Lajmet

Tragjedia e Tempit, mocion mosbesimi në parlament për qeverinë e Mitsotakis

Published

on

Kryeministri grek Kyriakos Mitsotakis dhe qeveria e tij konservatore po përballen me një votë mosbesimi në Parlament lidhur me katastrofën tragjike të përplasjes së trenave në Tempi.

Pas disa ditëve tensioni dhe protestash masive në të gjithë Greqinë, partitë opozitare janë bashkuar për të dorëzuar një mocion të ri mosbesimi, që pritet të dorëzohet këtë të mërkurë.

Ky akt vjen pas një seri protestash në Greqi, ku qytetarët shprehën zemërim për atë që ata e konsiderojnë keqpërdorimin e vazhdueshëm të qeverisë ndaj tragjedisë hekurudhore në Tempi dhe ngadalësimin e procedurave të drejtësisë pas saj. Disa nga partitë kryesore të opozitës, përfshirë PASOK, SYRIZA, Nea Aristera dhe Plefsi Eleftherias, kanë hartuar një marrëveshje të përbashkët prej 16 faqesh që përshkruan përgjegjësinë dhe gabimet e qeverisë greke lidhur me këtë katastrofë.

Procesi i votimit pritet të fillojë nesër, në orën 11:00, me një debat të planifikuar në Parlament mbi çështjen e përplasjes së trenave. Pas këtij debati, siç është rënë dakord mes partive opozitare, do të dorëzohet formalisht mocioni i mosbesimit. Pas dorëzimit, Parlamentit do t’i nevojiten tre ditë për të trajtuar procedurat e mocionit, gjatë të cilave do të pezullohen të gjitha votimet e tjera.

Nikos Androulakis, lideri i opozitës kryesore PASOK, e ka cilësuar këtë mocion si një “kërkesë publike” që reflekton një mungesë të besimit të popullit te qeveria e Mitsotakis. Ky është mocioni i dytë që PASOK ka paraqitur për këtë çështje brenda një viti, pavarësisht se herën e kaluar, një mocion i ngjashëm nuk kaloi për shkak të shumicës parlamentare të partisë Demokracia e Re.

Aktualitet

U përurua çerdhja e re për 60 fëmijë në Fushë Kosovë

Published

on

Në Fushë Kosovë u përurua një çerdhe e fëmijëve në Fushë Kosovë, investim ky i Ministrisë së Arsimit , në vlerë prej rreth 415 mijë euro.

Kjo çerdhe për 60 fëmijë me një hapësirë prej 750 m² u tha është e pajisur me të gjitha mjetet e nevojshme për kujdesin dhe zhvillimin e fëmijëve tanë të gjithë hapësirat në këtë çerdhe të re.

Kryeministri në detyrë, Albin Kurti, tha se vetëm gjatë këtij mandati qeverisës në komunën e Fushë Kosovës, në fushën e arsimit janë bërë investime kapitale me vlerë prej 5.6 milionë euro, duke shtuar se treguan kështu përkushtimin për gjeneratat e reja, të cilat duhet të kenë arsim cilësor dhe mirëqenie të garantuar.

“Të investosh në çerdhe për fëmijë dhe edukim të hershëm, do të thotë të investosh në të ardhmen e shtetit. Pikërisht në vitet e para të jetës aty ku hidhen themelet për zhvillimin, lumturinë dhe suksesin e fëmijëve të Kosovës, nesër profesionistë e kuadro, që do të udhëheqin institucionet, ekonominë, shoqërinë, politikën e kështu me radhë”, tha Kurti.

Në përurim mori pjesë edhe ministrja në detyrë e Arsimit, Arbërie Nagavci.

Kurti njoftoi se për ndërtimin edhe të një çerdhe tjetër publike, me vlerë mbi 1.2 milionë euro, po në Fushë Kosovë.

Pas përurimit të Çerdhes së fëmijëvë, kryeministri në detyrë Kurti vizitën e tij e vazhdoi me vënien e gurthemelit të Shkollës Fillore dhe të Mesme të Ulët, po ashtu në Fushë Kosovë, investim i Ministrisë së Arsimit, me një sipërfaqe prej 8,000 metra katror, për 1500 nxënës, me vlerë të investimit prej 3.8 milionë euro.

