Shëndeti

Trajtimet natyrale për të tonifikuar trupin tuaj pasi të keni rënë në peshë

Duhet të përdorni proteinat e duhura.

Published

on

Humbja e peshës së tepërt është një proces i mundimshëm, por edhe i kënaqshëm në të njëjtën kohë.

Kjo për shkak se ul rriskun e prekjes nga një sërë sëmundjesh dhe ju ndihmon të ndiheni më mirë.

Gjithsesi njerëzit që kanë ulje të mëdha në peshë përballen me një tjetër problem që është ai i lëkurës së varur. Kjo mund të ndikojë në pamjen tuaj dhe mund të kthehet në një shqetësim të përditshëm.

Çfarë e shkakton varjen e lëkurës?      

Siç thuhet shpesh lëkura është organi më i madh i trupit që e mbron atë nga kërcënimet e jashtëme.

Lëkura juaj përbëhet më së shumti nga proteina si kolagjeni apo elastina. Në këtë përzierje ai që merr peshën më të madhe është kolagjeni që mbulon 80% të lëkurës duke i dhënë asaj rini.

Ndërsa elastina e ndihmon lëkurën tuaj të qëndrojë gjithnjë e tonifikuar.

Gjatë shtimit në peshë lëkura zgjerohet për t’i bërë vend dhjamit që shtohet në trup. Kjo mund të ndodhi gjatë shtatzanisë apo shtimit të madh në peshë nga faktorë të ndryshëm.

Kur lëkura zgjerohet për kohë të gjata ajo fillon të përshatet me trupin e ri e për pasojë kolagjeni dhe elastina dëmtohen.

Duke humbur kështu vetitë e tyre rinuese dhe tonifikuese që i dhurojnë lëkurës. Kjo mund të kthehet në problem kur një person humb kile të medha menjëherë.

Pasi nëse dy proteinat kyresore të lëkurës janë të dëmtuara ajo nuk do të mund të kthehet përsëri në vend, por do të qëndrojë e varur.

Faktorët që ndikojnë elasticitetin e lëkurës

Në mënyrën se si trupi arrin të përshtatet apo elasticizohet ndikojnë shumë faktorë që i gjeni të renditur më poshtë.

Periudha kohore

Ndër to rendisim periudhën kohore që trupi ka qënë mbi peshë pasi sa më e gjatë të jetë ajo aq më shumë e ndikon lëkurën.

Pesha

Pesha sigurisht është faktori kryesor në këtë proces.

Personat që janë mbi peshë dhe humbin më shumë se 30 kg do të kenë më shumë probleme me lëkurën edhe pas dobësimit.

Mosha

Lëkura arrin të prodhojë kolagjen deri në një moshë të caktuar, deri në të 25-at.

Kështu që lëkurat më të vjetra që prodhojnë më pak kolagjen kanë tendencë të varen më shpejt.

Gjenetika

Gjenet janë një faktor që mund të ndikojë në mënyrën se si fitoni peshë dhe e humbni atë.

Shfaqja në diell

Ekspozimi i vazhdueshëm dhe i pambrojtur në diell ka treguar se ul sasinë e prodhimit të kolagjenit dhe elastinës.

Metoda natyrale për të tonifikuar lëkurën

Këto metoda ntyrale do të rrisin nivelin e elastinës dhe kolagjenit dhe ndihmojnë tonifikimin e trupit tek njerëzit që kanë humbur më pak se 30 kg.

Më poshtë do të gjeni një listë me ushqime që ndihmojnë trupin të tonifikohet lehtë dhe shëndetëshëm.

Proteina

Proteinat e duhura janë shumë të rëndësishme për një lëkurë të shëndetëshme.

Ndër ushqimet më të pasura me proteina përfshihen:

Vezët

Bajamet

Gjoksi i pulës

Kosi

Brokoli

Djathi

Vitamina C

Vitamina C është një burim shumë i mirë për prodhimin e kolagjenit, gjithashtu ndihmon edhe në mbrojtjen nga dielli.

Ushqimet kur do të gjeni shumë vitamin C janë:

Kivi

Luleshtrydhe

Specat djegës

Portokalli

Lulelakra

Domatet

Specat jeshil

Lakra

Yndyrnat Omega 3

Studime të shumta tregojnë se yndyrnat e omega 3, sidomos ato që ndodhen tek peshku ndihmojnë në rritjen e kolagjenit.

