

Lajmet
Torturat e talibanëve kundër përdoruesve të drogave
Ata do të trajtohen vetëm me disa kujdese mjekësore për të lehtësuar dhimbjen.
Published
4 years agoon
By
UBT newsTani talibanët kanë vënë synimet e tyre për të shuar furtunën e varësisë nga narkotikët, edhe nëse me forcë, transmeton UBT News.
Në mbrëmje, luftëtarët talibanë të shndërruar në policë, spastrojnë botën e nëndheshme të shkatërruar nga droga në kryeqytet.
Poshtë urave të qytetit të Kabulit, mes grumbujve të plehrave dhe rrjedhave të ujit të ndotur, qindra burra të pastrehë të varur nga heroina dhe metamfetaminat mblidhen, rrihen dhe dërgohen me forcë në qendrat e trajtimit.

Skena siguroi një dritare në rendin e ri nën qeverisjen talibane: Burrat – shumë me sëmundje mendore, sipas mjekëve – u ulën përballë mureve me duart e tyre të lidhura. Ata u thanë që linin substancat që po përdornin ose do të përballeshin me rrahje.
Këto metoda mirëpriten nga disa punonjës shëndetësorë, të cilët nuk kanë pasur zgjidhje tjetër veçse të përshtaten me sundimin taleban, shkruan AP, përcjell UBT News.
“Ne nuk jemi më në demokraci, kjo është një diktaturë. Dhe përdorimi i forcës është mënyra e vetme për të trajtuar këta njerëz”, tha Dr Fazalrabi Mayar, duke punuar në një strukturë trajtimi. Ai i referohej veçanërisht afganëve të varur nga heroina dhe droga të tjera.
Menjëherë pasi talibanët morën pushtetin më 15 gusht, Ministria talibane e Shëndetësisë lëshoi një urdhër në këto objekte, duke nënvizuar qëllimin e tyre për të kontrolluar rreptësisht problemin e varësisë, thanë mjekët.
Ata dikur ishin poetë, ushtarë, tregtarë, fermerë. Tani ata janë një pasqyrë e së kaluarës së trazuar të luftës, pushtimit dhe urisë në vend.
Fushat e mëdha të lulekuqeve të Afganistanit janë burimi i shumicës së heroinës në botë dhe vendi është shfaqur si një prodhues i rëndësishëm i ‘meth’. Kjo ka nxitur varësinë masive në të gjithë vendin.
Të moshuar apo të rinj, të varfër ose dikur të pasur, talibanët i konsiderojnë të varurit njësoj: Një njollë në shoqërinë që ata shpresojnë të krijojnë.
Sanksionet e kanë bërë Afganistanin të papërshtatshëm për mbështetjen financiare nga organizatat ndërkombëtare. Shkelja e të drejtave të njeriut, veçanërisht grave, i ka bërë talibanët jopopullor.
Pagat publike janë muaj me vonesë dhe thatësira ka përkeqësuar mungesat e ushqimit dhe ka shtuar sëmundjet. Pa fonde të huaja, të ardhurat e qeverisë mbështeten vetëm në dogana dhe tatime.
Një hulumtim nga David Mansfield, ekspert në tregtinë afgane të drogës, sugjeron që grupi fitoi 20 milion dollarë në vitin 2020, një pjesë e vogël në krahasim me burimet e tjera të të ardhurave nga mbledhja e taksave. Publikisht, talibanët gjithmonë kanë mohuar lidhjet me tregtinë e drogës.

Një mbrëmje të kohëve të fundit, luftëtarët talibanë bastisën një vatër droge nën një urë në zonën Guzargah të Kabulit. Ata urdhëruan grupin e burrave të varur nga droga të dilnin nga lagjet e tyre të ndyra.
“Ata janë bashkatdhetarët, familja jonë dhe ka njerëz të mirë brenda tyre. Dashtë Zoti, njerëzit në spital do t’i shërojnë”, tha një polic taliban.
Në fund, ata ishin të paktën 150 burra të mbledhur. Ata u dërguan në stacionin policor, ku të gjitha sendet e tyre – drogë, kuleta, thika, unaza, çakmakë, u dogjën.

