Sport

Trajneri i Real Madridit mund të dënohet për mashtrim tatimor nga shteti spanjoll

Sipas raportimeve në Spanjë thuhet se trajneri italian nuk ka paguar taksën e nevojshme gjatë periudhës së tij të parë.

Published

2 years ago

on

Carlo Ancelotti mund të dënohet me mbi 4 vjet burgim pasi po akuzohet për mashtrim tatimor gjatë periudhës së tij të parë në krye të Realit të Madridit.

Sipas raportimeve në Spanjë thuhet se trajneri italian nuk ka paguar taksën e nevojshme gjatë periudhës së tij të parë (2013-2015) në drejtimin e klubit madrilen.

Ancelotti në atë kohë u regjistrua si rezident në Spanjë me një adresë në Madrid, por pretendohet se ai regjistroi vetëm deklarata tatimore për pagën e tij nga ‘Los Blancos’, duke lënë jashtë të ardhura të tjera që lidhen me shfrytëzimin e të drejtave të imazhit të tij e që vinin nga kompani të tjera.

Sipas prokurorëve, në vitin 2013, ai nënshkroi një kontratë me Vapia Limited, një kompani në Virgin Islands, për të shitur të drejtat e imazhit tij të për dhjetë vjet me një shifër prej rreth 25 milionë euro. Më vonë, kontrata me këtë kompani u ndryshua për të zvogëluar kohëzgjatjen totale në tre vjet, me një çmim prej 1 milion euro.

Më 4 korrik 2013, ai nënshkroi kontratën e tij me Real Madridin, e cila përfshinte dhënien e 50% të të drejtave të imazhit të tij te klubi spanjoll, ku 50% i mbetur menaxhohej nga një kompani e paidentifikuar atë kohë e cila figuronte në emër të Ancelottit. Më vonë u zbulua se ishte “Vapia LLP”, e regjistruar në Londër, megjithëse Real Madrid nuk u informua deri në vitin 2014.

Prokurorët argumentojnë se Ancelotti përdori “Vapia LLP” për t’u dukur si pronar i të drejtave të tij të imazhit, edhe pse ato në të vërtetë i përkisnin Vapia Limited, në mënyrë që të shmangte pagimin e taksave për këto të ardhura në Spanjë./UBTNews/

Related Topics:
Continue Reading

Lajmet

Chelsea synon Panichelli që po shkëlqen në Ligue 1

Published

15 hours ago

on

October 30, 2025

By

Me nëntë gola në dhjetë ndeshje në Ligue 1, Joaquin Panichelli ka tërhequr vëmendjen e klubeve më të mëdha evropiane.

Sulmuesi argjentinas, 23 vjeç, është duke shkëlqyer te RC Strasbourg, duke përfshirë së fundmi edhe një performancë të jashtëzakonshme kundër PSG.

Chelsea FC po punon për ta sjellë Panichellin në Londër në afatin e verës. Raportet e klubit londinez me Strasbourg mund ta bëjë transferimin më të lehtë./S.K/EO/

Continue Reading

Lajmet

Ylli i Barcelonës do të mungojë në 10 ndeshje

Published

15 hours ago

on

October 30, 2025

By

Pedri Gonzalez do të jetë jashtë fushave të blerta për më shumë se një muaj, pasi që problemet me lëndime po vazhdojnë te gjiganti katalunas.

Pas Lewandowskit, Raphinas, Olmos, Joan Garcias, Christensenit, Gavit, Ter Stegenit, edhe mesfushori spanjoll edhe Gonzalez do të mungojë për të paktën 10 ndeshje.

Sipas gazetarit sportiv italian dhe njëherësh ekspertit të transfereve, Fabrizio Romano, Pedri do të mungojë ndaj ekipeve: Elche, Club Brugge, Celta Vigo, Athletic Club, Chelsea, Alaves, Atletico Madrid, Real Betis, Frankfurt dhe Osasuna.

Lajmi pozitiv për trajnerin Hansi Flick ishte rikthimi në ushtrime i sulmuesit Robert Lewandowski këtë javë dhe mund të ketë minuta loje për polakun në ndeshjen ndaj Elches këtë fundjavë./S.K/KP/

Continue Reading

Lajmet

​Leao në dyshim për derbin me Romën

Published

16 hours ago

on

October 30, 2025

By

Milani ka shqetësime për gjendjen fizike të Rafael Leaos para ndeshjes vendimtare të fundjavës kundër Romës. Sulmuesi portugez u largua nga fusha në pjesën e parë të barazimit 1-1 ndaj Atalantës dhe iu nënshtrua kontrolleve mjekësore.

Sipas “Gazzetta dello Sport”, testet nuk zbuluan dëmtim serioz, por lojtari po vuan nga një inflamacion në vijë, çka e vë në dyshim për ndeshjen e së dielës.

Leao, 26 vjeç, ka qenë titullar në tre ndeshjet e fundit të Milanit në Serie A, duke shënuar tre gola, pas një periudhe mungese për shkak të dëmtimit në pulpë.

Nëse nuk do të jetë gati, trajneri mund të aktivizojë Christopher Nkunku ose Ruben Loftus-Cheek, pasi Christian Pulisic dhe Santiago Gimenez pritet të mungojnë.

Ndërkohë, Ardon Jashari dhe Pervis Estupinan janë rikthyer në stërvitje me grupin, ndërsa Pulisic dhe Adrien Rabiot synojnë të jenë gati për ndeshjen ndaj Parmës më 8 nëntor./S.K/KP/

Continue Reading

Lajmet

Fitore të mëdha për Llapin dhe Drenicën në xhiron e 11-të të Superligës

Published

21 hours ago

on

October 30, 2025

By

Xhiroja e 11-të e Superligës së Kosovës solli duele tejet interesante, ku Llapi dhe Drenica regjistruan fitore të mëdha ndaj rivalëve të tyre, duke ndikuar drejtpërdrejt në ecurinë e tabelës.

Llapi e ndali serinë pozitive të Prishtinës, duke e mposhtur me rezultat 2:1. Skuadra e Tahir Batatinës shfaqi lojë të vendosur, duke marrë epërsinë në pjesën e parë me golin e Edon Sadriut, ndërsa Axel Gnap shënoi golin e dytë në pjesën e dytë për të vulosur fitoren.
Për Prishtinën, goli i vetëm u realizua nga Leotrim Kryeziu, që megjithatë nuk mjaftoi për të shmangur humbjen.

Ndërsa Drenica arriti një fitore të madhe me përmbysje 3:1 ndaj kampiones aktuale, Dritës. Ronaldo Chacon u bë hero i takimit me dy gola, ndërsa fitoren e kompletoi Kreshnik Uka. Nga ana tjetër, goli i Albert Dabiqajt mbeti vetëm statistikë, teksa Drenica ndërpreu një seri negative, duke ia ndalur njëkohësisht edhe ecurinë pozitive Dritës.

Në një tjetër përballje, Ferizaj triumfoi bindshëm ndaj Prishtinës së Re me rezultat 3:0. Golat u shënuan nga Sadriu, Berisha dhe Selmani, duke i dhënë skuadrës tri pikë të vlefshme në garën për mbijetesë./UBTNews

Continue Reading

Të kërkuara