Ushqimet më të pasura me omega- 3 janë:

Sardelet

Vezët

Arrat

Farat e kungullit

Salmoni

Gjithashtu uji është një nga mënyart më të mira për të trajtuar sa më butë lëkurën tuaj.

Aktiviteti fizik

Në rastet e varjes së lëkurës sugjerohet të bëni shumë ushtrime fizike rezistence.

Sa më shumë të lëvizni aq më shumë lëkura juaj do t’i përgjigjet pozitivisht kësaj ndërhyrje./AgroWeb.org

Shëndeti

Metabolizëm i ngadaltë, si t’i dalloni simptomat

Published

on

Metabolizmi, është një sërë procesesh në trup që shndërrojnë ushqimin dhe pijet në energji dhe i lejojnë trupit të funksionojë normalisht.

Është thelbësor për shumë funksione, duke përfshirë tretjen, frymëmarrjen, qarkullimin e gjakut dhe rregullimin e temperaturës së trupit.

Gjenetika, gjendjet shëndetësore dhe stili i jetesës ndikojnë në shkallën metabolike, dhe një metabolizëm i ngadaltë tregon se trupi nuk po djeg mjaftueshëm kalori, gjë që mund të çojë në dëshira për ushqim, lëkurë të thatë, lodhje dhe luhatje të humorit.

Funksionimi i saktë na lejon të funksionojmë në aktivitetet e jetës, duhet t’i kushtoni vëmendje shenjave që tregojnë se metabolizmi ngadalësohet.

Shenjat e një metabolizmi të ngadaltë:

Je vazhdimisht i lodhur – Lodhja pa një shpjegim tregon metabolizëm të ngadaltë. Kur metabolizmi është më i ngadaltë, trupi e shndërron ushqimin në energji në mënyrë pak efikase, duke rezultuar në nivele të ulëta të energjisë. Kjo mund t’ju bëjë të ndiheni të rraskapitur ose të lodheni më lehtë gjithë ditën.

Keni lëkurë të thatë – Edhe pse lëkura e thatë ose pa jetë është e zakonshme, shfaqja e saj tregon metabolizëm të ngadaltë. Hormonet tiroide, që rregullojnë shkallën metabolike, luajnë rol kyç në mbajtjen e lëkurës të hidratuar. Kur ka çekuilibër në funksionin e tyre, metabolizmi ngadalësohet.

Ju shtoni në peshë lehtë

Nëse vazhdoni të shtoni në peshë pavarësisht një diete të ekuilibruar dhe ushtrimeve, kjo mund të jetë për shkak se metabolizmi është i ngadaltë. Një metabolizëm më i ngadaltë e bën më të vështirë që ta shndërrojë ushqimin në energji shpejt, gjë që zvogëlon djegien e kalorive.

Ke ftohtë

Ndjenja e të ftohtit, edhe kur temperatura nuk ka rënë, mund të tregojë një çrregullim metabolik. Proceset metabolike janë përgjegjëse për gjenerimin e nxehtësisë së trupit, dhe një temperaturë më e ulët shoqërohet me një metabolizëm më të ngadaltë. Njerëzit me tiroide joaktive ose obezitet kanë temperaturë më të ulët të trupit pikërisht për shkak të një metabolizmi më të ngadaltë. Një çekuilibër hormonal mund ta pengojë trupin të prodhojë nxehtësi siç duhet.

Keni dëshirë për ushqim

Dëshirat intensive për ushqime të caktuara, veçanërisht me përmbajtje të lartë sheqeri, mund të lidhen me metabolizëm të ngadalësuar. Dëshirat për ushqim lidhen me shëndetin metabolik, me dietë të pabalancuar, zakone të këqija të të ngrënit dhe një përbërje të pafavorshme të trupit. Këto dëshira janë shenjë se metabolizmi nuk arrin ta përpunojë ushqimin në energji e lëndë ushqyese të nevojshme, duke e shtyrë trupin të kërkojë konsum shtesë të ushqimit.

Ke luhatje humori

Ndërsa ndryshimet e rastit të humorit janë normale, ndryshimet e shpeshta mund të tregojnë një metabolizëm të ngadaltë. Nivelet e ulëta të energjisë dhe çekuilibrat hormonalë që shoqërojnë një metabolizëm të ngadaltë mund të çojnë në ndjenja nervozizmi dhe frustrimi.

