Sport

Top dhjetë futbollistët më të shtrenjtë nën moshën 21-vjeçare në Premier League

Published

2 years ago

on

Premier League konsiderohet si liga më e fortë dhe më konkurruese në futbollin botëror aktualisht. Duke pasur parasysh presionin e menaxherëve për rezultate më të mira, nganjëherë mundësitë për lojtarët e rinj janë të kufizuara, por në anën tjetër ka një numër talentësh të cilët dita-ditës po zhvillohen mjaft shumë.

Në njoftimin e fundit të ‘Transfermarkt’, vlera e Premier League u rrit për 10.30 milionë euro, kështu duke e bërë kampionatin anglez më të shtrenjtin në botë momentalisht me një vlerë prej 11.15 miliardë eurosh në treg.

Por cilët janë dhjetë lojtarët më të vlefshëm nën moshën 21-vjeçare në Premier League?

  1. Jérémy Doku – Manchester City – 21 vjeç – 65 milionë euro:

Jérémy Doku u përshtat me stilin e lojës së Pep Guardiolas, duke fituar minuta direkt në krahun e majtë të sulmit te Manchester City, shpeshherë edhe para Jack Grealish. Ai madje barazoi një rekord në Premier League, duke regjistruar katër asistime në një ndeshje (6-1 kundër Bournemouth). Performanca e tij ka rënë paksa që nga fillimi i vitit, por kujtojmë që ai është në moshën 21-vjeçare dhe gjithmonë ka hapësirë për përmirësim në të ardhmen.

  1. Rasmus Højlund – Manchester United – 21 vjeç – 65 milionë euro:

Sulmuesi danez nuk arriti të shënonte në 11 ndeshjet e para të Premier League në vitin 2023, por forma e tij hasi ngritje në vitin 2024. Goli i tij i parë në kampionat erdhi pikërisht në fund të dhjetorit kundër Aston Villa-s, para se një dëmtim të pengonte rritjen dhe zhvillimin e tij. Højlund shënoi shtatë gola në gjashtë ndeshje kështu duke e mbyllur fuqishëm sezonin me ‘djajtë e kuq’ duke triumfuar në finalen e ‘FA Cup’ ndaj Manchester Cityt.

  1. Kobbie Mainoo – Manchester United – 19 vjeç – 50 milionë euro:

Në një sezon mjaft të dobët për Man United, padyshim një nga gjërat pozitive ishte sezoni i jashtëzakonshëm i mesfushorit të talentuar, Kobbie Mainoo. 19-vjeçari shënoi disa gola të rëndësishme gjatë këtij edicioni si dhe u ftua në skuadrën provizore të Anglisë për EURO 2024.

  1. Evan Ferguson – Brighton – 19 vjeç – 50 milionë euro:

Evan Ferguson doli në skenë sezonin e kaluar dhe shënoi gjashtë gola në Premier League në sezonin e tij debutues për Brighton. Në fillim të këtij sezoni, ai pati ngritje si dhe shënoi gjashtë gola në 11 paraqitje. Talenti irlandez ka tërhequr vëmendjen e shumë nga klubeve kryesore të Evropës. Megjithatë mungesa e minutazhës ka pësuar një rënie prej 10 milionë euro në tregun e transferimeve.

  1. Levi Colwill – Chelsea – 21 vjeç – 50 milionë euro:

Pavarësisht një sezoni tjetër të dobët për Chelsean, ku ‘Blutë’ përfunduan në vendin e gjashtë në Premier League duke pranuar 63 gola, Levi Colwill ka pasur një sezon pozitiv në aspektin profesional. Pas huazimit te Brighton, ai arriti të siguronte minuta në mbrojtjen e Chelseat ku bëri 23 paraqitje në ligë për Blues këtë sezon, si dhe bëri debutimin e tij për Kombëtaren e Anglisë në muajin tetor ndaj Australisë.

  1. Alejandro Garnacho – Manchester United – 19 vjeç – 45 milionë euro:

Kur Alejandro Garnacho shënoi golin e jashtëzakonshëm ndaj Evertonit në muajin nëntor, të gjithë te Manchesteri si dhe tifozët e futbolldashësit mbetën të habitur. Argjentinasi ashmë ka fituar çmimin e golit të muajit dhe është shpallur si një pretendent i fortë për golin e sezonit. Që atëherë, ai ka qenë një titullar i rregullt për skuadrën Ten Hag, dhe ka qenë një nga pikat e forta të Manchester Unitedit.