Në mesnatë, ata u dërguan në Spitalin Mjekësor Avicenna në Kabul për të trajtuar varësinë nga droga. Dikur një bazë ushtarake, Camp Phoenix, e krijuar nga ushtria amerikane në 2003, u shndërrua në një qendër trajtimi droge në 2016.
Tani është më e madhja në Kabul, e aftë të strehojë 1.000 njerëz.

“Këtu, fillon një program trajtimi 45-ditor”, tha Dr. Wahedullah Koshan, psikiatri kryesor.



Ata do t’i nënshtrohen trajtimit vetëm me disa kujdese mjekësore për të lehtësuar sikletin dhe dhimbjen. Doktori pranoi se spitalit i mungojnë opioidet alternative, buprenorfina dhe metadoni, që zakonisht përdoren për të trajtuar varësinë nga heroina. Stafi i tij nuk është paguar që nga korriku, por ai tha se Ministria premtoi se pagat do të vijnë, përcjell UBT News.
“Ky është vetëm fillimi, më vonë do të ndjekim fermerët dhe do t’i ndëshkojmë sipas Sheriatit”, tha oficeri kryesor i patrullës.
Për ekspertin Mansfield, bastisjet e fundit të drogës përsëriten në histori. “Në vitet ’90, talibanët bënin të njëjtën gjë”, tha ai. Dallimi i vetëm tani është se ka qendra të trajtimit të drogës; asokohe përdoruesit e drogës u detyruan të qëndrojnë në male ose lumenjë, duke menduar se kjo do t’i kthjellonte ata”.
Në spital një dhomë pritjeje është e mbushur me prindër dhe të afërm që pyesin nëse të dashurit e tyre të zhdukur ishin mes atyre që u morën në bastisje.

Në qytet nën një urë në lagjen Kotesangi, përdoruesit e drogës jetojnë në mënyrë të pasigurt nën errësirë, nga frika e talebanëve.

