Sport

Trajneri i Bodo Glimt, Knutsen: Do të jetë ndeshje e vështirë kundër Prishtinës

Published

5 years ago

on

Trajneri i Bodo Glimt, Kjetil Knutsen ka folur për faqen zyrtare të klubit për ndeshjen që do ta zhvilloj kundër Prishtinës në kuadër të raundit të tretë në Konference League.

Knutsen pret ndeshje të vështirë kundër Prishtinës, e vlerëson lartë edhe Superligën e Kosovës dhe paraqitjen e mirë të Dritës kundër Feyenoord.

“Mezi presim ndeshjen. Ne arrijmë në nxehtësinë ekstreme dhe një audiencë fantastike që bën shumë zhurmë”, thotë Kjetil Knutsen, dhe ndoshta lë të kuptohet për një përvojë të ngjashme në kryeqytetin polak në fillim të kësaj vere”.

“Por këtë herë është kryeqyteti i Kosovës që duhet vizituar. Temperatura është po aq e lartë, por shpresojmë se është më e ajrosur në arenën e Prishtinës sesa në stadiumin e Legia Varshavës, i cili është një stadium më intim”.

“Ne do takojmë një ekip të mirë. Një ekip që mund të thuash është disi i ngjashëm me Legia. Ne mendojmë se ata mund të luajnë me formacionin 3-4-3, edhe pse kanë ndryshuar shumë në ekip, zbulon Knutsen i cili pranon se stafi i trajnerit ka kaluar kohë duke analizuar kundërshtarët e së enjtes”.

“Analiza tregon se nuk do të ketë “shëtitje në park” për të Verdhët, përkundër faktit se liga kosovare është ndër ligat më të ulta të klasifikuara në Evropë”.

Knutsen e vlerësoi lartë Superligën e Kosovës, duke e përmendur edhe paraqitjen e mirë që e kishte Drita kundër Feyenoord.

“Është një ekip i mirë Prishtina. Ekipi që përfundoi i dyti në ligë atje, Drita, humbi ngushtë nga Feyenoord në raundin e mëparshëm. Skuadrat më të mira janë pak të nënvlerësuara. Takojmë një kundërshtar të mirë i cili në ofensivë ka shumë lojtarë të mirë, mbrohet mirë herë pas here. Duhet të jemi të durueshëm dhe të shfrytëzojmë mundësitë kur të vijnë, në një lojë të vështirë jashtë”.

Ndeshja në mes të Prishtinës dhe Bodo/Glimt zhvillohet të enjten mbrëma në stadiumin “Fadil Vokrri”./klankosova

Related Topics:
Continue Reading

Lajmet

Përzgjedhësi i Izraelit, Ben Shimon: Kosova ka ekip të mirë, jemi në nivel të përafërt

Published

23 hours ago

on

November 13, 2026

By

Përzgjedhësi i Kombëtares së Izraelit, Ran Ben Shimon, ka vlerësuar lart përfaqësuesen e Kosovës në konferencën për media para përballjes së nesërme ndërmjet dy kombëtareve, duke deklaruar se të dyja ekipet kanë nivel të përafërt.

Tekniku izraelit e cilësoi Kosovën si një kundërshtar cilësor, ndërsa shtoi se bilanci i takimeve të kaluara nuk do të luajë rol përcaktues në këtë sfidë.

“Mendoj që Kosova dhe Izraeli pak a shumë e kanë nivelin e njëjtë. Mund të them që të dyja janë ekipe relativisht të vogla. Sa i përket rezultateve të së kaluarës, nuk bazohemi te historia. Kosova me të vërtetë ka një ekip të mirë, por do të shohim se çfarë do të ndodhë”, tha Ben Shimon.

Ndeshja ndërmjet Kosovës dhe Izraelit zhvillohet nesër, ku të dyja përfaqësueset synojnë rezultat pozitiv. Deri më tani, nga tri përballjet e ndërsjella, Kosova ka arritur të shënojë një fitore. /E.A/

Continue Reading

Sport

Anglia triumfon ndaj Kroacisë dhe mban hapin me Spanjën

Published

1 day ago

on

November 13, 2026

By

Anglia ka regjistruar një fitore të rëndësishme me rezultat 2-1 kundër Kroacisë, në një ndeshje të mbushur me emocione dhe ndërhyrje të sistemit VAR.

Anglezët kaluan të parët në epërsi në minutën e 24-të me anë të Morgan Rogers.

Kroacia u kundërpërgjigj në pjesën e dytë, duke barazuar shifrat në 1-1 në minutën e 59-të përmes Petar Sucic.

Megjithatë, Anglia fitoi një penallti pas rishikimit me VAR, të cilën kapiteni Harry Kane e shndërroi në gol në minutën e 64-t për 2-1. Në fund, anglezëve iu anulua edhe një gol i James Garner për pozicion jashtë loje.

Pas kësaj fitoreje, Anglia renditet në vendin e dytë të Grupit 3 me 12 pikë, duke ndjekur nga afër lideren Spanja. /E.A/

Continue Reading

Lajmet

Spanja mposht Çekinë dhe mbetet e pamposhtur në krye të grupit

Published

1 day ago

on

November 13, 2026

By

Spanja ka vazhduar rrugëtimin e shkëlqyer në Ligën e Kombeve, duke shënuar fitore minimale 1-0 ndaj Republikës së Çekisë në kuadër të Grupit 3 të Ligës A.

Kampionia e Evropës kaloi në epërsi në minutën e 39-të përmes Alex Baenës, i cili realizoi një gol të saktë. S

panja rrezikoi sërish me Fabian Ruiz, ndërsa një gol i Yeremy Pinos në fillim të pjesës së dytë u anulua nga VAR-i për pozicion jashtë loje. Çekët e patën edhe më të vështirë nga minuta e 72-të, kur Ladislav Krejci u ndëshkua me karton të kuq pas rishikimit të një ndërhyrjeje në sistemin VAR.

Me këtë triumf, Spanja forcon pozitat në vendin e parë të grupit me 15 pikë të tubuara, pa pësuar asnjë humbje deri më tani. /E.A/

Continue Reading

Lajmet

Italia përmbys Francën 3-1 dhe merr kreun e grupit

Published

1 day ago

on

November 13, 2026

By

Kombëtarja e Italisë ka regjistruar fitoren e tretë radhazi, duke mposhtur Francën me rezultat 3-1 pas një përmbysjeje dhe duke u ngjitur në vendin e parë të grupit me 10 pikë, aq sa kanë edhe “Gjelat”.

Ndeshja nisi më mirë për francezët, të cilët kaluan në epërsi në minutën e 10-të me golin e Michael Olise, i cili përfitoi nga një gabim i portierit Gianluigi Donnarumma. Megjithatë, skuadra e drejtuar nga Roberto Mancini reagoi shpejt dhe barazoi shifrat në minutën e 26-të përmes Francesco Pio Espositos, pas asistimit nga Nicolo Cambiaghi.

Në pjesën e dytë, italianët shpërdoruan një rast të artë për të kaluar në epërsi, pasi Sebastiano Esposito humbi penalltinë në minutën e 60-të. Por vetëm tri minuta më vonë, Davide Frattesi realizoi për 2-1 pas një asistimi të Federico Dimarcos.

Fitoren e Italisë e vulosi sërish Francesco Pio Esposito në minutën e 75-të, duke u treguar i saktë nga pika e bardhë pas një penalltie të shkaktuar nga Dayot Upamecano, për rezultatin përfundimtar 3-1. /E.A/

Continue Reading

Të kërkuara