  1. Destiny Udogie – Tottenham – 21 vjeç – 45 milionë euro:

Pas huazimit të tij te Fiorentina sezonin e kaluar, jo shumë prisnin që Udogie të kishte një ndikim kaq të madh në ekipin e parë të Tottenhamit këtë sezon. Megjithatë mbrojtësi italian kontribuoi me dy gola dhe tri asistime gjatë këtij sezoni. Vlera e 21-vjeçarit në tregun e transferimeve u rrit për 5 milionë euro në muajin mars, por pas dëmtimit të tij ndaj Newcastle në prill të këtij viti, ai e mbylli sezonin më herët sesa që pritej.

  1. Jarrad Branthwaite – Everton – 21 vjeç – 42 milionë euro:

Evertoni e përfundoi sezonin 23/24 me mbrojtjen e katërt më të mirë në Premier League. Një nga meritorët për këtë statistikë ka qenë edhe Jarrad Branthwaite, i cili ka dhënë kontributin e tij në vijën e mbrojtjes. Ai është përfshirë në skuadrën provizore të Anglisë për EURO 2024 dhe shumë skuadra evropiane kanë shprehur interes për shërbimet e tij. Në njoftimin e fundit të ‘Transfermarkt’, shtatlarti anglez pati një rritje prej 12 milionë € në tregun e transferimeve.

  1. Pape Matar Sarr – Tottenham – 21 vjeç – 40 milionë euro:

Një tjetër lojtar me cilësi të mira në skuadrën e Tottenhamit këtë sezon. Mesfushori i talentuar senegalez ka shënuar tri gola dhe tri asistime në Premier League këtë sezon, dhe vlera e tij në tregun e transferimeve u rrit për 5 milionë euro, sipas njoftimit të fundit.

  1. Rico Lewis – Manchester City – 19 vjeç – 38 milionë euro:

Rico Lewis bëri debutimin e tij në kampionatin anglez në moshën 18-vjeçare në nëntor të vitit të kaluar kështu duke hasur në ngritje, falë pjesëmarrjes së vazhdueshme me ekipin e parë të Manchester Cityt. Lewis është futbollist i cili mund të mbulojë edhe pozitën e mesfushës përveç krahut të djtathtë të mbrojtjes. Ai është njëri ndër lojtarët e rinj më të vlerësuar në Evropë dhe shënoi një rritje prej 18 milionë € në përditësimin e vlerës së tij në treg në muajin dhjetor të vitit të kaluar./UBTNews/

Related Topics:
Continue Reading

Sport

BBC: James një përzgjedhje surprizë për ndeshjen All-Star të NBA-së

Published

19 hours ago

on

February 2, 2026

By

LeBron James është përzgjedhur për një ndeshje rekord të 22-të radhazi All-Star të NBA-së duke u emëruar midis rezervave nga Konferenca Perëndimore.

Ylli 41-vjeçar i Los Angeles Lakers nuk u zgjodh si titullar në janar, por ishte midis shtatë rezervave të zgjedhura nga secila prej Konferencave Lindore dhe Perëndimore nga trajnerët e NBA-së.

James, i cili humbi 14 ndeshjet e para të skuadrës së tij të fushatës 2025-26 për shkak të lëndimit, ka luajtur 31 herë këtë sezon dhe mesatarisht shënon 21.9 pikë për ndeshje.

“Nuk ishte një qëllim i imi që të hyja në sezon, të humbisja 14 ndeshjet e para dhe të thoja: “Në rregull, mund të jem një All-Star”, u tha James gazetarëve pasi luajti në humbjen 112-100 të Lakers kundër New York Knicks.

“Doja vetëm të kthehesha të luaja lojën në një nivel të lartë për të cilin e dija se isha i aftë, pasi të kisha hequr qafe ndryshkun e mungesës së ndeshjeve parasezonale, kampit stërvitor dhe stërvitjeve verore, të cilat nuk i kam bërë kurrë në të gjithë karrierën time”.