Një mbrëmje, ata pinë duhan rastësisht pranë trupit të një burri. Ai kishte vdekur.
Ata e mbuluan atë me lecka, por nuk kishin guzim ta varrosnin pasiqë talibanët patrullojnë rrugët./UBTNews/
“Nuk ka rëndësi nëse disa prej tyre vdesin. Të tjerët do të shërohen. Më pas, ata mund të jenë të lirë” tha një oficer taleban.
Lajmet
Abdixhiku: LVV s’po e respekton aktgjykimin e Kushtetueses, do t’i drejtohemi sërish këtij institucioni
Published
11 hours agoon
July 2, 2025By
UBTnews
Kryetari i Lidhjes Demokratike të Kosovës, Lumir Abdixhiku, ka thënë se do t’i drejtohen Gjykatës Kushtetuese për ta qartësuar nëse Lëvizja Vetëvendosje si grupi më i madh parlamentar në Kuvend ka shkelur aktgjykimin e këtij institucioni, sa i përket ngërçit politik në Kuvend, raporton KosovaPress.
Abdixhiku pas takimit me presidenten Vjosa Osmani, tha se kryesuesi i seancës konstituive Avni Dehari dhe LVV-ja kanë shkelur rendin kushtetues në dy seancat e fundit konstituive, duke mos respektuar vendimin e Kushtetueses.
Gjykata Kushtetuese më 26 qershor ka nxjerrë aktgjykim sa i përket krizës politike në Kuvend, megjithatë partitë parlamentare kanë interpretime të ndryshme për të njëjtin. Në LVV thonë se përmes këtij aktgjykimi lejohet votimi i fshehtë i kryeparlamentarit, por të kundërtën e thonë në partitë e tjera parlamentare si PDK, LDK dhe AAK.
Abdixhiku kritikoi Kurtin duke thënë se ai po qeverisë me rezultat të para katër viteve, madje sipas tij, nëse i njëjti do të kishte moral politik nuk do ta mbante postin e kryeministrit në detyrë, derisa nuk e dëshiron populli.
“Kurti po qeverisë me rezultat të para katër viteve. Ai i ka pasur 50 për qind para katër viteve, prandaj ka qenë kryeministër. Mirëpo tash nuk i ka dhe meqenëse nuk i ka, s’ka legjitimitet dhe pak moral politik – se si mund të mbash një detyrë kur nuk të dëshiron populli… Këto janë qëndrime paraprake që e kanë shkaktuar krizën. Këto nuk janë kompromise dhe nuk ka lëvizje prej pozicioneve që kanë shkaktuar krizën deri tani. Edhe atë ditë në takim dhe para jush po them: kompromis është insistimi në pozicionin paraprak. Kompromisi pas aktgjykimit të Kushtetueses është i pakuptimtë dhe tani duhet zbatuar ai, përndryshe bëjnë shkelje të rënda ligjore. LDK-ja do t’i drejtohet edhe Gjykatës Kushtetuese në mënyrë që ajo të qartësojë aktin e tanishëm. Pas aktgjykimit, për bindjen tonë ka ndodhur një përmbysje e rendit kushtetues të Kosovës. Partia e parë ka refuzuar të respektojë Gjykatën Kushtetuese. Ajo duhet të deklarohet – ka bërë shkelje apo jo LVV-ja”, tha ai.
Sipas Abdixhikut, aktgjykimi i Kushtetueses është i qartë, ku detyrohet partia e parë në zgjedhje, LVV-ja, për bashkëpunim dhe kompromis në konstituimin e legjislaturës së nëntë.
Ndërkaq, siç thotë lideri i LDK-së, nënvizohet se nuk lejohet votimi i fshehtë i kryeparlamentarit, por i hapur sipas praktikave të deritanishme.
Megjithatë, Abdixhiku tha se është e mirëseardhur përfshirja e presidentes Osmani në zgjidhjen e krizës politike.
“Absurditeti i gjendjes së tanishme është interpretimi i interpretimit. Ai është i shkruar në gjuhën shqipe dhe nëse Gjykata Kushtetuese e thotë qartë se të parit i takon propozimi dhe krijimi i shumicës, s’kemi çka interpretojmë aty. Nëse Kushtetuesja përmes paragrafit 186 thotë se zgjedhja e kryetarit të Kuvendit të bëhet sipas praktikave parlamentare deri sot – ne i dimë si janë praktikat parlamentare. Takimet janë të mirëseardhura, përfshirja e presidentes është e mirëseardhur, ajo në fund të fundit është garantuese demokratike e institucioneve”, përfundoi ai.
Gjatë ditës, Osmani ka pritur në takim edhe kryetarin e LVV-së, Albin Kurti, kryetarin e PDK-së, Memli Krasniqi, derisa tani ka përfunduar takimin me kryetarin e AAK-së, Ramush Haradinaj.