Keni probleme me tretjen

Shkalla metabolike dhe proceset e tretjes janë të lidhura ngushtë, tretja e zbërthen ushqimin, metabolizmi e shndërron atë në energji. Ndryshimet në metabolizëm, ngadalësimi i tij, ndikon në sistemin tretës. Një metabolizëm pak aktiv shkakton probleme me tretjen, të tilla si kapsllëk, fryrje ose diarre.

Çfarë ndiko në ngadalësimin e metabolizmit?

Gjenetika luan rol të rëndësishëm, pasi disa njerëz trashëgojnë një metabolizëm më të shpejtë, ndërsa të tjerët kanë një më të ngadaltë. Me moshën, metabolizmi ngadalësohet natyrshëm, veçanërisht pas moshës 60 vjeç për shkak të ndryshimeve në qelizat e trupit dhe një rënieje të masës muskulore.

Gjinia ndikon në shkallën metabolike, pasi gratë kanë tendencë të kenë më shumë yndyrë trupore dhe më pak masë muskulore sesa burrat. Ushqyerja është thelbësore, pasi një dietë me pak kalori ose e pashëndetshme mund të ngadalësojë metabolizmin, ndërsa mungesa e lëndëve ushqyese çon në një ngadalësim.

Një stil jetese sedentar, mungesa e gjumit e stresi kronik ndikon negativisht në metabolizëm duke zvogëluar djegien e kalorive dhe duke prishur ekuilibrin hormonal. Gjendjet shëndetësore si diabeti dhe hipotiroidizmi ngadalësojnë metabolizmin, ndërsa ekspozimi ndaj toksinave dhe kimikateve në mjedis mund të ketë pasoja negative, duke përfshirë rritjen e rrezikut të obezitetit.

Continue Reading

Shëndeti

Ky është ushqimi që i bën mirë zemrës, trurit dhe lëkurës

Published

on

E njohur si një nga frutat më të shëndetshme në botë, avokado po fiton më shumë popullaritet edhe në tryezat shqiptare, falë përfitimeve të shumta që ofron për shëndetin.

E pasur me yndyra të shëndetshme, fibra, vitamina dhe antioksidantë, avokado është klasifikuar nga specialistët e ushqyerjes si një “superushqim”.

Konsumimi ndikon në përmirësimin e funksioneve kardiovaskulare, mbështet funksionin e trurit, ndihmon në mirëmbajtjen e lëkurës së shëndetshme.

Avokado përmban acid oleik, një yndyrë e njëjtë me atë që gjendet në vajin e ullirit që ndihmon në uljen e kolesterolit të keq dhe rritjen e atij të mirë.

Njerëzit që përfshijnë avokadon në dietë kanë më pak rrezik për sëmundje të zemrës. Përmbajtja e lartë e folatit e vitaminës K në avokado mbështet funksionin e trurit, përmirëson kujtesën dhe ndihmon në parandalimin e sëmundjeve neurodegjenerative si Alzheimeri.

Lëkurë e shëndetshme dhe e hidratuar

Yndyrat natyrale dhe vitamina E që përmban avokado ndihmojnë në ushqimin e lëkurës dhe luftimin e plakjes së parakohshme. Maskat natyrale me avokado janë gjithashtu shumë të përdorura për hidratimin e fytyrës dhe trajtimin e irritimeve.

Ndihmon në tretje dhe kontroll të peshës

Me rreth 10 gramë fibra për çdo avokado, ky frut mbështet tretjen e shëndetshme e ndihmon në ndjesinë e ngopjes për më gjatë, duke qenë zgjedhje ideale për ata që kërkojnë të menaxhojnë peshën trupore.

Kur avokado konsumohet me ushqime të tjera, ndihmon trupin të përthithë më mirë vitaminat që treten në yndyrë, si vitaminat A, D, E dhe K.

Përfshiri në dieta të balancuara ushqimore, theksojnë se avokado është opsion i shëndetshëm për mëngjes, sallata a ushqime të lehta gjatë ditës.

 

Continue Reading

Shëndeti

Stresi vret më shumë se sheqeri, si ta dalloni në trupin tuaj?

Published

on

Në një botë që lëviz me ritme gjithnjë e më të shpejta, stresi është bërë një nga “vrasësit e padukshëm” më të rrezikshëm për shëndetin.