“Kështu që nuk mendova për All-Star Game, për të qenë i sinqertë”.

James u zgjodh për ndeshjen All-Star të NBA-së në vitin 2025, por nuk luajti sepse pësoi një dëmtim.

Kevin Durant, i cili luan për Houston Rockets, Devin Booker i Phoenix Suns dhe Anthony Edwards nga Minnesota Timberwolves u zgjodhën gjithashtu si rezerva të Konferencës Perëndimore.

Loja All-Star është ripërtërirë këtë sezon dhe do të përfshijë dy ekipe lojtarësh nga Shtetet e Bashkuara dhe një ekip lojtarësh ndërkombëtarë.

Ata do të garojnë në një turne me katër ndeshje 12-minutëshe. Dy ekipet e para do të përballen me njëra-tjetrën në një ndeshje kampionati.

 

Lojtarët titullarë të zgjedhur nga Konferenca Lindore:

Giannis Antetokounmpo – Milwaukee Bucks

Jaylen Brown – Boston Celtics

Jalen Brunson – New York Knicks

Cade Cunningham – Detroit Pistons

Tyrese Maxey – Philadelphia 76ers

Rezervat e përzgjedhura nga Konferenca Lindore:

Scottie Barnes – Toronto Raptors

Jalen Duren – Detroit Pistons

Jalen Johnson – Atlanta Hawks

Donovan Mitchell – Cleveland Cavaliers

Norman Powell – Miami Heat

Pascal Siakam – Indiana Pacers

Karl-Anthony Towns – New York Knicks

Lojtarët titullarë të përzgjedhur nga Konferenca Perëndimore:

Stephen Curry – Golden State Warriors

Luka Doncic – Los Angeles Lakers

Shai Gilgeous-Alexander – Oklahoma City Thunder

Nikola Jokic – Denver Nuggets

Victor Wembanyama – San Antonio Spurs

Rezervat e përzgjedhura nga Konferenca Perëndimore:

Deni Avdija – Portland Trail Blazers

Devin Booker – Phoenix Suns

Kevin Durant – Houston Rockets

Anthony Edwards – Minnesota Timberwolves

Chet Holmgren – Oklahoma City Thunder

LeBron James – LA Lakers

Jamal Murray – Denver Nuggets

Continue Reading

Sport

Zyrtare: Ademola Lookman transferohet te Atletico Madrid

Published

21 hours ago

on

February 2, 2026

By

Atletico Madrid ka mbyllur me sukses transferimin e Ademola Lookman nga Atalanta. Sulmuesi nigerian do të bashkohet me klubin spanjoll për shumën totale prej 40 milionë eurosh. Marrëveshja përfshin 35 milionë euro tarifë fikse dhe 5 milionë euro bonuse, ndërsa Atalanta ka pranuar kushtet pas vendimit të lojtarit për të zgjedhur Atleticon, duke refuzuar ofertën e Fenerbahçes në orët e fundit. Lookman ka rënë dakord për një kontratë afatgjatë me klubin madrilen. Atlético tashmë po planifikon udhëtimin dhe vizitat mjekësore për sulmuesin nigerian, përpara zyrtarizimit final të transferimit.

Burimi: Ekonomia Online

Continue Reading

Sport

Çfarë solli ligat Premier League gjatë vikendit?

Published

21 hours ago

on

February 2, 2026

By

Vikendi gjithmonë sjell emocione të forta futbolli. I tillë ishte edhe ky vikend në Premier League, ligën më të fortë të futbollit në botë:

Brighton 1–1 Everton

Ndeshje e balancuar, me të dyja ekipet që kërkonin rezultat pozitiv. Evertoni vazhdon formën solide në ndeshjet sy mysafir.

Leeds United 0–4 Arsenal

Arsenal dominues, duke marrë një fitore të thellë jashtë fushe. Leeds nuk gjeti dot ritmin përballë një Arsenali shumë efikas.

Wolves 0–2 Bournemouth

Bournemouth me një fitore të rëndësishme që forcon pozitat në tabelë.

Chelsea 3–2 West Ham

Derbi londinez me pesë gola. Chelsea fitoi ngushtë, por mori tre pikët e çmuara.

Liverpool 4–1 Newcastle United

Liverpool bindës me një performancë superiore. Newcastle me vështirësi serioze në mbrojtje.

Aston Villa 0–1 Brentford

Brentford fiton në transfertë me gol në kohën shtesë. Aston Villa nuk arriti të konkretizojë rastet. Një hap fals për ekipin që, me fitore, mund të zinte vendin e dytë në tabelë.

Manchester United 3–2 Fulham

Dramë në Old Trafford! United siguron fitoren me gol në minutat e fundit (90+4’).

Nottingham Forest 1–1 Crystal Palace

Pikë për secilën skuadër në një ndeshje të balancuar.

Tottenham 2–2 Manchester City

Ndeshje spektakolare me 4 gola. Spurs rikthehen dy herë në lojë dhe marrin një pikë të vlefshme.

 

    1. Arsenal           24        16        5          3          46        17        29        53
  2. Manchester City     24        14        5          5          49        23        26        47
  3. Aston Villa              24        14        4          6          35        26        9          46
  4. Manchester United 24      11         8          5          44        36        8          41
  5. Chelsea                    24        11        7          6          42        27        15        40
  6. Liverpool                24         11        6          7          39        33        6          39
  7. Brentford                24        11        3          10        36        32        4          36
  8. Fulham                   24        10        4          10        34        35        -1         34
  9. Everton                  24          9         7          8          26        27        -1         34
  10. Newcastle United 24         9         6          9          33        33        0          33
  11. Sunderland              23       8          9          6          24        26        -2         33
  12. AFC Bournemouth 24      8          9          7          40        43        -3         33
  13. Brighton                    24     7          10        7          34        32        2          31
  14. Tottenham Hotspur 24   7           8          9          35        33        2          29
  15. Crystal Palace           24    7           8          9          25        29        -4         29
  16. Leeds United            24    6          8          10        31        42        -11       26
  17. Nottingham Forest 24    7           5          12        24        35        -11       26
  18. West Ham United   24    5           5          14        29        48        -19       20
  19. Burnley                      23   3          6          14        25        44        -19       15
  20. Wolves                       24   1          5          18        15        45        -30       8

Continue Reading

Sport

Mbrëmje vendimtare në Ligën e Kampionëve, sot mbyllet faza e ligës

Published

6 days ago

on

January 28, 2026

By

Sonte zhvillohet xhiroja e fundit e fazës së ligës në UEFA Champions League për sezonin 2025/26, përkatësisht xhiro e tetë, ku të gjitha ndeshjet luhen njëkohësisht dhe përcaktojnë fatin përfundimtar të skuadrave në këtë fazë të re të garës.

36 ekipe janë pjesë e një renditjeje të vetme, pa grupe tradicionale. Secila skuadër ka zhvilluar nga shtatë ndeshje dhe takimet e sotme janë vendimtare për pozicionimin final në tabelë. Tetë skuadrat e para sigurojnë kualifikim direkt në fazën e 1/8 së finales, ndërsa ekipet e renditura nga pozita e nëntë deri në të 24-tën kalojnë në play-offet e fazës nokaut.

Programi i sotëm përfshin disa përballje të mëdha dhe shumë të pritura, si Ajax–Olympiacos, Arsenal–Kairat, Barcelona–Copenhagen, Benfica–Real Madrid, Manchester City–Galatasaray, PSV Eindhoven–Bayern Munich, Liverpool–Qarabağ, Eintracht Frankfurt–Tottenham, Dortmund-Inter, Manchester City – Galatasaray, Napoli – Chelsea, PSG – Newcastle, Paris Saint-Germain–Newcastle United, krahas ndeshjeve të tjera që ndikojnë drejtpërdrejt në renditjen përfundimtare.

Pas përfundimit të kësaj xhiroje, sot në mbrëmje zyrtarizohet renditja finale e fazës së ligës, ndërsa më 30 janar UEFA do të hedhë shortin për play-offet e fazës nokaut, ku do të përballen skuadrat e renditura nga vendi i nëntë deri në të 24-tin.

Continue Reading

Të kërkuara