e ardhshme të përfaqësueses.

D.L

Continue Reading

Sport

Kosova u21 pëson humbje nga luksemburgu

Published

on

By

Kombëtarja e Kosovës U21 është mposhtur me rezultat 2:0 nga Luksemburgu U21, në ndeshjen miqësore ndërkombëtare të zhvilluar sot.

Dardanët e rinj nuk arritën të marrin rezultat pozitiv në këtë përballje, duke e mbyllur ndeshjen pa gola të shënuar.

Golat për skuadrën mysafire i realizuan Mick Kirsch në minutën e 6-të dhe shqiptari Flavjo Hoxha në minutën e 65-të, i cili përfaqëson grupmoshat e reja të Luksemburgut.

Kosova pati mundësinë të barazonte në minutën e 25-të përmes Eliot Bujupit, por goli i tij u anulua për pozitë jashtë loje.

Ndeshja u zhvillua në stadiumin “Fadil Vokrri” në Prishtinë.
D.L

Continue Reading

Të kërkuara