Lajmet nga UBT

Transfero studimet në programin Shkenca Kompjuterike dhe Inxhinieri në UBT

Kurrikula siguron qasje të qartë, e cila ka për qëllim orientimin e studentëve në lëndët që bëjnë pjesë në procesin arsimor, ku përveç bazave të shkencës kompjuterike dhe inxhinierisë, ajo është e orientuar drejt analizës dhe ngritjes të sistemit, duke përfshirë kështu një dimension të orientimit të procesit që synon të inkurajojë angazhimin e studentëve në projekte.

Publikuar

Programi i studimeve Shkenca Kompjuterike dhe Inxhinieri në UBT ka për qëllim të ofrojë një shkencë kompjuterike dhe kurrikula inxhinierike për t’i mundësuar të diplomuarve të veprojnë dhe të punojnë në sektorë të ndryshëm.

Kurrikula siguron qasje të qartë, e cila ka për qëllim orientimin e studentëve në lëndët që bëjnë pjesë në procesin arsimor, ku përveç bazave të shkencës kompjuterike dhe inxhinierisë, ajo është e orientuar drejt analizës dhe ngritjes të sistemit, duke përfshirë kështu një dimension të orientimit të procesit që synon të inkurajojë angazhimin e studentëve në projekte.

Studentët do të njihen më parimet themelore dhe njohuritë teknike të shkencës kompjuterike dhe inxhinierisë, do të jenë në gjendje të kuptojnë shkencën kompjuterike të zakonshme, temat dhe parimet e inxhinierimit, aplikimin e tyre në çështjet praktike, si dhe do të dinë të vlerësojnë bashkëveprimin mes teorisë dhe praktikës, lidhjeve të tyre thelbësore dhe mënyrën se si ato ndikojnë njëri-tjetrin.

Ndër të tjera, studentët do të kuptojnë çështjet sociale, ligjore dhe etike të qenësishme në fushën e shkencave kompjuterike dhe inxhinierisë, të jenë në gjendje të punojnë në grupe dhe të mirë menaxhojnë zhvillimin, kohën dhe përparësitë që ato u mundëson informatika të bashkëveprojnë me shumë fusha të ndryshme.

Lajmet nga UBT

Po vazhdojnë sesionet informuese për maturantë në kuadër të Programit Përgatitor të Maturës 2024

Publikuar

nga

UBT është duke vazhduar me Programin Përgatitor të Maturës 2024. Mijëra maturantë të shkollave të mesme në mbarë vendin, këtë vit po përgatiten t’i nënshtrohen testit shtetëror të maturës.

Nën organizimin e UBT-së, janë duke vazhduar sesionet informuese për maturantët e shumtë, që janë duke shprehur interesim të madh për programet e UBT-së, si institucion lider i arsimit të lartë.

Maturantët ndër të tjera, janë duke u informuar me shërbimet e Qendrës së Karrierës, teksa dekanët e Fakulteteve që janë në UBT, po prezantojnë programet unike të studimit që janë në UBT.

Programi Përgatitor i Maturës 2024 është pa pagesë dhe është duke u organizuar në lëndët: Gjuhë Shqipe, Matematikë, Gjuhë Angleze, Biologji, Fizikë, Kimi, TIK, Matematikë II, Ekonomi dhe Mjekësi.

Vazhdo të lexosh

Lajmet nga UBT

Delegacioni i UBT-së po merr pjesë në takimet dhe punëtoritë për IoT-ECO në Universitetin e Patras në Greqi

Publikuar

nga

Një delegacion i përbërë nga profesorë dhe studentë të UBT-së, po marrin pjesë në takimet dhe punëtoritë për IoT-ECO në Universitetin e Patras në Greqi.

Në kuadër të këtyre punëtorive, me mbi 54 profesionistë të huaj, Rektori i UBT-së, Prof. Dr. Edmond Hajrizi ka prezantuar rreth temës: “Implementation of the IoT hub and Digital Tëins at the UBT smart and self-sustainable city”.

Prezantimi i Rektorit Hajrizi ka vënë në pah zhvillimet e Qytetit të Mençur dhe të Qëndrueshëm të UBT-së, duke përdorur teknologjinë IoT dhe modele digjitale të dyfishta për të monitoruar dhe menaxhuar burimet në mënyrë më efikase.