Presidentja Vjosa Osmani ka nisur takimin me kryetarin e Lidhjes Demokratike të Kosovës, Lumir Abdixhiku.
Paraprakisht, Osmani kap rritur në takim kryetarin e Lëvizjes Vetëvendosje, Albin Kurti dhe më pas kreun e Partisë Demokratike të Kosovës, Memli Krasniqi – si përpjekje për dalje nga kriza institucionale.
Kosova ka mbajtur zgjedhjet parlamentare më 9 shkurt por ende nuk është bërë konstituimi i Kuvendit.
Deri më tash janë bërë 40 përpjekje, të pasuksesshme, për konstituimin e Kuvendit.
Seanca konstituive ka nisur më 15 prill.
Procesi ka ngecur të zgjedhja e kryetarit të Kuvendit për çka Lëvizja Vetëvendosje, në koalicion me Guxo dhe Alternativa, nuk po arrin t’i sigurojë 61 votat e nevojshme për ta zgjedhur Albulena Haxhiun.
Partitë që deri më tash ishin në opozitë e kundërshtojnë emrin e Haxhiut si të papranueshëm për këtë pozitë.
Lajmet
Krasniqi: PDK-ja e gatshme për zgjidhje politike
Published
13 hours agoon
July 2, 2025By
UBTnews
Kryetari i Partisë Demokratike të Kosovës (PDK), Memli Krasniqi, është takuar sot me Presidenten e Republikës, Vjosa Osmani, në kuadër të konsultimeve të saj me liderët politikë për tejkalimin e ngërçit politik që ka bllokuar konstituimin e Kuvendit të Kosovës.
Pas takimit, Krasniqi theksoi gatishmërinë e PDK-së për të luajtur një rol konstruktiv në zgjidhjen e situatës, sidomos tani kur, sipas tij, ka më shumë qartësi pas aktgjykimit të fundit të Gjykatës Kushtetuese.
“Në këtë takim rikofirmova qëndrimin dhe gatishmërinë e PDK-së për të luajtur rolin tonë në gjetjen e një zgjidhjeje të krizës politike, sidomos tashmë që kemi edhe qartësi nga aktgjykimi i Gjykatës Kushtetuese, i cili ka bërë të qarta rolet e secilit,” u shpreh Krasniqi.
Ai theksoi përgjegjësinë që i takon koalicionit fitues të zgjedhjeve për të gjetur kompromis për zhbllokimin e Kuvendit.
“Në radhë të parë, të koalicionit që ka dalë i pari në zgjedhje, të cilin e ka detyruar, përveç tjerash, edhe për gjetjen e konsensusit apo kompromisit,” tha ai.
Krasniqi u shpreh se mbetet të shihet nëse takimet e tjera të paralajmëruara nga presidentja do të sjellin një ndryshim të qëndrimit nga Lëvizja Vetëvendosje dhe lideri i saj.
“Unë shpresoj që edhe këto konsultime të jenë në funksion të gjetjes së rrugëdaljes, por mbetet që takimet e tjera që i ka planifikuar presidentja të na qartësojnë nëse ka apo nuk ka një ndryshim të qëndrimit politik të VV-së dhe Kurtit, të cilët po vazhdojnë ta mbajnë të bllokuar konstituimin e Kuvendit,” deklaroi ai.
Krasniqi theksoi se aktgjykimi e ka bërë të paligjshme ndryshimin e rendit të ditës dhe mënyrës së votimit gjatë procesit të konstituimit.
“Aktgjykimi e ka bërë të palejueshëm ndryshimin e mënyrës së votimit në mes të procesit, sepse ka bërë të palejueshëm edhe ndryshimin e rendit të ditës. Rendi i ditës është ai që taksativisht është i shkruar edhe në Rregulloren e Kuvendit,” tha ai.
Kryetari i PDK-së përmbylli deklaratën e tij me një ftesë për t’u kthyer në respektimin e rendit të ditës dhe për të propozuar një kandidat që mund të marrë shumicën e nevojshme për konstituimin e Kuvendit.
“Ftesa jonë vazhdon të jetë e njëjta – që të kthehemi te pika e rendit të ditës që është zgjedhja e kryetarit të Kuvendit, të votohet në mënyrë të hapur dhe të sillet një propozim i një kandidati apo kandidateje që mund ta marrë shumicën e nevojshme për ta konstituar Kuvendin,” përfundoi Krasniqi.
Krasniqi, ka paralajmëruar se subjekti që ai drejton është i gatshëm të dërgojë një lëndë në Gjykatën Kushtetuese, nëse, sipas tij, vazhdojnë shkeljet që janë bërë në seancat e kaluara të Kuvendit të Kosovës.
“Unë besoj që këtë diskutim e kemi pasur herën e kaluar, por i takon presidentes të marrë një vendim të tillë. Unë nuk mund të them se a do ta dërgoj , unë mund t’ju them që PDK-ja tashmë e ka lëndën gati për shkelje kushtetuese që janë bërë në mënyrë të qëllimshme dhe të vetëdijshme në dy seancat e kaluara, e që mund të ndodhin përsëri nesër nëse nuk ndryshon qasja e Kryesuesit të seancës dhe e VV-së,” tha Krasniqi.
