Lajmet

Totaj i kundërpërgjigjet Kurtit pasi tha se të gjitha partitë janë bërë bashkë kundër VV-së

Totaj tha se askush nuk është kundër askujt.

Published

on

Kryetari i zgjedhur i Prizrenit Shaqir Totaj, i është kundërpërgjigjur kryeministrit të Kosovës, Albin Kurti, se të gjithë partitë janë bërë bashkë kundër Lëvizjes Vetëvendosje në zgjedhjet lokale.

Totaj tha se askush nuk është kundër askujt. Ai tha se qëllimi se pse janë bërë bashkë në Prizren ishte nevoja për ndryshim.

“Unë e kam theksuar edhe më herët që Prizreni e ka identifikuar nevojën për ndryshime. Prandaj në raundin e parë 60 përqind e votuesve kanë votuar për ndryshime, kurse këtë deklaratën e kryeministrit Kurti e kisha riformuluar. “Askush nuk është kundër askujt”. Nëse ne jemi bërë bashkë, jemi bërë për interes të Prizrenit dhe nuk jemi kundër askujt as kundër Haskukës dhe aq më pak kundër Kurtit. Objektivi ynë është ngritja e cilësisë së jetës në Prizren dhe jo të bëhemi kundër dikujt”, deklaroi ai.

Shaqir Totaj deklaroi se përveç koalicioneve zyrtare që PDK ka pasur me AAK-në dhe Nismën, atë e ka mbështetur edhe elektorati i LDK-së.

“Ne do të kemi këtu qasje konstruktive ndaj Asamblesë dhe ndaj asamblistëve të votuar. Për momentin Partia Demokratike e Kosovës i ka 11 asamblistë dhe koalicionet që ne veç i kemi të nënshkruara para balotazhit me AAK-në dhe ne Nismën, aty janë pesë asamblistë që në total bëjnë 16 asamblistë. Mirëpo ne planifikojmë të zhvillojmë bisedime edhe me Lidhjen Demokratike të Kosovës, sepse gjatë fushatës edhe me nuk kemi pasur koalicion elektorati i tyre na ka përkrahur me votë. Pas bisedimeve me lidershipin e partisë nuk përjashtohet mundësia që të kemi edhe koalicion në mënyrë që të operojmë më lehtë në Asamble, sepse shumë ide dhe shumë projekte duhet të votohen aty”, ka thënë ai në Klan Kosova.

Ai për kryetar të Prizrenit ka garuar kundër Mytaher Haskukës, të Lëvizjes Vetëvendosje duke arritur të triumfojë në raundin e dytë.

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Lajmet

Murati: Kosova me rritjen më të shpejtë ekonomike në Evropë në vitin 2025

Published

on

By

Ministri në detyrë i Financave, Hekuran Murati, ka deklaruar se Kosova pritet të ketë rritjen ekonomike më të shpejtë në Evropë gjatë vitit 2025, sipas parashikimeve të Fondit Monetar Ndërkombëtar (FMN).

Përmes një postimi në Facebook, sipas Muratit kjo rritje është rezultat i reformave të ndërmarra gjatë katër viteve të fundit, të cilat janë vlerësuar pozitivisht nga Banka Botërore dhe FMN-ja.

Ai përmendi takimet e fundit me zëvendëspresidentin e Bankës Botërore, Akihiko Nishio, dhe me misionin e FMN-së të udhëhequr nga David Amaglobelli, gjatë të cilave Kosova është përgëzuar për performancën ekonomike dhe maturinë fiskale.

“Rezultatet e punës së mirë 4-vjeçare mund të mos shihen menjëherë, por sigurisht që herët a vonë do të vërehen”, ka shkruar Murati, duke shtuar se megjithatë ka ende shumë punë për të bërë.

Continue Reading

Lajmet

Avokati i familjes Lika: Të përmbahemi nga hamendjet, drejtësia s’duhet të ndikohet

Published

on

By

Avokati Arianit Koci, i angazhuar nga familja e rreshterit të ndjerë Muhamet Lika, i ka bërë thirrje publikut dhe mediave që të shmangin komentet e pabazuara lidhur me rastin e vrasjes së pjesëtarit të Policisë së Kosovës në Kaçanik.

Në një deklaratë publike, Koci theksoi se deri në këtë fazë të hetimeve nuk ka asnjë cilësim zyrtar që e ndërlidh rastin me terrorizmin apo ndonjë grup me motive religjioze.

“Drejtësia nuk lejohet të ngatërrohet me hamendje. As Policia e as Prokuroria nuk kanë konstatuar ndonjë lidhje me ndonjë grup terrorist”, u shpreh ai.

Avokati shtoi se nëse gjatë hetimeve dalin të dhëna të reja, opinioni publik do të njoftohet zyrtarisht. Ai e cilësoi vrasjen si një akt makabër dhe tha se autorët do të përballen me drejtësinë.

Continue Reading

Lajmet

86 aksidente trafiku dhe mbi 2 mijë gjoba në 24 orët e fundit

Published

on

By

Policia e Kosovës ka raportuar se brenda 24 orëve të fundit janë regjistruar gjithsej 86 aksidente trafiku. Nga to, një ka rezultuar me fatalitet, 25 me lëndime trupore dhe 61 me dëme materiale.

Gjatë kësaj periudhe, janë shqiptuar gjithsej 2,241 gjoba për shkelje të rregullave në komunikacion.

Po ashtu, policia ka arrestuar 26 persona, ndërsa 15 janë dërguar në mbajtje.

Continue Reading

Të kërkuara