Përveç Rektorit, edhe Dekani i Shkencave Kompjuterike dhe Inxhinierisë në UBT, Besnik Qehaja, ka prezantuar në këto punëtori, duke sjellë kontributet dhe arritjet e fakultetit në fushën e teknologjisë dhe inxhinierisë. Prezantimet e tjera janë mbajtur nga Elita Hajrizi, Elton Boshnjaku, Saranda Dreshaj, Betim Gashi, Lavdim Menxhiqi, Blerim Zylfiu, Behar Haxhiismaili, Naim Llumnica dhe Milot Morina, të cilët kanë ndarë eksperiencat dhe projektet e tyre në zhvillimin dhe implementimin e zgjidhjeve IoT.

Këto punëtori dhe takime jo vetëm që kanë lehtësuar shkëmbimin e njohurive dhe përvojave midis profesionistëve të fushës, por gjithashtu kanë hapur rrugën për bashkëpunime të reja ndërkombëtare në fushën e teknologjisë së avancuar dhe inovacionit.

Vazhdo të lexosh

Lajmet

UBT i bën Kosovës një dhuratë të veçantë në Ditën e Çlirimit: Rangohet në mesin e më të mirëve në Times Higher Education Impact Ranking

Publikuar

nga

Times Higher Education ka publikuar sot rangimin e vitit 2024 të universiteteve në kategorinë Impact Ranking. Në këtë rangim ndërkombëtar i cili matë dhe vlerëson punën dhe angazhimin e universiteteve në raport me zhvillimin e qëndrueshëm në përgjithësi dhe në raport me adresimin e Objektivave të Zhvillimit të Qëndrueshëm të OKB-së në veçanti, UBT është ranguar në mesin e 300-400 universiteteve me impaktin më të madh në një sërë kategorish.

Në këtë mënyrë, UBT është ranguar në mesin e Top 300-400 universiteteve në botë në SDG 1 – Luftimi i Varfërisë; SDG 2 – Politikat Kundër Urisë; SDG 6 – Në politikat për ujë të pastër dhe trajtim të ujërave të zeza, ndërsa është ranguar në mesin e Top 400-600 universiteteve me impaktin më të madh në SDG 9 – Fushën e Inovacionit Industrial dhe Infrastrukturës, e po ashtu edhe në mesin e 400-600 universiteteve me impaktin më të madh në SDG 11 – Për Qytete dhe Komunitete të Qëndrueshme.

Në secilën kategori tjetër të adresimit të SDG-ve, UBT është ranguar në mesin e top universiteteve botërore, duke dëshmuar kështu rëndësinë që u jep përmbushjes së objektivave globale për zhvillim të qëndrueshëm.

Ky rangim i radhës i UBT-së përveç që vazhdon ta avancojë emrin e Republikës së Kosovës në instancat më prestigjioze të rangimeve ndërkombëtare, ai njëkohësisht dëshmon përkushtimin dhe konsistencën e institucionit në krijimin e një ambienti të qëndrueshëm shkencor, ekonomik, mjedisor, infrastrukturor dhe inovativ duke adresuar dhe promovuar të gjitha dimensionet dhe fushat e zhvillimit të qëndrueshëm të gjithmbarshëm.

Vazhdo të lexosh

Lajmet nga UBT

UBT uron 12 Qershorin – Ditën e Çlirimit të Kosovës

Publikuar

nga

Në 25-vjetorin e Ditës së Çlirimit të Kosovës, Presidenti i UBT-së, Prof. Dr. Edmond Hajrizi ka uruar qytetarët, duke e përkujtuar flijimin dhe sakrificën e shqiptarëve për liri dhe demokraci, si dhe ndihmën e Shteteve të Bashkuara të Amerikës, NATO-s dhe shumë shteteve evropiane, të cilat e kanë treguar miqësinë e vërtetë në ditët më të vështira për popullin tonë.

“Më 12 Qershor, ne shënojmë një ditë të rëndësishme dhe historike për popullin tonë – Ditën e Çlirimit të Kosovës. Në këtë ditë, dua të shpreh urimin tim më të ngrohtë për të gjithë ju, që së bashku e kemi kaluar rrugën e vështirë drejt lirisë dhe pavarësisë sonë. Në këtë ditë të shënuar, le të përqafojmë bashkërisht dëshirën tonë të përbashkët për përparim, zhvillim dhe prosperitet të vendit tonë”, ka thënë Presidenti Hajrizi.

Ai ka theksuar se UBT është përkushtuar të ofrojë edukim dhe të formësojë brezat e rinj, të cilët do të jenë liderët e të ardhmes në Kosovë.

Vazhdo të lexosh

Të kërkuara