Continue Reading

Aktualitet

Kurti për akuzat ndaj UÇK-së: Manipulohet një kapitull për të cilin Basha s’ka faj

Published

on

Kryeministri në detyrë, Albin Kurti, foli lidhur me zhurmën publike rreth artikullit ku bashkautor është kryetari i zgjedhur i Kuvendit të Kosovës, Dimal Basha kundër UÇK-së.

Ai kritikoi qeveritë e kaluara, duke thënë se janë vendimet e atyre qeverive i kanë shkaktuar probleme Kosovës dhe se të tilla s’po i shkakton artikulli me bashkautor Bashën.

“Unë besoj që problemet që i kemi sot në Kosovë nuk i kemi nga një deformim e keqinterpretim i një artikulli me bashkautorësi ku ky nuk është autor i atij kapitulli të para më shumë se një dekade. Problemet i kemi kur është nënshkruar ‘Zajednica’ në 2013-tën, problemet i kemi kur janë amnistuar kriminelët serbë në veri, po astu në 2013-tën, problemet i kemi kur është votuar Gjykata Speciale në 2015-n, problemet i kemi kur është themeluar Lista Serbe në bashkëpunim me Beogradin në vitin 2013, problemet i kemi politikanët e Kosovës kanë bërë qeveri duke u varur nga Lista Serbe, problemet i kemi kur kanë hyrë në pazare për ndarje të Kosovës – jo te ky farë artikulli ku manipulohet një kre, në të cilin ky s’ka fare autorësi”, tha Kurti .

Kryeministri në detyrë tha se buja që bëri ky shkrim është keqinterpretim dhe deformim.

“Dimal Basha e ka dhënë sqarimin për atë publikim që është bërë para më shumë se një dekade. Ai ka thënë se kapitulli që e ka shkruar nuk ka të bëjë me UÇK-në. Edhe në fjalimin e tij pas zgjedhjes si kryetar Kuvendi, ai shprehu vlerësimet më të larta për këtë vlerë të kombit shqiptar”, tha Kurti.

Kryeministri në detyrë këto deklarata i bëri në komunikim me gazetarë në Fushë Kosovë, ku mori pjesë në përurimin e një Çerdheje për fëmijë.

Continue Reading

Aktualitet

Supremja hodhi poshtë ankesën e VV-së kundër vendimit të PZAP-së për Listën Serbe

Published

on

Kolegji i Gjykatës Supreme e ka hedhur poshtë si të palejuar ankesën e parashtruar nga anëtarët e Lëvizjes Vetëvendosje, Sami Kurteshi dhe Alban Krasniqi.

Që të dy anëtarë të Komisionit Qendror të Zgjedhjeve (KQZ), e paraqitur kundër vendimit të Panelit Zgjedhor për Ankesa dhe Parashtresa (PZAP) të 23 gushtit 2025, që ka të bëjë me certifikimin e Listës Serbe.

Me vendimin e PZAP-it të datës 23 gusht, ishte aprovuar ankesa e subjektit politik Lista Serbe, duke urdhëruar KQZ-në që të certifikojë këtë subjekt me listën e kandidatëve për Asamble Komunale dhe për kryetar komune për zgjedhjet lokale të 12 tetorit.

Sipas vendimit të PZAP-së Lista Serbe merr pjesë në zgjedhje lokale.

Kurteshi dhe Krasniqi kishin kërkuar nga Gjykata Supreme dy ditë më parë anulimin e vendimit të PZAP-së dhe rikthimin në fuqi të vendimit të KQZ-së për moscertifikimin e Listës Serbe.

Continue Reading

Aktualitet

Presidentja Osmani kërkon zgjidhje urgjente për konstituimin e Kuvendit

Published

on

Presidentja e Kosovës, Vjosa Osmani, bëri thirrje që Kuvendi të konstituohet dhe qeveria të zgjidhet sa më shpejt, duke theksuar se çdo vonesë është në dëm të vendit dhe të qytetarëve.

E para e vendit po ashtu tha se shpreson që një zgjidhje të bëhet sa më parë, zgjidhje kjo që sipas saj duhet të jetë në përputhje me Kushtetutën e Republikës së Kosovës.

“Që Kuvendi të konstituohet urgjentisht, që qeveria të zgjidhet po ashtu urgjentisht, çdo ditë e humbur është ditë e humbur për Kosovën, për popullin e saj, për perspektivën tonë euroatlantike, kështu që shpresoj që të gjendet një zgjidhje në përputhje me Kushtetutën”, tha presidentja Osmani.

 

Continue Reading

Të kërkuara