Sport

Toverlani flet për objektivat me Përfaqësuesen U21 të Kosovës

I pranishëm në prezantimin e Toverlanit ishte edhe Presidenti i Federatës së Futbollit të Kosovës, Agim Ademi.

Published

3 years ago

on

Në ambientet e Federatës së Futbollit të Kosovës, sot është prezantuar trajneri i ri Përfaqësueses së Kosovës U21, Afrim Toverlani.

Më të nisur fjalën e tij, ai tregoi se do të jetë një grumbullim i kësaj kombëtareje për të pasur idenë e parë mbi gjendjen e lojtarëve dhe me pas foli për objektivat për të cilat tha se fillimisht do të jenë shumë modeste.

“Synimet do të jenë, më tepër mund të flas për synimet pas takimeve, grumbullimeve që do t’i kemi me futbollistët dhe ta shohim se çfarë skuadre mund të krijojmë nga këta futbollistë që do t’i ftojmë dhe do të varet shumë edhe nga shorti. Sepse synimet normal janë gjithmonë të secilit të ketë rezultate më të mëdha, ta kërkojë kualifikimin, mirëpo personalisht do të nisem më tepër me një modesti dhe gjatë rrugës do ta shoh se cilat mund të jenë objektivat të cilat mund t’i arrijmë”, tha Toverlani.

Ai më tutje zbuloi se ka pasur edhe tre apo katër oferta nga disa klube, duke përmendur edhe Shkëndijën e Tetovës, por që i ka refuzuar ato për ta drejtuar kombëtaren e grupmoshave të reja.

“Vitin e kaluar kam refuzuar tri oferta. Nuk kam dashur të shkojë çdokund, nuk kam dashur të punoj çdokund dhe falë Zotit i kam do kushte modeste që jo patjetër më duhet të punojë për ta siguruar një mbijetesë. Pra edhe kur të më vijnë ofertat i shqyrtoj nëse më plotësohen mua dhe atyre kushtet e përbashkëta ta marr atë detyrë. Para një javë kam pasur telefonatë, jo ofertë zyrtare por vetëm telefonatë për Shkëndijën e Tetovës, mirëpo unë jam tashmë te U21-shi dhe jo me doemos kam pranuar çdokund të punojë”, tha Toverlani.

Krejt në fund, Toverlani foli edhe për faktin se lojtarët po ikin nga Kosova drejt Shqipërisë, siç ndodhi së fundi me Medon Berishën, dhe Toverlani u tregua mjaft i ashpër me ata që e ndërmarrin një hap të tillë. Sipas tij, këta lojtarë duhet të mendojnë mira para se të largohen sepse më vonë po kërkojnë që të rikthehen.

“Dera e Federatës së Futbollit është e hapur për të gjithë futbollistët kosovarë kudo që janë. Ka futbollistë të cilët edhe po zgjedhin, por kjo është krijuar një veti jo e mirë. Nëse vjen, p.sh, je te Kosova për dy ndeshje në bankën e rezervistëve dhe menjëherë po e gjen një arsye ‘jo unë po shkoj të Shqipëria’, ne jo që duam ta ndalim dikë që të luajë për Shqipërinë, mirëpo nuk është korrekte të vish me kushtëzime nëse dëshiron ta përfaqësosh shtetin tënd. Mos harroni që për këtë shtet, për këto fanella është sakrifikuar shumë. Ata që mendojnë që mendojnë që e kanë diku tjetër më mirë, nuk po them mos ta zgjedhin atë rrugë, mirëpo është mirë të mendohen shumë mirë sepse mandej po vjen koha, ka edhe prej atyre që kanë kërkuar prap të kthehen”, ka thënë në fund Toverlani.

Toverlani gjithashtu në fund zbuloi se pjesë e stafit të tij teknik do të jenë edhe Genc Hoxha, Primoz Gliha, Liridon Kukaj dhe Naser Prapashtica tek sektori i portierëve.

I pranishëm në prezantimin e Toverlanit ishte edhe Presidenti i Federatës së Futbollit të Kosovës, Agim Ademi.

Në fund trajneri i Kombëtares U21 publikoi edhe listën prej 25 lojtarëve për grumbullimin e parë nën urdhrat e tij.

Related Topics:
Continue Reading

Sport

Lojtarët më të gjatë në historinë e NBA-së

Published

4 hours ago

on

February 19, 2026

By

Në historinë e NBA-së, disa lojtarë janë dalluar jo vetëm për aftësitë e tyre, por edhe për lartësinë mbresëlënëse fizike.

Nga titanikët e viteve ’80 e ’90 deri te talentet më të reja të ligës, këta basketbollistë kanë shënuar rekord për lartësinë e tyre, duke sjellë dominim në tabelë dhe prezencë të pakrahasueshme në parket.

Lojtarët më të gjatë në historinë e NBA janë:

1. Gheorghe Mureșan / 2.31 m
2. Manute Bol / 2.31 m
3. Shawn Bradley / 2.29 m
4. Tacko Fall / 2.29 m
5. Yao Ming / 2.29 m
6. Chuck Nevitt / 2.26 m
7. Pavel Podkolzin / 2.26 m
8. Sim Bhullar / 2.26 m
9. Slavko Vranesh / 2.26 m
10. Victor Wembanyama / 2.26 m
11. Mark Eaton / 2.24 m
13. Priest Lauderdale / 2.24 m
14. Ralph Sampson/| 2.24 m
15. Rik Smits / 2.24 m

Continue Reading

Sport

Yjet e futbollit që vlejnë më së shumti në botë – Lista e lojtarëve më të shtrenjtë për Shkurt 2026

Published

4 hours ago

on

February 19, 2026

By

Në futbollin modern, vlerat e lojtarëve në tregun ndërkombëtar kanë arritur nivele historike, duke reflektuar talentin, performancën dhe potencialin e secilit futbollist.

Yjet më të rinj dhe emrat e konsoliduar vazhdojnë të dominojnë listat e transferimeve, duke u shndërruar në asetet më të shtrenjta të klubeve të mëdha.
Sipas përditësimeve për shkurt 2026, këta janë futbollistët më të vlefshëm në botë:

1. Lamine Yamal – 200 milionë euro
2. Erling Haaland – 200 milionë euro
3. Kylian Mbappé – 200 milionë euro
4. Jude Bellingham – 160 milionë euro
5. Vinícius Jr. – 150 milionë euro
6. Pedri – 140 milionë euro
7. Jamal Musiala – 130 milionë euro
8. Michael Olise – 130 milionë euro
9. Bukayo Saka – 130 milionë euro
10. Cole Palmer – 120 milionë euro
11. Federico Valverde – 120 milionë euro
12. Declan Rice – 120 milionë euro
13. Alexander Isak – 120 milionë euro
14. Moisés Caicedo – 110 milionë euro
15. João Neves – 110 milionë euro
16. Florian Wirtz – 110 milionë euro
17. Vitinha – 110 milionë euro
18. Julián Álvarez – 100 milionë euro
19. Ousmane Dembélé – 100 milionë euro
20. Désiré Doué – 90 milionë euro
21. Arda Güler – 90 milionë euro
22. Khvicha Kvaratskhelia – 90 milionë euro
23. William Saliba – 90 milionë euro
24. Ryan Gravenberch – 90 milionë euro
25. Hugo Ekitike – 85 milionë euro

Continue Reading

Sport

Pesë me radhë! Trepça konfirmon formën kampione

Published

5 hours ago

on

February 19, 2026

By

KB Trepça ka vazhduar serinë pozitive në kampionat duke shënuar fitoren e pestë radhazi, pasi mposhti KB Bashkimin me rezultat bindës 91-72.

 

Ndeshja nisi me Bashkimin që u paraqit mirë dhe tregoi iniciativë në parket, por në pjesën e dytë Trepça arriti të rikthehet në lojë dhe të marrë kontrollin e takimit.

Mitrovicasit ngritën ritmin, përmirësuan organizimin në sulm dhe shfaqën stabilitet më të madh në mbrojtje, duke e përmbysur rrjedhën e sfidës.
Në pjesën e mbetur të ndeshjes, Trepça dominoi lojën dhe menaxhoi epërsinë e krijuar, duke e thelluar diferencën deri në rezultatin përfundimtar 91-72.

Më i dalluari në këtë përballje ishte Mustapha Amzil, i cili u shpall MVP i ndeshjes falë një paraqitjeje të shkëlqyer dhe ndikimit të madh në lojën e skuadrës së tij.

Me këtë triumf, Trepça konfirmon formën e lartë dhe ambiciet serioze në kampionat, ndërsa Bashkimi do të synojë rikthimin në ndeshjet e ardhshme.

Continue Reading

Sport

Bashkimi dhe Trepça përballen sonte në finalen e Kupës së Kosovë

Published

23 hours ago

on

February 18, 2026

By

Finalja e shumëpritur e Kupës së Kosovës do të zhvillohet sonte, ku KB Bashkimi do të përballet me rivalin e fortë KB Trepça.

Ndeshja finale do të nisë në ora 19:30 dhe do të luhet në palestrën Palestra Mizahir Isma në Rahovec, ku pritet një atmosferë e zjarrtë dhe përkrahje e madhe nga tifozët.

Bashkimi hyn në këtë përballje me synimin e qartë për ta ngritur trofeun para publikut vendas, ndërsa Trepça synon ta rrëmbejë Kupën dhe ta kurorëzojë me sukses këtë edicion.

Të dy skuadrat kanë treguar formë të mirë gjatë rrugëtimit drejt finales, duke premtuar një duel spektakolar dhe rivalitet të fortë deri në sekondat e fundit.

 

Continue Reading

Të kërkuara