Aktualitet
Trump fiton “betejën” me CBS News, pas padisë do t’ia paguajë 16 milionë dollarë
Published
13 hours agoon
July 2, 2025By
UBT News
Kompania pronare e CBS News, Paramount, zgjidhi një padi të ngritur nga presidenti amerikan, Donald Trump në lidhje me një intervistë të transmetuar në tetor të vitit 2024.
CBS News është kompania e fundit mediatike që gjunjëzohet para padisë së presidentit për raportime e lajme të rreme. Paramount tha se do të paguajë 16 milionë dollarë për të zgjidhur padinë me paratë që shkojnë për bibliotekën presidenciale të Trump, e nuk do jepen Trumpit “drejtpërdrejt ose tërthorazi”.
“Zgjidhja nuk përfshin një deklaratë faljeje ose keqardhjeje”, shkruhej në deklaratën e kompanisë.
Trump ngriti padi prej 10 miliardë dollarësh kundër CBS në tetor, duke pretenduar se rrjeti modifikoi në mënyrë mashtruese një intervistë që u transmetua në programin, 60 Minutes me zëvendëspresidenten e atëhershme dhe kandidaten presidenciale Kamala Harris për të “anuar peshoren në favor të partisë Demokratike” në zgjedhje. Në një padi të riformuluar të paraqitur në shkurt, Trump e rriti kërkesën e tij për dëmshpërblim në 20 miliardë dollarë.
CBS transmetoi dy versione të intervistës së Harris në të cilat duket se jep përgjigje të ndryshme për të njëjtën pyetje në lidhje me luftën Izrael-Hamas, sipas padisë së ngritur në një gjykatë federale në Teksas. CBS më parë tha se padia ishte “plotësisht pa meritë” dhe i kishte kërkuar një gjyqtari ta rrëzonte çështjen.
Paramount tha se ra dakord që 60 Minutes do të publikonte transkripte të intervistave me kandidatët e ardhshëm presidencialë të SHBA-së pasi të transmetoheshin, në varësi të redaktimeve sipas kërkesës për shqetësime ligjore ose të sigurisë kombëtare. Çështja hyri në ndërmjetësim në prill.
Trump pretendoi se redaktimi i intervistës nga CBS shkeli Aktin e Mbrojtjes së Konsumatorit të Praktikave Tregtare Mashtruese të Teksasit, i cili e bën të paligjshme përdorimin e akteve të rreme apo mashtruese në tregti. Marrëveshja vjen ndërsa Paramount përgatitet për një bashkim prej 8.4 miliardë dollarësh me Skydance Media, i cili do të kërkojë miratim nga Komisioni Federal i Komunikimeve të SHBA-së.
Gjatë fushatës së vitit të kaluar, Trump kërcënoi se do të revokonte licencën e transmetimit të CBS nëse zgjidhet president.
Ai ka sulmuar vazhdimisht median e lajmeve, duke e cilësuar shpesh mbulimin e pafavorshëm si “lajme të rreme”.
Marrëveshja e Paramount vjen pas një vendimi të ABC News, në pronësi të Walt Disney, për të zgjidhur një padi për shpifje të ngritur nga Trump.
Si pjesë e kësaj marrëveshjeje, e cila u bë publike më 14 dhjetor, rrjeti dhuroi 15 milionë dollarë për bibliotekën presidenciale të Trump dhe kërkoi falje publikisht për komentet e prezantuesit George Stephanopoulos, i cili tha në mënyrë të pasaktë se Trump ishte shpallur fajtor për përdhunim.
Kjo vjen pas një marrëveshjeje të dytë nga kompania pronare e Facebook dhe Instagram, Meta Platforms, e cila më 29 janar tha se kishte rënë dakord të paguante 25 milionë dollarë për të zgjidhur padi nga Trump mbi pezullimin e llogarive nga kompania pas sulmit të 6 janarit 2021 në Kapitolin e SHBA-së.
Trump është zotuar të ngrejë më shumë padi kundër mediave që shpifin informacione për të.

Abdixhiku: LVV s’po e respekton aktgjykimin e Kushtetueses, do t’i drejtohemi sërish këtij institucioni

Anton Cena vazhdon ta bëjë krenare Kosovën, i fiton dy medalje në Amerikë

Tri aktorët që mbeten në garë për rolin e James Bond!

Danimarka merr vendimin historik, bën të detyrueshëm shërbimin ushtarak për gratë

Ambasada gjermane i përgjigjet Petkoviqit: Thirrjet për shtensionim duhet të vlejnë për të gjithë njëlloj

Abdixhiku në takim me presidenten Osmani

SGA me pagë rekorde në NBA

Krasniqi: PDK-ja e gatshme për zgjidhje politike

Trump fiton “betejën” me CBS News, pas padisë do t’ia paguajë 16 milionë dollarë
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT4 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës