Sport

Tottenhami nuk dorëzohet nga transferimi i yllit të Romës

Drejtori sportiv i Tottenhamit, Fabio Paratici ka zhvilluar bisedime të mëtejshme me menaxherin e përgjithshëm të Romës.

Published

4 years ago

August 2, 2022

UBT.News

Tottenhami po vazhdon bisedimet me Romën për një transferim të mundshëm për italianin Nicolo Zaniolo, kupton “90min”.

Tottenham ka bërë tashmë gjashtë transferime këtë afat kalimtar dhe po vazhdon të përforcohet përpara rikthimit të tyre në Ligën e Kampionëve këtë sezon.

Është raportuar më parë për interesin e skuadrës angleze për Zaniolon, dhe pavarësisht shpresave të Romës për ta mbajtur atë dhe për t’i dhënë një kontratë të re më vonë këtë vit, Tottenham po vazhdon të shtyjë për një transferim, megjithëse kjo lëvizje mund të prek shifrën e 50 milionë eurove.

Drejtori sportiv i Tottenhamit, Fabio Paratici ka zhvilluar bisedime të mëtejshme me menaxherin e përgjithshëm të Romës, Tiago Pinto, ndërsa Zaniolo u paraqit në fitoren 1:0 të Romës para-sezonale ndaj Spurs në Izrael të shtunën.

Juventusi mbetet i interesuar në Zaniolon dhe thuhet të ketë zhvilluar gjithashtu negociata me Romën këtë verë, por Tottenham po e kryeson garën për 23-vjeçarin, i cili është i hapur për të kaluar në Angli.

Sport

Kristian Prenga përballet me Anthony Joshua në Riad, para sfidës së madhe me Fury

Published

22 minutes ago

April 27, 2026

UBTNews

Boksieri shqiptar Kristian Prenga do të përballet me një nga emrat më të mëdhenj të boksit profesionist, Anthony Joshua, në një duel që pritet të zhvillohet më 25 korrik në Riad të Arabisë Saudite.

Vetë Joshua ka konfirmuar rikthimin në ring për këtë përballje, e cila do të shërbejë si një test i rëndësishëm përpara sfidës së madhe që e pret më vonë gjatë vitit. Për Prengën, kjo është një mundësi e artë për t’u përballur me një kampion të njohur botëror dhe për të bërë hap të madh në karrierë.

Ndërkohë, vëmendja e botës së boksit është e përqendruar edhe te superndeshja e shumëpritur mes Joshua dhe Tyson Fury. Pas vitesh spekulimesh, dy rivalët kanë arritur marrëveshje për t’u përballur, duke e bërë këtë një nga duelet më të mëdha të kohëve të fundit.

Para kësaj përballjeje, Joshua synon të rikthehet në formë optimale pikërisht përmes meçit ndaj Prengës. Në anën tjetër, Fury tashmë është rikthyer në ring, duke fituar me pikë ndaj Arslanbek Makhmudov pas një pauze të gjatë prej 16 muajsh.

Nëse gjithçka shkon sipas planit dhe Joshua kalon me sukses sfidën e korrikut, përballja e madhe me Fury pritet të zhvillohet në nëntor, me shumë gjasa në Wembley Stadium, ndërsa interesimi global për këtë duel pritet të jetë jashtëzakonisht i madh.

Sport

Asllani shënon, Hajdari asiston në fitoren e Hoffenheimit ndaj Hamburgut

Published

1 hour ago

April 27, 2026

UBTNews

TSG Hoffenheim ka shënuar fitore të rëndësishme në udhëtim ndaj Hamburger SV me rezultat 2:1, në një ndeshje ku futbollistët shqiptarë patën rol vendimtar.

Golin e parë për Hoffenheimin e realizoi Tim Lemperle në minutat shtesë të pjesës së parë, pas një asistimi të saktë nga Albian Hajdari, i cili u dallua me paraqitje shumë të mirë gjatë gjithë takimit.

Në pjesën e dytë, në minutën e 64-të, ishte Fisnik Asllani ai që vulosi fitoren, duke shënuar golin e dytë për mysafirët dhe duke qenë një nga figurat kryesore të ndeshjes.

Paraqitja e dy futbollistëve shqiptarë ishte vendimtare për këtë sukses, me Hajdarin që kontribuoi me asist dhe Asllanin që gjeti rrugën e rrjetës, duke konfirmuar formën e mirë dhe rëndësinë e tyre në skuadër.

Hamburger SV arriti të shënojë një gol, por nuk ishte i mjaftueshëm për të shmangur humbjen ndaj një Hoffenheimi më efikas.

Sport

Samadrexha fiton për herë të parë Kupën e Kosovës në hendboll

Published

2 hours ago

April 27, 2026

UBTNews

Samadrexha ka shkruar histori duke e fituar për herë të parë Kupën e Republikës së Kosovës në hendboll në konkurrencën e femrave.

Në finalen e zhvilluar të dielën në palestrën “Bill Clinton” në Ferizaj, Samadrexha triumfoi ndaj Istogu me rezultat 27:23, duke siguruar trofeun e parë të Kupës në historinë e klubit.

Ndeshja ishte e balancuar në pjesën e parë, ku istogaset kishin epërsi të lehtë, por pa arritur të krijojnë diferencë më të madhe se dy gola. Në pjesën e dytë, Samadrexha u shfaq më e organizuar dhe më efikase, duke përmbysur rezultatin dhe duke ruajtur avantazhin deri në fund.

Figura kryesore e ndeshjes ishte Jennifer Abreu me tetë gola, ndërsa Vitoria Oliveira shtoi shtatë të tjerë për fitueset. Në anën tjetër, për Istogun u dallua Joneide Olikaka me tetë gola, ndërsa Alda Bruna realizoi katër.

Në rrugën drejt finales, Samadrexha mposhti Ferizajn në gjysmëfinale, ndërsa Istogu eliminoi Shqiponjën.

Ky sukses shënon një moment historik për Samadrexhën, që për herë të parë ngre trofeun e Kupës së Kosovës.

Sport

Kreshnik Uka shpallet “Ylli i Javës”

Published

2 hours ago

April 27, 2026

UBTNews

Federata e Futbollit e Kosovës, në bashkëpunim me sponsorin zyrtar të Albi Mall Superliga e Kosovës, ka ndarë çmimin tradicional “Ylli i Javës”, i cili i jepet futbollistit më të dalluar të javës në kampionatin elitar kosovar.

Për javën e 30-të të edicionit aktual, ky çmim i është ndarë për herë të tretë futbollistit të FC Drenica, Kreshnik Uka, i cili shkëlqeu me dy gola në fitoren 3:2 ndaj FC Prishtina e Re.

Vlerësimi është bërë nga Komisioni i Veteranëve të Futbollit, i cili ka shpërblyer paraqitjen e tij të jashtëzakonshme në këtë xhiro të kampionatit.

Pas marrjes së çmimit, Uka u shpreh i lumtur për vlerësimin, duke theksuar rëndësinë e fitores dhe reagimin e ekipit në pjesën e dytë të ndeshjes. Ai tha se skuadra, pas disavantazhit 1:0 në pjesën e parë, arriti të rikthehet fuqishëm falë angazhimit të lojtarëve dhe stafit teknik, duke përmendur edhe bashkëpunimin brenda ekipit dhe mentalitetin e ri që po krijohet në klub.

Uka shtoi se synimi kryesor i klubit mbetet Kupa e Kosovës, por nuk përjashtojnë as objektiva të tjera në vazhdim të sezonit, duke theksuar se ekipi po punon me seriozitet dhe përkushtim në çdo ndeshje.

Ky çmim vlerësohet si një tjetër konfirmim i formës së mirë të Kreshnik Ukës në këtë edicion të Superligës.