E dimë që sheqeri i tepërt çon në sëmundje si diabeti apo obeziteti, studimet tregojnë se stresi kronik ka pasoja edhe më të rënda – dhe shpesh më të fshehta.

Si ndikon stresi në trupin tuaj?

Kur përjetoni stres, trupi lëshon hormone si kortizoli dhe adrenalina, që në afatshkurtër ju ndihmojnë të përballoni situatat e vështira. Nëse stresi zgjat me javë apo muaj, këto hormone fillojnë të dëmtojnë trupin në mënyrë të heshtur:

Rritje e tensionit të gjakut

Dobësim i sistemit imunitar

Çrregullime të gjumit

Rritje e rrezikut për sëmundje të zemrës

Çrregullime hormonale dhe tretjeje

Shenjat që tregojnë se stresi po dëmton shëndetin tuaj:

Lodhje kronike, edhe pas gjumit

Dhimbje koke të shpeshta apo tension në qafë/shpatulla

Probleme me tretjen – fryrje, dhimbje stomaku, kapsllëk

Rënie flokësh apo lëkurë e thatë

Rritje e oreksit për ushqime të ëmbla ose të shpejta

Mungesë përqendrimi dhe harresë

Rrahje të zemrës të çrregullta apo ankth të pashpjegueshëm

Rënia e dëshirës seksuale

Çfarë mund të bëni për ta menaxhuar stresin?

Aktivitet fizik i rregullt – edhe ecja e përditshme ul nivelin e kortizolit

Meditim, frymëmarrje e thellë ose joga

Gjumi i mirë – prioritizoni 7–8 orë gjumë cilësor

Kufizoni kafeinën, sheqerin dhe alkoolin

Flisni me dikë – mos i mbani ndjenjat brenda

Pushime të shkurtra pa ekran gjatë ditës

Sheqeri ndikon në trup përmes ushqimit që konsumoni. Por stresi ju ndikon përmes gjithçkaje që mendoni, përjetoni dhe përballoni çdo ditë.

Mos e nënvlerësoni. Kujdesuni për mendjen si për trupin – sepse, shpesh, është ajo që sëmuret e para.

Continue Reading

Shëndeti

Uji i ftohtë në kyçet e dorës për freskim të menjëhershëm

Published

on

Ajo që ndodh në organizëm si pasojë e temperaturave të nxehta është e rrezikshme. Të gjitha sistemet e krijuara për tu përshtatur me nxehtësinë stërmundohen.

Ekspozimi afatgjatë në temperatura të nxehta ndikon menjëherë në aftësinë e trupit për të djersirë, djersitja ka rol të rëndësishëm në freskinë e trupit dhe kur ajo bllokohet njeriu mund të pësojë një goditje të fortë. Truri bëhet më i nxehtë dhe njeriu bëhet konfuz dhe humb vetëdijen.

Kontraktimet e muskujve, përtharja e skuqja e lëkurës janë sinjale që tregojnë se duhet të futeni në ambient të kondicionuar. Njerëzit më të brishtë dhe më të ndjeshëm ndaj nxehtësisë janë ata obezë, fëmijët, të moshuarit  dhe njerëzit që marrin medikamente të caktuara.

Si të freskoheni duke mbajtur kyçet nën ujë?

Mbajtja e kyçeve nën ujë është një qasje e mirë dhe e përqendruar për uljen e nxehtësisë së trupitm, kur të ndieni që vapa po ju vë për fund, hapni rubinetin e vendosni kyçet e dorës nën ujin e rrjedhshëm. Secili prej kyçeve duhet të qëndrojë nën rrjedhën e ujit për të paktën 30 sekonda.

Një mënyrë e tillë ulë temperaturën e gjakut në zonën e duarve e krahëve, gjaku qarkullon në trup duke e mbajtur të freskët për një orë. Hidratimi i domosdoshëm gjatë gjithë ditës. Ekspertët thonë se njeriu duhet të tregohet i kujdesshëm në hidratimin e vazhdueshëm gjatë gjithë ditës.

Pini ujë vazhdimisht dhe hani shumë fruta. Kësisoj do të ndihmoni trupin të rregullojë vetë temperaturën e tij e të përballet me më lehtësi me vapën.

Continue Reading

Të kërkuara