Lajmet
Tragjedia në Koçan, Mickoski: Vrasje masive! Nuk do kemi mëshirë për përgjegjësit
Kryeministri i Maqedonisë së Veriut, Hristijan Mickoski, ka reaguar ashpër ndaj tragjedisë së rëndë që ndodhi në klubin “Pulse” në Koçan, ku 59 persona ndërruan jetë si pasojë e zjarrit që përfshiu diskotekën.
Mickoski e cilësoi tragjedinë si një “vrasje masive” që u mundësua për shkak të korrupsionit dhe mangësive në kontrollin e institucioneve shtetërore. Në një deklaratë për mediat, Mickoski theksoi se tragjedia ishte rezultat i një sistemi që lejon funksionimin e subjekteve të rrezikshme pa një mbikëqyrje të duhur.
Ai tha se në vitin 2024 janë dhënë gjithsej 12 licenca për kabare, duke nënkuptuar se shumë klube e restorante në vend operojnë në kushte të pasiguruara dhe të paqëndrueshme. “Kemi hasur në të dhëna se janë dhënë gjithsej 12 licenca kabare në vitin 2024. Tani mund ta merrni me mend se sa klube funksionojnë në shtet dhe ne nuk e dimë se cilat janë legjitime,” tha Mickoski, duke shtuar se “është e qartë se askush nuk po bën punën e vet”.
Kryeministri e quajti tragjedinë si dëshmi të korrupsionit të thellë, duke aluduar se përfitimet financiare dhe ryshfeti kanë lejuar që klube dhe lokale të funksionojnë jashtë çdo mbikëqyrjeje të ligjshme. “Ne do të jemi pa mëshirë, pavarësisht se kush është, nga çfarë kombësie është dhe nga cila parti është. Kjo është, do të thoja, një vrasje masive që dikush e lejoi për para dhe për ryshfet, për shkak të korrupsionit,” shtoi ai.
Mickoski gjithashtu theksoi se klubi “Pulse” kishte marrë licencën e operimit vetëm dy herë, në vitin 2021 dhe vitin 2023, duke e vazhduar aktivitetin pa leje.
“Nuk është e qartë se si klubi ka mundur ta marrë nënshkrimin në vitet e kaluara, por është e qartë se si e ka marrë atë vitin e kaluar,” tha ai.
Në fund, kryeministri u shpreh se nuk do të ketë asnjë tolerancë ndaj atyre që mund të përpiqen të manipulojnë me ngjarjen dhe të përdorin kartën etnike për të mbrojtur përgjegjësit.
“Këtu nuk ka politikë, të gjithë do të përgjigjen. Nëse mendojnë se mund ta luajnë kartën etnike, nuk do t’iu shkojë,” theksoi Mickoski.
Lajmet
Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë
Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.
Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.
Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.
Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.
Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.
2 hapa të thjeshtë për të parandaluar formimin e mykut në lavatriçe
Messi, rikthim i shkurtër te Barcelona?
Kura shtëpiake për gjunjë të fortë dhe pa inflamacion
Sonte në UBT TV: Podcast me Profesorin Gaz Ejupi
Mike Tyson kërkon revansh me Jake Paul
Jennifer Lawrence flet për bashkëpunimin e qetë dhe profesional me Robert Pattinson
Si të ulni shtypjen e gjakut me vetëm këtë ushqim?
Bellingham dhe Foden rikthehen në kombëtaren e Anglisë
Bruce Willis, buzëqesh në plazh gjatë një daljeje të rrallë publike
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën