Automobilizëm elektrikë

Toyota prezanton Land Cruiser Modellista për tregun e Japonisë

Published

on

Pasi së fundi prezantoi gjeneratën e re të Land Cruiserit, Toyota ka nisur të ofrojë për tregun e Japonisë edhe modelin Modellista.

Land Cruiser Modellista është i destinuar vetëm për tregun e Japonisë dhe ndër të tjera tërheq vëmendjen me mbrojtësin e përparmë e të pasmë, pastaj me dizajnin ndryshe të pragjeve e tavanit dhe me pasqyre të kromuara. Ka rrotë 21 inç nga alumini, sistem të ri shkarkimi dhe drita LED me ndriçim të brendshëm si dhe disa elemente nga metali. \autoblog

Automobilizëm elektrikë

AUDI prezanton modele hibride gjatë verës

Published

on

Audi prezantoi A6-in e ri dy muaj më parë , dhe gama e njoftuar e motorëve fillimisht ishte mjaft modeste, një motor benzinë ​​me dy litra, një motor nafte me 204 kuaj fuqi secili, dhe një motor benzinë ​​V6 me 367 kuaj fuqi.

Kompania po zgjerohet me versione hibride plug-in që do të dalin në treg gjatë verës.

Baza për dy versionet e reja hibride plug-in është motor benzine me katër cilindra TFSI me dy litra e 252 kuaj fuqi. Motori elektrik, i cili është i vendosur në një transmision me 7 shpejtësi me dy tufa, prodhon një maksimum prej 143 kuaj fuqi.

Meqenëse Audi për fat të mirë ka vendosur t’i japë fund emërtimeve të çuditshme të numrave, këto versione quhen thjesht A6 e-hybrid quattro. Motorri më i dobët ka një fuqi sistemi prej 300 kuaj-fuqi dhe 450 Nm, ndërsa ai më i fuqishëm zhvillon 367 kuaj-fuqi dhe 500 Nm, që është fuqi identike me modelin V6.

Hibridi plug-in më i fuqishëm ende nuk mund të mbajë ritmin me V& gjatë përshpejtimit (0-100 km/orë në 4.7 sekonda), por me 5.3 sekonda për 0 në 100 km/orë dhe një shpejtësi maksimale prej 250 km/orë, nuk është aspak i ngadaltë. Versioni me 300 kuaj fuqi e bën të njëjtën përshpejtim në 6.0 sekonda dhe gjithashtu arrin 250 km/orë.

Shpejtësia maksimale në modalitetin elektrik për të dy versionet është 140 km/orë.

Kapaciteti i baterisë është rritur ndjeshëm në krahasim me paraardhësin e saj, konkretisht me 45 përqind. Ajo arrin në 20.7 kWh neto (25.7 kWh bruto). Kjo siguron një shtrirje të konsiderueshme elektrike. Sipas WLTP-së, A6 wagon mund të përshkojë 106 kilometra, ndërsa sedani pak më i lehtë dhe më aerodinamik arrin të përshkojë deri në 111 kilometra.

Çmimet në Gjermani fillojnë nga 65,800 euro për sedanin hibrid plug-in A6 me 300 kuaj fuqi, Avant kushton 68,300 euro.  Varianti me 367 kuaj fuqi kushton nga 75,050 euro dhe ofron një pamje të jashtme S line, pezullim sportiv të ulur me 2 cm dhe rrota 19-inç me kalipera frenash të kuq.

 

Continue Reading

Automobilizëm elektrikë

Pse nuk është e sigurt të vozisni me goma dimri gjatë verës?

Published

on

Shumë shoferë vendosin të mos i ndërrojnë gomat e dimrit kur vjen vera, ose thjesht harrojnë. Por mbajtja e gomave të dimrit gjatë sezonit të nxehtë nuk është vetëm e papërshtatshme është e rrezikshme.

Gomat e dimrit janë të dizajnuara për temperatura të ulëta dhe përbërja e tyre është dukshëm më e butë se ajo e gomave verore. Kjo i bën ato të konsumohen më shpejt në asfalt të nxehtë, duke humbur efektivitetin dhe duke rrezikuar sigurinë në rrugë.

Sipas autoklubit gjerman ADAC, gomat e dimrit në kushte verore e rrisin dukshëm rrezikun e aksidenteve, sidomos për shkak të mbinxehjes dhe konsumimit më të shpejtë në asfalt. Gjatë verës, kur temperaturat e asfaltit mund të arrijnë nga 30 deri në 36°C, distanca e frenimit rritet ndjeshëm me goma dimri.

Në një test të kryer nga ADAC, një veturë me goma verore ndaloi pas 36.3 metrash me shpejtësi 100 km/h, ndërsa një tjetër me goma dimri ndaloi vetëm pas 41.9 metrash, duke lëvizur ende me 37 km/h kur vetura me goma verore kishte ndaluar plotësisht.

Gjatë ngasjes në verë, veçanërisht me ngarkesë të madhe apo me shpejtësi të lartë, gomat e dimrit kanë tendencë të mbinxehen.

Kjo shkakton konsumim të gomave, duke e komprometuar stabilitetin e automjetit.

Prandaj, ekspertët këshillojnë të mos i përdorni gomat e dimrit gjatë verës, edhe nëse ato duken në gjendje të mirë.

Continue Reading

Automobilizëm elektrikë

Audi ndërpret eksportet në SHBA

Published

on

Ndryshe nga shumë prodhues tjerë gjermanë të automobilave, Audi nuk ka fabrika të vetat në SHBA. Të gjitha automjetet Audi për tregun amerikan dërgohen në SHBA prej Gjermanisë dhe disa vendesh tjera.

Tani Audi i ka ndaluar të gjitha dërgesat për në SHBA. Arsyeja janë tarifat doganore të vendosura javën e kaluar për mbarë botën nga presidenti amerikan Donald Trump.

Sipas një raporti të Automobilwoche vendimi i Audit vlen për automjetet e porositura në SHBA pas 2 prillit. Automjetet kanë mbërritur në SHBA para kësaj data do t’u dorëzohen klientëve sipas planit.

Portali Automobilwoche i referohet një letre të brendshme që u është drejtuar tregtarëve me pakicë të automjeteve në SHBA. Këtë e ka konfirmoi tani edhe një zëdhënëse e kompanisë Audi.

Strategji të reja tregtimi

Kompania Audi i dërgon automjetet e saj në SHBA nga Gjermania, Hungaria dhe Sllovakia. Po ashtu në Meksikë prodhohet modeli “Q5” – që është bestseller në SHBA.

Kompania Audi ka në magazinat e saj në SHBA më shumë se 37,000 makina, këto automjete nuk preken nga tarifat e reja. Për këtë arsye do të pajisen me një shënim të posaçëm kur të shiten.

Audi po mendon tani se si t’u sigurojë shitësve me pakicë mundësi dhe impulse të reja për shitjen e makinave Audi që gjenden në magazina në SHBA. Ata po analizojnë mënyra si mund të minimizohet ndikimi i tarifave të reja doganore tek klientët dhe partnerët tregtarë.

Continue Reading

Automobilizëm elektrikë

Renault Clio do të jetë me një kufizues shpejtësie në 109 km/h

Published

on

Prodhuesi francez i makinave Renault ka njoftuar se do të vendosë kufizues shpejtësie në një prej modeleve të vogla më të njohura në një përpjekje për të përmirësuar sigurinë rrugore.

Që nga 1 korriku i vitit të kaluar, të gjitha makinat e reja në Evropë duhet të pajisen ligjërisht me një sistem që paralajmëron shoferët nëse kanë shkelur kufirin e shpejtësisë dhe modelet e reja Renault të shitura nga viti 2022 tashmë i kanë ato.

Renault thotë se Clio i ri do të jetë i disponueshëm me një pajisje automatike kufizuese të shpejtësisë, kryesisht për shkak të popullaritetit të tij në mesin e shoferëve të rinj.

Kufizimi i shpejtësisë maksimale do të jetë në 109 km në orë. Por ky sistem nuk vjen falas, çmimi i instalimit të tij është 59 euro .

Continue Reading

Të kërkuara